અમેરિકામાં ઉચ્ચ અભ્યાસ માટે જતા ભારતીય વિદ્યાર્થીઓ માટે એક ચેતવણીરૂપ કિસ્સો સામે આવ્યો છે. હૈદરાબાદના એક વિદ્યાર્થીને ઍમ્સ્ટરડેમ ઍરપૉર્ટ પર તેની અમેરિકાની ફ્લાઈટ માટે પહોંચ્યા બાદ જાણ થઈ કે તેના F-1 સ્ટુડન્ટ વિઝા એક વર્ષ પહેલાં જ રદ્દ થઈ ચૂક્યા હતા, જેની તેને કોઈ સત્તાવાર જાણ કરવામાં આવી નહોતી. આ કારણે તેને ફ્લાઈટમાં બેસવાની મંજૂરી મળી નહીં અને તેને હૈદરાબાદ પરત ફરવું પડ્યું. યુનિવર્સિટીના જણાવ્યા મુજબ, તેનું I-20 અને SEVIS રેકોર્ડ સક્રિય છે, પરંતુ ઇમિગ્રેશન નિષ્ણાતો મુસાફરી પહેલાં SEVIS રેકોર્ડ સક્રિય હોવાની ખાતરી કરવા અને Designated School Official (DSO) સાથે સંપર્કમાં રહેવાની સલાહ આપે છે.