મહારાષ્ટ્ર TET પેપર લીક કેસમાં ભિવંડી પોલીસે મુખ્ય આરોપી વિજયેન્દ્રકુમાર ગુપ્તા (43) અને તેના સાગરિત ઈન્દ્રજિત સિંહને બિહારના પટનાથી ઝડપી લીધા છે. સ્પેશિયલ ઈન્વેસ્ટિગેશન ટીમ (SIT) દ્વારા તપાસ ચલાવવામાં આવી રહી છે. બંને આરોપીઓને પુણે અને ભિવંડી લાવી કોર્ટમાં રજૂ કરી રિમાન્ડ મેળવાયા છે. ગુપ્તા આ આંતરરાજ્ય પેપર લીક નેટવર્કમાં મુખ્ય સમન્વયક છે. અત્યાર સુધી કુલ 14 આરોપીઓની ધરપકડ થઈ છે. આ પ્રકરણ 27 જૂને બહાર આવ્યું હતું અને પરીક્ષા મોકૂફ રખાઈ હતી. ગુપ્તાએ પ્રિન્ટિંગ પ્રેસના કર્મચારીઓની મદદથી ઓછા ભાવમાં પેપર મેળવી લાખોમાં વેચવાનો પ્રયાસ કર્યો હતો.