પશ્ચિમ બંગાળમાં ગઈકાલે બીજા તબક્કાના મતદાન વખતે અનેક બૂથો પર તણાવપૂર્ણ વાતાવરણ સર્જાયું હતું, જેમાં 77 બૂથો પર હિંસક અને મારમારીની ઘટનાઓ બની હતી. હવે ભાજપે આ 77 બૂથો પર ફરી મતદાન યોજવાની ચૂંટણી પંચ સમક્ષ માંગ કરી છે. ચૂંટણી પંચ ભાજપની માંગ પર ગુરુવારે નિર્ણય લઈ શકે છે. TMCના મહાસચિવ અભિષેક બેનરજી ડાયમંડ હાર્બરના સાંસદ છે, ત્યારે ભાજપે જે 77 બૂથો પર ફેર મતદાનની માંગ કરી છે, તેમાંથી 64 બૂથ ડાયમંડ હાર્બર શહેરનાં છે.

ભારતીય રૂપિયો ડોલર સામે 95ના સ્તરને પાર કરી જતાં ભારત હવે પોતાની આર્થિક સુરક્ષા માટે સજાગ થયું છે. RBIએ BRICS દેશો સાથે મળીને નવી ડિજિટલ પેમેન્ટ સિસ્ટમ વિકસાવવાનો પ્રસ્તાવ રજૂ કર્યો છે. આ નવી પેમેન્ટ સિસ્ટમનો ઉદ્દેશ્ય પશ્ચિમી દેશો દ્વારા લાદવામાં આવતા પ્રતિબંધો અને અમેરિકી ડોલરની અસ્થિરતાના પ્રભાવને ઓછો કરવાનો છે. આ ફ્રેમવર્ક હેઠળ BRICS દેશો (બ્રાઝિલ, રશિયા, ભારત, ચીન, દક્ષિણ આફ્રિકા, ઇજિપ્ત, ઇથોપિયા, ઇન્ડોનેશિયા, ઇરાન અને UAE) સીમા-પારના વ્યવહારો સ્થાનિક ચલણમાં જ પતાવશે. આનાથી ડોલરમાં કન્વર્ટ કરવાની ફી બચશે અને પશ્ચિમી બેંકો પરની નિર્ભરતા ઘટશે.

સુપ્રીમ કોર્ટે 15 વર્ષની દુષ્કર્મ પીડિતાના 30 અઠવાડિયાના ગર્ભપાત મામલે સુનાવણી કરતા માનવીય સંવેદનાઓને સ્પર્શે તેવું વલણ અપનાવ્યું છે. AIIMS દ્વારા દાખલ કરવામાં આવેલી ક્યુરેટિવ પિટિશન પર સુનાવણી દરમિયાન કોર્ટે સ્પષ્ટ કર્યું હતું કે, કોઈ પણ સ્ત્રી પર અનિચ્છનીય ગર્ભાવસ્થા થોપી શકાય નહીં. ચીફ જસ્ટિસ સૂર્યકાંત અને જસ્ટિસ જોયમાલ્યા બાગચીની બેન્ચે જણાવ્યું હતું કે પીડિતા પોતે એક બાળકી છે. જે ઉંમરે તેણે ભણવું જોઈએ, તે ઉંમરે તેને મા બનવા માટે મજબૂર કરવામાં આવી રહી છે. તેણે જે પીડા અને અપમાન સહન કર્યું છે તેની કલ્પના કરો. કોર્ટે ભારપૂર્વક કહ્યું કે અંતિમ નિર્ણય પીડિતા અને તેના માતા-પિતાનો જ હોવો જોઈએ.

ભારત અને નેપાળ વચ્ચેના મૈત્રીપૂર્ણ સંબંધોમાં ખટાશ ઊભી કરી શકે તેવી એક ઘટનામાં, નેપાળની રાષ્ટ્રીય એરલાઈન્સ (Nepal Airlines) એ ભારતના અભિન્ન અંગ એવા જમ્મુ-કાશ્મીર અને લદ્દાખને પાકિસ્તાનના નકશામાં દર્શાવ્યા છે. નેપાળ એરલાઈન્સે તેના ઓફિશિયલ સોશિયલ મીડિયા હેન્ડલ પર એક પ્રમોશનલ ગ્રાફિક અથવા રૂટ મેપ શેર કર્યો હતો. આ નકશામાં ભારતીય સરહદોનું ખોટું ચિત્રણ કરવામાં આવ્યું હતું. સૌથી વધુ વાંધાજનક બાબત એ હતી કે, કેન્દ્રશાસિત પ્રદેશ જમ્મુ-કાશ્મીર અને લદ્દાખના વિસ્તારોને ભારતના બદલે પાકિસ્તાનના ભૂ-ભાગ તરીકે દર્શાવવામાં આવ્યા હતા.

૧ મે, ૨૦૨૬થી દેશમાં અનેક આર્થિક ફેરફારો અમલી બનશે, જેની સીધી અસર સામાન્ય જનતાના બજેટ પર પડશે. ઓઈલ કંપનીઓ LPG, CNG અને ATFના નવા ભાવ જાહેર કરશે, જેમાં ફેરફારની શક્યતા છે. SBI કાર્ડધારકો માટે લેટ પેમેન્ટ ચાર્જ અને એન્યુઅલ ફીના નિયમો બદલાશે. આ ઉપરાંત, ઓનલાઇન ગેમિંગ માટે નવા સરકારી નિયમો લાગુ થશે અને બેન્ક ગ્રાહકો માટે e-KYC પૂર્ણ કરવાની અંતિમ તારીખ હોવાથી તે અપડેટ કરાવવું અનિવાર્ય બનશે, અન્યથા નાણાકીય વ્યવહારો અટકી શકે છે.

આજે સવારે બજાર ખુલતાની સાથે જ સેન્સેક્સ અને નિફ્ટીમાં મોટું ધોવાણ જોવા મળ્યું હતું. મળેલી વિગતો અને લેટેસ્ટ ડેટા મુજબ સેન્સેક્સ 927.83 પોઈન્ટ (1.20%) ગબડીને 76,568.53 ના સ્તર પર ટ્રેડ કરી રહ્યો હતો. બજાર 77,014.21 ના સ્તરે ખુલ્યા બાદ સતત નીચે ગયું હતું. જ્યારે નિફ્ટી 50 માં પણ 286.70 પોઈન્ટ (1.19%) નો ઘટાડો જોવા મળ્યો છે. નિફ્ટી અત્યારે 23,890.95 ના સ્તર પર આવી ગઈ છે. શેરબજારમાં આજે આવેલા આ પ્રચંડ ઘટાડા પાછળ કેટલાક વૈશ્વિક અને આર્થિક પરિબળો જવાબદાર છે. અમેરિકા અને ઈરાન વચ્ચે શાંતિ વાર્તામાં પડેલા ગતિરોધને કારણે રોકાણકારોમાં ચિંતા વધી છે.

પાંચ રાજ્યોમાં ચૂંટણી સંપન્ન. 4 મેના રોજ પરિણામો. 51 દિવસના પ્રચારમાં અનેક memorable moments. PM મોદીએ બંગાળમાં ઝાલમુડીનો સ્વાદ માણ્યો, મમતાએ સ્કૂટી ચલાવી. રાહુલ ગાંધી કેરળમાં સાયકલ અને બસમાં ફર્યા.

ન્યૂયોર્કના મેયર જોહરાન મમદાની ફરી એકવાર પોતાના નિવેદનને કારણે આંતરરાષ્ટ્રીય સ્તરે ચર્ચામાં આવ્યા છે. હાલમાં જ બ્રિટનના રાજા કિંગ ચાર્લ્સ III અને ક્વીન કેમિલા ન્યૂયોર્કની મુલાકાતે છે, જ્યાં મેમોરિયલ પર શ્રદ્ધાંજલિ અર્પણ કરવા દરમિયાન મેયર મમદાનીએ કોહિનૂર હીરાનો મુદ્દો ઉઠાવશે તેવું જણાવ્યું હતું. એક પ્રેસ કોન્ફરન્સ દરમિયાન મમદાનીએ સ્પષ્ટ શબ્દોમાં જણાવ્યું કે, જો તેમને કિંગ ચાર્લ્સ સાથે અંગત વાતચીત કરવાની તક મળશે, તો તેઓ ભારતનો અમૂલ્ય 'કોહિનૂર' હીરો પરત કરવાની માંગ કરશે. તેમણે ઉમેર્યું કે, "કોહિનૂર માત્ર એક પથ્થર નથી, પરંતુ તે ભારતના ગૌરવશાળી ઈતિહાસ અને બ્રિટિશ શાસન દરમિયાન થયેલા શોષણનું પ્રતીક છે."

3 મે, 2026 ના રોજ દેશભરમાં 22.79 લાખ વિદ્યાર્થીઓ NEET પરીક્ષા આપશે, જેમાં રાજકોટના 4,176 વિદ્યાર્થીઓ ભાગ લેશે. તે જ દિવસે, ધોરણ 9-10 માં શિક્ષક બનવા માટે TAT સેકન્ડરી પ્રિલીમ્સ પરીક્ષા યોજાશે, જેમાં રાજકોટના 33,303 ઉમેદવારો પરીક્ષા આપશે. બંને પરીક્ષાઓમાં Negative Marking ની સિસ્ટમ અમલમાં રહેશે.

મોરબીમાં લિફ્ટ માગવાના બહાને મોબાઈલ વેપારીને છરી બતાવી લૂંટનાર કુલદિપસિંગ ઉર્ફે કાલી ઝડપાયો. તેની પાસેથી લૂંટાયેલું બાઇક અને 10 હજાર રોકડ કબજે કરાયા. આરોપી અગાઉ પાનની દુકાનમાંથી પણ 30 હજાર ચોરી ચૂક્યો છે.

સુરત ફૂડ વિભાગે આઈસ્ક્રીમ અને ઘીના સેમ્પલ લીધા હતા. કેટલાક ઘીના સેમ્પલ 'અનસેફ' અને 'સબસ્ટાન્ડર્ડ' જાહેર થયા, જેમાં બીટા સીટોસ્ટોરેલની હાજરી મળી. આઈસ્ક્રીમના સેમ્પલમાં પણ દૂધમાં ફેટનું પ્રમાણ ઓછું હોવાથી તે સબસ્ટાન્ડર્ડ જાહેર કરાયા. સંચાલકો સામે કાર્યવાહી શરૂ.

રાજસ્થાનના અલવર નજીક બુધવારે મોડી રાત્રે દિલ્હી-મુંબઈ એક્સપ્રેસ-વે પર એક ભયાનક અકસ્માત થયો, જેમાં વૈષ્ણોદેવીથી પરત ફરી રહેલા પરિવારના 5 સભ્યો ચાલતી કારમાં આગ લાગવાથી જીવતા ભૂંજાયા. કાર ચાલક ગંભીર રીતે દાઝી ગયો છે.

મહેસાણાના વિજાપુરમાં ગ્રામ સેવકને પ્રધાનમંત્રી આવાસ યોજનાનો હપ્તો પાસ કરવા માટે ₹5,000ની લાંચ લેતા ACBએ રંગેહાથ ઝડપી પાડ્યો. આ ભ્રષ્ટાચારના કિસ્સાથી અન્ય સરકારી કર્મચારીઓમાં ફફડાટ ફેલાયો છે.

પાલનપુરમાં પ્રેમી યુવકના ફોટા વાયરલ કરવાની ધમકીથી કંટાળી પરિણીતાએ 10 ઝેરી ગોળીઓ ખાઈ આત્મહત્યાનો પ્રયાસ કર્યો. બે શખ્સો દ્વારા બ્લેકમેઈલ અને ધમકીઓથી મહિલા માનસિક તણાવમાં આવી ગઈ હતી.

ગુજરાત સ્થાનિક સ્વરાજ્યની ચૂંટણીમાં ભાજપના શાનદાર વિજયની ગુંજ દિલ્હી સુધી સંભળાઈ છે. વડાપ્રધાન મોદી અને અમિત શાહ પ્રત્યક્ષ રીતે પ્રચારથી દૂર હોવા છતાં દરેક પળની વિગતો મેળવી રહ્યા હતા, જ્યારે દિલ્હી ભાજપ કાર્યાલયમાં વિજય ઉત્સવ મનાવાયો હતો. બીજી તરફ, રાષ્ટ્રીય સ્તરે કોંગ્રેસની નિષ્ક્રિયતાને કારણે મળેલી હારથી ગાંધી પરિવારમાં કોઈ આશ્ચર્ય જોવા મળ્યું નથી. મુશ્કેલીઓમાં ઘેરાયેલા અરવિંદ કેજરીવાલ આમ આદમી પાર્ટીના નબળા દેખાવથી નિરાશ થયા છે અને તેમણે માત્ર અંગત સાથીઓ સાથે જ મંત્રણા કરી છે.

પશ્ચિમ બંગાળ સહિતના રાજ્યોની ચૂંટણીના એક્ઝિટ પોલ જાહેર થયા છે, જેની વિશ્વસનીયતા હંમેશા શંકાના દાયરામાં રહી છે. ૨૦૨૪ની લોકસભા અને હરિયાણા જેવી તાજેતરની ચૂંટણીઓમાં એક્ઝિટ પોલના તારણો ખોટા સાબિત થયા છે. ૨૦૨૧માં બંગાળ અને આસામની ચૂંટણી વખતે પણ પોલ દ્વારા ભાજપ અને એનડીએના પ્રદર્શન અંગે કરાયેલી આગાહીઓ અને વાસ્તવિક પરિણામો વચ્ચે મોટો તફાવત જોવા મળ્યો હતો. આમ, ૪થી મેના રોજ આવનારા સચોટ પરિણામો પહેલા એક્ઝિટ પોલ માત્ર સંભવિત ચિત્ર રજૂ કરે છે, પરંતુ તે અંતિમ સત્ય હોતા નથી.

ભારત પડોશીઓ સાથે નિર્ણાયક સંબંધો બનાવી રહ્યું છે. પ્રાદેશિક રાજકારણની ગતિશીલતા વચ્ચે, ભારતે સંવાદ, વ્યૂહરચના અને શક્તિ સંતુલન દ્વારા સ્થાન મજબૂત કર્યું છે. ચીન, નેપાળ, બાંગ્લાદેશ અને શ્રીલંકા સાથેના સંબંધોમાં સહયોગ અને સ્થિરતા પર ભાર મૂકવામાં આવી રહ્યો છે.

હિંમતનગરના નવા બળવંતપુરા ગામે વરઘોડામાં ડાન્સ કરવા બાબતે થયેલી બોલાચાલીએ હિંસક સ્વરૂપ ધારણ કરતા બંને પક્ષો વચ્ચે સામસામે લાકડીઓ અને ઈંટો વડે હુમલો થયો હતો. આ વિખવાદમાં રણજીતસિંહ પરમાર અને શોભનાબા ઝાલાના પરિવારોએ એકબીજા પર મારપીટ અને જાનથી મારી નાખવાની ધમકી આપવાના આક્ષેપો કર્યા છે. આ અથડામણમાં કુલ પાંચ લોકોને ઈજાઓ પહોંચી હતી. હિંમતનગર એ. ડિવિઝન પોલીસે બંને પક્ષોની ફરિયાદના આધારે આઠ શખ્સો વિરુદ્ધ ગુનો નોંધી કાયદેસરની તપાસ હાથ ધરી છે.

પ્રાંતિજ તાલુકાના જેનપુર ગામે મામેરાના પ્રસંગમાં આઈશરમાં બેસવા બાબતે થયેલી નજીવી બોલાચાલી હિંસક ઝઘડામાં પરિણમી હતી. ગત ૨૭ એપ્રિલે કૌટુંબિક સભ્યો વચ્ચે થયેલા વિખવાદમાં ચાર શખ્સોએ મહિપાલસિંહ અને તેમના પરિવારજનો પર લાકડીઓ વડે હુમલો કરી ઈજાઓ પહોંચાડી હતી. હુમલાખોરોએ જાનથી મારી નાખવાની ધમકી પણ આપી હતી. આ અંગે નિર્મલાબા ઝાલાની ફરિયાદના આધારે પ્રાંતિજ પોલીસે ધીરૂસિંહ ઝાલા સહિત ચાર શખ્સો વિરુદ્ધ ગુનો નોંધી કાયદેસરની કાર્યવાહી હાથ ધરી છે. આ ઘટનાથી ગામમાં ચકચાર મચી ગઈ છે.

યુનાઈટેડ આરબ અમીરાત (UAE) દ્વારા ઓપેક (OPEC) સંગઠન છોડવાના નિર્ણય છતાં ક્રૂડ તેલના ભાવ પ્રતિ બેરલ ૧૧૧ ડોલરની આસપાસ ઊંચા રહેવાની શક્યતા છે. પશ્ચિમ એશિયામાં હોર્મુઝ ખાડી બંધ થવાને કારણે પુરવઠામાં અવરોધ, ભૌગોલિક રાજકીય જોખમો અને જહાજોની અછત જેવી સ્થિતિમાં આ ભાવમાં તાત્કાલિક ઘટાડો નહીં થાય તેમ બજારના વર્તુળો માને છે. અખાત સિવાયના દેશોમાં નીચું રોકાણ અને વૈશ્વિક સ્તરે તેલની જળવાયેલી માંગ પણ ભાવ વધારાને ટેકો આપી રહી છે, જે લાંબા ગાળે બજારને અસર કરશે.

ગુજરાત રાજ્યમાં પ્રોહિબિશન કાયદાના પાલન માટે અમદાવાદ ગ્રામ્ય પોલીસ સક્રિય છે. LCB ટીમે બાવળા સાણંદ ચોકડી પાસેથી ક્રેટા કારમાંથી ભારતીય બનાવટનો વિદેશી દારૂ અને બીટર ટીન, કુલ 3828 નંગ, અંદાજે રૂ. 4,12,200ના મુદ્દામાલ સાથે ઝડપી પાડ્યો. આરોપી રાજસ્થાનનો રહેવાસી છે.

વર્ષ ૨૦૨૫માં વૈશ્વિક વાહન બજારના વિકાસમાં એશિયા-પેસિફિક ક્ષેત્ર, ખાસ કરીને ભારત અને ચીન મુખ્ય ચાલક બળ તરીકે ઉભરી આવ્યા છે. ઇન્ટરનેશનલ ઓર્ગેનાઇઝેશન ઓફ મોટર વ્હીકલ મેન્યુફેક્ચરર્સ અનુસાર, વૈશ્વિક ઉત્પાદન અને વેચાણમાં અનુક્રમે ૩.૯% અને ૪.૭% નો વધારો થયો છે. જોકે, આ વૃદ્ધિ સમાન નથી; એશિયામાં ઉત્પાદનમાં ૭.૬% નો નોંધપાત્ર ઉછાળો જોવા મળ્યો છે, જ્યારે યુરોપ અને અમેરિકાના ઉત્પાદનમાં ઘટાડો નોંધાયો છે. આ આંકડા સ્પષ્ટ કરે છે કે ઓટોમોબાઈલ ક્ષેત્રે પશ્ચિમી દેશોની સરખામણીએ એશિયાઈ દેશો વર્ચસ્વ જમાવી રહ્યા છે.

આંતરરાષ્ટ્રીય સ્તરે ઈરાન-અમેરિકાની મડાગાંઠ અને યુ.એ.ઈ.ના ઓપેકમાંથી બહાર નીકળવા છતાં, ક્રૂડ ઓઈલના વધતા ભાવ વચ્ચે ભારતીય શેરબજારમાં આજે જોરદાર તેજી જોવા મળી હતી. રિલાયન્સ અને આઈટીસી જેવા શેરોમાં ફંડોની ખરીદી તેમજ મારૂતિ સુઝુકીના સારા ડિવિડન્ડને કારણે બજાર ઉચકાયું હતું. આઈટી અને મેટલ શેરોમાં પણ ઉત્સાહ જોવા મળ્યો હતો, જોકે પાવર શેરોમાં નફો બુક થયો હતો. સેન્સેક્સ ૬૦૯ પોઈન્ટ વધીને ૭૭,૪૯૬ પર અને નિફ્ટી ૧૮૧ પોઈન્ટના ઉછાળા સાથે ૨૪,૧૭૭ પર બંધ રહ્યો હતો.

રાધનપુરમાં પૈસાની લેતી દેતી બાબતે આધેડે ઝરી દવા ગટગટાવી જીવન ટૂંકાવ્યું હોવાની ચકચારી ઘટના સામે આવી છે.જે બનાવે મૃતક ની પત્નીએ ઉછીના પૈસા લઈ જઈ પરત ન આપતા અને પૈસાની માંગણી કરતા ખોટા કેસમાં ફ્સાવી દેવાની વારંવાર ધમકી આપનાર બે મહિલા સહિત કુલ 4 વિરુદ્ધ રાધનપુર પોલીસ મથકે ફરિયાદ નોંધાવી વધુ તપાસ ની માંગણી કરી છે.

પાટણ જિલ્લામાં વધુ એક બોગસ તબીબને ગેરકાયદે દવાખાનું ચલાવી લોકોના આરોગ્ય સાથે ચેડા કરતાં ઉઘાડપગા તબીબને રૂપિયા પાંચ હજાર ઉપરાંતના મુદામાલ સાથે પાટણ સ્પેશિયલ ઓપરેશન ગ્રુપની ટીમે હારીજ તાલુકાના અડિયા ગામેથી ઝડપી લઈને વધુ તપાસ માટે હારીજ પોલીસ મથકે કાયદેસરની કાર્યવાહી કરી હતી.

કચ્છના દરિયા કિનારે, જખૌ મરીન પોલીસને પેટ્રોલિંગ દરમિયાન ખીદરતપીર ટાપુ નજીક શંકાસ્પદ નશીલા પદાર્થના 10 બિનવારસી પેકેટ મળ્યા. આ જથ્થો જપ્ત કરી વધુ તપાસ હાથ ધરાઈ છે, સુરક્ષા એજન્સીઓ સતર્ક છે.

પશ્ચિમ બંગાળમાં બીજા તબક્કાના મતદાન દરમ્યાન થયેલી હિંસા સૂચવે છે કે તૃણમૂલ કોંગ્રેસના કાર્યકરો લશ્કરને પણ ગાંઠતા નથી. 4 મે સુધીમાં એન્ટિ-ઇન્કમબન્સી ફેક્ટરનો સામનો મમતા કેવી રીતે કરી શક્યાં તે જાણી શકાશે.

ફેબ્રુઆરીમાં અમેરિકા-ઈરાન યુદ્ધ શરૂ થયા બાદ હોર્મુઝની ખાડીમાં જહાજોની અવરજવર અટકી પડી હતી, પરંતુ તાજેતરમાં ૧.૩૫ લાખ ઘનમીટરની ક્ષમતા ધરાવતું પ્રથમ LNG ટેન્કર આ ખાડી પાર કરી ભારત નજીક પહોંચ્યું છે. આ જહાજે હોર્મુઝ પાર કરવા માટે સંભવતઃ પોતાનું સિગ્નલ બંધ કરવાની પદ્ધતિ અપનાવી હતી, જેથી તે રાડારમાં પકડાયા વિના સલામત રીતે નીકળી શક્યું. યુદ્ધના લાંબા ગાળા બાદ આ સફળતા મળતા હવે તે ભારત પહોંચવાની તૈયારીમાં છે, જે ઉર્જા પુરવઠા માટે મહત્વના સંકેત આપે છે.

બોમ્બે હાઈકોર્ટે મહત્વના ચુકાદામાં જણાવ્યું છે કે વીમા કંપનીઓ સ્વાસ્થ્ય વીમાના દાવા દાખલ કરવા માટે કોઈ સમયમર્યાદા લાદી શકે નહીં. યુનાઈટેડ ઈન્શ્યોરન્સ કંપનીએ ૯૦ દિવસની મર્યાદા પૂરી થયાનું જણાવી દાવો નકાર્યો હતો, જેને કોર્ટે ગેરકાયદેસર અને ભારતીય કરાર અધિનિયમની કલમ ૨૮(બી) વિરુદ્ધ ગણાવ્યો છે. હાઈકોર્ટે કંપનીને વીમાધારક દંપતીના રૂ. ૧.૧૩ લાખના ક્લેમ ચૂકવવાનો આદેશ આપી સ્પષ્ટ કર્યું કે નિર્ધારિત સમય પૂરો થવાથી પોલિસીધારકના અધિકારો ખતમ થતા નથી. આ ચુકાદો વીમાધારકો માટે મોટી રાહત સમાન છે.

નોર્થ કેરોલિનાના શ્રમ કમિશનર લ્યુક ફાર્લેએ H-1B અને E-3 વિઝા હેઠળના વિદેશી કામદારો માટે લઘુત્તમ વેતનના નિયમો વધારવાના ટ્રમ્પ વહીવટીતંત્રના પ્રસ્તાવને સમર્થન આપ્યું છે. તેમનું માનવું છે કે વિદેશી વિઝા કાર્યક્રમોને કારણે અમેરિકન કામદારોની નોકરીઓ અને વેતનમાં ઘટાડો થાય છે. આ ફેરફારથી H-1B વિઝા પર નિર્ભર ભારતીય પ્રોફેશનલ્સને મોટો આર્થિક ફટકો પડી શકે છે. આ નવા નિયમોનો હેતુ અમેરિકન કામદારોના હિતોનું રક્ષણ કરવાનો અને વિદેશી શ્રમના કારણે થતા વેતન કાપને અટકાવવાનો છે, જેની સીધી અસર ભારતીય આઈટી ક્ષેત્ર પર પડશે.