વૈશ્વિક ભૌગોલિક-રાજકીય તણાવ અને દરિયાઈ સુરક્ષા જોખમો વચ્ચે ભારત માટે રાહતના સમાચાર આવ્યા છે. માર્શલ આઇલેન્ડ્સનો ધ્વજ ધરાવતું ‘સિમી’ નામનું વિશાળ LPG ટેન્કર સુરક્ષિત રીતે સ્ટ્રેટ ઓફ હોર્મુઝ પાર કરીને ગુજરાતના કંડલાના દીનદયાલ પોર્ટ પર પહોંચી ગયું છે. આ જહાજ આશરે 20,000 મેટ્રિક ટન રાંધણ ગેસ લઈને આવ્યું છે અને તેમાં 21 વિદેશી ક્રૂ મેમ્બર્સ સવાર છે. 13 મેના રોજ હોર્મુઝ જળમાર્ગ પાર કર્યા બાદ જહાજ કોઈ અવરોધ વગર કંડલા પહોંચ્યું હતું, જ્યારે સમગ્ર મુસાફરી દરમિયાન તેની સુરક્ષા પર સતત નજર રાખવામાં આવી રહી હતી.

મિડલ ઈસ્ટ યુદ્ધના પગલે CNGના ભાવ વધ્યા, જેના કારણે અમદાવાદમાં રિક્ષા ભાડું 15-20% મોંઘું થયું. ઓનલાઈન ટેક્સીના ભાવમાં પણ 5-10 રૂપિયાનો વધારો થયો છે. આનાથી નોકરિયાત, મધ્યમ અને વિદ્યાર્થી વર્ગના બજેટ પર અસર પડી છે, જેમને હવે ટૂંકા અંતર માટે પણ વધુ ભાડું ચૂકવવું પડી રહ્યું છે. રિક્ષા અસોસિયેશન દ્વારા સરકારમાં ભાડું વધારવા રજૂઆત કરાઈ છે.

ધોરાજી તાલુકા વહીવટી તંત્રએ ફરેણી ગામમાં મોરમ માટીના ગેરકાયદેસર ખનન અને પરિવહનનું મોટું કૌભાંડ ઝડપી પાડ્યું છે. સરકારી મંજૂરી વિના JCB મશીન વડે ખોદકામ કરતા એક JCB અને ટ્રેક્ટરો સહિત ₹19.10 લાખનો મુદ્દામાલ જપ્ત કરવામાં આવ્યો છે. આ અંગે ખનિજ વિભાગને પણ રિપોર્ટ કરાયો છે.

ગુજરાતમાં ગરમીનો પ્રકોપ યથાવત, તાપમાન 40-42 ડિગ્રી રહેશે. આગામી ત્રણ દિવસ બાદ ગરમીમાં ઘટાડો થશે. આંદામાનમાં ચોમાસાની શરૂઆત, કેરળમ તરફ આગળ વધી રહ્યું છે. આ વખતે ગુજરાતમાં ચોમાસુ વહેલું બેસે તેવી શક્યતા, જૂનના પ્રથમ સપ્તાહમાં પ્રિ-મોન્સૂન એક્ટિવિટી શરૂ થઈ શકે છે.

સુરત પોલીસ સાયબર છેતરપિંડી રોકવા કમર કસી. ફોરેન કરન્સી, બિટકોઈન, શેરબજારના નામે થતી છેતરપિંડી અટકાવવા આંતરરાજ્ય-આંતરરાષ્ટ્રીય નેટવર્ક તોડવા સાયબર મીટ યોજાઈ. બેંકો અને ટેલિકોમ કંપનીઓના અધિકારીઓની ઉપસ્થિતિમાં એકશન પ્લાન બન્યો. નાગરિક સાથે ફ્રોડ થાય ત્યારે બેંકો એકાઉન્ટ Freeze કરશે, મોબાઈલ કંપનીઓ રિયલ-ટાઇમ ડેટા આપશે.

પાટણમાં રખડતા ઢોર પકડવા ગયેલી પાલિકા ટીમ પર પશુપાલકોએ હુમલો કર્યો. કર્મચારીઓની ફરજમાં અડચણ કરી, ઢોરોને રોડ પર ભગાડ્યા. સેનેટરી ઇન્સ્પેક્ટરને ધમકી આપી. બે નામજોગ અને બે અજાણ્યા વિરુદ્ધ પોલીસ ફરિયાદ નોંધાઇ.

ગુજરાતમાં આજથી વસતી ગણતરીનો પ્રારંભ. 31 મે સુધી લોકો 'Self Enumeration' કરી શકશે. 1 જૂનથી 30 જૂન દરમિયાન ઘરોની ગણતરી અને 33 સવાલ પૂછાશે, જેમાં 4 સવાલ પહેલીવાર પૂછાશે. 1.10 લાખ કર્મચારીઓ જોડાશે. 1855 ટોલ-ફ્રી નંબર જાહેર.

વસ્ત્રાપુર મર્ડર કેસમાં તત્કાલીન PI ગોવિંદભાઈ કે.ભરવાડ વિરુદ્ધ પુરાવા ન મળતાં પોલીસે બી સમરી ભરી હતી. કોર્ટે તેને ફ્લાવ્યો, DCP ઝોન-1 ને તપાસ સોંપી. સાક્ષીઓના નિવેદનમાં PI ની હાજરી, સીડીઆર, લોકેશન, સીસીટીવી ફૂટેજ ન મળ્યા. કોર્ટે સમરી રિપોર્ટ નામંજૂર કરી 60 દિવસમાં રિપોર્ટ માંગ્યો.

ઘોઘંબા તાલુકામાં જીંજરી ડેમમાં નહાવા પડેલા બે મિત્રો ગરમીથી રાહત મેળવવા ગયા હતા. પાણીના ઊંડાણનો અંદાજ ન આવતાં બંને ડૂબી ગયા. કલાકોની જહેમત બાદ બંનેના મૃતદેહ બહાર કઢાયા. આ ઘટનાથી સમગ્ર ગામમાં શોકનો માહોલ છવાયો છે. પોલીસે અકસ્માતે મોતનો ગુનો નોંધી તપાસ શરૂ કરી છે.

કેન્દ્રીય ગૃહમંત્રી અમિત શાહ આજે ગાંધીનગરની મુલાકાતે આવશે. તેઓ મહાનગરપાલિકા વિસ્તારના નાગરિકોની સુખાકારી અને આધુનિક આંતરમાળખાકીય સુવિધાઓમાં વધારો કરવાના હેતુથી રૂ. 620 કરોડના પ્રજાલક્ષી વિકાસકાર્યોનું ઈ-લોકાર્પણ તેમજ ઈ-ખાતમુહૂર્ત કરશે. આ કાર્યક્રમમાં મુખ્યમંત્રી ભૂપેન્દ્ર પટેલ, નાયબ મુખ્યમંત્રી હર્ષ સંઘવી સહિત અનેક મહાનુભાવો ઉપસ્થિત રહેશે.

જામનગરના ઠેબા બાયપાસ પર એક ટ્રક ચાલકે સ્ટેયરીંગ પરથી કાબૂ ગુમાવતાં ત્રણ વાહનોને ટક્કર મારી હતી. આ અકસ્માતમાં એક બાઇક ચાલકને ગંભીર ઇજા થતાં G.G. Hospital ખસેડાયો. પોલીસે ટ્રાફિકજામ હટાવી ટ્રક ચાલક વિરુદ્ધ ગુનો નોંધી તપાસ હાથ ધરી.

સુરતમાં ફોરેન કરન્સી એક્સચેન્જ એજન્ટને ડોલર વટાવી આપવાના બહાને બોલાવી કારમાં બંધક બનાવી 18.65 લાખ રૂપિયાની લૂંટ કરવામાં આવી. અસામાજિક તત્વોએ એજન્ટને રસ્તા પર ફેંકી ફરાર થઈ ગયા. જહાંગીરપુરા પોલીસ તપાસ કરી રહી છે.

ફ્યુઅલ સેવિંગ માટે PMની અપીલ બાદ ગુજરાત સરકારે અમદાવાદ મેટ્રો સેવા રાત્રે 11 વાગ્યા સુધી લંબાવી. આગામી સોમવારથી અમલ, છેલ્લી ટ્રેનના સમયમાં વધારો. મુસાફરોને સુવિધા મળશે, જાહેર પરિવહનને પ્રોત્સાહન.

પેટ્રોલ અને ડીઝલના ભાવમાં પ્રતિ લિટર રૂ.૩ સુધીનો વધારો થતા ભારતીય રાઇડ-કંપનીઓ, ઇ-કોમર્સ અને ક્વિક-કોમર્સ ક્ષેત્રની કંપનીઓ વધતા લોજિસ્ટિક્સ અને ડિલિવરી ખર્ચ વધારવા માટે તૈયારી કરી રહી છે. નફાના માર્જિન પર અસર પડવાની ચિંતા ઊભી થતા ટ્રક ઓપરેટરો તથા લોજિસ્ટિક કંપનીઓએ નૂર દરમાં વધારો કરવાની હિલચાલ શરૂ કરી છે. દેશભરના ટ્રક ઓપરેટરો તથા લોજિસ્ટિક કંપનીઓ દ્વારા ભાડાંના દરમાં ૩થી ૪ ટકા વધારો થવાની સંભાવના છે. CNGના ભાવમાં પણ પ્રતિ કિલોગ્રામ રૂ. ૨ સુધીનો વધારો કરવામાં આવ્યો છે.

તાપી જિલ્લામાં એક વર્ષમાં 4741 આરોગ્ય જાગૃતિ કેમ્પ યોજાયા, જેમાં 4.25 લાખથી વધુ નાગરિકોના બ્લડપ્રેશરની તપાસ થઈ. આ તપાસ દરમિયાન 60 હજારથી વધુ હાઇપરટેન્શન (Silent Killer) ના નવા દર્દીઓ મળ્યા, જેમની સમયસર સારવાર અને દવાઓ આપી આરોગ્ય સુરક્ષા સુનિશ્ચિત કરાઈ રહી છે.

નવસારીમાં જન્મદિવસની ઉજવણી સમયે યાસીન મેમણની સુરતની ટીપુ ગેંગ દ્વારા છરીના ઘા મારી હત્યા કરાઈ. કારના 4.50 લાખ રૂપિયાની ઉઘરાણી મુદ્દે થયેલા ઝઘડામાં ગેંગે આ crime કર્યો. પોલીસે 4 આરોપીઓને ગણતરીના કલાકોમાં ઝડપી પાડ્યા. આરોપીઓનો criminal background પણ ઘણો ગંભીર છે.

સોમનાથના પુનરોદ્ધારના 75મા વર્ષ નિમિત્તે પંડિત ભાગ્યેશ જહાએ શિવશક્તિના સૂક્ષ્મ સંબંધ અને ‘શિવસામીપ્ય’નો મહિમા વર્ણવ્યો. ચંદ્રના ‘શિવશક્તિ પોઇન્ટ’ અને સોમનાથની હવા વચ્ચેનો ગહન સંબંધ, બાણસ્તંભ જેવા શિવલિંગની ઊર્જા અને વ્યક્તિ-સમષ્ટિના જોડાણ પર ભાર મૂકવામાં આવ્યો. શંકરાચાર્યના ‘શિવોહમ્’ મંત્ર અને મનના 'વિસર્જન'ની આધ્યાત્મિક પ્રક્રિયાને આજના મનોવૈજ્ઞાનિક સંશોધન 'બ્રેન રિવાયરિંગ' અને ન્યૂરોપ્લાસ્ટીસિટી સાથે સરખાવવામાં આવી.

નવસારીના આમરી ગામના મિસ્ત્રીવાડમાં ડામર રોડ બનાવવા માટે રૂ. 5 લાખની ગ્રાન્ટ ફાળવાઈ હતી, પરંતુ તેનો ઉપયોગ થયો નથી. જાહેર રસ્તાના બદલે એક નેતાના ફાર્મ હાઉસ સુધી ખાનગી રસ્તો બનાવવાનો આરોપ છે. જાગૃત નાગરિકે અધિકારીઓને નોટિસ ફટકારી જવાબ માંગ્યો છે. 7 દિવસમાં ખુલાસો નહીં મળે તો DDO ને ફરિયાદ થશે.

આંતરરાષ્ટ્રીય ડ્રગ સિન્ડિકેટના મોટા ષડયંત્રનો NCB દ્વારા મુન્દ્રાથી પર્દાફાશ કરાયો. દેશમાં પહેલીવાર ‘જિહાદી ડ્રગ’ તરીકે કુખ્યાત ‘કેપ્ટાગોન’નો જંગી જથ્થો, ‘ઓપરેશન રેજપિલ’ હેઠળ 182 કરોડ રૂપિયાનું 227.7 કિલો ડ્રગ્સ ઝડપાયું. આંતરરાષ્ટ્રીય નેટવર્કની કમર તોડી.

સ્થાનિક ચૂંટણી બાદ પેટ્રોલ-ડીઝલના તોતિંગ ભાવવધારા સામે પાટણમાં કોંગ્રેસ દ્વારા ઉગ્ર વિરોધ પ્રદર્શન કરાયું. કાર્યકરોએ સૂત્રોચ્ચાર સાથે સિદ્ધપુર ચાર રસ્તા પર ચક્કાજામ કર્યો, જેના કારણે ટ્રાફિક ખોરવાયો. પોલીસે જિલ્લા કોંગ્રેસ પ્રમુખ સહિત અનેક કાર્યકરોની અટકાયત કરી. ભાવવધારો પાછો નહીં ખેંચાય તો આંદોલન તેજ કરવાની ચીમકી.

પાટણ જિલ્લામાં સાંસદ ભરતસિંહ ડાભીની અધ્યક્ષતામાં દિશા કમિટીની બેઠક યોજાઈ. 2025/26ની લોકકલ્યાણ યોજનાઓની પ્રગતિ સમીક્ષા કરી. મનરેગા, પાણી પુરવઠા, શિક્ષણ, ખેતીવાડી, UGVCL સહિતના વિભાગોની કામગીરીની વિગતો મેળવી. વિકાસ કાર્યો સમયમર્યાદામાં પૂર્ણ કરવા અને વહીવટી વિલંબ ટાળવા સૂચના. લાભાર્થી આધારિત યોજનાઓનો લાભ છેવાડાના નાગરિક સુધી પહોંચે તે સુનિશ્ચિત કરવા જણાવ્યું. ધારાસભ્યો, DDO, નિવાસી અધિક કલેક્ટર સહિતના અધિકારીઓ ઉપસ્થિત રહ્યા.

પશ્ચિમ રેલવે દ્વારા ભાવનગર મંડળના મુસાફરો માટે વધુ એક વધારાની રેલ સુવિધા ઉપલબ્ધ કરાવવાનો નિર્ણય લેવાયો છે. આગામી ૨૯મીથી ભાવનગરથી શકૂર બસ્તી વચ્ચે સાપ્તાહિક વિશેષ ટ્રેન દોડશે. આ રેલ સુવિધા ભાવનગરથી ૨૬ જૂન અને શકૂર બસ્તીથી ૨૭ જૂન સુધી ઉપલબ્ધ રહેશે. ભાવનગરથી દર શુક્રવારે અને શકૂર બસ્તીથી દર શનિવારે ટ્રેન દોડશે, બન્ને દિશામાં ૨૩ સ્ટેશન પર હોલ્ટ અપાયો.

પાટણના દોશીવટ બજારમાં શનિવારે સાંજે વાહનચાલકોના આડેધડ પાર્કિંગ અને લારીઓના દબાણથી ટ્રાફિક જામ થયો. પોલીસ કે TRB જવાનોની ગેરહાજરીમાં લોકોને મુશ્કેલી પડી. સ્થાનિકોએ પોલીસ અને નગરપાલિકાને કડક કાર્યવાહીની માંગ કરી.

પાટણ જિલ્લા પંચાયતની ચૂંટણી 25 મેએ, 9 તાલુકા પંચાયતોની 23 મેએ. ભાજપ 6 તાલુકાઓમાં મજબૂત, કોંગ્રેસ પાટણ-સિદ્ધપુરમાં. સરસ્વતી તાલુકામાં ટાઈ, સસ્પેન્સ. 9 તાલુકામાં 5 મહિલા પ્રમુખો બનશે. ભાજપ પાસે જિલ્લા પંચાયતમાં બહુમતી.

દ્વારકા જગત મંદિરમાં ડ્રોન પ્રતિબંધિત હોવા છતાં, શનિવારે એક જ દિવસમાં બે વખત ડ્રોન ઉડતા જોવા મળ્યા. સુરક્ષા એજન્સીઓમાં દોડધામ મચી ગઈ. આ ઘટનાએ સુરક્ષા વ્યવસ્થા પર ગંભીર સવાલો ઉભા કર્યા છે. CCTV ફૂટેજ અને ટેકનિકલ માહિતીના આધારે તપાસ ચાલી રહી છે.

મહેસાણાના સાંઇબાબા મંદિર નજીક રૂષિનગર-શ્રીગણેશ સોસાયટી રોડ છેલ્લા 10 દિવસથી પાઇપલાઇનના કામને લીધે ખોદેલો પડ્યો છે. આડેધડ ખોદકામથી રસ્તાની સ્થિતિ બિસ્માર બનતાં રોજિંદી અવર-જવરમાં લોકોને ભારે હાલાકી, ટુ-વ્હિલર ચાલકો માટે જોખમ અને અકસ્માતનો ભય સતાવી રહ્યો છે. એક દર્દીને તાત્કાલિક હોસ્પિટલ ખસેડવામાં ભારે મુશ્કેલી પડી હતી. કામગીરીની ધીમી ગતિથી સ્થાનિકોમાં રોષ છે.

ઇંધણ સપ્લાય ચેઇન ખોરવાતાં મહેસાણા શહેરમાં પેટ્રોલ અને સીએનજીને લઈ અફરાતફરી જોવા મળી. કેટલાક પેટ્રોલ પંપો પર સ્ટોક ખૂટી પડતાં નજીકના પંપ પર વાહનોની લાઇનો લાગી હતી, જેથી વાહનચાલકોને હાલાકી વેઠવી પડી હતી. વિસનગર લિંક રોડ પર સીએનજી અને પેટ્રોલ ભરાવવા વાહનોની લાંબી કતારો જોવા મળી. રાધનપુર રોડ પર પેટ્રોલનો સ્ટોક ન હોઇ લોકોને મુશ્કેલી પડી.

આટકોટના કૈલાસનગર ટાવર સામે લો વોલ્ટેજને કારણે રહેવાસીઓને હાલાકીનો સામનો કરવો પડે છે. આ અંગે પીજીસીએલમાં રજુઆત કરવામાં આવી હતી. કૈલાસનગર જીઓનાં ટાવર વિસ્તારમાં લો વોલ્ટ થતાં હોય જેને લઇ સ્થાનિક લોકો રજૂઆત કરી હતી, લો વોલ્ટેજને કારણે વીજઉપકરણો બળી જવા તેમજ ચાલુ જ ન થવા અંગેની ફરિયાદ રહે છે. આ અંગે ઇજનેરને રજૂઆત કરતા તેમણે આગામી સમયમાં લોડ વધારા સહિતની કામગીરી કરવા અંગે હકારાત્મક જવાબ આપ્યો હતો.

ગીર સોમનાથ કલેક્ટરની અધ્યક્ષતામાં યોજાયેલ બેઠકમાં સોમનાથ- ભાવનગર નેશનલ highway, સૂત્રાપાડાની જેટીના પ્રશ્નો અને ભર્ડીયો ચલાવવા બાબત સહિતના મુદ્દાઓ પર ચર્ચા થઈ. અધિકારીઓને કાર્યો સમયસર પૂર્ણ કરવા સૂચના અપાઈ, અને RTI તથા લોક ફરિયાદ અરજીઓ પર ત્વરિત કાર્યવાહી કરવા માર્ગદર્શન અપાયું.

ટેન્કર મોડાં આવતાં સપ્લાય ખોરવાયો, જેના કારણે અનેક પેટ્રોલ પમ્પ પર ટુ-વ્હીલર માટે રૂ.200-300 અને ફોર-વ્હીલર માટે રૂ.500-1000નું મર્યાદિત પેટ્રોલ વેચાણ થઈ રહ્યું છે. કેટલાક પમ્પો પર સ્ટોક ખૂટતાં અથવા ટેન્કર મોડાં પહોંચતાં સેવા બંધ કરાઈ છે. પેટ્રોલ-ડીઝલનું કેરબા/બોટલમાં વેચાણ પણ બંધ છે, જ્યારે CNG ભાવ વધારાના કારણે CNG પમ્પો પર ભીડ છે. તંત્ર પૂરતો સ્ટોક હોવાનો દાવો કરે છે, પણ લોકો મૂંઝવણ અનુભવી રહ્યા છે.