અમદાવાદ ગ્રામ્ય SOG અને કેરાળા GIDC પોલીસે ચિયાડા ગામેથી REXCRON-T કફ સિરપની 153 બોટલો (કિંમત 24,235 રૂપિયા) અને મોબાઇલ ફોન સાથે 3 આરોપીઓને ઝડપી પાડ્યા. જુહાપુરાની આશીયાના યુનુસ ઘાંચી નામની મહિલા વોન્ટેડ છે. NDPS એક્ટ હેઠળ ગુનો નોંધી વધુ તપાસ ચાલુ.

India Meteorological Department મુજબ ગુજરાતમાં કાળઝાળ ગરમી વચ્ચે આગામી 22 અને 23 મે દરમિયાન દક્ષિણ ગુજરાત અને સૌરાષ્ટ્રના કેટલાક વિસ્તારોમાં હળવાથી મધ્યમ વરસાદની શક્યતા છે. નવસારી, વલસાડ, તાપી, ડાંગ, દમણ અને દાદરા-નગર હવેલીમાં વરસાદી ઝાપટાં પડી શકે છે. સાથે જ અમરેલી, ગીર સોમનાથ, ભાવનગર અને દીવમાં પણ હળવા વરસાદની આગાહી કરવામાં આવી છે. જોકે રાજ્યના મોટા ભાગના વિસ્તારોમાં ગરમીનો પ્રકોપ યથાવત્ રહેવાની શક્યતા હવામાન વિભાગે વ્યક્ત કરી છે.

અમદાવાદના રાણીપમાં ડી-માર્ટ પાસે BRTS બસ અને બાઈક વચ્ચે ભયાનક અકસ્માત થયો. પુરપાટ ઝડપે આવતી બસે બાઈકને ટક્કર મારતા બાઈક સવાર બે યુવકો ગંભીર રીતે ઘાયલ થઈ લોહીલુહાણ બન્યા. અકસ્માત સર્જી BRTS બસનો ડ્રાઈવર ફરાર થઈ ગયો હતો, જોકે બાદમાં police સમક્ષ હાજર થયો. બંને યુવકોને 108 મારફતે હોસ્પિટલમાં ખસેડાયા.

અમદાવાદ ક્રાઈમ બ્રાન્ચે ઘી કાંટા મેટ્રો સ્ટેશન પાસેથી હેમંત મોદી નામના આજીવન કેદના ફરાર આરોપીની ધરપકડ કરી છે. 2005માં નરોડામાં હત્યા કર્યા બાદ તેને સજા થઈ હતી, પરંતુ 2014માં પેરોલ દરમિયાન તે ભાગી ગયો હતો. ત્યારબાદ મુંબઈમાં “સ્પંદન મોદી” નામે સ્ટ્રગલિંગ એક્ટર બની ફિલ્મો અને સીરિયલોમાં કામ કરતો રહ્યો. ‘ઠગ્સ ઓફ હિન્દુસ્તાન’ અને ‘જયેશભાઈ જોરદાર’ જેવી ફિલ્મોમાં પણ દેખાયો હતો. ટેક્નિકલ સર્વેલન્સના આધારે પોલીસે આખરે તેને ઝડપી લીધો.

અમદાવાદ શહેરમાં વાહનચાલકો માટે એક મહત્વના સમાચાર સામે આવ્યા છે, જેમાં શહેરના વ્યસ્ત ગણાતા કાલુપુર બ્રિજ એટલે કે શ્રી મનુભાઈ પરમાર ઓવરબ્રિજ પર આગામી તારીખ 22/05/2026થી તારીખ 25/05/2026 સુધી રાત્રિના સમયે ટ્રાફિક ડાયવર્ઝન અમલી રાખવામાં આવ્યું છે. અમદાવાદ શહેર પોલીસ તંત્ર દ્વારા આ અંગે જાહેરનામું બહાર પાડીને નાગરિકોને રાત્રિ દરમિયાન વૈકલ્પિક માર્ગોનો ઉપયોગ કરવા અપીલ કરવામાં આવી છે.

જોઈન્ટ પાર્લામેન્ટરી કમિટી (JPC)ના ચેરમેને 'વન નેશન - વન ઈલેક્શન' અંગે દાવો કર્યો છે કે દેશભરમાં એકસાથે લોકસભા અને વિધાનસભાની ચૂંટણીઓ યોજવાથી આશરે ₹7 લાખ કરોડની બચત થઈ શકે છે. તેમના જણાવ્યા મુજબ આ રકમ વિકાસ, શિક્ષણ, આરોગ્ય અને ગરીબ કલ્યાણ માટે વાપરી શકાય છે. ગુજરાત મુલાકાત દરમિયાન કમિટીએ રાજ્યના અધિકારીઓ સાથે બેઠક યોજી હતી અને આ પ્રસ્તાવ અંગે વિવિધ વિભાગોના ઇનપુટ માટે ચીફ સેક્રેટરીને રિપોર્ટ આપવા જણાવ્યું હતું.

વેરાવળ નજીક અમરાપુર ફ્લાયઓવર માત્ર ૧ વર્ષમાં જ અનેક જગ્યાએથી તૂટી ગયો છે. ભ્રષ્ટાચાર અને નબળી ગુણવત્તાના કારણે નિર્માણના ગણતરીના મહિનાઓમાં જ મોટી ખામીઓ સર્જાઈ છે. સ્થાનિકોની ફરિયાદોને અવગણવામાં આવી હતી. હવે ભૂલ છુપાવવા તેનું તોડકામ શરૂ કરાયું છે, જેના કારણે ટ્રાફિક જામ સર્જાય છે. પ્રજા ટેક્સના પૈસાના વેડફાટ અંગે સવાલો ઉઠાવી રહી છે.

મુંબઈ-અમદાવાદ હાઈ-સ્પીડ રેલ પ્રોજેક્ટમાં ગુજરાતના ભરૂચ પાસે વેસ્ટર્ન ડેડિકેટેડ ફ્રેટ કોરિડોર (DFCC) પર 130 મીટર લાંબા સ્ટીલ બ્રિજનું સફળ લોન્ચિંગ થયું. આ 330 મીટર લાંબા બ્રિજનો 230 મીટર ભાગ પૂર્ણ થયો. 100 વર્ષ આયુષ્યવાળા આ બ્રિજનું નિર્માણ 'કાર્બન ફેક્ટરી વર્કશોપ'માં થયું. કાર્યરત ટ્રેક પર પડકારજનક લોન્ચિંગ, ટ્રાફિક જાળવીને, સલામતી અને ચોકસાઈથી થયું. ગુજરાતના 17માંથી 14 સ્ટીલ બ્રિજ પૂર્ણ, પ્રોજેક્ટ ગતિ પકડી રહ્યો છે.

AMCની કરોડોની પ્રિ-મોન્સૂન કામગીરીના દાવાઓ ચોમાસા પહેલાં હાંસીપાત્ર. 'સંદેશ'ના રિયાલિટી ચેકમાં ખાડા, અધૂરા ખોદકામ અને ખુલ્લી ગટરો જોવા મળ્યા. તંત્રની ઢીલી નીતિથી અમદાવાદીઓનો જીવ જોખમમાં. વાસણા બ્રિજ નીચે રસ્તો બંધ, અંજલિ રોડ પર 4 મહિનાથી કામ અધૂરું. તૂટેલા મેનહોલ હોનારતને આમંત્રણ આપી રહ્યા છે. AMCના સુપરવિઝનના અભાવે કોન્ટ્રાક્ટરો કામ છોડી દે છે.

વડસર એરફોર્સ રોડ પર ડિઝાઇન એન્જિનિયર મીતકુમાર પટેલનું અજાણ્યા વાહન દ્વારા હિટ એન્ડ રન ઘટનામાં દુ:ખદ મોત. નોકરી પરથી ઘરે પરત ફરતી વખતે પાછળથી જોરદાર ટક્કર મારતા એક્ટિવા ડિવાઇડર કૂદી સામેના રોડ પર પટકાયા. ગંભીર ઇજાઓને કારણે તેમનું કમકમાટીભર્યું મોત નીપજ્યું. સાંતેજ પોલીસે અજાણ્યા વાહનચાલક વિરુદ્ધ ગુનો નોંધી તપાસ હાથ ધરી.

ચાણસ્મામાં પરિણીતાએ પતિ વિરુદ્ધ દહેજની માંગણી અને શારીરિક-માનસિક ત્રાસ બદલ ફરિયાદ નોંધાવી. પલાસર ગામની હેતલબેન રાવળે મોઢેરાના પતિ જગદીશભાઈ રાવળ સામે આરોપ લગાવ્યા છે. લગ્ન બાદ પુત્રી જન્મતાં પતિએ 5 લાખ રૂપિયા દહેજ પેટે માંગ્યા અને પુત્ર ન થવાના મેણા મારી ત્રાસ આપ્યો. ઘરની લોન માટે પૈસા ન લાવવા પર જાનથી મારી નાખવાની ધમકી આપી, બાદમાં ઘર બહાર કાઢી મૂક્યા. પોલીસે BNS અને દહેજ પ્રતિબંધક અધિનિયમ હેઠળ ગુનો નોંધી તપાસ શરૂ કરી.

દેશભરમાં ભીષણ ગરમીનો પ્રકોપ વધી રહ્યો છે. 25 મેથી શરૂ થતા નૌતપા પહેલા જ ઉત્તર પ્રદેશના બાંદામાં તાપમાન 48°C સુધી પહોંચ્યું, જે વિશ્વનું ત્રીજું સૌથી ગરમ શહેર બન્યું. ઉત્તર ભારતમાં પાકિસ્તાનના બલુચિસ્તાન અને થાર રણમાંથી આવતી ગરમ હવાઓના કારણે હીટવેવ વધી છે. અનેક રાજ્યોમાં 46°Cથી વધુ તાપમાન નોંધાયું છે. આરોગ્ય નિષ્ણાતોએ લોકોને વધુ પાણી પીવા અને બપોરે તડકાથી બચવાની સલાહ આપી છે. બીજી તરફ ચોમાસું હાલ આંદામાન-નિકોબાર પાસે અટક્યું છે, જ્યારે પૂર્વોત્તર અને દક્ષિણ ભારતમાં વરસાદની શક્યતા વ્યક્ત કરવામાં આવી છે.

રાજ્ય સરકારની કથની અને કરણી વચ્ચેનો તફાવત ખુલ્લો પડ્યો છે. એક બાજુ, સરકાર પ્રજાને પેટ્રોલ-ડીઝલનો કરકસરયુક્ત ઉપયોગ કરવાના ઉપદેશો આપે છે, તો બીજી તરફ, ખુદ મંત્રીઓ જ નિયમોનો અમલ કરવા તૈયાર નથી. સરકારે પરિપત્ર જાહેર કરીને તમામ મંત્રી અને ઉચ્ચ અધિકારીઓ 'કાર પૂલિંગ' (એક જ ગાડીમાં સાથે આવવું) કરવાનો આદેશ આપ્યો હતો. પરંતુ આ આદેશ માત્ર કાગળ પર જ શોભી રહ્યો છે, કારણ કે વીઆઈપી કલ્ચરમાં રાચતા મંત્રીઓને ગાડીઓનો મોહ છૂટતો નથી. કારપુલિંગ કરવામાં મંત્રીઓ જાણે નાનમ અનુભવી રહ્યા છે.

ગુજરાત રાજ્ય બાળ સંરક્ષણ આયોગના અધ્યક્ષા ધર્મિષ્ઠાબેન ગજરે પાટણ B-Division અને સરસ્વતી પોલીસ સ્ટેશનોની અચાનક મુલાકાત લીધી. તેમણે POCSO કેસોની સમીક્ષા કરી અને પોલીસ સ્ટેશનોમાં 'ચાઇલ્ડ ફ્રેન્ડલી રૂમ' તાત્કાલિક બનાવવા આદેશ આપ્યો. અધિકારીઓ સાથે બેઠક યોજી બાળ અધિકાર અને જુવેનાઇલ જસ્ટિસ એક્ટના પાલનની ચર્ચા કરી. સરસ્વતી પોલીસ સ્ટેશન અધિકારીએ 15-18 વર્ષની દીકરીઓના ઘરેથી ભાગી જવાના કિસ્સામાં સોશિયલ મીડિયાના પ્રભાવ પર ભાર મૂક્યો. અધ્યક્ષાએ સંવેદનશીલતાથી કામ લેવા માર્ગદર્શન આપ્યું.

જસદણ તાલુકાના જીવાપર ગામે અરવિંદ લાખાભાઈ સાથળિયા નામના યુવકની ગામના ચોરા પાસે તીક્ષ્ણ હથિયાર વડે હત્યા કરાઈ. માથામાં ઘા ઝીંકી મોતને ઘાટ ઉતારાયો. પોલીસે ઘટનાસ્થળ કોર્ડન કરી LCB, SOG ની મદદથી તપાસ હાથ ધરી. હત્યાનું કારણ જાણવા ઊંડાણપૂર્વક તપાસ શરૂ. આરોપીઓને ઝડપી પાડવા શોધખોળ.

અમદાવાદ મહાનગરપાલિકા (AMC) અને Google Maps દ્વારા AI આધારિત ટ્રાફિક મેનેજમેન્ટ સિસ્ટમનો પાયલોટ પ્રોજેક્ટ શરૂ કરાયો છે. આ પ્રોજેક્ટ કેમેરા વગર Google Mapsના 'લાઇવ ડેટા' નો ઉપયોગ કરીને ટ્રાફિક જામની સમસ્યાનો ઉકેલ લાવશે. AI સિસ્ટમ ટ્રાફિક જામ થતાં જ 'રિયલ ટાઇમ એલર્ટ' મોકલી આપશે, જેનાથી ટ્રાફિકને ડાયવર્ટ કરી શકાશે. SG Highway, Ashram Road જેવા વ્યસ્ત રૂટ્સ પર આ પ્રોજેક્ટ અમલમાં મુકાયો છે, જે અમદાવાદને 'સ્માર્ટ મોબિલિટી સિટી' બનાવવાની દિશામાં એક મહત્વનું પગલું છે.

મોડાસાના દઘાલિયા ગામે ડુંગર પર ભીષણ આગ લાગી, કકરાઈ માતા મંદિર પાસે જંગલ બળીને ખાખ થયું. રાત્રીના સમયે લાગેલી આગ પવનને કારણે ઝડપથી ફેલાઈ, વિકરાળ સ્વરૂપ ધારણ કર્યું. ગામજનો અને વન્યજીવોમાં ભયનો માહોલ. વન વિભાગ અજાણ.

ઉત્તર અને મધ્ય ભારતમાં ભીષણ ગરમી, દિલ્હી-બાંદા સહિત અનેક શહેરોમાં 47°C ઉપર પારો. IMD એ 8 રાજ્યોમાં હીટવેવ, 17 રાજ્યોમાં ભારે વાવાઝોડા અને વરસાદની આગાહી કરી છે. પૂર્વોત્તર રાજ્યોમાં પણ ભારે વરસાદની સંભાવના.

રાજકોટમાં રખડતા કૂતરાઓનો ત્રાસ અને કરડવાના બનાવો વધી રહ્યા છે. કૂતરાઓના વસ્તી નિયંત્રણ, ખસીકરણ (Sterilization) અને રસીકરણ પાછળ મહાનગરપાલિકા (RMC) એ રૂપિયા ૧.૨ કરોડ ખર્ચ્યા છે, છતાં સમસ્યા યથાવત છે. છેલ્લા એક વર્ષમાં ૬૦૧ ફરિયાદો નોંધાઈ છે. કૂતરા પકડવાની કામગીરી મહિનાઓથી ઠપ્પ હોવાથી લોકોમાં આક્રોશ છે.

સુરતના અડાજણમાં જાણીતા બિલ્ડરના બંધ ઘરમાંથી 48 લાખની રોકડ અને દાગીનાની ચોરી થઈ હતી. પોલીસે 100 CCTV ફૂટેજ તપાસી, કુખ્યાત તસ્કર દેવરાજ પાટીલને રાંદેરના મકાનમાંથી દબોચી, તમામ ચોરીની રકમ અને દાગીના રિકવર કર્યા. વધુ તપાસ હાથ ધરી.

'વન નેશન, વન ઈલેકશન' મુદ્દે JPC ગુજરાતમાં છે. આજે કેન્દ્રશાસિત પ્રદેશોના વહીવટકર્તાઓ, વરિષ્ઠ વકીલો અને ગુજરાત બાર કાઉન્સિલ સાથે ચર્ચા કરશે. આ ચર્ચા બાદ કાર્યક્રમનું સમાપન થશે. JPC અધ્યક્ષ પી.પી. ચૌધરી છે, જેમાં 39 સાંસદો સામેલ છે. વિવિધ રાજ્યોમાં ચર્ચા બાદ આ રિપોર્ટ સંસદમાં રજૂ થશે.

ભાવનગર શહેરના વાઘાવાડી રોડ પર સ્પાની આડમાં મહિલાઓ પાસે દેહવ્યાપાર કરાવી તથા માનવ તસ્કરીના ગુનાના આરોપીની સંપતિ જપ્ત કરવાની કાયદાકીય પ્રક્રિયા પોલીસ દ્વારા શરૃ કરવામાં આવી છે.

ઈ-ફાર્મસી બંધ કરાવવા અને ઓનલાઈન દવાના વેચાણ પર કડક નિયંત્રણ લાદવાની માંગણી સાથે દેશભરમાં અપાયેલા બંધના એલાનને તળાજાના મેડિકલ સ્ટોર ધારકોએ સંપૂર્ણ ટેકો આપી પંથકના હોલસેલ સહિત ૫૮ મેડિકલ સ્ટોર સજ્જડ બંધ રાખ્યા હતા. આ સાથે મામલતદારને આવેદનપત્ર પણ પાઠવાયું હતું.

સુરતની મહિલા એજન્ટ ₹10.18 લાખની છેતરપિંડીનો ભોગ બની. સોશિયલ મીડિયા પર UK-કેનેડાની વર્ક પરમિટની જાહેરાત જોઈને આંતરરાજ્ય ગેંગે ૧૮ યુવકોના વિઝાના નામે ઠગાઈ આચરી. એજન્ટે ચકાસણી વિના ઓનલાઇન પેમેન્ટ કર્યું, બાદમાં છેતરપિંડીનો અહેસાસ થયો.

બુધવારે ઉત્તર ભારતમાં ભીષણ ગરમીનો પ્રકોપ જારી રહ્યો હતો. ઉત્તર પ્રદેશનો બાંદા શહેર 48 ડિગ્રી સેલ્સિયસ સાથે સતત ત્રીજા દિવસે દેશનું સૌથી ગરમ શહેર રહ્યું હતું. બાંદા શહેરનું આ તાપમાન સામાન્યથી 4.5 ડિગ્રી વધારે હતું. ગરમીની વચ્ચે દેશમાં વીજળીની માંગ બુધવારે રેકોર્ડ 265.44 ગીગા વોટ પર પહોંચી ગઇ હતી. તેણે મંગળવારે બનાવેલા પાછલા રેકોર્ડને પણ પાછળ છોડી દીધો હતો. ગરમીને કારણે એર કન્ડીશનરનો ઉપયોગ વધતા વીજળીની માંગ સતત વધી રહી છે.

ગુજરાતમાં કાળઝાળ ગરમીનું મોજું ફરી વળ્યું છે. હવામાન વિભાગની આગાહી મુજબ, આગામી દિવસોમાં ગરમી અને ઉકળાટ વધશે. પવનની દિશા બદલાતા ભેજનું પ્રમાણ વધ્યું છે, જેના કારણે સૂકી ગરમીની સાથે અસહ્ય બફારો પણ અનુભવાશે. રાજ્યમાં સરેરાશ તાપમાન 40-44 ડિગ્રી સેલ્સિયસ વચ્ચે રહેશે. અમદાવાદ 43.7 ડિગ્રી સાથે સૌથી ગરમ રહ્યું છે, જ્યારે કંડલા, અમરેલી, રાજકોટમાં પણ તાપમાન ઊંચું રહ્યું છે. દક્ષિણ ગુજરાતમાં તાપમાન ઓછું પણ ભેજને કારણે વધુ ઉકળાટ છે. આરોગ્ય વિભાગે નાગરિકોને સાવચેતી રાખવા સલાહ આપી છે.

મહિલા રોકાણકારો હવે મ્યુચ્યુઅલ ફંડની એસેટ અંડર મેનેજમેન્ટ (AUM)માં રૂ. ૧૧.૩ લાખ કરોડનો હિસ્સો ધરાવે છે. એક રિપોર્ટ અનુસાર, મહિલાઓએ નાણાકીય વર્ષ ૨૦૨૬માં રૂ. ૩ લાખ કરોડનું રોકાણ કર્યું હતું, જે કુલ રોકાણ પ્રવાહના ૩૫%નું પ્રતિનિધિત્વ કરે છે. આ ભારતના મ્યુચ્યુઅલ ફંડ ઉદ્યોગમાં મહિલાઓની વધતી જતી ભાગીદારી અને લાંબા ગાળાના અને વ્યવસ્થિત રોકાણ તરફના તેમના વલણને પ્રતિબિંબિત કરે છે.

ભાવનગર - સર ટી.હોસ્પિટલના નર્સિંગ સુપ્રિટેન્ડન ફરી વિવાદમાં આવ્યા છે. હોસ્પિટલના નવનિયુક્ત નર્સિંગ સુપ્રિટેન્ડન્ટે તાજેતરમાં વોર્ડના નર્સિંગ સ્ટાફની આંતરિક બદલીઓ કરી હતી. જેમાં માનિત સ્ટાફને સારા વોર્ડમાં મુકી ભેદભાવ તથા સ્ટાફની અછત ઉભી કરવામાં આવે છે. તેમજ માનસિક રીતે હેરાન કરવામાં આવતી હોવાની નનામી અરજી સ્ટાફ નર્સ દ્વારા હોસ્પિટલના સુપ્રિટેન્ડન્ટને કરવામાં આવી છે અને જો કોઈ કાર્યવાહી નહી થાય તો આત્મવિલોપનની ચિમકી પણ ઉચ્ચારવામાં આવી છે.

ભાવનગર શહેરના રૃપાણી સર્કલ દીવડી નજીક આવેલ સ્વરાંકન એપાર્ટમેન્ટના પહેલા માળે આવેલ ફ્લેટ નં.૧૦૫માં મોડી રાત્રે અચાનક આગ ભભૂકી ઉઠી હતી. આગ લાગ્યાનો સંદેશો ફાયર બ્રિગેડને મળતા ફાયર બ્રિગેડ સ્ટાફ સ્થળ પર પહોંચ્યો હતો અને આગ પર એક ગાડી પાણી છાંટી આગને બુજાવી દીધી હતી. આગમાં ઘરવખરી સંપૂર્ણપણે ખાક્ થઈ જવા પામી હતી.

ચોમાસા પહેલા ડભોઈ નગરપાલિકાએ વરસાદી કાંસનું ખોદકામ શરૂ કર્યું. ખરવા ચોકડી નજીક થયેલા ખોદકામને કારણે થરવાસા ગામમાં પાણી ભરાવાની ભીતિ ઊભી થઈ. આ અંગે રોષે ભરાયેલા થુવાવી જિલ્લા પંચાયત સદસ્ય ભાવેશ પટેલ અને ગ્રામજનોએ પાલિકા દ્વારા કરાયેલ ખોદકામ જાતે જ પૂરી દીધું. જો નગરપાલિકાની આડેધડ કામગીરી ચાલુ રહેશે તો આગામી ચોમાસામાં થરવાસા ગામમાં પાણી ઘૂસી જશે તેવી સ્થાનિકોએ ચિંતા વ્યક્ત કરી.