બિહારના મુઝફ્ફરપુરમાં રેલવે સુરક્ષા પર ગંભીર સવાલો ઊભા કરતી ઘટના સામે આવી છે. મુઝફ્ફરપુર જંક્શન અને રામદયાલુ નગર સ્ટેશન વચ્ચે દોઢ કલાકમાં Vande Bharat Express સહિત ત્રણ ટ્રેનો પર પથ્થરમારો કરવામાં આવ્યો હતો. પાટલિપુત્ર-ગોરખપુર વંદે ભારત એક્સપ્રેસના ત્રણ કોચના કાચ તૂટી જતા મુસાફરોમાં ભારે ભય અને અફરાતફરી ફેલાઈ ગઈ હતી. ઘટનાથી ગભરાયેલા મુસાફરો સીટો છોડીને ભાગવા લાગ્યા હતા. બાદમાં મુસાફરોએ તાત્કાલિક રેલવે પ્રશાસન અને RPFને જાણ કરી હતી.

ED એ AAP નેતા દીપક સિંગલા અને અન્ય લોકોના દિલ્હી અને ગોવા સ્થિત સ્થળો પર બેંક લોન ફ્રોડના મની લોન્ડરિંગ કેસમાં દરોડા પાડ્યા. સિંગલા MCD અને મહારાષ્ટ્ર-ગોવા AAP ના પ્રભારી છે. AAP એ આ કાર્યવાહીને રાજકીય ગણાવી કેન્દ્ર સરકાર પર એજન્સીઓના દુરુપયોગનો આરોપ મૂક્યો.

સુરત શહેરમાં કાયદો અને વ્યવસ્થાની સ્થિતિ પર સવાલો ઉઠાવતી એક સનસનાટીભરી ઘટના સામે આવી છે. શહેરના ઉધના રોડ નંબર 6 ખાતે ભાજપના યુવા પદાધિકારી જય દલાલની તીક્ષ્ણ હથિયારોના ઘા ઝીંકીને જાહેરમાં ક્રૂર હત્યા કરવામાં આવતા ચકચાર મચી ગઇ છે. મૃતક જય દલાલ સુરતના લીંબાયત વિસ્તારના ધારાસભ્ય સંગીતાબેન પાટીલની અત્યંત નજીક ગણાતા મહિલા અગ્રણી જયશ્રીબેન દલાલનો પુત્ર હતો. આ ઉપરાંત તે પોતે પણ ભાજપ સંગઠન સાથે સક્રિયપણે જોડાયેલો હતો અને ડીંડોલી વોર્ડ યુવા મોરચાના ઉપપ્રમુખ તરીકે પક્ષની જવાબદારી સંભાળતો હતો.

વિજાપુરમાં સાવકા પિતાએ સગીરાને બળાત્કારનો શિકાર બનાવી. માતા વેપાર કરવા જતી ત્યારે એકલતાનો લાભ ઉઠાવી, ધમકી આપી, વર્ષ 2022થી શારીરિક સંબંધ બાંધી બળાત્કાર ગુજાર્યો. સગીરાએ હિંમત ભેગી કરી ફરિયાદ નોંધાવી. પોલીસે પોક્સો એક્ટ હેઠળ ગુનો નોંધી કાર્યવાહી હાથ ધરી.

સુરત ક્રાઇમ બ્રાન્ચે 21 ગુનાહિત ઇતિહાસ ધરાવતા રીઢા ગુનેગાર સુબોધ રામાણીને સચિન વિસ્તારમાં પાનના ગલ્લા પર લૂંટના કેસમાં ઝડપી પાડ્યો છે. આરોપીએ મફતમાં માવો ખાઈ પૈસા માંગતા વેપારીને માર મારી 7-8 હજારની લૂંટ ચલાવી હતી. તેની સામે હત્યાનો પ્રયાસ, લૂંટ, ચોરી સહિત કુલ 21 ગુના નોંધાયેલા છે અને 3 વખત પાસા હેઠળ કાર્યવાહી થઈ ચૂકી છે.

રાજકોટના સામા કાંઠાની ભગીરથ સોસાયટીમાં દેશી દારૂ પીધા બાદ મનસુખ ડાભી અને અલ્પેશ સાબરિયા નામના બે મિત્રોના શંકાસ્પદ સંજોગોમાં મોત નીપજ્યા છે. પોલીસને દારૂમાં કેમિકલ ભેળસેળની શંકા છે. Forensic PM બાદ સચોટ કારણ જાણી શકાશે. આ ઘટનાથી દેશી દારૂના દૂષણ સામે જનઆક્રોશ ફાટી નીકળ્યો છે.

લખનઉમાં 'છાપરા-ગોમતી નગર એક્સપ્રેસ' ટ્રેનના સ્લીપર કોચમાંથી એક મહિલાનો પાંચ ટુકડામાં કાપેલો, માથા વગરનો મૃતદેહ મળ્યો. રૂટીન ચેકિંગ દરમિયાન GRP ને બોક્સ અને બેગમાંથી શરીરના અંગો મળ્યા, જેનાથી સમગ્ર વિસ્તારમાં ખળભળાટ મચી ગયો છે.

મેક્સિકોના પુએબ્લા રાજ્યના તેહુઇટ્ઝિંગો શહેરમાં અજાણ્યા હુમલાખોરે અંધાધૂંધ ગોળીબાર કરીને 10 લોકોનો જીવ લીધો. આ ઘટનામાં 6 પુરુષો, 3 મહિલાઓ અને એક બાળકનો સમાવેશ થાય છે. ફેડરલ અને સ્થાનિક પોલીસ દ્વારા તપાસ ચાલી રહી છે, પરંતુ હુમલાખોર કે તેના હેતુ વિશે કોઈ સ્પષ્ટ માહિતી નથી. આ પુએબ્લા રાજ્યમાં હિંસાની પ્રથમ ઘટના નથી, અગાઉ પણ આવા હુમલાઓ થયા છે.

સુરત પોલીસે વડોદરાના ૨ લાખની બેંક લૂંટના આરોપી યોગેશ પાટીલને ઝડપી પાડ્યો. આ ગેંગ રૂમાલમાં કાગળનું બંડલ અને ઉપર એક 500ની નોટ રાખી ગ્રાહકોનું ધ્યાન ભટકાવી છેતરપિંડી કરતી હતી. આરોપી સુરતમાં 9 ગુનાઓમાં પણ સંડોવાયેલો છે.

સુરત પોલીસે સચિન GIDC વિસ્તારમાંથી મોબાઇલ ચોરનાર જમીલ તૈલી નામના રીઢા ગુનેગારને ઝડપી પાડ્યો છે. તેની પાસેથી ૩ મોંઘા મોબાઇલ અને ચોરીમાં વપરાયેલી મોટરસાયકલ કબજે કરી, જેની કિંમત ૯૭,૦૦૦ રૂપિયા છે. આરોપી અગાઉ પણ અનેક ગુનાઓમાં સંડોવાયેલો છે. પોલીસે ગુનાનો ભેદ ઉકેલી વધુ તપાસ હાથ ધરી છે.

રાજકોટ એરપોર્ટ પરથી 400 કિલો શંકાસ્પદ ચાંદી ઝડપાઈ. 181 કિલો ચાંદી બિનહિસાબી મળી આવતા ATS, DGGI, SGST, IT, IB તપાસમાં જોડાયા. મોટા ટેક્સ ચોરીના કૌભાંડની આશંકા. હવે ED પણ તપાસમાં સામેલ થાય તેવી શક્યતા.

કેન્દ્રશાસિત પ્રદેશ દીવમાં રાત્રિના સમયે નાગવા રોડ પર બે કાર સામસામે અથડાતા મધ્યપ્રદેશના પિતા (ઉંમર 50) અને પુત્ર (ઉંમર 16)ના ઘટનાસ્થળે જ મોત થયા હતા. મૃતકના પત્ની અને ભત્રીજા ઘાયલ થતાં સારવાર માટે ખસેડાયા છે. પરિવાર જૂનાગઢથી દીવ ફરવા આવ્યો હતો. સુરતના કાર ચાલક સહિત ત્રણ ઝડપાયા, ત્રણ નાસી છૂટ્યા.

વડોદરા ક્રાઇમ બ્રાન્ચે ગેસ સિલિન્ડર ચોરતા રીઢા ગુનેગાર અનિલ મહિડાને ઝડપી પાડ્યો. મોંઘવારીનો ફાયદો ઉઠાવી, તે ચોરીની મોપેડનો ઉપયોગ કરી રહેણાંક વિસ્તારોમાંથી સિલિન્ડર ચોરી કરતો હતો. આ સિલિન્ડરો તે સ્થાનિક હોટેલો અને લારીવાળાઓને સસ્તા ભાવે વેચી દેતો હતો. પોલીસે તેની પાસેથી ૨ ચોરેલી મોપેડ અને ૫ ગેસ સિલિન્ડર કબજે કરી ૭ ગુનાઓનો ભેદ ઉકેલ્યો.

ભરૂચ નજીક શુક્લતીર્થ ગામમાં નદી વિસ્તારમાં JCBના બકેટથી ગળું દબાવી એક યુવકની હત્યાનો ચોંકાવનારો કિસ્સો સામે આવ્યો છે. મૃતદેહ મળતાં લોકો અને પોલીસ ઘટના સ્થળે દોડી આવ્યા હતા. ગળા પાસે JCBનું બકેટ મળતાં આ બનાવ અકસ્માત છે કે ઇરાદાપૂર્વકની હત્યા તે અંગે તર્કવિતર્ક ચાલી રહ્યા છે. પોલીસે મૃતદેહને પોસ્ટમોર્ટમ માટે મોકલી, યુવકની ઓળખ અને ફરિયાદ નોંધી તપાસ શરૂ કરી છે.

રાજસ્થાનના બિવાલ પરિવારની બબાલ ગયા વર્ષે પાંચને એડમિશન મળ્યું તેમાંથી બે નીટ પહેલા અભ્યાસમાં સાવ નબળા હતાજયપુર: નીટ પેપર લીક મામલે સતત નવા ખુલાસા થઇ રહ્યા છે, આ સમગ્ર કાંડની શરૂઆત રાજસ્થાનથી થઇ હતી, અહીંયા એક બિવાલ પરિવારના ત્રણ લોકોની ધરપકડ કરાઇ છે. જેમણે પેપર લીક કરાવીને પોતાના જ સંતાનોને આપ્યા હતા. જોકે આ પરિવારના અગાઉ પાંચ લોકો નીટ પાસ કરીને કોલેજોમાં એડમિશન લઇ ચુક્યા છે, પણ અભ્યાસમાં તેઓ શૂન્ય છે.

શેરબજારની ભાષામાં જેને ઇનસાઇડર ટ્રેડિંગ કહેવાય તેવું રાજકારણમાં પણ ચાલતું હોય છે, પણ બજારમાં રેગ્યુલેટરી ઓથોરિટી છે. જ્યારે અહીં તો રેગ્યુલેટરી પોતે જ શંકાના ઘેરામાં છે. મ.પ્ર.ના ભોપાલમાં ૫૦ IAS અને IPSસે ૨૦૨૨માં એક જ નાણાકીય વ્યવહારથી ૨.૦૨૩ એકર જમીન ૫.૫ કરોડમાં ખરીદી હતી. ફક્ત ૨૪ મહિનામાં તેનું મૂલ્ય ૬૦ કરોડથી વધુ થઈ ગઈ હતું. જેની પાછળનું કારણ આ જમીન આસપાસનો સરકારી પ્રોજેક્ટ હતો. જમીન ખરીદ્યાના થોડા જ મહિનાઓમાં અહીંથી હાઇવે પસાર કરવાને મંજૂરી મળી ગઇ હતી.

જામનગર પોલીસે યાદવ નગરના ખેડૂત નારણભાઈ કંડોરીયાના ચોરાયેલા 7.5 લાખ રોકડા અને સોનાની વીંટી ગણતરીની કલાકોમાં શોધી કાઢ્યા. LCB અને સીટી સી ડિવિઝન પોલીસની આધુનિક ટેકનોલોજી અને હ્યુમન ઇન્ટેલિજન્સના ઉપયોગથી આરોપી ઝડપાયો. રાજ્ય સરકારના 'તેરા તુજકો અર્પણ' અભિગમને સાર્થક કરતી આ કાર્યવાહીમાં, SP ડો. રવિ મોહન સૈની અને અન્ય અધિકારીઓએ ખેડૂતને મુદ્દામાલ પરત સોંપ્યો. પોતાની મહેનતની કમાણી સુરક્ષિત મળતા ખેડૂતે પોલીસનો આભાર માન્યો.

વડોદરા નજીક નેશનલ હાઈવે 48 પર PCB એ સફેદ કારમાંથી 2.67 લાખના દારૂ સાથે લિસ્ટેડ બુટલેગર સન્ની ઉર્ફે બાબલાને ઝડપી પાડ્યો. 7 લાખની મતા સાથે, ગેંગ ડ્રાઇવરો-વાહનો બદલી અને બાઇકથી પાયલોટિંગ કરી દારૂ લાવતી હતી. સન્ની 11 ગુનામાં સંડોવાયેલો હતો અને કપુરાઈ પોલીસ સ્ટેશનમાં ગુનો નોંધાયો છે.

ભુજના હમીરસર વોકવેમાં ઠંડી હવાનો આનંદ માણવા હજારો લોકો ઉમટી રહ્યા છે. રાત્રે અંદાજે 1500 ટુ-વ્હીલર અને 100 ફોર-વ્હીલર પાર્ક થાય છે. પણ, બેસવા માટે અપૂરતા બાંકડા, બંધ લાઈટો, પાણીની પરબનો અભાવ, અને ડોમમાં સુવિધાઓની કમીને કારણે લોકોને મુશ્કેલી પડે છે. કરદાતા નાગરિકો સુવિધાઓ સુધારવાની માંગ કરી રહ્યા છે.

શામળાજીના અણસોલ ચેકપોસ્ટ પાસેથી કતલના ઇરાદે રાજસ્થાન લઈ જવાતી 7 ભેંસો અને 2 પિકઅપ ડાલા સાથે બે આરોપીને એલસીબીએ ઝડપી પાડી મૂંગા પશુઓને બચાવ્યા. એલસીબીએ બાતમીના આધારે ચેકિંગ દરમિયાન આ કાર્યવાહી કરી બંને આરોપીઓ સામે પશુઓ પ્રત્યે ક્રૂરતા અધિનિયમ હેઠળ ગુનો નોંધી વધુ તપાસ હાથ ધરી છે.

અસહ્ય ગરમીથી રાહત મેળવવા રાજપીપળા પાસેનું 'ધોબીશાલ' સ્થળ પ્રવાસીઓનું આકર્ષણ બન્યું છે. કરજણ નદીના ઠંડા પાણીમાં સ્નાન અને સુંદર નજારાનો આનંદ માણવા લોકો ઉમટી રહ્યા છે. ધોબીશાલના કાંઠે સાંજના પાંચ વાગ્યા પછી જામતી ભીડને કારણે અહીં સ્થાનિક રોજગારીની નવી તકો પણ ઊભી થઈ છે.

મુંબઈ ઈન્ડિયન્સના યુવા બેટ્સમેન તિલક વર્મા ફરી અંગત જીંદગીને લઈને ચર્ચામાં છે. સૂર્યકુમાર યાદવના 'in love' કહેતા વીડિયો બાદ તેલુગુ અભિનેત્રી શ્રીલીલા સાથે ડેટિંગની અફવાઓ તેજ થઈ છે. અગાઉ તિરુમાલા મંદિર અને IPL મેચ વખતે બંનેની હાજરીએ ચર્ચા જગાવી હતી. જોકે, બંનેએ કોઈ પ્રતિક્રિયા આપી નથી.

NEET-UG-2026 પેપર લીક કેસમાં નવો ખુલાસો થયો છે કે, માત્ર એક પેપર જ નહીં, પ્રશ્નપત્રનો બીજો રિઝર્વ સેટ પણ લીક થયો હતો. આ રિઝર્વ સેટના પ્રશ્નો પણ 'ગેસ પેપર' (સંભવિત પ્રશ્નપત્ર)ના સવાલો સાથે મોટાભાગે મેળ ખાતા હતા. મુખ્ય આરોપીઓ આસિસ્ટન્ટ પ્રોફેસર પી.વી.કુલકર્ણી અને મનીષા ગુરુનાથ માંધરેએ મળીને આ ગેસ પેપર તૈયાર કર્યું હતું અને તેને અનેક રાજ્યોમાં વેચ્યું હતું.

'લાલો' ફિલ્મના અભિનેતા કરણ જોશી પર અભિનેત્રી નેહલ વડોલિયાએ શારીરિક સુખની માંગણીનો આક્ષેપ લગાવ્યો છે. કરણે આને મોબાઈલ હેક થવાનું કારણ ગણાવ્યું છે, જોકે નેહલ પુરાવા સાથે સત્ય સામે લાવવાનો દાવો કરી રહી છે.

સુરેન્દ્રનગર જિલ્લામાં ગેરકાયદે ખનીજ ખનન અને વહન કરતા માફિયાઓ સામે મોટી કાર્યવાહી. સાયલા, મૂળી અને થાનગઢમાંથી 42 થી વધુ લોકોની અટકાયત. સોશિયલ મીડિયા પર ડિજિટલ નેટવર્ક બનાવી સરકારી અધિકારીઓની રેકી કરતા હોવાનો ઘટસ્ફોટ. 10થી વધુ વોટ્સએપ ગ્રુપ દ્વારા અધિકારીઓની થતી હતી રેકી. તમામ આરોપીઓને SP કચેરી ખસેડાયા, સઘન તપાસ શરૂ.

અમદાવાદના ગીતા મંદિર પાસેથી SGST વિભાગે ખાનગી બસમાંથી 100 કિલો ચાંદીનો જથ્થો ઝડપી પાડ્યો. મોટાભાગના જથ્થાના કોઈ બિલ કે દસ્તાવેજો મળ્યા નથી. મળતી માહિતી અનુસાર, સ્ટેટ GSTની ટીમને ચોક્કસ બાતમી મળી હતી કે અમદાવાદથી રાજકોટ જતી ખાનગી લક્ઝરી બસમાં ચાંદીની ગેરકાયદે હેરાફેરી થઈ રહી છે. આ બાતમીના આધારે ગીતા મંદિર વિસ્તારમાં વોચ ગોઠવીને એક શંકાસ્પદ શખસને અટકાવવામાં આવ્યો હતો.

અમદાવાદ એરપોર્ટ પર કસ્ટમ્સ વિભાગ દ્વારા ગેરકાયદે વિદેશી સિગારેટના મોટા જથ્થાનો પર્દાફાશ થયો છે. બે શંકાસ્પદ પેસેન્જરો પાસેથી 16,600 નંગ વિદેશી સિગારેટ જપ્ત કરાઈ છે. પ્રતિબંધિત માલ જપ્ત કરી બંને મુસાફરોની અટકાયત કરી કાયદેસરની કાર્યવાહી હાથ ધરાઈ છે. આ બંને આરોપીઓ કેરલમના રહેવાસી છે અને કસ્ટમ્સ ડ્યુટી ચોરીને નફો કમાવવાના હેતુથી આ જથ્થો લવાયો હોવાની આશંકા છે.

સુપરસ્ટાર રજનીકાંતે CM વિજયની સફળતા અંગે ઈર્ષ્યાની વાતોને ફગાવી દીધી. કહ્યું, "હું કોઈ સસ્તો કે લો-સ્ટાન્ડર્ડ માણસ નથી." તેમણે સ્પષ્ટ કર્યું કે રાજકારણમાં ન હોવાથી વિજયની ઈર્ષ્યા કરવાનો સવાલ જ નથી. રજનીકાંતે કહ્યું કે તેમની અને વિજય વચ્ચે આશરે 25 વર્ષનો મોટો જનરેશન ગેપ છે. તેમણે વિજયને તેની શરૂઆતના દિવસોથી જોયો છે. સ્ટાલિન સાથેની મુલાકાત મિત્રતાપૂર્ણ હતી. TVKની જીતથી ખુશ અને આશ્ચર્યચકિત થયા હતા.

અમદાવાદ એરપોર્ટ પર એર ઈન્ટેલિજન્સ યુનિટ (AIU)એ બેંગકોકથી આવેલ એક પેસેન્જર પાસેથી 6.540 કિલોગ્રામ ગાંજો જપ્ત કર્યો છે. આંતરરાષ્ટ્રીય ફ્લાઈટ મારફતે ગાંજાની તસ્કરી બદલ NDPS એક્ટ હેઠળ ગુનો નોંધી તેની ધરપકડ કરાઈ છે. છત્તીસગઢના રાયપુરના રહેવાસી આ પેસેન્જર તેની પહેલી જ વિદેશ યાત્રામાં ડ્રગ્સ માફિયાઓ માટે 'ડ્રગ કેરિયર' બન્યો હતો. પોલીસ હવે આ રેકેટના મૂળ સુધી પહોંચવા તપાસ કરી રહી છે.

રાજકોટ ઇન્ટરનેશનલ એરપોર્ટ પરથી અંદાજે ₹10 કરોડની કિંમતની 400 કિલો ચાંદી ઝડપાતા ભારે સનસનાટી ફેલાઈ છે. સેન્ટ્રલ ઇન્ટેલિજન્સ બ્યુરો (IB)એ બાતમીના આધારે દરોડો પાડી આ બિનહિસાબી જથ્થો કબજે કર્યો હતો. પ્રાથમિક માહિતી મુજબ ચાંદીનો જથ્થો ઉત્તર પ્રદેશના વારાણસીથી મોકલાયો હતો અને ‘સનરાઈઝ પેઢી’ નામના વેપારી દ્વારા તેની હેરફેર કરવામાં આવી હતી. આ ચાંદી રાજકોટના સામાકાંઠા વિસ્તારના એક જાણીતા વેપારીની હોવાનું સામે આવ્યું છે. ઘટનાને પગલે સ્થાનિક વેપારી વર્તુળોમાં ભારે ચકચાર મચી ગઈ છે.