પશ્ચિમ બંગાળ વિધાનસભા ચૂંટણીમાં સત્તા ગુમાવ્યા બાદ અને વર્ષો પછી સૌથી મોટા રાજકીય ઝટકાનો સામનો કરી રહેલા તૃણમૂલ કોંગ્રેસ (TMC)ના સુપ્રીમો મમતા બેનરજી હવે સંગઠનને નવા સ્તરેથી બેઠું કરવાની કવાયતમાં લાગી ગયા છે. કોલકાતાના કાલીઘાટ સ્થિત પોતાના નિવાસસ્થાને મમતા બેનરજીએ ચૂંટણી લડનારા પક્ષના તમામ ઉમેદવારો સાથે એક મહત્ત્વની સમીક્ષા બેઠક યોજી હતી. હાર બાદ પાર્ટીમાં ચાલી રહેલા આંતરિક વિખવાદ અને નેતાઓના પક્ષપલટાની અટકળો વચ્ચે મમતા બેનરજીએ સ્પષ્ટ કરી દીધું છે કે જેઓ પાર્ટી છોડવા માંગે છે, તેઓ જવા માટે સંપૂર્ણ આઝાદ છે.

ચીનની ત્રણ દિવસની હાઈ-પ્રોફાઈલ મુલાકાત પૂરી કરીને એરફોર્સ વન વિમાનમાં પરત ફરી રહેલા ટ્રમ્પે પત્રકારો સમક્ષ જે વાતો કહી, તેનાથી આંતરરાષ્ટ્રીય સ્તરે ખળભળાટ મચી ગયો છે. ગઈકાલ સુધી તાઈવાનની સુરક્ષાના સોગંદ ખાતા ટ્રમ્પ હવે આ મુદ્દે આંખ આડા કાન કરતા જોવા મળી રહ્યા છે. તેમણે સ્પષ્ટ સંકેત આપતા કહ્યું કે અમેરિકાને પોતાના ઘરથી 9,500 માઇલ દૂર કોઈ નવા યુદ્ધમાં કૂદવાની જરૂર નથી. ચીન આ સોદાનો શરૂઆતથી જ વિરોધ કરી રહ્યું હતું અને જિનપિંગે ટ્રમ્પને ચેતવણી આપી હતી કે તાઈવાન મામલે કોઈપણ ખોટું પગલું બંને દેશોના સંબંધો હંમેશા માટે બગાડી શકે છે.

AIMIM ચીફ અસદુદ્દીન ઓવૈસીએ ભોજશાળા verdict પર મધ્યપ્રદેશ HC ના આદેશની આકરા શબ્દોમાં ટીકા કરી. તેમણે તેને બંધારણીય મૂલ્યોથી વિપરીત ગણાવ્યો અને બાબરી મસ્જિદ કેસ સાથે સમાનતાઓ શોધી. ઓવૈસીએ આશા વ્યક્ત કરી કે સુપ્રીમ કોર્ટ આ આદેશ રદ કરશે. તેમણે પૂજા સ્થળ કાયદાની અવગણના અને નવા વિવાદોના ઉદભવ અંગે ચેતવણી આપી.

નેધરલેન્ડ પહોંચેલા PM મોદીનું ભારતીય સમુદાયે ભવ્ય સ્વાગત કર્યું. ભારત-EU FTA બાદ આર્થિક સંબંધોને નવી ગતિ મળી છે. સેમિકન્ડક્ટર, સ્વચ્છ ઉર્જા, રોકાણ જેવા ક્ષેત્રોમાં સહયોગ મજબૂત થશે. PM મોદી ડચ PM રોબ જેટેન અને રાજા-રાણીને મળશે. નેધરલેન્ડ સાથેના સહયોગને નવી ઊંચાઈઓ પર લઈ જવા આ મુલાકાત અત્યંત મહત્વપૂર્ણ છે.

TMC સાંસદ અભિષેક બેનર્જી પર અમિત શાહ વિરુદ્ધ ભડકાઉ ભાષણ અને ટિપ્પણી બદલ FIR. રાજકીય મુશ્કેલીઓમાં વધારો, બિનજામીનપાત્ર કલમો હેઠળ કાર્યવાહી. ચૂંટણી પ્રચાર દરમિયાન નફરત ફેલાવવાના અને શાંતિ જોખમવાના આરોપ. પુરાવા રૂપે વીડિયો અને ડિજિટલ લિંક્સ સોંપાઈ.

કેન્દ્ર સરકારે પેટ્રોલ નિકાસ પર ₹3 પ્રતિ લિટર વિન્ડફોલ ટેક્સ લગાવ્યો છે, જ્યારે ડીઝલ અને ATF નિકાસ પરના શુલ્કમાં ઘટાડો કર્યો છે. આ ફેરફાર 16 મે 2026 થી અમલમાં આવ્યા છે. ડીઝલ પર SAED ₹23 થી ઘટાડીને ₹16 કરાયો છે.

અમેરિકામાં ડોનાલ્ડ ટ્રમ્પ અને તેમની પાર્ટી રિપબ્લિકન વિદેશી નાગરિકોને વારંવાર નિશાન બનાવે છે. ડોનાલ્ડ ટ્રમ્પની પાર્ટીના સેનેટર એરિક શ્મિટ્ટએ હૈદરાબાદના બાલાજી મંદિરને 'Visa Temple' ગણાવી H-1B વિઝાની ટીકા કરી. તેમણે કહ્યું કે ભારતીયોના કારણે અમેરિકનને નોકરીઓ મળતી નથી. આ નિવેદનથી વિવાદ સર્જાયો છે.

કેન્દ્રીય ગૃહમંત્રી અમિત શાહ બે દિવસીય ગુજરાત મુલાકાતે છે. તેઓ SG હાઇવેના ડેવલપમેન્ટ, વિકાસ કાર્યો, તળાવોના ઇન્ટરલિન્કિંગ અને નવીનીકરણ અંગે અધિકારીઓ સાથે બેઠક કરશે. નવા ચૂંટાયેલા કાઉન્સિલરો સાથે શુભેચ્છા મુલાકાત કરશે. 17 મેના રોજ મધુર ડેરીના નવા પ્લાન્ટ, NID ઇનોવેશન સેન્ટર અને અન્ય વિકાસ કાર્યોનું લોકાર્પણ કરશે.

૩૦ સપ્ટેમ્બર સુધી ખાંડની નિકાસ પર સરકારે અચાનક પ્રતિબંધ મૂકતા ખાંડ ક્ષેત્ર આશ્ચર્યચકિત થયું છે. ૧.૫ મિલિયન ટનમાંથી ૫૦૦,૦૦૦ ટનની વધારાની નિકાસ મંજૂરી પછી આ નિર્ણય આવ્યો. સ્થાનિક ભાવ નિયંત્રણ અને ઉપલબ્ધતા માટે નિર્ણય લેવાયો, પરંતુ લાંબા ગાળે ખેડૂતોને નુકસાનની આશંકા. કેટલાક માને છે કે આનાથી ભાવ નિયંત્રિત નહીં થાય.

TMC સાંસદ અભિષેક બેનર્જી વિરુદ્ધ FIR નોંધાઈ. આરોપ છે કે તેમણે ચૂંટણી પ્રચારમાં ભડકાઉ ભાષણો આપ્યા અને ગૃહમંત્રી અમિત શાહને ધમકીભર્યા નિવેદનો આપ્યા. આ ફરિયાદ ઉત્તર 24 પરગણા જિલ્લાના બિધાનનગર સાયબર ક્રાઈમ પોલીસ સ્ટેશનમાં નોંધવામાં આવી છે. સામાજિક કાર્યકર રાજીબ સરકારે 5 મેના રોજ આ ફરિયાદ નોંધાવી હતી, જેમાં 27 એપ્રિલથી 3 મે દરમિયાનના અનેક ભાષણોનો ઉલ્લેખ છે.

છોટાઉદેપુરની જીવાદોરી ઓરસંગ નદીમાં રેતી ખનનને કારણે હવે માત્ર પથ્થરો બચ્યાં છે. ગેરકાયદે રેતી ખનનથી નદીનું સ્વરૂપ બદલાયું છે અને પાણીના સ્તર ઊંડા ઉતર્યા છે. આનાથી 30 હજારની વસતીને પાણીની ગંભીર સમસ્યાનો સામનો કરવો પડી રહ્યો છે. નવા ચેકડેમના દરવાજાની પ્લેટો પણ ગાયબ છે.

અંકલેશ્વર GIDC નજીક સારંગપુરના કનૈય્યા નગરમાં બોરમાંથી પીળું પાણી નીકળતા રહીશોમાં ચિંતા. પાણી ગુણવત્તાહીન લાગતા ઉપયોગ ટાળી રહ્યા છે, પશુઓ પણ ના પાડી રહ્યા છે. ચામડી પર ખંજવાળ જેવી આડઅસરની ફ્રિયાદો. તંત્ર પાસે તાત્કાલિક ભૂગર્ભજળ તપાસ અને કારણ શોધવાની માંગ. સમયસર કાર્યવાહી નહીં થાય તો આરોગ્ય સમસ્યા ભીતિ.

છોટાઉદેપુરના પાવીજેતપુર તાલુકાના નાની રાસલી ગામે એક દીપડાનું બચ્ચું કૂવામાં પડી ગયું હતું. રાત્રે કણસવાનો અવાજ સાંભળી સ્થાનિકોએ જોયું તો એક દોઢ વર્ષનું બચ્ચું કૂવામાં હતું. વનવિભાગની ટીમે મહામુસીબતે બચ્ચાને હેમખેમ બહાર કાઢી રેસ્ક્યુ સેન્ટર પર લઈ જયું. બચ્ચું સ્વસ્થ બાદ જંગલમાં છોડાશે. વિસ્તારમાં મોટા દીપડાની હાજરીની પણ રજૂઆત કરાઈ.

બોડેલીમાં કેરીના રસના હંગામી સ્ટોલ પર નગરપાલિકા દ્વારા દરોડા પાડવામાં આવ્યા. અધિકારીઓએ કેમિકલ અને ભેળસેળ યુક્ત રસ જપ્ત કરી રૂા.800નો દંડ ફટકાર્યો. લોકોના સ્વાસ્થ્યની સુરક્ષા માટે સ્વચ્છતા જાળવવા સૂચનો અપાયા.

સેલંબા વેપારી મથકમાં અંબિકા નદીમાં વેપારીઓ અને રહીશો દ્વારા સતત કચરો ઠાલવવાથી નદીની ગંભીર દુર્દશા થઇ છે. પ્લાસ્ટિક, કાગળો અને અન્ય કચરાના ઢગલાથી નદી દુર્ગંધયુક્ત બની છે, જેના કારણે લોકોને હાલાકી ભોગવવી પડે છે. આ નદીને ઉંડી કરવાની અને કચરાના નિકાલ માટે લોકોમાં જાગૃતિ લાવવાની અને કડક કાર્યવાહીની જરૂર છે.

ભરૂચ જિલ્લામાં બાળકો અને માતાઓના પોષણ સ્તરમાં સુધારો લાવવા સંકલિત બાળ વિકાસ યોજના અને બ્રિટાનિયા ન્યુટ્રીશન ફાઉન્ડેશને સ્વસ્થ ભારત પ્રોગ્રામ શરૂ કર્યો છે. આ પ્રોગ્રામ હેઠળ અતિ કુપોષિત બાળકોને ખાસ આહાર આપવામાં આવશે.

ભરૂચ જીલ્લાના નેત્રંગ તાલુકામાં ચેકડેમો અને નદી-નાળાઓમાં માટી પુરાણથી પાણી સંગ્રહ ક્ષમતા ઘટી છે. ખેડૂતોની માગ છે કે ચેકડેમો અને નદી-નાળાઓ ઊંડા કરવામાં આવે. જેથી સિંચાઈ અને પીવા માટે પાણી સરળતાથી મળી શકે અને જમીનમાં પાણીનું સ્તર વધી શકે.

સુપ્રીમ કોર્ટના મુખ્ય ન્યાયાધીશ સૂર્યકાંતે બેરોજગાર યુવાનોને "વંદા" સમાન ગણાવ્યા. તેમણે કહ્યું કે આવા લોકો મીડિયા, સોશિયલ મીડિયા કે RTI activist બની સિસ્ટમ પર હુમલો કરે છે. આ ટિપ્પણી દિલ્હી હાઇકોર્ટના એક વકીલની સીનિયર એડવોકેટનો દરજ્જો મેળવવા સંબંધિત મામલાની સુનાવણી દરમિયાન આવી હતી, જેણે ભારે ચર્ચા જગાવી.

છેલ્લા કેટલાક વર્ષોથી ભારત-પાકિસ્તાન વચ્ચેના તણાવ વચ્ચે, RSSના ટોચના નેતા દત્તાત્રેય હોસબાલેએ પાકિસ્તાન સાથે વાતચીત ચાલુ રાખવાની હિમાયત કરી છે. તેઓ માને છે કે તણાવ હોવા છતાં રાજદ્વારી, વાણિજ્યિક અને વિઝા પ્રક્રિયા જેવી બાબતો ચાલુ રહેવી જોઈએ. આ નિવેદન ભારત-પાકિસ્તાન સંબંધોમાં એક નવા વળાંકનો સંકેત આપે છે, જ્યાં સંઘ જેવી પ્રભાવશાળી સંસ્થા વાતચીત માટે સમર્થન દર્શાવી રહી છે.

સાવરકુંડલા તાલુકામાં સુરજવડી અને શેલડેડુમલ ડેમમાં ડિસિલ્ટિંગ અને ઊંડા ઉતારવાની કામગીરી શરૂ. રાજ્ય સરકારના રૂ. 6 કરોડના ખર્ચે, ખેડૂતોને સિંચાઈ, વરસાદી પાણીનો સંગ્રહ અને ભૂગર્ભ જળસ્તર વધારવાનો હેતુ. સુરજવડી ડેમમાં પ્રથમ વખત મોટા પાયે કામગીરીથી 12 ગામોને લાભ. પાણી ગ્રામ્ય અર્થતંત્ર માટે જીવનદાયી છે, જે ખેડૂતોને રાહત આપશે.

અમરેલી જિલ્લામાં વધુ નાગરિકોને નિઃશુલ્ક યોગ તાલીમ મળે તે માટે રાજ્ય યોગ બોર્ડ દ્વારા વિવિધ સંસ્થાઓ સાથે એમ.ઓ.યુ.નો પ્રારંભ. હાલ 55 નિ:શુલ્ક યોગ વર્ગ કાર્યરત, જેમાંથી 40 અમરેલી શહેરમાં. આ પહેલથી સ્વસ્થ અને મેદસ્વિતા મુક્ત ગુજરાત અભિયાનને વેગ મળશે.

જામનગર વન વિભાગે તીવ્ર ગરમીમાં વન્યજીવો માટે 23 કૃત્રિમ વોટરપોઈન્ટ બનાવ્યા છે. આ વોટરપોઈન્ટ્સ દીપડા, હરણ, મોર જેવા અનેક વન્યજીવો માટે જીવનદાયી બન્યા છે. સોલાર પંપ, ટેન્કર અને ડંકીનો ઉપયોગ થાય છે. ટ્રેપ કેમેરામાં પ્રાણીઓ નિર્ભયપણે પાણી પીતા દેખાય છે.

જૂનાગઢમાં 80 કરોડના રસ્તા ટેન્ડરમાં PQC મશીનની અનિવાર્ય શરત દ્વારા ભ્રષ્ટાચારનો આરોપ. સત્તાધારી પક્ષના નેતાની માનીતી કંપનીને લાભ આપવા નિયમો બદલાયા. સ્થાનિકોના વિરોધ બાદ કોન્ટ્રાક્ટરે ભાડેથી મશીન મંગાવી કામ શરૂ કરવાનો દેખાડો કર્યો. PQC ની જરૂરિયાત અને ટેન્ડરની શરતો પર પ્રશ્નો ઉઠ્યા.

સક્કરબાગ પાસે સદગુરૂ એન્ટરપ્રાઇઝના બંધ ગોડાઉનમાં મોડી રાત્રે આગ લાગી. ફાયરની ટીમે 50 હજાર લીટર પાણીનો મારો ચલાવી ત્રણ કલાકે આગ પર કાબૂ મેળવ્યો. સદનસીબે કોઇ જાનહાની થઇ નથી. આગના કારણોની તપાસ ચાલુ છે.

GI ટેગ ધરાવતી ગીર કેસર કેરી તેની ખાસ ગુણવત્તાને કારણે વૈશ્વિક સ્તરે લોકપ્રિય બની છે. કેસર બેલ્ટમાં 3 લાખ મેટ્રિક ટનથી વધુ કેરીનું ઉત્પાદન થાય છે. નિકાસને પ્રોત્સાહન આપવા અપેડા ફાર્મ રજીસ્ટ્રેશન ફરજીયાત કરાયું છે અને કાર્ગો હબ વિકસાવવામાં આવ્યું છે. આધુનિક સુવિધાઓ અને વૈશ્વિક માંગને કારણે ગીર કેસર કેરી ગુણવત્તાનું પ્રતિક બની છે.

કારેલીબાગમાં ટ્રેક્ટરમાંથી ઓઇલ ઢોળાતાં 10 ટુ વ્હીલર ચાલકો સ્લિપ થયાં. ટ્રેક્ટર ગટરની ચેમ્બર સાથે અથડાતાં ઓઇલ ટાંકી તૂટી ગઇ. ફાયરબ્રિગેડ અને વોર્ડ ઓફિસ દ્વારા માટી-રેતી નાખી રસ્તો સાફ કરાયો. સ્થાનિક વેપારી અને ફાયરબ્રિગેડ વચ્ચે બોર્ડ બાબતે ટૂંકી બોલાચાલી થઈ. પોલીસ અને કોર્પોરેટરની મધ્યસ્થી બાદ સમાધાન થયું.

મધ્ય પ્રદેશના ધારમાં આવેલી ઐતિહાસિક ભોજશાળાને ઈન્દોર હાઈકોર્ટે હિન્દુ મંદિર જાહેર કર્યું છે. ASI ના વૈજ્ઞાનિક સરવે રિપોર્ટને સ્વીકારી, કોર્ટે તેને સંસ્કૃત વિદ્યાલય અને રાજા ભોજનું સંકુલ ગણાવ્યું. લંડન મ્યુઝિયમમાં રહેલી વાગ્દેવીની પ્રતિમા પરત લાવવા સરકારને વિચારવા જણાવ્યું. મુસ્લિમ પક્ષને નમાજ માટે વૈકલ્પિક જમીન ફાળવવા સૂચન. ASI હવે પરિસરનું સંચાલન કરશે.

BRICS દેશોના વિદેશ મંત્રીઓની બેઠકમાં ભારતે દરિયાઈ સુરક્ષા, ઊર્જા પુરવઠા અંગે ચિંતા વ્યક્ત કરી. એસ. જયશંકરે જણાવ્યું હતું કે, હોર્મુઝ સ્ટ્રેટ અને રેડ સી જેવા આંતરરાષ્ટ્રીય જળમાર્ગો દ્વારા સુરક્ષિત અને અવરોધ વિનાનો દરિયાઈ પ્રવાહ વૈશ્વિક આર્થિક સુખાકારી માટે અત્યંત આવશ્યક છે. તેમણે ચેતવણી આપી હતી કે મધ્ય પૂર્વમાં ચાલી રહેલા સંઘર્ષને કારણે ઊર્જા પુરવઠામાં વિક્ષેપ પડી શકે છે. ભારતે બ્રિક્સના સભ્ય દેશો, ખાસ કરીને ઈરાન અને UAEને અપીલ કરી છે કે તેઓ આ અભૂતપૂર્વ ભૌગોલિક-રાજકીય અનિશ્ચિતતા અને 'એકતરફી પ્રતિબંધો'નો સામનો કરવા માટે કોઈ વ્યવહારુ રસ્તો શોધે.

અમરેલીના લાઠીમાં યુરિયા ખાતર માટે ખેડૂતોની લાંબી કતારો લાગી. સવારથી ખેડૂતો સંઘ બહાર ઉમટી પડ્યા. ખાતરની માત્ર બે થેલી મળતાં ખેડૂતોમાં રોષ. ખેતી સિઝનમાં ખાતરની અછતથી મુશ્કેલી વધી. ગરમીમાં કલાકો રાહ જોતા ખેડૂતો પરેશાન. પૂરતુ વિતરણ કરવાની માગ.

સુમુલ ડેરી સુરત અને તાપી જિલ્લાના પશુપાલકો માટે ખુશીના સમાચાર લાવ્યા છે. ગત નાણાકીય વર્ષના અંતે બોનસમાં વધારો કર્યો છે. અગાઉ ₹870 પ્રતિ કિલોફેટ ઉપરાંત ₹30 BCU ફેટફેર મળતા હતા. હવે ₹120 બોનસ સાથે કુલ ₹1020 મળશે, જે ગુજરાતમાં સૌથી વધુ છે. આ નિર્ણયથી અઢી લાખ પશુપાલકોને આર્થિક લાભ થશે.