દિ દિવ્ય ભાસ્કર· આજે મારું ગુજરાત

વ્યારા પાલિકાના વોચમેનના પગારમાં ગેરરીતિ

વ્યારા પાલિકામાં 11 માસના કરાર આધારિત વોચમેન મયુર રાઠોડ સપ્ટેમ્બર માસમાં 14 દિવસ ગેરહાજર હોવા છતાં પૂરો પગાર ચૂકવાયો હતો. આ ગેરરીતિ અંગે ચીફ ઓફિસર વંદના ડોબરીયાએ ક્લાર્ક કાર્તિક દેસાઈને નોટિસ પાઠવી. ક્લાર્કે ખુલાસામાં પાલિકા પ્રમુખના પતિ પ્રિતુલ શાહ પર સસ્પેન્ડ કરવાની અને ખોટા કેસમાં ફીટ કરવાની ધમકી આપી પગાર બિલ પર સહી કરાવી હોવાનો આરોપ કર્યો છે. ગેરહાજરીની વધારાની રકમ વોચમેન પાસેથી પરત જમા કરાવી દેવાઈ છે.