પોરબંદર મહાનગરપાલિકા દ્વારા આયોજિત જન્માષ્ટમી લોકમેળા-2026 માટે ફૂડ ઝોન, રમકડાં-કટલેરી, રાઇડ્સ, પાથરણા-કેબિન-રેકડી અને વિવિધ ગ્રાઉન્ડના પ્લોટની હરાજી પ્રક્રિયા સફળતાપૂર્વક પૂર્ણ થઈ છે. આ હરરાજીથી મનપાને કુલ રૂ. 2,72,51,500ની આવક થઈ છે. મેળાના મુખ્ય આકર્ષણ સમા મોતના કૂવાના પ્લોટની જીએસટી સાથે રૂ.11.09 લાખમાં હરાજી થઈ. 15 હેવી રાઇડ્સના પ્લોટ માટે રૂ.1.43 કરોડ અને નાની રાઇડ્સ માટે રૂ.3.54 લાખની આવક નોંધાઈ. ફૂડ ઝોન, પ્રીમિયમ ફૂડ સ્ટોલ, રમકડાં-કટલેરી ઝોન, સખી મંડળના સ્ટોલ, પાથરણા-કેબિન-રેકડી, તથા મેળાના વિવિધ ગ્રાઉન્ડની હરાજી પણ કરવામાં આવી.