મધ્યપ્રદેશના રાજગઢ જિલ્લાના બ્યાવર શહેરમાં અજનાર નદીની સફાઈના દાવાને લઈને ચર્ચા ચાલી રહી છે. 21 વર્ષના સુરેન્દ્ર સિંહ ચૌધરી ઉર્ફે ‘બિટ્ટુ તબાહી’એ એકલે હાથે નદી સાફ કરવાનો દાવો કર્યો હતો, જેના ફોટા વાયરલ થતાં દેશભરમાં તેની પ્રશંસા થઈ હતી. આનંદ મહિન્દ્રા, મધ્ય પ્રદેશના CM અને કેવિન પીટરસન જેવા દિગ્ગજોએ પણ તેના કામની નોંધ લીધી. જોકે, સ્થાનિકો અને કેટલીક સંસ્થાઓએ તેના દાવા સામે સવાલ ઉઠાવ્યા છે, જેમ કે 10 કિલોમીટર લાંબી નદી કોઈ એક વ્યક્તિ કેવી રીતે સાફ કરી શકે. બિટ્ટુએ સ્પષ્ટતા કરી કે ઘણા લોકોએ સહકાર આપ્યો, પરંતુ તે એકમાત્ર હતો જે દરરોજ સફાઈ માટે જતો હતો.