TET માંથી કાયમી મુક્તિની માંગ: રાષ્ટ્રીય પ્રાથમિક શૈક્ષણિક મહાસંઘે કલેક્ટરને કરી રજૂઆત
રાષ્ટ્રીય પ્રાથમિક શૈક્ષણિક મહાસંઘ પોરબંદર શાખા દ્વારા 2010 પહેલાં નિયુક્ત થયેલા શિક્ષકોને TET પરીક્ષામાંથી કાયમી મુક્તિ આપવા અને કાયદાકીય સંરક્ષણ પૂરું પાડવા માટે પ્રધાનમંત્રી અને કેન્દ્રીય શિક્ષણ મંત્રીને પત્ર લખીને તેમજ પોરબંદર કલેક્ટરને રજૂઆત કરી છે. 23 ઓગસ્ટ 2010ના રોજ NCTE દ્વારા TET ફરજિયાત કરાયું હતું. જોકે, તે પહેલાં થયેલી લાખો નિમણૂકો તે સમયના નિયમો મુજબ હતી. આ શિક્ષકોએ દાયકાઓ સુધી શિક્ષણમાં યોગદાન આપ્યું છે. નવા નિયમો ભૂતકાળની નિમણૂકો પર લાગુ ન થવા જોઈએ. તેથી, કેન્દ્ર સરકારે તાત્કાલિક સુધારા કરવા જોઈએ. મહાસંઘની માંગ છે કે 2010 પહેલાંના શિક્ષકોને TETમાંથી મુક્તિ, સેવા, વરિષ્ઠતા, બઢતી અને અન્ય લાભોનું રક્ષણ મળે.
TET માંથી કાયમી મુક્તિની માંગ: રાષ્ટ્રીય પ્રાથમિક શૈક્ષણિક મહાસંઘે કલેક્ટરને કરી રજૂઆત
ગુજરાત હાઈકોર્ટનો સરકાર પર કટાક્ષ: ચાઇલ્ડ પ્રોટેકશન પોલિસી કેમ બની રહી નથી?
ગુજરાત હાઈકોર્ટે ચાઇલ્ડ પ્રોટેક્શન પોલિસીના મુદ્દે રાજ્ય સરકારની બેદરકારી પર નારાજગી વ્યક્ત કરી છે. કોર્ટે સ્પષ્ટપણે જણાવ્યું છે કે સરકાર કોર્ટના આદેશોની અવગણના કરી રહી છે. ચાઇલ્ડ પ્રોટેક્શન એક્ટ હેઠળ જાહેરહિતની અરજીમાં, હાઈકોર્ટે સરકારને પૂછ્યું કે છેલ્લા એક વર્ષથી શું કાર્યવાહી કરવામાં આવી છે? ડ્રાફ્ટ પોલિસીને એક વર્ષથી વધુ સમય વીતી ગયો હોવા છતાં, 90 દિવસની નિર્ધારિત સમયમર્યાદામાં પોલિસી બનાવવામાં આવી નથી, જેના કારણે સરકાર કન્ટેમ્પટ ઓફ કોર્ટ હેઠળ આવી શકે છે. હાઈકોર્ટે સરકારને વધુ સમય આપવાનો ઇનકાર કર્યો અને મુદત વધારવાની અરજી ફગાવી દીધી.
ગુજરાત હાઈકોર્ટનો સરકાર પર કટાક્ષ: ચાઇલ્ડ પ્રોટેકશન પોલિસી કેમ બની રહી નથી?
સરકારે ટેલિગ્રામ પર પ્રતિબંધ મૂકતાં જ ભારતમાં VPNના વપરાશમાં રેકોર્ડબ્રેક ઉછાળો!
ભારતમાં પરીક્ષાઓમાં ગેરરીતિ અને પેપર લીક અટકાવવા માટે સરકારે ટેલિગ્રામ પર અસ્થાયી પ્રતિબંધ મૂકતા VPNના ઉપયોગમાં ભારે વધારો નોંધાયો છે. પ્રોટોન VPN મુજબ રજીસ્ટ્રેશનમાં 150%નો ઉછાળો આવ્યો છે અને “VPN for Telegram” જેવા સર્ચ પણ વધ્યા છે. NTAએ NEET-UG પેપર લીકના દાવાઓને ફગાવ્યા છે. ટેલિગ્રામના CEO પાવેલ દુરોવે પ્રતિબંધની ટીકા કરી છે, જ્યારે ઇન્ટરનેટ ફ્રીડમ ફાઉન્ડેશને પણ સમગ્ર પ્લેટફોર્મને બ્લોક કરવાના નિર્ણય સામે સવાલો ઉઠાવ્યા છે.
સરકારે ટેલિગ્રામ પર પ્રતિબંધ મૂકતાં જ ભારતમાં VPNના વપરાશમાં રેકોર્ડબ્રેક ઉછાળો!
વડોદરા-મુંબઈ એક્સપ્રેસ-વે પર હવે મળશે સ્પિડ લિમિટના મેમો!
વડોદરા-મુંબઈ એક્સપ્રેસવે પર બેફામ ડ્રાઇવિંગ પર લગામ કસવા NHAI અને RTO એક્શન મોડમાં છે. ગુરુવારથી સ્પિડ ડિટેક્શન સિસ્ટમ લાઈવ થતાં જ પ્રથમ દિવસે 178 વાહનચાલકો સ્પિડ લિમિટનું ઉલ્લંઘન કરતા કેમેરામાં કેદ થયા, જેમને ઘરે ઈ-ચલણ મોકલાયા. એક્સપ્રેસવે પર સતત વધી રહેલા અકસ્માતોને રોકવા આ પગલું લેવાયું છે. દર 10 કિલોમીટરે અત્યાધુનિક કેમેરા વાહનોની ગતિ પર 24 કલાક નજર રાખશે. મુસાફરોની સુરક્ષા માટે બંને દિશામાં દરેક લેન માટે અલગ સ્પિડ લિમિટ નક્કી કરાઈ છે, જેનું ઉલ્લંઘન કરવા પર આકરા દંડની જોગવાઈ છે.
વડોદરા-મુંબઈ એક્સપ્રેસ-વે પર હવે મળશે સ્પિડ લિમિટના મેમો!
અમદાવાદની ગીતામંદિર ગેસ એજન્સીમાં સિલિન્ડર બ્લાસ્ટ
અમદાવાદના ગીતામંદિર પાસે આરોગ્ય ભવન સામે આવેલી એક ગેસ એજન્સીમાં સિલિન્ડર લીકેજ થવાના કારણે ભીષણ આગ લાગી અને સિલિન્ડર બ્લાસ્ટ થયો. આ દુર્ઘટનામાં 3 લોકો દાઝ્યા હોવાનું જાણવા મળ્યું છે, જેમને સારવાર માટે હોસ્પિટલમાં ખસેડવામાં આવ્યા છે. ફાયર બ્રિગેડની ટીમે તાત્કાલિક ઘટનાસ્થળે પહોંચી 70 જેટલા ગેસ સિલિન્ડર બહાર કાઢી આગ બુઝાવવાની કામગીરી હાથ ધરી. આ ઘટનાના કારણે અફરાતફરીનો માહોલ સર્જાયો હતો અને કેટલાક વાહનો પણ આગની ઝપેટમાં આવતા બળી ગયા હતા.
અમદાવાદની ગીતામંદિર ગેસ એજન્સીમાં સિલિન્ડર બ્લાસ્ટ
અમદાવાદ AMC ચોમાસા માટે સજ્જ: WhatsApp થી ફરિયાદ.
અમદાવાદ મ્યુનિસિપલ કોર્પોરેશન (AMC) દ્વારા પાલડી ખાતે 1 જૂનથી 24 કલાક કાર્યરત મુખ્ય મોનસુન કંટ્રોલરૂમ શરૂ કરવામાં આવ્યો છે. આ કંટ્રોલરૂમ શહેરના સાત ઝોનના 25 કંટ્રોલ રૂમો અને અન્ડરપાસ સાથે CCTV અને વાયરલેસ સિસ્ટમથી જોડાયેલો છે. હવે શહેરીજનો WhatsApp દ્વારા ચોમાસા સંબંધિત ફરિયાદો નોંધાવી શકશે, જેનો તાત્કાલિક નિકાલ લાવવામાં આવશે. ચોમાસાની સચોટ માહિતી માટે 42 ઓટોમેટિક રેઈન ગેજ અને 13 એનાલોગ રેઈન ડેટા લોગર પણ કાર્યરત છે.
અમદાવાદ AMC ચોમાસા માટે સજ્જ: WhatsApp થી ફરિયાદ.
NEET-UG Re-Exam પહેલા દેશભરમાં મોક ડ્રિલ.
NEET UG Re-Exam 2026 માટે સરકાર અને NTA સજ્જ છે. પરીક્ષામાં ગેરરીતિ રોકવા અભૂતપૂર્વ સુરક્ષા વ્યવસ્થા હેઠળ, દેશભરના પરીક્ષા કેન્દ્રો પર શનિવારે સવારે 9 થી મોડી રાત સુધી વ્યાપક મોક ડ્રિલ યોજાઈ. અંદાજે 2.5 લાખ સુરક્ષાકર્મીઓ જોડાશે. પ્રશ્નપત્રો અને ઉત્તરવહીઓની સુરક્ષા અર્ધસૈનિક દળોને સોંપાઈ છે. 5000+ પરીક્ષા કેન્દ્રો પર CCTVનું લાઈવ મોનિટરિંગ NTA દ્વારા થશે. સોશિયલ મીડિયા પર 24 કલાક નજર રખાશે. 22 લાખ વિદ્યાર્થીઓ પરીક્ષા આપશે.
NEET-UG Re-Exam પહેલા દેશભરમાં મોક ડ્રિલ.
સાણંદના ડરણ ગામે ખેડૂતોની મંજૂરી વિના પાઇપલાઇન નાખતા હોબાળો.
અમદાવાદના સાણંદ તાલુકાના ડરણ ગામે ખેડૂતોને પૂર્વ નોટિસ આપ્યા વિના કે વળતર ચૂકવ્યા વગર સિંચાઈ વિભાગે ખેતરોમાં પાઇપલાઇન નાખવાની કામગીરી શરૂ કરતાં ભારે વિવાદ સર્જાયો છે. રોષે ભરાયેલા ખેડૂતો અને મહિલાઓએ ભેગા મળીને આ કામગીરી અટકાવી દીધી હતી. ઘટનાસ્થળે પહોંચેલી પોલીસના કડક વલણ સામે ખેડૂતોએ દમનનો આક્ષેપ કર્યો છે. વચોવચ લાઇન નાખવાથી વર્ષો જૂની ફળદ્રુપ જમીન કાયમ માટે નકામી થઈ જવાની ભીતિ હોવાથી, ખેડૂતોએ યોગ્ય વળતર અને લેખિત ખાતરી ન મળે ત્યાં સુધી કામ આગળ વધવા ન દેવાની ચીમકી ઉચ્ચારી છે.
સાણંદના ડરણ ગામે ખેડૂતોની મંજૂરી વિના પાઇપલાઇન નાખતા હોબાળો.
જેલમાંથી છૂટેલી મહિલાઓની દરકાર કોઈ નથી, સમાજની કરૂણતા: ગુજરાત હાઈકોર્ટ
ગુજરાત હાઈકોર્ટમાં મહિલા કેદીઓ માટે ઓપન કરેક્ષ્નલ ઇન્સ્ટિટ્યુશન (OCI) અને તેમના પુનઃઉત્થાન અંગે ચીફ જસ્ટિસે ગંભીર ચિંતા વ્યક્ત કરી. તેમણે જણાવ્યું કે, સમાજમાંથી પાછી પડેલી મહિલાઓને કોઈ સ્વીકારતું નથી, જેના કારણે તેમની માનસિક હાલત વધુ દયનીય બને છે. આર્થિક રીતે સ્વતંત્ર ન હોવાથી સમાજ તેમને ગંભીરતાથી લેતો નથી. હાઈકોર્ટે સરકારને આવી મહિલાઓ માટે યોજના લાવવા અને સ્ટેટ લીગલ સર્વિસ કમિટીને 4 સપ્તાહમાં રિપોર્ટ રજૂ કરવા આદેશ કર્યો છે, જેથી તેઓ ફરીથી સમાજમાં જોડાઈ શકે અને આત્મસન્માન પાછું મેળવી શકે.
જેલમાંથી છૂટેલી મહિલાઓની દરકાર કોઈ નથી, સમાજની કરૂણતા: ગુજરાત હાઈકોર્ટ
રથયાત્રામાં 18 હાથીઓ પર લાગશે 360 Degree કેમેરા.
ભગવાન જગન્નાથજીની 149મી રથયાત્રામાં આ વર્ષે સુરક્ષા માટે ટેકનોલોજીનો અનોખો ઉપયોગ કરવામાં આવશે. રથયાત્રામાં જોડાનારા તમામ 18 હાથીઓ પર GPS ટ્રેકિંગ, 360 ડિગ્રી કેમેરા અને સાઉન્ડ મોનિટરિંગ સિસ્ટમ લગાવવામાં આવશે. આનાથી પોલીસ કંટ્રોલ રૂમમાંથી હાથીઓની હિલચાલ અને આસપાસની ભીડ પર નજર રાખી શકાશે. જો કોઈ હાથી રૂટ બદલશે તો તાત્કાલિક એલર્ટ મળશે. 360 ડિગ્રી કેમેરાથી લાઈવ ફીડ મળશે અને સાઉન્ડ-લેવલ મોનિટરિંગથી હાથીઓ પર અવાજના કારણે થતા તણાવનું ધ્યાન રખાશે.
રથયાત્રામાં 18 હાથીઓ પર લાગશે 360 Degree કેમેરા.
જ્યોતિસંઘ સંસ્થામાં કાઉન્સેલિંગ દરમિયાન પતિએ પત્ની પર કુહાડીથી કર્યો હુમલો.
અમદાવાદના પથ્થરકુવા વિસ્તારમાં જ્યોતિસંઘ સંસ્થામાં બાળકોની કસ્ટડીના કાઉન્સેલિંગ દરમિયાન એક મહિલા પર તેના પતિએ કુહાડીથી હુમલો કર્યો. બાળકોના કસ્ટડીના વિવાદમાં ઉશ્કેરાયેલા પતિ વિજય રાવળે પત્ની દક્ષાબહેનના પગ પર કુહાડી મારી. ઈજાગ્રસ્ત દક્ષાબહેનને હોસ્પિટલમાં દાખલ કરાયા છે. પતિ ઘટનાસ્થળેથી ફરાર થઈ ગયો હતો. પારિવારિક વિખવાદ અને પતિના શંકાશીલ સ્વભાવથી કંટાળીને દક્ષાબહેન છેલ્લા ત્રણ મહિનાથી અલગ રહેતા હતા. પોલીસે ફરિયાદ નોંધી વધુ તપાસ હાથ ધરી છે.
જ્યોતિસંઘ સંસ્થામાં કાઉન્સેલિંગ દરમિયાન પતિએ પત્ની પર કુહાડીથી કર્યો હુમલો.
ભારે વરસાદને પગલે બોડેલી-હાલોલ રોડ પરનું ડાયવર્ઝન ધોવાયું
છોટાઉદેપુરના બોડેલી અને ઉપરવાસમાં પડેલા ભારે વરસાદના કારણે બોડેલી-હાલોલ રોડ પર આવેલું એક મહત્વનું ડાયવર્ઝન ધોવાઈ ગયું છે. પંચમહાલ જિલ્લાના ખાખરિયા ગામ નજીક કોતર પર નવા પુલનું કામ ચાલુ હોવાથી તંત્ર દ્વારા વૈકલ્પિક ડાયવર્ઝન આપવામાં આવ્યું હતું. જોકે, કોતરમાં પાણીની ભારે આવક થતાં માટી-પથ્થરોથી બનેલો આ હંગામી રસ્તો વહી ગયો છે. આ મુખ્ય હાઇવે સંપૂર્ણપણે બંધ થતાં રસ્તાની બંને બાજુએ વાહનોની લાંબી કતારો લાગી છે અને કલાકો સુધી ટ્રાફિક જામમાં ફસાયેલા વાહનચાલકો તેમજ મુસાફરો ભારે હાલાકીનો સામનો કરી રહ્યા છે.
ભારે વરસાદને પગલે બોડેલી-હાલોલ રોડ પરનું ડાયવર્ઝન ધોવાયું
ક્રિકેટર યુવકને અનોખી વિદાય: બેટ અને બોલ સાથે નીકળી અંતિમ યાત્રા.
અમદાવાદ શહેરના અમદુપુરા વિસ્તારમાં ક્રિકેટ પ્રત્યે અદમ્ય પ્રેમ ધરાવતા યુવક રોહિતને તેના પરિવારજનો અને મિત્રો દ્વારા ભાવુક અને અનોખી વિદાય આપવામાં આવી. બીમારીને કારણે નિધન પામેલા રોહિતની અંતિમ યાત્રામાં તેના પાર્થિવ દેહ સાથે ક્રિકેટનું બેટ અને બોલ રાખવામાં આવ્યા હતા. રોહિત એક શાનદાર ખેલાડી અને પ્રતિભાશાળી બોલર તરીકે જાણીતો હતો. ક્રિકેટ પ્રત્યેના તેના સમર્પણને આ રીતે શ્રદ્ધાંજલિ આપવા માટે આ અનોખો નિર્ણય લેવાયો હતો, જેણે ઉપસ્થિત સૌને ભાવુક કરી દીધા.
ક્રિકેટર યુવકને અનોખી વિદાય: બેટ અને બોલ સાથે નીકળી અંતિમ યાત્રા.
બગોદરા-ધંધુકા હાઈવે પર કાર ચાલકનું નિયંત્રણ ગુમાવતા ભયાનક અકસ્માત.
બગોદરા-ધંધુકા હાઈવે પર ધીંગડા ગામ નજીક એક કારચાલકે સ્ટીયરિંગ પરથી કાબૂ ગુમાવતા કારે હવામાં છથી સાત ગુલાંટ મારી હતી. આ ગંભીર અકસ્માતમાં કાર 100 મીટર સુધી ઢસડાઈ હતી. સુરતથી વતન ઉના જઈ રહેલા મુસાફરોમાંથી એક વ્યક્તિનું ઘટનાસ્થળે જ મોત નીપજ્યું હતું, જ્યારે બે વર્ષના બાળકને ગંભીર ઈજાઓ પહોંચી હતી. બચાવ કાર્ય બાદ બાળકને સારવાર માટે ખસેડાયું અને પોલીસે આગળની કાર્યવાહી હાથ ધરી છે.
બગોદરા-ધંધુકા હાઈવે પર કાર ચાલકનું નિયંત્રણ ગુમાવતા ભયાનક અકસ્માત.
ખેડાના ગળતેશ્વરમાં 8 કલાકમાં 3 ઇંચ વરસાદ.
ગુજરાતમાં પ્રિ-મોન્સૂન એક્ટિવિટી તેજ બની છે, જેના કારણે અનેક વિસ્તારોમાં વરસાદ શરૂ થયો છે. ખાસ કરીને પંચમહાલ, છોટા ઉદેપુર અને અમરેલી જિલ્લામાં ગાજવીજ સાથે વરસાદ પડ્યો છે. અસહ્ય ગરમી બાદ વરસાદ વરસતા લોકોને રાહત મળી છે. ગઈકાલ સવાર સુધીમાં 46 તાલુકાઓમાં સારો એવો વરસાદ નોંધાયો છે. પંચમહાલના હાલોલ અને શહેરામાં 3 થી 4 ઇંચ સુધી વરસાદ પડ્યો. જ્યારે ખેડાના ગળતેશ્વરમાં 8 કલાકમાં 3 ઇંચ જેટલો વરસાદ નોંધાયો છે.
ખેડાના ગળતેશ્વરમાં 8 કલાકમાં 3 ઇંચ વરસાદ.
અમદાવાદ રથયાત્રા પૂર્વે જળયાત્રા માટે સાબરમતીમાં પાણી અને કુબેર નગરમાં ફૂટબ્રિજ
અમદાવાદ મ્યુનિસિપલ કોર્પોરેશનની સ્ટેન્ડિંગ કમિટીએ આગામી રથયાત્રા અને શહેરી વિકાસને લગતા મહત્વપૂર્ણ નિર્ણયો લીધા છે. 29 જૂનની જળયાત્રા માટે 22 જૂનથી સાબરમતી નદીમાં પાણી છોડવામાં આવશે. ફૂટપાથ પર થતા દબાણોને નિયંત્રિત કરવા માટે હવે ફૂટપાથની પહોળાઈ ઓછી રાખવાનો નિર્ણય કરાયો છે. ભવિષ્યમાં રોડ ખોદકામ ટાળવા માટે યુટિલિટી લાઈનો સાઈડમાં હશે ત્યાં જ વ્હાઇટ ટોપિંગ કે RCC રોડ બનશે. કુબેરનગર અંડરપાસ પાસે ITI વિદ્યાર્થીઓની સુવિધા માટે તાત્કાલિક ફૂટબ્રિજ બનાવવામાં આવશે.
અમદાવાદ રથયાત્રા પૂર્વે જળયાત્રા માટે સાબરમતીમાં પાણી અને કુબેર નગરમાં ફૂટબ્રિજ
અમદાવાદમાં 120 માઇક્રોનની મર્યાદા છતાં 13-50 માઇક્રોન પ્લાસ્ટિક બેગનું બેફામ ઉત્પાદન
સિંગલ યુઝ પ્લાસ્ટિક પર પ્રતિબંધ બાદ હવે ફક્ત 120 માઇક્રોનથી જાડી પ્લાસ્ટિક બેગ કાયદેસર ગણાય છે. તેમ છતાં, અમદાવાદમાં 10 થી 30 માઇક્રોન જેટલી પાતળી પ્લાસ્ટિક બેગનું ગેરકાયદે ઉત્પાદન ધમધમી રહ્યું છે. બાપુનગર, ઓઢવ અને રખિયાલ જેવા વિસ્તારોમાં આવા અનેક કારખાના કાર્યરત છે. આ પાતળી બેગનો ઉપયોગ શહેરમાં અને અન્યત્ર મોટા પાયે થાય છે. નિયમ મુજબ, આવી બેગ જપ્ત કરી દંડ ફટકારવો જોઈએ, પણ અધિકારીઓ દ્વારા હપ્તા વસૂલીને ઉત્પાદકો સાથે સેટિંગ થતું હોવાનું બહાર આવ્યું છે. GPCB દ્વારા તાજેતરમાં આવા એક કારખાના પર કાર્યવાહી કરવામાં આવી હતી.
અમદાવાદમાં 120 માઇક્રોનની મર્યાદા છતાં 13-50 માઇક્રોન પ્લાસ્ટિક બેગનું બેફામ ઉત્પાદન
ત્રણ મહિના બાદ સ્ટ્રેટ ઑફ હોર્મુઝ પાર કરી LNG જહાજ 'દિશા' ગુજરાત પહોંચ્યું!
પશ્ચિમ એશિયાના તણાવ વચ્ચે ભારત માટે રાહતના સમાચાર છે. LNG tanker Disha Dahej port પર સફળતાપૂર્વક પહોંચી ગયું છે. વ્યૂહાત્મક રીતે સંવેદનશીલ 'સ્ટ્રેટ ઑફ હોર્મુઝ' પાર કરીને આ જહાજ ભરૂચ જિલ્લાના દહેજ પોર્ટ પર લાંગર્યું. કતારથી 62,370 મેટ્રિક ટન LNG લઈને આવેલું આ જહાજ ત્રણ મહિનાથી ખાડી વિસ્તારમાં અટવાયેલું હતું. શિપિંગ કોર્પોરેશન ઓફ ઇન્ડિયા અને Petronet LNG Limited માટે આ એક મોટી સફળતા છે.
ત્રણ મહિના બાદ સ્ટ્રેટ ઑફ હોર્મુઝ પાર કરી LNG જહાજ 'દિશા' ગુજરાત પહોંચ્યું!
મોંઘવારીનો માર, સાબુ, ડિટર્જન્ટ, બિસ્કિટના ભાવ વધવાની તૈયારી
ક્રૂડ ઓઇલ ફુગાવો, પેકેજિંગ મટિરિયલ્સ અને ઇંધણના ખર્ચમાં વધારા વચ્ચે, સાબુ, ડિટર્જન્ટ, બિસ્કિટ, પેકેજ્ડ ફૂડ અને પીણાંના ભાવ વધી શકે છે. દેશની મુખ્ય એફએમસીજી કંપનીઓ વધતા ખર્ચને કારણે નફાકારકતા પરના દબાણને ઘટાડવા માટે તબક્કાવાર ભાવ વધારવાની તૈયારી કરી રહી છે.એફએમસીજી કંપનીના સુત્રોએ તાજેતરમાં સંકેત આપ્યો હતો કે તેઓએ પહેલાથી જ ભાવમાં ત્રણથી પાંચ ટકાનો વધારો કર્યો છે અને જો ખર્ચનું દબાણ ચાલુ રહે તો તે વધુ વધી શકે છે. કંપનીઓનું કહેવું છે કે પશ્ચિમ એશિયામાં ચાલી રહેલા ભૂરાજકીય તણાવે વૈશ્વિક પુરવઠા શૃંખલાઓને અસર કરી છે, જેના કારણે કાચા માલ, લોજિસ્ટિક્સ અને પેકેજિંગ ખર્ચમાં વધારો થયો છે.
મોંઘવારીનો માર, સાબુ, ડિટર્જન્ટ, બિસ્કિટના ભાવ વધવાની તૈયારી
થરાદના ભાચર ગામમાં અદ્યતન નવી લાઈબ્રેરીનું ભવ્ય લોકાર્પણ
થરાદ તાલુકાના ભાચર ગામમાં ગ્રામીણ વિદ્યાર્થીઓ અને વાંચનપ્રેમીઓ માટે એક પ્રશંસનીય કાર્ય થયું છે, જ્યાં નવી અદ્યતન લાઈબ્રેરીનું ભવ્ય લોકાર્પણ કરાયું છે. પૂર્વ સાંસદ પરબત પટેલની સાંસદ ગ્રાન્ટમાંથી નિર્માણ થયેલ આ લાઈબ્રેરી માટે ભાચર ગ્રામ પંચાયતનું આયોજન ઉત્તમ રહ્યું. સરકારી ગ્રાન્ટ ઉપરાંત, સ્થાનિક ગ્રામજનોએ આર્થિક સહયોગ અને શ્રામદાન આપી આ ભગીરથ કાર્યમાં અમૂલ્ય યોગદાન આપ્યું છે, જે શિક્ષણ સંસ્કૃતિને વેગ આપશે.
થરાદના ભાચર ગામમાં અદ્યતન નવી લાઈબ્રેરીનું ભવ્ય લોકાર્પણ
બનાસકાંઠાના થરા શહેરમાં મહારાણી નાયિકા દેવી ઉદ્યાન અને એમ્યુઝમેન્ટ પાર્કનું 20 જૂને લોકાર્પણ
થરા શહેરમાં નાગરિકો માટે એક નવી સુવિધા, મહારાણી નાયિકા દેવી ઉદ્યાન અને એમ્યુઝમેન્ટ પાર્ક, 20 જૂને સાંજે 7:00 વાગ્યે જાગોસર તળાવ ખાતે લોકાર્પણ થવા જઈ રહ્યું છે. આ ઉદ્યાન સ્વર્ણિમ જયંતિ મુખ્યમંત્રી શહેરી વિકાસ આગવી ઓળખ યોજના હેઠળ નિર્માણ પામ્યો છે. ગુજરાત વિધાનસભાના અધ્યક્ષ શંકર ચૌધરી અને બનાસકાંઠાના પ્રભારી મંત્રી કમલેશ પટેલ સહિત અનેક મહાનુભાવો આ કાર્યક્રમમાં ઉપસ્થિત રહેશે, જે શહેરને સુંદર બનાવશે અને મનોરંજનની સુવિધાઓ પૂરી પાડશે.
બનાસકાંઠાના થરા શહેરમાં મહારાણી નાયિકા દેવી ઉદ્યાન અને એમ્યુઝમેન્ટ પાર્કનું 20 જૂને લોકાર્પણ
ડીસામાં ગેરકાયદેસર બાંધકામો સામે નગરપાલિકાની કાર્યવાહી શરૂ
ડીસા નગરપાલિકા વિસ્તારમાં ભાજપના નેતાઓ અને બિલ્ડરો દ્વારા નિર્માણ પામેલા અંદાજે 200 જેટલા ગેરકાયદેસર કોમ્પ્લેક્ષ અને ફ્લેટ સામે કાર્યવાહી શરૂ થઈ છે. નગરપાલિકા દ્વારા ટાઉન પ્લાનરની ટીમે સ્થળ ચકાસણી બાદ નકશા વિરુદ્ધના સાત બાંધકામોને નોટિસ આપી છે. આ નોટિસમાં પ્રથમ વખત સુપરવાઈઝર અને અરજદાર બંનેને પાંચ દિવસમાં ખુલાસો કરવા જણાવ્યું છે. અગાઉ આવા 68 બાંધકામો સામે ટીપી કમિટીમાં કાર્યવાહી ચાલુ છે, પરંતુ હવે નવા બાંધકામો સામે તાત્કાલિક પગલાં લેવાયા છે.
ડીસામાં ગેરકાયદેસર બાંધકામો સામે નગરપાલિકાની કાર્યવાહી શરૂ
બનાસકાંઠાના શાળાના પુસ્તકો પસ્તીમાં વેચવા નીકળ્યાં શિક્ષક
બનાસકાંઠાના દિયોદર પાસે એક સરકારી શાળાના શિક્ષક દ્વારા પાઠ્ય પુસ્તકો પસ્તીના ભાવે વેચવામાં આવી રહ્યા હોવાનો વીડિયો સોશિયલ મીડિયામાં વાયરલ થયો છે. આ ઘટનાએ ભારે ચર્ચા જગાવી છે. સ્થાનિક નાગરિકે ભંગારના ગોડાઉનમાં શિક્ષકને પુસ્તકો વેચતા જોઈ વીડિયો બનાવ્યો હતો. જોકે, શાળાના આચાર્યે SMCના ઠરાવ મુજબ પુસ્તકોનો નિકાલ કર્યાનો દાવો કર્યો છે, જેમાં વરસાદથી પુસ્તકો ખરાબ થવાનો અને જીવજંતુનો ભય ટાળવાનો ઉલ્લેખ છે.
બનાસકાંઠાના શાળાના પુસ્તકો પસ્તીમાં વેચવા નીકળ્યાં શિક્ષક
પંચમહાલ જિલ્લામાં ધોધમાર વરસાદ: બોડેલી સહિત અનેક વિસ્તારો પાણીમાં
બોડેલી પંથકમાં મધરાત્રે અચાનક વાતાવરણમાં પલટો આવતા ધોધમાર વરસાદ વરસ્યો હતો, જેના કારણે ખોડીયાર માતા મંદિર ચોક, એસટી ડેપો, મુખ્ય બજાર અને હરીફાઈ માર્કેટમાં પાણી ભરાયા હતા. લાંબા સમયથી ચાલતી અસહ્ય ગરમીમાંથી રાહત મળતાં નગરજનો અને ધરતીપુત્રોમાં આનંદની લાગણી છવાઈ હતી. વાવણી લાયક વરસાદને કારણે વેપાર ધંધા ખુલવાની આશા જાગી હતી. જોકે, વરસાદ માપવામાં આવેલી માત્રા અને દેખીતા પાણી ભરાવા વચ્ચે તફાવત હોવાનું જણાયું હતું.
પંચમહાલ જિલ્લામાં ધોધમાર વરસાદ: બોડેલી સહિત અનેક વિસ્તારો પાણીમાં
ડભોઇ પંથકમાં મેઘમહેર: લાંબા સમય બાદ વરસાદથી ખેડૂતોમાં ખુશી અને રાહત
ડભોઇ શહેર અને સમગ્ર તાલુકામાં હવામાન વિભાગની આગાહી મુજબ ધીમી ધારે વરસાદની શરૂઆત થઈ છે. લાંબા સમયથી અસહ્ય બફારો અને ગરમીથી ત્રસ્ત લોકોને આ વરસાદથી મોટી રાહત મળી છે. વરસાદ પડતાં જ સમગ્ર ડભોઇ પંથકમાં ઠંડક પ્રસરી ગઈ છે, અને લોકોને ગરમીથી મુક્તિ મળી છે. વરસાદમાં બાળકોએ આનંદ માણ્યો હતો. ધીમા વરસાદને કારણે મુખ્ય રસ્તાઓ પર પાણી ભરાયા હતા. આ વરસાદ ડભોઇવાસીઓ માટે ગરમીથી રાહત અને ખેડૂતો માટે નવી આશા લઈને આવ્યો છે.
ડભોઇ પંથકમાં મેઘમહેર: લાંબા સમય બાદ વરસાદથી ખેડૂતોમાં ખુશી અને રાહત
વડોદરાના ડભોઈના વણાદરા ગામે વર્ષો જૂનું વિશાળ વૃક્ષ ધરાશાયી
ચોમાસાની શરૂઆત થતાં જ ડભોઈ તાલુકાના વણાદરા ગામમાં ભારે વરસાદને કારણે મધ્યમાં આવેલું એક વર્ષો જૂનું વિશાળ વૃક્ષ મૂળમાંથી ઉખડીને ધરાશાયી થયું. આ ઘટનાને કારણે ગ્રામજનોમાં ભયનો માહોલ ફેલાયો હતો. જોકે, સદભાગ્યે વૃક્ષ પડતી વખતે નજીક લોકોની અવરજવર હોવા છતાં કોઈ જાનહાનિ થઈ ન હતી. પરંતુ, વૃક્ષના વજન હેઠળ દબાઈને એક ભેંસ ગંભીર રીતે ઘાયલ થઈ હતી, જેને તાત્કાલિક સારવાર અપાઈ રહી છે. આ ઘટનાથી બે વીજ પોલ પણ કકડભૂસ થયા હતા.
વડોદરાના ડભોઈના વણાદરા ગામે વર્ષો જૂનું વિશાળ વૃક્ષ ધરાશાયી
સતીષાણા ગામે સાડાચાર વર્ષની બાળકીના અપહરણ અને હત્યાના ગંભીર ગુનાનો ભેદ ઉકેલાયો
વડોદરા ગ્રામ્ય પોલીસ દ્વારા શિનોર તાલુકાના સતીષાણા ગામે સાડાચાર વર્ષની બાળકીના અપહરણ અને હત્યાના જઘન્ય ગુનાનો ભેદ ગણતરીની કલાકોમાં ઉકેલી આરોપી અજય લક્ષ્મણ રાઠોડિયાને ઝડપી પાડયો હતો. પ્રેમ સંબંધ અને અદાવતના કારણે આરોપીએ બાળકીનું અપહરણ કરી તેની હત્યા કરી મૃતદેહ કેનાલમાં ફેંકી દીધો હતો. પોલીસ કાર્યવાહી બાદ મૃતદેહ મળતા સમગ્ર ઘટનાનો ઘટસ્ફોટ થયો હતો.
સતીષાણા ગામે સાડાચાર વર્ષની બાળકીના અપહરણ અને હત્યાના ગંભીર ગુનાનો ભેદ ઉકેલાયો
પંચમહાલના બોડેલીની હરખલી કોતરને મૂળ સ્વરૂપમાં લાવવા માપણી કામગીરી શરૂ કરાઈ
બોડેલી નગરપાલિકાના અધિકારીઓ અને પદાધિકારીઓની ટીમ હરખલી કોતરના જૂના નકશા સાથે અલીપુરા ચાર રસ્તા વિસ્તારથી માપણી કામગીરી શરૂ કરી. આ માપણી કોતરની મૂળ પહોળાઈ નક્કી કરવા અને ગેરકાયદે દબાણો દૂર કરવા માટે કરવામાં આવી રહી છે. આ કાર્યવાહીથી નીચાણવાળા વિસ્તારોમાં રહેતા રહીશોમાં ખુશીનો માહોલ છે, કારણ કે તેનાથી વરસાદી પાણીના નિકાલમાં સુધારો થશે. નગરપાલિકા હરખલી કોતરને તેના મૂળ સ્વરૂપમાં પુનઃસ્થાપિત કરવાનો પ્રયાસ કરી રહી છે, જેથી ભવિષ્યમાં પાણી ભરાવાની સમસ્યા હલ થઈ શકે.
પંચમહાલના બોડેલીની હરખલી કોતરને મૂળ સ્વરૂપમાં લાવવા માપણી કામગીરી શરૂ કરાઈ
વડોદરાના વાઘોડિયા નગરમાં બુધવારે મોડી રાત્રે વરસાદી ઝાપટું
વડોદરાના વાઘોડિયા નગરમાં છેલ્લા કેટલાક દિવસોથી વાદળછાયો માહોલ અને ઉકળાટભર્યું વાતાવરણ ઘણાં સમયથી જોવા મળતું હતું. જેના કારણે લોકો હેરાન પરેશાન થઈ ગયા હતા. ત્યારે ગતરોજ બુધવારે મોડી સાંજે વાઘોડિયાના વાતાવરણમાં એકાએક પલટો આવ્યો હતો. અને જોતજોતામાં એક જોરદાર વરસાદી ઝાપટું પડયું હતું. જેના કારણે નગરના મુખ્ય બજાર તેમજ રહેણાંક વિસ્તારમાં વરસાદી પાણી ભરાયા હતા. અને નગરજનોને ગરમી અને ઉકળાટથી રાહત થઈ હતી.
વડોદરાના વાઘોડિયા નગરમાં બુધવારે મોડી રાત્રે વરસાદી ઝાપટું
વડોદરાના ડેસર તાલુકામાં ચોમાસાની ધમાકેદાર એન્ટ્રી: 53 મી.મી. વરસાદ
ડેસર તાલુકામાં બુધવારની મોડી રાત્રે વીજળીના કડાકા-ભડાકા અને ભારે પવન સાથે ચોમાસાએ ધમાકેદાર આગમન કર્યું. સમગ્ર તાલુકો તરબતર થઈ ગયો હતો, જેમાં ડેસર, વાલાવાવ, વેજપુર સહિત અનેક ગામોમાં સારો વરસાદ નોંધાયો. માત્ર બે કલાકમાં 53 મી.મી. વરસાદને કારણે નીચાણવાળા વિસ્તારોમાં પાણી ભરાયા. દાજીપુરા ગામે એક મકાન ધરાશાયી થયું, પરંતુ જાનહાનિ થઈ ન હતી. વાલાવાવ ચોકડી ખાતે 20 થી વધુ દુકાનોમાં પાણી ઘૂસતાં વેપારીઓને હાલાકી પડી. વરસાદથી લોકોને ગરમીમાંથી રાહત મળી.
વડોદરાના ડેસર તાલુકામાં ચોમાસાની ધમાકેદાર એન્ટ્રી: 53 મી.મી. વરસાદ
છોટાઉદેપુરના સિહોદમાં ભારજ નદી પરનું ડાયવર્ઝન પ્રથમ વરસાદમાં આંશિક ધોવાયું
છોટાઉદેપુર જિલ્લાના સિહોદ ખાતે ભારજ નદી પર બુધવારે રાત્રે બનેલું જનતા ડાયવર્ઝન પ્રથમ વરસાદમાં આંશિક રીતે ધોવાઈ ગયું છે. જેના કારણે ભારદારી વાહનોની અવરજવર હાલ પૂરતી બંધ કરી દેવામાં આવી છે. ને. હા. 56 પરના પુલ તૂટી ગયા બાદ તંત્ર દ્વારા કરોડોના ખર્ચે બનાવેલા આ ડાયવર્ઝન પહેલા જ વરસાદમાં ધોવાઈ જતા વાહનચાલકોને 40 કિલોમીટરનો લાંબો ફેરો ફરવો પડી રહ્યો છે. તંત્ર દ્વારા તાત્કાલિક જેસીબી મશીન વડે માટી પુરાણની કામગીરી શરૂ કરવામાં આવી છે.