છોટાઉદેપુર જિલ્લાના ધોરણ 10 અને 12ના વિદ્યાર્થીઓ તથા યુવાનોને સ્પર્ધાત્મક પરીક્ષાઓની તૈયારી માટે યોગ્ય દિશા અને નિષ્ણાતોનું માર્ગદર્શન મળે તેવા ઉદ્દેશ્યથી બોડેલીના બી.એ.પી.એસ. સ્વામિનારાયણ મંદિર ખાતે શિક્ષણશાસ્ત્રી ડો. તનુ જૈનના અધ્યક્ષસ્થાને એક પ્રેરણાદાયી સેમિનાર યોજાયો. આ સેમિનારમાં વિદ્યાર્થીઓને UPSC, GPSC જેવી પરીક્ષાઓની પદ્ધતિસરની તૈયારી, સમય વ્યવસ્થાપન, સકારાત્મક અભિગમ અને માનસિક દ્રઢતા અંગે સરળ અને અસરકારક શૈલીમાં માર્ગદર્શન આપવામાં આવ્યું.

કરજણ તાલુકાના હાડોદ, ઓસલામ અને આલમપુરા ગામોમાં રૂ. 37 લાખના કુલ ખર્ચે નવનિર્મિત ત્રણ આંગણવાડી કેન્દ્રોના મકાનોનું લોકાર્પણ કરજણ-શિનોરના ધારાસભ્ય અક્ષય પટેલ દ્વારા કરવામાં આવ્યું. આ આંગણવાડીઓ અંતરિયાળ વિસ્તારોમાં બાળ શિક્ષણ અને વિકાસને સુદૃઢ બનાવશે. હવે ભૂલકાઓ નવા અને સુવિધાસભર મકાનોમાં પ્રાથમિક શિક્ષણ, પોષણ અને સર્વાંગી વિકાસ માટેની પ્રવૃત્તિઓ સાથે રમતગમતની સુવિધાઓનો લાભ લઈ શકશે. આ પહેલ ગરીબ અને મધ્યમ વર્ગના પરિવારોના બાળકો માટે ખુબ ઉપયોગી થશે.

ડભોઈના પલાસવાડા ખાતે રેલવે ફાટક પર બની રહેલા નવા રેલવે ઓવરબ્રિજ (ROB) ની કામગીરી પૂરજોશમાં ચાલી રહી છે, જેનાથી સ્થાનિકો અને પ્રવાસીઓને રાહત મળશે. વર્ષોથી ટ્રાફિકની સમસ્યાનો સામનો કરી રહેલા આ માર્ગ પર બ્રિજનું નિર્માણ કાર્ય ઝડપથી આગળ વધતાં, ટૂંક સમયમાં ટ્રાફિક જામમાંથી મુક્તિ મળશે. દિવસ દરમિયાન ટ્રેનો પસાર થવાને કારણે ફાટક વારંવાર બંધ રહેતું, જેનાથી લાંબી કતારો લાગતી હતી. આ માર્ગ સ્ટેચ્યુ ઓફ યુનિટી, ચાણોદ, કરનાળી, પોઇચા અને વઢવાણા તળાવ જેવા પ્રખ્યાત સ્થળોએ જવા માટે પણ મુખ્ય છે. નિર્માણ પૂર્ણ થતાં મુસાફરી સરળ, ઝડપી અને સુરક્ષિત બનશે.

મોરવા હડફ્ તાલુકાના મોરા ગામના મુખ્ય માર્ગ પરના ગેરકાયદેસર અને નડતરરૂપ દબાણોને તંત્ર દ્વારા બીજા દિવસે સફળતાપૂર્વક દૂર કરવાની કામગીરી પૂર્ણ કરવામાં આવી છે. આ દબાણો હટાવવાની કાર્યવાહીને લઈને ગામમાં ઉત્તેજનાભર્યો માહોલ જોવા મળ્યો હતો. 150થી વધુ દબાણકર્તાઓને નોટિસ આપ્યા બાદ, પોલીસ બંદોબસ્ત સાથે પ્રાંત અધિકારી, મામલતદાર અને માર્ગ મકાન વિભાગ દ્વારા આ કામગીરી હાથ ધરવામાં આવી હતી. મુખ્ય માર્ગની મધ્યથી 15 મીટરની મર્યાદામાં બાંધેલા ઓટલા, શેડ અને કાચા દબાણો જેસીબી મશીનની મદદથી દૂર કરવામાં આવ્યા છે.

ગરબાડા તાલુકાના ગાંગરડી ગામે એગ્રી બિઝનેસ સેન્ટરમાં ખેડૂતો પાસેથી યુરિયા ખાતરની બેગ દીઠ છાપેલી કિંમત ₹266 કરતાં ₹300 વસૂલવાનો મામલો પ્રકાશમાં આવ્યો છે. ખેડૂતોને ₹20નું નાનું અન્ય ખાતરનું પડીકું ફરજિયાત આપવામાં આવે છે, જે તેઓને ન જોઈતું હોય તો પણ છૂટા રૂપિયા ન હોવાનું કહીને સાથે જ અપાય છે. હાલ ખેતીની સિઝનમાં યુરિયાની ખાસ જરૂરિયાત હોવાથી લાંબી લાઈનો લાગે છે. આ સમયે નિર્ધારિત કિંમત કરતાં વધુ રકમ લેવાતા ખેડૂતોમાં ભારે નારાજગી છે. ખેડૂતોએ કૃષિ વિભાગને તપાસ કરી કાર્યવાહી કરવાની માંગ કરી છે.

નસવાડી : પૂર્વ વડાપ્રધાન સ્વ. રાજીવ ગાંધીજીની જન્મજયંતિ નિમિત્તે નસવાડી તાલુકા કોંગ્રેસ દ્વારા વૃક્ષારોપણ કાર્યક્રમ યોજી ઉજવણી કરવામાં આવી હતી.આ પ્રસંગે કોંગ્રેસના કાર્યકરો અને આગેવાનોએ વૃક્ષારોપણ કરી પર્યાવરણના જતનનો સંદેશ આપ્યો હતો. સાથે જ રોપવામાં આવેલા વૃક્ષોની નિયમિત સંભાળ અને જતન કરવાની પ્રતિજ્ઞા લેવામાં આવી હતી.કાર્યક્રમમાં નસવાડી તાલુકા કોંગ્રેસના આગેવાનો, કાર્યકરો તથા પક્ષના હોદ્દેદારો ઉપસ્થિત રહ્યા હતા.

ડભોઈ : ડભોઇ તાલુકાના થુવાવીPHCખાતે સેજા કશ્રાના તૃતીય પોષણ ઉત્સવ-2026 અંતર્ગત પૌષ્ટિક વાનગી સ્પર્ધાનું આયોજન કરવામાં આવ્યું હતું. જેમાં THR તેમજ વિવિધ મિલેટ્સમાંથી પૌષ્ટિક અને સ્વાદિષ્ટ વાનગીઓ તૈયાર કરાઈ હતી. જેમાં થુવાવી સેજા હેઠળના 36 આંગણવાડી કેન્દ્રોના કાર્યકરો તથા લાભાર્થીઓએ ભાગ લીધો હતો. પ્રસંગે જિલ્લા આરોગ્ય સમિતિના ચેરમેન ભાવેશ પટેલ, તાલુકા ભાજપ પ્રમુખ અલ્પેશ શાહ સહિત આંગણવાડી બહેનો ઉપસ્થિત રહ્યા હતા. સ્પર્ધામાં શ્રોષ્ઠ વાનગી બનાવનાર 3-3 વિજેતાઓને ઇનામ તથા પ્રમાણપત્ર આપી પ્રોત્સાહિત કરાયા હતા.

ડેસર પોલીસ સ્ટેશનમાં ફરજ બજાવતા PSI પી.આર. ગઢવીની વલણ પોલીસ સ્ટેશન ખાતે બદલી થતાં, તેમના સન્માન અને વિદાય સમારંભો તાલુકાના અનેક ગામોમાં યોજાયા હતા. તેમની જગ્યાએ મંજુસર પોલીસ સ્ટેશનના PSI આર.ડી. ડામોરની નિમણૂક કરાઈ છે. PSI ગઢવીએ પોતાના કાર્યકાળ દરમિયાન ગામોમાં વ્યસનમુક્તિ અભિયાન ચલાવી લોકોનું દિલ જીત્યું હતું. એમ.કે. હાઈસ્કૂલમાં યોજાયેલા વિદાય સમારંભમાં મોટી સંખ્યામાં લોકો ઉપસ્થિત રહ્યા હતા અને તેમને ફૂલહાર પહેરાવી સન્માનિત કર્યા હતા.

છોટાઉદેપુરના નસવાડી ગામે ગાયત્રી શક્તિપીઠ વિદ્યાપીઠ ખાતે દ્વિતીય એક દિવસીય મૌન શિબિરનું સફળ આયોજન કરવામાં આવ્યું. આ શિબિરમાં 23 બહેનો અને 40 પુરુષો સહિત કુલ 63 ભાવિક ભક્તોએ ઉત્સાહભેર ભાગ લીધો. આધુનિક જીવનની દોડધામથી દૂર, પોતાની જાત સાથે સમય પસાર કરી મનની શાંતિ અને એકાગ્રતા કેળવવાના ઉદ્દેશ્યથી આ શિબિર યોજાઈ હતી. મૌન અને ધ્યાન દ્વારા ભાવિકોએ આત્મિક ઉર્જાનો અનુભવ કર્યો.

સંત શિરોમણી ગુરૂ રવિદાસ મહારાજની 650મી જન્મજયંતિ નિમિત્તે સમરસતા સંકલ્પ અભિયાન અંતર્ગત નર્મદા જિલ્લાના ચિકદા મંડલના આંબાવાડી ગામે ઓમકારેશ્વર મહાદેવ મંદિરે ભવ્ય કળશ યાત્રાનું આયોજન થયું. પૂર્વ જિલ્લા પંચાયત પ્રમુખ પર્યષાબેન વસાવાના માર્ગદર્શન હેઠળ, સંત ગુરૂ રવિદાસ મહારાજના સમાનતા, એકતા અને સામાજિક સમરસતાના સંદેશને ફેલાવવાનો સંકલ્પ કરાયો. વિવિધ ગ્રામ પંચાયતોના સરપંચો અને આગેવાનોને પાવન કળશનું વિતરણ કરાયું. કાર્યક્રમમાં અનેક મહાનુભાવો, સંતો, આગેવાનો અને કાર્યકરો ઉપસ્થિત રહ્યા હતા.

દેડિયાપાડાના સાગબારા ખાતે સ્વ. રાજીવ ગાંધીની જન્મજયંતિ નિમિત્તે સેલંબાના ગોટપાડા મંદિરે શ્રદ્ધાંજલિ કાર્યક્રમ યોજાયો હતો. કોંગ્રેસ કાર્યકરોએ રાજીવ ગાંધીના ચિત્રને પુષ્પાંજલિ અર્પણ કરી દેશના વિકાસમાં તેમના યોગદાનને યાદ કર્યું. પર્યાવરણ સંરક્ષણ અને હરિયાળા ભારતના સંકલ્પ સાથે વૃક્ષારોપણ પણ કરવામાં આવ્યું. વૃક્ષોના જતન અને આવનારી પેઢીને સ્વચ્છ પર્યાવરણ મળે તે માટે સૌએ સંકલ્પ લીધો.

નર્મદા જિલ્લામાં ગ્રામ્ય પાણી પુરવઠા યોજનાઓના સુદ્રઢ સંચાલન અને નિયમિત પાણી પુરવઠા માટે પાણીવેરા વસુલાત પ્રોત્સાહન યોજના હેઠળ ઉત્કૃષ્ટ કામગીરી કરનાર મંડળીઓ અને સ્વ-સહાય જૂથોને પ્રોત્સાહક રકમ એનાયત કરાઈ. જિલ્લા વિકાસ અધિકારી આર.વી. વાળાના માર્ગદર્શન હેઠળ વાસ્મો દ્વારા અમલ કરાયેલ આ યોજનામાં, 48 ગ્રામ પંચાયતોમાંથી 19 એ 50% થી વધુ વસુલાત હાંસલ કરી. ગરૂડેશ્વરના પ્રગતિ મિશન મંગલ સ્વ-સહાય જૂથને રૂ. 30,000 મળ્યા. દેડિયાપાડાની બોરીપીઠા, ધ્રોહદા અને કણજીની મંડળીઓને પણ રૂ. 30,000 ના ચેક અપાયા.

અંકલેશ્વરમાં જીઆઈડીસી સ્થિત સંસ્કારદીપ વિદ્યાલય ખાતે ડી. એ. આણંદપુરા વિચાર મંચની પ્રથમ વિચાર મંથન બેઠક યોજાઈ. આ મંચનો ઉદ્દેશ્ય સમાજોપયોગી કાર્યોને આગળ ધપાવવાનો છે. બેઠકમાં ઔદ્યોગિક વિકાસની સાથે સામાજિક ઉત્તરદાયિત્વ નિભાવવાની જરૂરિયાત પર ચર્ચા થઈ. ભવિષ્યમાં સમાજહિત, સદવિચાર, શિક્ષણ, ઔદ્યોગિક વિકાસ અને માનવકલ્યાણને લગતા વિવિધ વિષયો પર વિચાર મંથન અને પ્રવૃત્તિઓ હાથ ધરવાનો સંકલ્પ લેવાયો. દર મહિને ખ્યાતનામ વકતાઓ સાથે બેઠક યોજાશે.

રાજ્યકક્ષા મંત્રી ઈશ્વરસિંહ પટેલના અધ્યક્ષસ્થાને અંકલેશ્વર ખાતે ઈન્સ્પેક્શન બંગલો અને યુ.આર.બી.સી.І ડિવિઝન, અંકલેશ્વર, તેમજ ડિવિઝન તથા સબ-ડિવિઝન ઓફ્સિ બિલ્ડીંગના નિર્માણકાર્યોનું ખાતમુહૂર્ત યોજાયું. કુલ રૂ. 662.73 લાખના વિકાસકાર્યોનું લોકાર્પણ થયું. મંત્રીએ જણાવ્યું કે, રૂ. 143 કરોડના ખર્ચે કરજણ કેનાલનું નવીનીકરણ થશે, જેની ક્ષમતા 3200 ક્યુસેકથી વધી 4200-4300 ક્યુસેક થશે. આ ઉપરાંત, પાણી નિકાલ માટે ડ્રેનેજ સિસ્ટમ ઊંડી કરવાની કામગીરી પણ કરાશે, જેથી ગામડાઓની પાણીની સમસ્યા દૂર થશે.

અંકલેશ્વરના ગડખોલ પાટિયાથી અંદાડા રોડ પર વરસાદી પાણી ભરાવાની સમસ્યાને પહોંચી વળવા માર્ગ અને મકાન વિભાગે સક્રિયતા દાખવી છે. રોડની બંને બાજુએ પુરાઈ ગયેલી ગટરોને ખોદીને સાફ કરવાની કામગીરી હાથ ધરાઈ છે. ચોમાસા દરમિયાન પાણીના યોગ્ય નિકાલના અભાવે વાહનચાલકોને થતી મુશ્કેલી અને પાણી ભરાવાની સમસ્યાને ધ્યાનમાં રાખી આ પગલું લેવાયું છે. ગટર વ્યવસ્થાની સફાઈ અને ખોદકામથી વરસાદી પાણીના ઝડપી નિકાલની અપેક્ષા છે. જોકે, આસપાસની સોસાયટીઓમાં પાણી ભરાવાની ચિંતા સ્થાનિકો વ્યક્ત કરી રહ્યા છે.

નર્મદા જિલ્લાના સાગબારા તાલુકાના પાંચપીપરી ગામના ઉષાબેન દિનેશભાઈ વસાવા 80મા સ્વાતંત્ર્ય દિવસ નિમિત્તે નવી દિલ્હીના રાષ્ટ્રપતિ ભવન ખાતે વિશિષ્ટ અતિથિ રહ્યા. દેશભરમાંથી પસંદ કરાયેલી ચાર મહિલાઓમાં ઉષાબેનનો સમાવેશ થતાં ગુજરાતના આદિવાસી સમાજ માટે ગૌરવની ક્ષણ બની. 2022માં તેમને રાષ્ટ્રપતિ દ્રૌપદી મુર્મુના હસ્તે નારી શક્તિ પુરસ્કાર મળ્યો હતો. રાજ્યપાલ આચાર્ય દેવવ્રતના હસ્તે શ્રેષ્ઠ મહિલા ખેડૂત તરીકેનો એવોર્ડ પણ મેળવ્યો છે. આ આમંત્રણ તેમના સામાજિક અને કૃષિ ક્ષેત્રના કાર્યની રાષ્ટ્રીય ઓળખ દર્શાવે છે.

મુંબઈને પાણી પૂરું પાડતા સાત જળાશયોમાંથી ચાર પહેલાથી જ ઓવરફ્લો થયા છે. હવે, સૌથી વધુ પાણી સંગ્રહ ધરાવતા ત્રણ મોટા જળાશયોમાંથી બે, ભાતસા (94.38%) અને મધ્ય વૈતરણા (94.22%), છલકાવાની તૈયારીમાં છે. અપ્પર વૈતરણામાં પણ 87.13% પાણી સંગ્રહ છે. કુલ મળીને, સાતેય જળાશયો તેમની ક્ષમતાના 94.29% ભરાયા છે, જે મુંબઈની પાણી સંગ્રહ સ્થિતિને મજબૂત બનાવે છે. આગામી વરસાદથી જળસ્તર વધુ વધી શકે છે.

AAP નેતા અરવિંદ કેજરીવાલ અને પંજાબના CM ભગવંત માન દ્વારા AAP ધારાસભ્ય ચૈતર વસાવાને વડોદરા જેલમાં મળવાની ઘટનાએ રાજકારણમાં ગરમાવો લાવી દીધો છે. વસાવા પર વનવિભાગના કર્મચારીઓ પર હુમલો અને પૈસાની માંગણીનો આરોપ છે. આ મુલાકાત 2027ની વિધાનસભા ચૂંટણી પહેલાં AAPની વ્યૂહરચના અને આદિવાસી વોટબેંક પર પ્રભાવ અંગે અનેક સવાલો ઉભા કરે છે. કેજરીવાલે વસાવાને મળ્યા બાદ જણાવ્યું હતું કે, દબાણ કરવાથી તે વધુ મજબૂત નેતા બનશે, જે ભાજપ માટે ચેલેન્જરૂપ બની શકે છે.

યુક્રેનની રાજધાની કીવ અને આસપાસનાં વિસ્તારોમાં રશિયાએ હવાઇ હુમલા કર્યા હતાં, જેમાં ઓછામાં ઓછા ૧૬ નાગરિકોનાં મોત થયા છે. યુક્રેન પ્રમુખ ઝેલેન્સ્કીએ વિશ્વનાં દેશોને પૈટ્રિયટ ઇન્ટરસેપ્ટર મોકલવાની અપીલ કરી છે. યુક્રેનનાં એરફોર્સ અનુસાર, રશિયાએ ક્રૂઝ મિસાઇલ અને ડ્રોનનો ઉપયોગ કર્યો હતો, જેના કારણે એર ડિફેન્સ પર દબાણ વધ્યું હતું. કીવ મુખ્ય નિશાન હતું, પણ સમગ્ર યુક્રેનમાં ૨૮ સ્થળોએ હુમલા થયા હતા. રશિયાનાં સંરક્ષણ મંત્રાલયે જણાવ્યું છે કે હુમલો એક ઇન્ડસ્ટ્રીયલ સાઇટ પર થયો હતો, જે ફલેમિંગો ક્રૂઝ મિસાઇલ માટે પાર્ટ્સ બનાવે છે.

દિલ્હીની ઈન્દ્રપ્રસ્થ ઈન્ફોર્મેશન-ટેકનોલોજી ઈન્સ્ટિટયૂટના પ્રોફેસર ગૌરવ આહુજાએ કેન્સર થવાના મૂળ કારણોની તપાસ કરતું groundbreaking AI પ્લેટફોર્મ 'MultiAIVerse' વિકસાવ્યું છે. આ ટેકનોલોજી દર્દીઓના DNA અને શરીરના વિવિધ ફેક્ટર્સનું વિશ્લેષણ કરીને કેન્સર પાછળના ચોક્કસ કારણો શોધી કાઢે છે, જે ભવિષ્યમાં રોગ અટકાવવામાં અને સારવાર પદ્ધતિ સુધારવામાં મદદરૂપ થશે. આ સંશોધન આંતરરાષ્ટ્રીય જર્નલ ChemInformatics માં પ્રકાશિત થયું છે અને તેને વિશ્વનું પ્રથમ AI પ્લેટફોર્મ ગણાવવામાં આવ્યું છે.

અમેરિકાએ હોર્મુઝ સ્ટ્રેટમાંથી પસાર થતો એક ગુપ્ત દરિયાઈ માર્ગ તૈયાર કર્યો છે, જેના દ્વારા રોજનું એક કરોડ બેરલ ઓઇલ નિકાસ થઈ રહ્યું છે. આ માર્ગ ઓમાનના દરિયાકિનારા નજીક બનાવવામાં આવ્યો છે, જ્યાં અમેરિકન સૈનિકો ટેન્કરોના આવાગમનને નિયંત્રિત કરી રહ્યા છે અને નેવી સુરક્ષા પૂરી પાડી રહી છે. તાજેતરના લશ્કરી અભિયાનમાં અમેરિકાએ ઈરાનના રડાર અને દેખભાળ યંત્રોને નુકસાન પહોંચાડ્યું છે, જેના કારણે ઈરાનની પહોંચ મર્યાદિત થઈ ગઈ છે. આ પગલાથી ઈરાનના હાથમાંથી હોર્મુઝનું ટ્રમ્પ કાર્ડ સરકી ગયું છે.

ઝારખંડમાં ૨૦૧૪થી અત્યાર સુધીની JPSC પરીક્ષા અને તેના આધારે થયેલી ભરતીઓ રદ કરવાના રાજ્ય સરકારના નિર્ણય પર ઝારખંડ હાઈકોર્ટે સ્ટે મૂક્યો છે. ફૂડ સેફ્ટી અધિકારીઓની નિમણૂકો રદ કરવાના આદેશ પર પણ હાઈકોર્ટે સ્ટે આપ્યો છે. આ મામલે ત્રણ અલગ અલગ અરજીઓ પર સુનાવણી બાદ હાઈકોર્ટે સરકારને જવાબ દાખલ કરવા નિર્દેશ કર્યો છે. આગામી સુનાવણી ૧૫ સપ્ટેમ્બરે યોજાશે. હાઈકોર્ટના આદેશથી ૪૫૦થી વધુ ઉમેદવારોને મોટી રાહત મળી છે.

પાકિસ્તાનમાં ડિફેન્સ ફોર્સીસ ઓફ પાકિસ્તાન એક્ટને મંજૂરી મળ્યા બાદ, ૬૦ કલાકમાં તૂર્કી અને ચીનના સૈન્ય વિમાનોએ જંગી પ્રમાણમાં ડ્રોન સહિતનો શસ્ત્ર સરંજામ પાકિસ્તાન એરબેઝ પર ઉતાર્યો હોવાના અહેવાલોથી સંરક્ષણ ક્ષેત્રે ચકચાર મચી છે. આ ઘટનાક્રમ ભારત માટે જોખમી માનવામાં આવે છે. પાકિસ્તાની સંસદે ફિલ્ડ માર્શલ આસિમ મુનીરની સત્તામાં વધારો કરતો કાયદો પસાર કર્યો છે. ચીનના military aircraft રાવલપિંડી અને કરાચી ખાતે, જ્યારે તૂર્કીના transport વિમાનો પણ પાકિસ્તાન પહોંચ્યા હતા. આ દરમિયાન, ભારત આગામી મહિનામાં Sukhoi-30 fighter jet પરથી બન્કર બસ્ટર બોમ્બનું પરીક્ષણ કરવાની તૈયારીમાં છે.

જમ્મુ-કાશ્મીરમાં ૧૪ જગ્યાએ વાદળ ફાટવાની ઘટનાઓને કારણે અચાનક પૂર આવ્યું છે, જેમાં ચાર લોકોનાં મોત થયા છે અને ભારે નુકસાન થયું છે. રાજૌરી જિલ્લાના થાનામંડી સબ ડિવિઝનમાં પંચાયત પાસે વાદળ ફાટવાથી અનેક મકાનો, ગાડીઓ તણાઈ ગઈ છે અને બસ સ્ટેન્ડ પણ સંપૂર્ણપણે નાશ પામ્યું છે. પર્વતીય વિસ્તારોમાં ભૂસ્ખલનને કારણે જનજીવન અસ્તવ્યસ્ત થયું છે. ઉત્તરાખંડના ધારચુલા-તવાઘાટ રાષ્ટ્રીય હાઇવે પર પણ બેલી બ્રિજ તૂટી ગયું છે, જેનાથી ચીન સરહદ સાથેનો સંપર્ક કપાઈ ગયો છે.

પાટણમાં જિલ્લા કલેકટર ડો પ્રશાંત જીલોવાના અધ્યક્ષસ્થાને જિલ્લા સંકલન અને ફરિયાદ સમિતિની મહત્વપૂર્ણ બેઠક યોજાઈ. નાગરિકોના પ્રજાલક્ષી અને લોકસુવિધાના પડતર પ્રશ્નોનું સત્વરે નિરાકરણ લાવવાનો મુખ્ય ઉદ્દેશ્ય હતો. ધારાસભ્યોએ રસ્તા, પીવાનું પાણી, વીજળી, ગટર જેવી માળખાકીય સુવિધાઓ સંબંધિત પ્રશ્નો રજૂ કર્યા. કલેક્ટરે અધિકારીઓને પ્રજાલક્ષી કાર્યોમાં કોઈપણ શિથિલતા કે બેદરકારી નહીં ચલાવી લેવાની અને સામાન્ય નાગરિકોના હિત સંબંધિત પ્રશ્નોને પ્રાથમિકતા આપવાની તાકીદ કરી.

વધતા કેમિકલ અને જંતુનાશકોના ઉપયોગથી થતા ગંભીર રોગોને ધ્યાનમાં રાખી, પાટણ બાગાયત કચેરી દ્વારા 'અર્બન હોર્ટિકલ્ચર ડેવલપમેન્ટ' યોજના હેઠળ કિચન ગાર્ડન તાલીમ શિબિર યોજાઈ. આ શિબિરમાં ઓછી જગ્યામાં વધુ ઉત્પાદન મેળવવા, હાઇડ્રોપોનિક્સ, માઇક્રોગ્રીન, કુંડા અને ગ્રો-બેગમાં શાકભાજી ઉગાડવાની આધુનિક પદ્ધતિઓ વિશે માર્ગદર્શન અપાયું. આ પહેલથી નાગરિકો ઘર આંગણે જ શુદ્ધ અને કેમિકલમુક્ત શાકભાજી મેળવી શકશે. સહભાગીઓને કિચન ગાર્ડન કિટ અને પ્રમાણપત્રો અપાયા.

સિદ્ધપુર-પાલનપુર હાઈવે પર કાકોશી ચોકડી પાસે એક ગંભીર અકસ્માત થયો છે. મુસાફરોને ઉતારીને સિદ્ધપુર જતી એસટી બસને મહેસાણાથી પૂરપાટ ઝડપે આવતા ટ્રેલરે ટક્કર મારી હતી. આ ભયાનક ટક્કરમાં બંને વાહનો ડિવાઈડર કૂદીને રોંગ સાઈડમાં પટકાયા હતા. સદનસીબે બસમાં કોઈ મુસાફરો ન હોવાથી મોટી જાનહાનિ ટળી. બસ ડ્રાઈવર નિતિનકુમાર સોલંકીને ઘૂંટણમાં ગંભીર ઈજા થતાં સારવાર અર્થે ખસેડાયા. ટ્રેલર ચાલક ફરાર. CCTV ફૂટેજમાં ઘટના કેદ, પોલીસે ગુનો નોંધી તપાસ હાથ ધરી.

સાબરકાંઠા SOG અને AHTU ટીમોએ બાળ તસ્કરી રેકેટનો પર્દાફાશ કર્યો છે. મુંબઈની કવિતા જાધવ, રાજસ્થાનના સીતારામ પરમાર અને બિપીન ઠાકોર સહિત ત્રણ મુખ્ય દલાલો ઝડપાયા છે. આ દલાલો મહારાષ્ટ્રની નૂરી શેખ મારફતે બાળકોનું વેચાણ કરતા હતા. પોલીસે તારીખ 17 ઓગસ્ટે ચાર શખ્સો અને એક મહિલાને નવજાત બાળકી સાથે ઝડપી પાડ્યા હતા. ટેકનિકલ સર્વેલન્સ અને સતર્કતા રાખીને મુંબઈ પહોંચી કવિતા જાધવ અને સીતારામ પરમારને ઝડપી પાડ્યા. બાળકો નગાપ ઉર્ફે મુન્નાને વેચવામાં આવતા હતા, જેને પકડવા તજવીજ ચાલુ છે.

ભાઈ-બહેનના પવિત્ર પ્રેમનું પ્રતીક એવા રક્ષાબંધન પર્વ નિમિત્તે, સાબરકાંઠા હેડ પોસ્ટ ઓફિસ દ્વારા વિદેશમાં રહેતા ભાઈઓ માટે ખાસ વ્યવસ્થા કરવામાં આવી છે. આ પોસ્ટ ઓફિસથી અંદાજે 450 થી 500 જેટલી રાખડીઓ વિદેશ મોકલવામાં આવશે. બહેનોને સરળતા રહે તે માટે 2 વિશેષ કાઉન્ટર કાર્યરત કરાયા છે, જ્યાં 11,000 વોટરપ્રુફ રાખડી કવર અને 4,000 રાખડી બોક્સ ઉપલબ્ધ છે. હાલ દરરોજ આશરે 20 રાખડીઓ વિદેશ મોકલાઈ રહી છે, અને રક્ષાબંધન સુધીમાં આ સંખ્યા 500 સુધી પહોંચવાનો અંદાજ છે.

HNSB સાયન્સ કોલેજ, હિંમતનગર ખાતે યોજાયેલા આ જાગૃતિ કાર્યક્રમમાં લગભગ 150 વિદ્યાર્થીનીઓએ ભાગ લીધો હતો. આ કાર્યક્રમનો મુખ્ય ઉદ્દેશ્ય માસિક સ્વચ્છતા અને HPV રસીકરણ અંગે વિદ્યાર્થિનીઓને વૈજ્ઞાનિક અને તબીબી માર્ગદર્શન આપવાનો હતો. ભગવતી સ્ત્રીરોગ હોસ્પિટલના ડો. યામિની પટેલે વ્યક્તિગત આરોગ્ય, સ્વાસ્થ્ય પ્રત્યેની જવાબદારી અને HPV રસીકરણના મહત્વ પર પ્રકાશ પાડ્યો. તેમણે માસિક ધર્મ દરમિયાન સ્વચ્છતાની પદ્ધતિઓ અને HPV થી થતા રોગો સામે રક્ષણમાં રસીકરણની ભૂમિકા સમજાવી.