વિમાન દુર્ઘટનામાં ચાંદખેડાના જનતા નગરની શ્રેષ્ઠ સોસાયટીમાં ક્રિશ્ચન પરિવારના દંપતી, ક્રિશ્ચન રોઝર અને તેમનાં પત્ની ક્રિશ્ચન રચનાબેનનું મોત થયું છે. ક્રિશ્ચન રોઝરના પિતા ક્રિશ્ચન ડેવિડે પોતાના પરિવાર વિશે અને તેમના દીકરા વિશે વાત કરતાં જણાવ્યું હતું કે મારા પરિવારમાં કુલ 5 વ્યક્તિઓનો સમાવેશ થાય છે. મોટો દીકરો ઑસ્ટ્રેલિયા અને નાનો દીકરો ક્રિશ્ચન રોઝર લંડનમાં રહેતા હતા. થોડા દિવસો અગાઉ ક્રિશ્ચન રોઝર અને મારી પુત્રવધૂ એટલે કે ક્રિશ્ચન રચના રોઝર મેડિકલ ટ્રીટમેન્ટ માટે અમદાવાદમાં આવ્યા હતા. શુક્રવારે અમારો ડીએનએ રિપોર્ટ લેવામાં આવ્યો છે.