દુનિયાભરમાં મિડિલ ઈસ્ટમાં ચાલી રહેલા સંઘર્ષની અસર હવે ગેસ અને તેલની સપ્લાય પર દેખાઈ રહી છે. ભારત તેની LPG ગેસની જરૂરિયાત માટે મોટાપાયે મિડિલ ઈસ્ટ પર નિર્ભર છે. સ્ટ્રેટ ઓફ હોર્મુઝમાં જહાજોની અવરજવર ખોરવાતા અને ઇઝરાયલ-ઈરાન વચ્ચેના તણાવને કારણે એનર્જી સપ્લાય ચેઈન ખરાબ રીતે પ્રભાવિત થઈ છે. અહેવાલો મુજબ, આ સપ્લાયને ફરીથી સામાન્ય થવામાં મહિનાઓ નહીં પણ વર્ષો લાગી શકે છે.સરકારી અધિકારીઓએ સંકેત આપ્યા છે કે, ગ્લોબલ LPG સપ્લાય ચેઈન જે રીતે ખોરવાઈ છે, તેને સંપૂર્ણપણે પાટા પર આવતા ઓછામાં ઓછા 3 થી 4 વર્ષ કે તેથી વધુ સમય લાગી શકે છે.

હોર્મુઝમાં અમેરિકન નાકાબંધી વચ્ચે પ્રમુખ ડોનાલ્ડ ટ્રમ્પ ઈરાનને લઈને થોડા નરમ પડતા દેખાઈ રહ્યા છે. પાકિસ્તાનમાં ફરી ઈરાન સાથે બેઠક થવાના સમાચારો વચ્ચે ટ્રમ્પે પોતાના સોશિયલ મીડિયા પ્લેટફોર્મ ટ્રૂથ સોશિયલ પર મોટી જાહેરાત કરી છે. તેમણે કહ્યું કે, હું હોર્મુઝ હંમેશા માટે ખોલી રહ્યો છું. આ ચીન અને દુનિયા માટે કરી રહ્યો છું. ટ્રમ્પે સોશિયલ મીડિયા પર લખ્યું કે, "ચીન ખૂબ ખુશ છે કે હું હોર્મુઝ કાયમી ધોરણે ખોલી રહ્યો છું. હું આ તેમના માટે પણ કરી રહ્યો છું - અને વિશ્વ માટે પણ. આ પરિસ્થિતિ ફરી ક્યારેય ઊભી થશે નહીં. તેઓ ઈરાનને હથિયારો ન મોકલવા માટે સંમત થયા છે.

ઈરાને ચીનના જાસૂસી સેટેલાઇટનો ઉપયોગ કરીને મધ્ય પૂર્વમાં આવેલા અમેરિકન સૈન્ય ઠેકાણાઓની રેકી કરી હતી. આ જાસૂસીને કારણે ઈરાનને તમામ મહત્વની જાણકારી મળી ગઈ હતી અને ત્યારબાદ યુદ્ધ દરમિયાન તેને અમેરિકન ઠેકાણાઓને વીણી-વીણીને નિશાન બનાવ્યા હતા. ચીની સેટેલાઇટનો આ ઉપયોગ 2024ના છેલ્લા દિવસોમાં કરવામાં આવ્યો હતો. ફાઇનાન્શિયલ ટાઇમ્સના અહેવાલમાં આ દાવો કરવામાં આવ્યો છે. રિપોર્ટ અનુસાર, ઈરાને TEE-01B સેટેલાઇટ્સનો ઉપયોગ કર્યો હતો, જેને ચીની કંપની 'અર્થ આઈ' દ્વારા તૈયાર કરવામાં આવ્યા છે.

અમેરિકા અને ઈરાન વચ્ચે ચાલી રહેલા યુદ્ધને રોકવા માટે બીજા રાઉન્ડની વાતચીતની અટકળો લગાવવામાં આવી રહી છે. પાકિસ્તાન અને ઈજિપ્તના પ્રયાસોથી પ્રથમ બેઠક ઈસ્લામાબાદમાં યોજાઈ હતી, જે અનિર્ણિત રહી હતી. આ દરમિયાન ભારતમાં અમેરિકાના રાજદૂત અને ટ્રમ્પના નજીકના સર્જિયો ગોરે યુદ્ધ રોકવામાં ભારતની ભૂમિકા અંગે મોટું નિવેદન આપ્યું છે. તેમણે કહ્યું છે કે મધ્ય પૂર્વમાં શાંતિ માટે અમેરિકા ભારતની ભાગીદારીનું સ્વાગત કરશે.

પશ્ચિમ એશિયામાં સંઘર્ષ અને નાકાબંધી વચ્ચે, ભારતીય ધ્વજવાળું LPG ટેન્કર 'જગ વિક્રમ' 20 હજાર મેટ્રિક ટન LPG લઈને કંડલા પોર્ટ પર પહોંચ્યું. અમેરિકા અને ઈરાન વચ્ચે કામચલાઉ સંઘર્ષવિરામ બાદ હોર્મુઝની સામુદ્રધુની પસાર કરનાર આ પ્રથમ ભારતીય જહાજ છે. આ જહાજ ઓમાનની ખાડી થઈને ભારત તરફ આગળ વધ્યું હતું. આ ઘટના ભારત માટે રાહતરૂપ છે.

અંદમાન સાગરમાં એક હોડી ડૂબી ગઈ, જેમાં 250થી વધુ બાંગ્લાદેશી અને રોહિંગ્યા હતા. તેઓ Malaysia જઈ રહ્યા હતા. નવ લોકોનું રેસ્ક્યૂ કરવામાં આવ્યું છે, પણ બાકીના લોકોનો કોઈ અત્તો પત્તો નથી. આ લોકોને તસ્કરી કરીને લઈ જવામાં આવી રહ્યા હતા.

અમેરિકા-ઈરાન તણાવ વચ્ચે હોર્મુઝ સ્ટ્રેટની સ્થિતિ ગંભીર છે. જો આ દરિયાઈ માર્ગ બંધ થાય, તો વૈશ્વિક તેલ પુરવઠા પર અસર થશે. નોમુરાના અહેવાલ મુજબ માર્ચ ૨૦૨૬ની તુલનાએ દરરોજ આશરે 2.3 million barrels ની અછત સર્જાઈ શકે છે.

US દ્વારા હોર્મુઝ સ્ટ્રેટ પર નૌસેનિક નાકાબંધીની અસર વર્તાઈ. ઈરાનના બંદરોથી જહાજ નીકળ્યા નહિ, વેપારી જહાજો પાછા ફર્યા. છેલ્લા 24 કલાકમાં 20થી વધુ જહાજો પસાર થયા. ટ્રમ્પે ઈન્ટરવ્યૂમાં યુદ્ધ ખતમ થવાની નજીક હોવાનું કહ્યું.

યુદ્ધની અસરથી માર્ચમાં ચીનની નિકાસમાં માત્ર 2.50 ટકાની સામાન્ય વૃદ્ધિ થઈ, જ્યારે આયાત 27.80 ટકા વધી છે. વૈશ્વિક વેપારમાં અનિશ્ચિતતા અને ઊર્જાના ભાવ વધારાને કારણે નિકાસ પર અસર થઈ છે. January અને Februaryમાં નિકાસમાં 21 ટકાનો વધારો થયો હતો.

ઈરાન હોર્મુઝની ખાડી ખોલવા તૈયાર છે, પણ અમેરિકા દબાણ કરે છે, જેથી મુદ્દો ગુંચવાશે. યુનાઈટેડ સ્ટેટ સેન્ટ્રલ કમાન્ડના જણાવ્યા અનુસાર, અમેરિકા ટાર્ગેટેડ બ્લોકેજ કરશે, જે ઈરાનના જહાજોને રોકશે. હોર્મુઝની ખાડી દુનિયાનો મહત્વનો ચોક પોઈન્ટ છે, જેની પહોળાઈ માત્ર ૩૩ કિલોમીટર છે પણ જહાજો માટે માત્ર ૩ કિલોમીટર છે.

દેશના ઓટોમોબાઈલ સેક્ટરમાં બદલાવ આવશે. આગામી 10 વર્ષમાં સ્કૂટરનું વેચાણ બાઈક કરતા વધશે. કારણ કે શહેરીકરણ, વર્કફોર્સમાં મહિલાઓની ભાગીદારી અને ટુ-વ્હીલર વાહનોનું ઇલેક્ટ્રિફિકેશન વધશે. ઇક્વિરસ સિક્યોરિટીઝના રિપોર્ટ અનુસાર, નાણાકીય વર્ષ 2025 થી 2030 ની વચ્ચે સ્કૂટરોના વેચાણમાં 9% વૃદ્ધિ થવાનો અંદાજ છે. EV સ્કૂટરની પહોંચ 38% થશે.

આર્ટિફિશિયલ ઇન્ટેલિજન્સ (AI) નોવો નોર્ડિસ્કના દવા સંશોધન, ઉત્પાદન અને કોમર્શિયલ ઓપરેશનમાં ક્રાંતિ લાવશે. OpenAI સાથે મળીને, કંપની ડેટા વિશ્લેષણ, નવી દવાની શોધ અને ઉત્પાદનને વધુ કાર્યક્ષમ બનાવવા AIનો ઉપયોગ કરશે. વજન ઘટાડવાની દવા બનાવતી યુરોપની આ અગ્રણી કંપની દવાના સંશોધનથી લઈને ઉત્પાદન સુધી AIના ઉપયોગથી કામગીરી સુધારશે. AI દવાના ઉત્પાદનને ઝડપી બનાવશે.

USમાં મોસમ બદલાતા, એપ્રિલમાં જ જૂન-જુલાઈ જેવી ભીષણ ગરમીનો અનુભવ થશે. મિડ એટલાન્ટિક અને દક્ષિણ-પૂર્વમાં 600થી વધુ સ્થળો પર તાપમાન 90 ડિગ્રી Fahrenheit (32.22 ડિગ્રી સે.) થી ઉપર જશે, જેનાથી 16 કરોડ અમેરિકનોને રાડ પડાવશે. આ ભીષણ ગરમીની આગાહી કરવામાં આવી છે.

સંયુક્ત રાષ્ટ્ર વિકાસ કાર્યક્રમની ચેતવણી અનુસાર, ઇરાન યુદ્ધથી ભારતમાં ઊર્જાના ભાવ વધશે, કોલસા આધારિત વીજઉત્પાદન વધશે, મધ્ય-પૂર્વમાંથી રેમિટન્સની આવક ઘટશે. યુરિયા ઉત્પાદન માટે આયાતી ગેસ પર નિર્ભરતા ખાદ્ય સુરક્ષા પર દબાણ વધારશે અને ગરીબીમાં રહેનારા લોકોની સંખ્યા વધશે.

યુદ્ધવિરામ બાદ મોદી-ટ્રમ્પની પહેલી વાતચીત: વેપાર અને વૈશ્વિક મુદ્દે ભાગીદારી મજબૂત કરવા કટિબદ્ધતા વ્યક્ત કરી. પશ્ચિમ એશિયામાં US, ઇઝરાયેલ અને ઈરાન યુદ્ધ વચ્ચે, ટ્રમ્પે PM નરેન્દ્ર મોદી સાથે 40 મિનિટ સુધી ચર્ચા કરી. મધ્ય-પૂર્વમાં US, ઇઝરાયેલ અને ઈરાન યુદ્ધમાં તણાવપૂર્ણ સ્થિતિ અંગે વાત થઈ.

અમેરિકાએ ઇરાનના બંદરો પર જતાં જહાજોને અટકાવવા 10 હજાર સૈનિકો ખડક્યા છે. છતાં ચીનનું વેપારી જહાજ હોર્મુઝની ખાડી પસાર થયું. આગામી દિવસોમાં અમેરિકા-ઇરાન વચ્ચે મંત્રણા Islamabad કે જિનીવામાં યોજાઈ શકે છે, જે માટે ટ્રમ્પે તૈયારી બતાવી છે. લેબનોન અને ઇઝરાયેલ વચ્ચેની શાંતિમંત્રણાથી હીઝબુલ્લાહને કોઈ ફેર નહીં પડે અને હુમલા ચાલુ રહેશે.

PM નરેન્દ્ર મોદી અને ડોનાલ્ડ ટ્રમ્પ વચ્ચે આજે(14 એપ્રિલ) ટેલિફોનિક વાતચીત થઈ છે. આશરે 40 મિનિટ સુધી ચાલેલી આ લાંબી ચર્ચામાં બંને નેતાઓ વચ્ચે વૈશ્વિક મુદ્દાઓ અને દ્વિપક્ષીય સંબંધો પર ઊંડાણપૂર્વક મંથન કરવામાં આવ્યું હતું. PM મોદી અને ટ્રમ્પ વચ્ચે આ વાતચીત એવા સમયે થઈ છે જ્યારે ટ્રમ્પે હોર્મુઝને સંપૂર્ણ રીતે બંધ કરવાનું એલાન કર્યું છે. PM મોદીએ ટ્રમ્પ સાથે થયેલી વાતચીતની માહિતી આપતા કહ્યું કે, આ વાતચીત દરમિયાન દ્વિપક્ષીય સહયોગમાં થયેલી મહત્ત્વપૂર્ણ પ્રગતિની સમીક્ષા કરાઈ. આ સિવાય બંને વચ્ચે મિડલ ઈસ્ટની સ્થિતિ પર પણ ચર્ચા થઈ.

પાકિસ્તાનના બલૂચિસ્તાનમાં સક્રિય બળવાખોર સંગઠન ‘બલૂચ લિબરેશન આર્મી (BLA)’એ ફરી પાકિસ્તાન સરકારની ચિંતા વધારી દીધી છે. બીએલએ બલૂચિસ્તાનને સ્વતંત્ર દેશ બનાવવા માંગે છે, જેના કારણે તેના લડવૈયાઓ અને પાકિસ્તાની સૈનિકો વચ્ચે અવારનવાર અથડામણો થતી રહે છે. અત્યાર સુધી BLAએ મોટાભાગે જમીની કાર્યવાહી કરી છે, જોકે હવે બીએલએ પોતાનું નૌકાદળ બનાવી દરિયામાં ખળભળાટ મચાવ્યો છે. તેણે ગ્વાદર વિસ્તારમાં પાકિસ્તાની જહાજ પર હુમલો કરી, ત્રણ સૈનિકોને મોતને ઘાટ ઉતારી પોતાનું પ્રથમ દરિયાઈ ઓપરેશન પાર પાડ્યું છે.

પશ્ચિમ એશિયામાં વધતા તણાવ વચ્ચે ઉર્જા સુરક્ષા સુનિશ્ચિત કરવા ભારતે ફરી રશિયા પાસેથી સસ્તું ક્રૂડ મેળવવાની રણનીતિ તેજ કરી છે. માર્ચ ૨૦૨૬માં રશિયા પાસેથી ક્રૂડની આયાત પ્રતિદિન ૧.૯૮ મિલિયન બેરલ સુધી પહોંચી છે, જે જૂન ૨૦૨૩ પછીનો સૌથી મોટો ઉછાળો છે. જોકે, એપ્રિલમાં આ આયાત ઘટીને ૧.૫૭ મિલિયન બેરલ થઈ છે, જેનું મુખ્ય કારણ માંગમાં ઘટાડો નહીં પરંતુ નાયરા એનર્જીની રિફાઇનરીમાં ચાલી રહેલું ટેકનિકલ મેન્ટેનન્સ શટડાઉન છે. ભારત સરકાર હાલ વૈશ્વિક અસ્થિરતા વચ્ચે રશિયન તેલ દ્વારા દેશની જરૂરિયાતો પૂરી કરવા પર ધ્યાન કેન્દ્રિત કરી રહી છે.

હોર્મુઝની ખાડીમાં તણાવ વચ્ચે ઈરાને ભારતીય જહાજો પાસેથી કોઈ 'ટોલ ટેક્સ' નહીં વસૂલવાનો નિર્ણય કર્યો છે. ઈરાને ભારતને પોતાનો વિશ્વસનીય સાથી ગણાવીને મુશ્કેલ સમયમાં સુરક્ષિત રસ્તો આપવાની ખાતરી આપી છે. ઈરાનના રાજદૂતે જણાવ્યું કે ભારત સરકારને પૂછી શકો છો કે શું અમે અત્યાર સુધી કોઈ રકમ વસૂલી છે?

US-Iran Tension વચ્ચે ટ્રમ્પે 'ઓપરેશન બ્લોકેડ' શરૂ કર્યું. અમેરિકી નૌકાદળના 15થી વધુ જહાજો હોર્મુઝની ખાડીમાં તૈનાત છે. F-35B જેવા ફાઈટર જેટ્સ ઈરાની ગતિવિધિઓ પર નજર રાખશે. અમેરિકન સેન્ટ્રલ કમાન્ડ મુજબ, USS ત્રિપોલી (LHA 7) ને હવાઈ હુમલા અને નાકાબંધી માટે અરબ સાગરમાં તૈનાત કરાયું છે.

અમેરિકા-ઈરાન યુદ્ધ અટકાવવા ગયેલા પાકિસ્તાનની મધ્યસ્થી નિષ્ફળ રહી, ડોનાલ્ડ ટ્રમ્પની ધમકીથી સ્થિતિ વણસી. પરિણામે, પાકિસ્તાનનું શેરબજાર ખુલતા જ ધબાય નમ: થઈ ગયું. ઈરાનના બંદરો પર નાકાબંદીના ઓર્ડર બાદ KSE-100 INDEX સોમવારે સત્રના પ્રારંભમાં જ 6000 પોઈન્ટથી વધુ તૂટી ગયો. પાકિસ્તાનના સ્ટોક એક્સચેન્જમાં ભારે વોલેટિલિટી જોવા મળી.

અમેરિકા-ઈરાન વચ્ચે યુદ્ધવિરામ મંત્રણા નિષ્ફળ થતા ઈરાને ભારત તરફ નજર ફેરવી. એમ્બેસેડર સૈયદ રઝા મોસીએબ મોતલાઘએ શાંતિ સ્થાપવામાં ભારતની રચનાત્મક ભૂમિકાને વખાણી. ભારતે ચીન અને રશિયા સાથે મળી વૈશ્વિક શાંતિને પ્રાથમિકતા આપી છે. અમેરિકાના યુદ્ધોન્માદને રોકવા ભારત, રશિયા, અને ચીનની ભૂમિકા અગત્યની. આ દેશોએ અમેરિકાના હુમલાને સમર્થન આપ્યું નથી.

ચીન મિત્રતાના દાવા કરે છે અને ભારતીય પ્રદેશો પર કબજો જમાવે છે. સરકારે ડિપ્લોમેટિક વિરોધથી વિશેષ કશું નથી કરી શકતી. ચીને એક જ વર્ષમાં ત્રણ નવા પ્રદેશો બનાવ્યા, જેની જાણ ભારતીય એજન્સીઓને મોડેથી થઈ. આ જિલ્લો તાજિકિસ્તાન અને PoKને અલગ કરે છે, જેને ચીને સુરક્ષાના નામે વિકસાવ્યો છે.

યુદ્ધ અને કર્મચારી છટણીને લીધે ગ્રાહકો LUXURY ખર્ચ ઘટાડી જરૂરી ખર્ચ પર ધ્યાન આપે છે. ઈરાન-અમેરિકા શાંતિ મંત્રણા નિષ્ફળ થતા ગ્રાહકો સાવચેત છે, મોંઘા ગારમેન્ટસ ખરીદવાનું ટાળે છે. જો કે, લગ્નસરાની સીઝનમાં માંગ વધવાની અપેક્ષા છે. Retail chain CEO અનુસાર પરિસ્થિતિ હજુ અનિશ્ચિત છે.

FY2026માં ઇલેક્ટ્રિક મોટરસાઇકલનું વેચાણ 28% વધીને 17,173 યુનિટ થયું, જે FY2025માં 13,430 યુનિટ હતું. Electric motorcycle category નવી હોવા છતાં ટુ-વ્હીલર ઉદ્યોગમાં મહત્વપૂર્ણ છે. નવી અને સ્થાપિત કંપનીઓ performance, technology અને રાઈડિંગના અનુભવના સંદર્ભમાં categoryને આકાર આપી રહી છે. હવે આ શ્રેણી શરૂઆતના લોકોથી આગળ વધી રહી છે.

કચ્છ જિલ્લાની સરહદ ડેરીએ 2025-26માં રૂ. 1,264 કરોડનું ટર્નઓવર કરીને નવો રેકોર્ડ બનાવ્યો, જે 4.64%નો વધારો દર્શાવે છે. ડેરીએ સરેરાશ 4.47 લાખ લિટર પ્રતિદિન દૂધ સંપાદન કર્યું. ચેરમેને 1350 કરોડનો લક્ષ્યાંક રાખ્યો છે. આઇસ્ક્રીમમાં 80% ગ્રોથ થયો છે, જ્યારે ઊંટડીના દૂધમાં પણ સારું કમાણી થઈ છે. અમૂલ મટકા કુલ્ફી અને આઇસ્ક્રીમ કેક જેવી નવી વેરાયટીઓ લોન્ચ કરી છે.

ખોરાક અને ઔષધ નિયંત્રણ તંત્ર દ્વારા પનીરને બદલે 'એનાલોગ'ના ઉપયોગ અંગે માર્ગદર્શિકા જાહેર કરાઈ છે. દૂધને બદલે વેજિટેબલ ફેટથી બનેલા ઉત્પાદનોને પનીર તરીકે વેચવું એ કાયદેસર ગુનો ગણાશે. હોટેલ, રેસ્ટોરન્ટ અને ઢાબામાં ગ્રાહકોને મેન્યુકાર્ડ અથવા નોટિસ બોર્ડ પર પનીર અને એનાલોગની સ્પષ્ટ જાણકારી આપવી પડશે. નિયમોનું ઉલ્લંઘન કરનાર સામે FSS Act અને નિયમો હેઠળ કાયદેસર કાર્યવાહી થશે. પેકેજ્ડ પનીર ખરીદી વખતે લેબલિંગ જાળવવું જરૂરી છે.

ડાયાબિટીસ એક સમાજવાદી રોગ છે, જે ઉધઈની જેમ શરીરને ખોખલું બનાવે છે. બેકાબુ ડાયાબિટીસવાળાને કોઈપણ રોગ હેરાન કરી શકે છે. બ્લડ શુગરને કંટ્રોલમાં રાખવા સિમ્પલ શુગરથી દૂર રહો. જુવેનાઇલ, ટાઈપ-2 અને ગેસ્ટેસનલ ડાયાબિટીસ મુખ્ય પ્રકારો છે. ટાઈપ-2 ડાયાબિટીસમાં બ્લડ શુગર 250 mg થી ઉપર આવે તો દાંતને નુકશાન થઈ શકે છે, કેમકે બેક્ટેરિયાની વૃદ્ધિ માટે સાનુકૂળ વાતાવરણ સર્જાય છે. ડાયાબિટીસ કાબૂમાં રાખો, દવાઓ લો, અને પરેજી પાળો.

આંખ નીચેના ડાર્ક સર્કલ્સ સામાન્ય સમસ્યા છે, જેના કારણો ઊંઘની અછત અને સ્ટ્રેસ છે. પુરતી ઊંઘ લો, સ્ક્રીનટાઇમ કંટ્રોલ કરો અને સંતુલિત આહાર લો. આયર્ન, Vitamin K, અને Vitamin C યુક્ત ખોરાક લો. અન્ડર આઈ ક્રીમ્સમાં કેફીન અને હાયલ્યુરોનિક એસિડ હોય તેવા પ્રોડક્ટ્સ વાપરો. કાકડીના ટુકડા, ગુલાબજળ, એલોવેરા જેલ અને બદામ તેલ પણ અસરકારક છે. સમસ્યા રહે તો ડર્મેટોલોજિસ્ટની સલાહ લો.