મોનસૂનના વરસાદ વચ્ચે ભારતીય હવામાન વિભાગ (IMD)એ ઉત્તર પ્રદેશ, બિહાર સહિત અનેક રાજ્યોમાં ભારે વરસાદ, વાવાઝોડું અને તેજ પવનની ચેતવણી આપી છે. પશ્ચિમ બંગાળ અને બંગાળની ખાડીમાં લો પ્રેશર એરિયા બનવાથી પૂર્વ ભારતમાં આગામી 3 દિવસ ભારે વરસાદની સંભાવના છે, જ્યારે 8 ઓગસ્ટે ઓડિશામાં અત્યંત ભારે વરસાદની આગાહી છે. દિલ્હી, ગુજરાત, મધ્ય પ્રદેશ, રાજસ્થાન, હિમાચલ પ્રદેશ સહિત અનેક રાજ્યોમાં ભારે વરસાદની ચેતવણી છે. ગુજરાતમાં ગાજવીજ અને તેજ પવન સાથે વરસાદની આગાહી છે, જેમાં સાબરકાંઠા, અરવલ્લી, બનાસકાંઠા, વાવ-થરાદમાં યલો એલર્ટ આપવામાં આવ્યું છે.