જામનગર જિલ્લાના ખેડૂતોએ ટ્રાન્સમિશન લાઈન અને ટાવર ઉભા કરવાની કામગીરીમાં જમીનના વળતર બાબતે જિલ્લા કલેક્ટરને લેખિત રજૂઆત કરી છે. ખેડૂતોની માંગ છે કે કામગીરી પહેલા જમીનના રેકોર્ડમાં સુધારા થાય. કંપની દ્વારા બજારભાવ નક્કી કરવા કોઈ પૂર્વ સૂચના અપાઈ નથી અને કલેક્ટરની નોટિસમાં પણ કાયદાકીય સમય મર્યાદાનું પાલન થયું નથી, એવો આક્ષેપ કરાયો છે. ખેડૂતોએ વીજળી અધિનિયમ અને ટેલિગ્રાફ અધિનિયમ હેઠળ સંપૂર્ણ વળતરની માંગ કરી છે, જે રાજ્ય સરકારની માર્ગદર્શિકાથી મર્યાદિત ન કરી શકાય. કંપની દ્વારા ખેડૂતો સામે થતી ફરિયાદો રોકવા પણ અપીલ કરાઈ છે.