દિલીપ ટ્રોફી 2026-27 માટે ઈસ્ટ ઝોનની ટીમમાં 15 વર્ષીય વૈભવ સૂર્યવંશીને વાઈસ-કેપ્ટન બનાવવામાં આવતાં ક્રિકેટ કોમેન્ટેટર હર્ષા ભોગલેએ પસંદગીકારોની નીતિ પર ગંભીર પ્રશ્નો ઉઠાવ્યા છે. તેમણે સોશિયલ મીડિયા પર વૈભવ સૂર્યવંશીના રેડ-બોલ ક્રિકેટના આંકડા રજૂ કરીને આ નિર્ણયને આશ્ચર્યજનક ગણાવ્યો. ભોગલેએ જણાવ્યું કે, વૈભવની ફર્સ્ટ ક્લાસ કારકિર્દી માત્ર 12 ઇનિંગ્સ અને 207 રન સુધી સીમિત છે, જે 17.25ની સરેરાશ દર્શાવે છે. તેમણે કહ્યું કે, યુવા ખેલાડીનું ટેલેન્ટ ઉત્તમ છે, પરંતુ રેડ-બોલ ક્રિકેટમાં તેનો અનુભવ ખૂબ જ ઓછો છે. આ નિર્ણયે ક્રિકેટ જગતમાં નવી ચર્ચા જગાવી છે.