મુન્દ્રા, મરીન અને પ્રાગપર પોલીસ મથકોમાં ગેરકાયદેસર પ્રવૃત્તિઓ ધમધમી રહી હોવાનો ગંભીર આરોપ લગાવી, 4-5 વર્ષથી એક જ જગ્યાએ ફરજ બજાવતા ભ્રષ્ટ પોલીસ કર્મચારીઓની તાત્કાલિક બદલી કરવાની માંગ શહેર કોંગ્રેસ સમિતિએ કરી છે. આવેદનપત્ર મુજબ, પોલીસ કર્મચારીઓ બુટલેગરો, વ્યાજખોરો અને નશાકારક પદાર્થો વેચનારાઓના સંપર્કમાં છે. કંપની ગેટ અને ઝાડીઓમાં દારૂના અડ્ડા, તેમજ સ્પાની આડમાં દેહવ્યાપાર પોલીસની રહેમનજર હેઠળ ચાલી રહ્યો છે. આ ત્રણેય પોલીસ સ્ટેશનોમાં નવા સ્ટાફની નિમણૂક, ગેરકાયદેસર પ્રવૃત્તિઓમાં સામેલ લોકો સામે કડક કાર્યવાહી અને દારૂનો પોઈન્ટ પકડાય તો પોલીસને ફરજ મોકૂફ કરવાની પણ માંગ કરાઈ છે.