અમદાવાદમાં ભીખ માંગવા અને દુઃખ દૂર કરવાની વિધિના નામે ઘરમાં ઘૂસી સોનાના દાગીના પડાવતી એક મહિલાને રામોલ પોલીસે ઝડપી પાડી છે. પોલીસે 60,000 રૂપિયાની સોનાની બુટ્ટી કબજે કરી વિશ્વાસઘાત અને છેતરપિંડીના ગુનાનો ભેદ ઉકેલ્યો છે. આરોપી મહિલા અગાઉ રાજ્યના અનેક શહેરોમાં પણ આવા ગુના આચરી ચૂકી છે. દુઃખ દૂર કરવાની વિધિનું બહાનું કાઢી 6 ગ્રામ સોનાની બુટ્ટી મેળવી ફરાર થઈ ગઈ હતી. પોલીસે બાતમીના આધારે તેને દબોચી લીધી. પૂછપરછમાં તેની ઓળખ મીનાબેન મહેન્દ્રભાઈ વાદી તરીકે થઈ, જેણે બુટ્ટી ગીરો મૂક્યાની કબૂલાત કરી. તેની સામે માંડવી, મહેસાણા, ઘાટલોડિયા, પાલનપુર, નરોડા અને છાપી પોલીસ સ્ટેશનમાં ગુના નોંધાયેલા છે.