હાલમાં કાર્ડિયાક અરેસ્ટ અને હાર્ટએટેકથી થતા મોત વધી રહ્યા છે, જેમાં યુવાન લોકો પણ ભોગ બની રહ્યા છે. એવી ચર્ચા હતી કે COVID-19 vaccine લીધા પછી heart attackના કેસ વધ્યા છે, પરંતુ Indian Council of Medical અને AIIMSના અભ્યાસ મુજબ કોવિડ-19 પછી વયસ્કોના અચાનક થતા મોત અને COVID-19 vaccine વચ્ચે કોઇ સંબંધ નથી. અભ્યાસમાં vaccine લીધા પછી હાર્ટએટેકનું જોખમ વધતું હોવાનું સાબિત થયું નથી.

SEOC-ગાંધીનગર ખાતે રાહત કમિશનરની અધ્યક્ષતામાં વેધર વોચ ગ્રુપની બેઠક યોજાઈ. જેમાં ચોમાસાની સ્થિતિ અને વિભાગોની તૈયારીની સમીક્ષા થઈ. આગામી સપ્તાહમાં રાજ્યના વિવિધ વિસ્તારોમાં ભારેથી અતિભારે વરસાદની સંભાવના છે. NDRF અને SDRFની ૩૨ ટીમો જિલ્લા કક્ષાએ deploy કરાઈ છે. સિંચાઈ વિભાગના જણાવ્યા મુજબ ૨૧ જળાશયો High Alert પર છે. માર્ગ અને મકાન વિભાગના જણાવ્યા મુજબ પાણી ભરાવાના કારણે ૯૪ રસ્તા બંધ છે, જે પાણી ઉતરતા પૂર્વવત કરાશે. બેઠકમાં CWC, વન વિભાગ, આરોગ્ય વિભાગ, GSRTC, ISRO સહિત વિવિધ વિભાગના અધિકારીઓ હાજર રહ્યા.

સમગ્ર ગુજરાતમાં 11 મો આંતરરાષ્ટ્રીય યોગ દિવસ ઉજવવામાં આવ્યો, જેમાં ઇશા ફાઉન્ડેશનના તાલીમ પામેલા સ્વયંસેવકોએ વિવિધ સંસ્થાઓ માટે ધ્યાન સત્રો યોજ્યા. મહાશિવરાત્રી દરમિયાન સદ્ગુરુ દ્વારા શરૂ કરાયેલ 'મિરેકલ ઓફ માઇન્ડ' અભિયાનનો 7 મિનિટનું ધ્યાન મુખ્ય આકર્ષણ રહ્યું, જેમાં 2,000 થી વધુ યુવા રાજદૂતો અને વૈશ્વિક સ્તરે 2.5 મિલિયન વપરાશકર્તાઓ જોડાયાં. સુરતની DR & RB કોલેજે આ ધ્યાનને નિયમિત કરતા 4,500 વિદ્યાર્થીઓને લાભ આપવાનો નિર્ણય લીધો. અમદાવાદ સેન્ટ્રલ જેલ સહિત વિવિધ સ્થળોએ યોગ સત્રો યોજાયા. સદ્ગુરુએ યોગને જીવનમાં સ્વતંત્રતા લાવનાર પ્રણાલી ગણાવી અને ઇશા ફાઉન્ડેશન યોગ વિજ્ઞાનને પ્રચારિત કરી રહ્યું છે.

અમદાવાદમાં ભગવાન જગન્નાથની રથયાત્રાની તડામાર તૈયારી શરૂ થઇ છે. દરવર્ષે અષાઢી બીજના દિવસે આ ભવ્ય ઉજવણી થાય છે, જેમાં ભગવાન મંદિર છોડી નગરની નગરચર્યા કરવા નિકળી જાય છે. ભગવાનની રથયાત્રા પહેલા 15 દિવસ જળયાત્રાનું આયોજન થાય છે અને પછી તેઓ મોસાળમાં નિવાસ કરે છે. આ વર્ષે ત્રિવેદી પરિવાર સરસપુર મોસાળામાં મામેરું કરશે, જેમાં ભગવાન રથમાં બિરાજમાન થશે. 148મા રથયાત્રા માટે AI ટેક્નોલોજીનો ઉપયોગ થશે. સોમવારે સરસપુરમાં આ મામેરું ધામધૂમથી કરવામાં આવશે, જેમાં યજમાન પરિવારે વાદળી કલરની થીમના વસ્ત્રો તૈયાર કર્યા છે.

આજ આંતરરાષ્ટ્રીય યોગ દિવસ નિમિત્તે અમદાવાદની ગોદરેજ ગાર્ડન સિટી ના નૉર્થ ક્લબ ખાતે યોગની ભવ્ય ઉજવણી કરવામાં આવી. આ કાર્યક્રમમાં આસપાસની વિવિધ સોસાયટીના રહેવાસીઓએ ભાગ લઈને યોગ દ્વારા સ્વસ્થ, તંદુરસ્ત અને સંતુલિત જીવન શૈલી અપનાવવાનો સંકલ્પ કર્યો. યોગ ગુરુઓએ યોગાસન, પ્રાણાયામ અને ધ્યાનનું માર્ગદર્શન આપ્યું તેમજ યોગના શારીરિક, માનસિક અને આત્મિક લાભોની માહિતીઓ આપી. નૉર્થ ક્લબના સંચાલકો, જીજીસી યુથ ક્લબ અને સ્વયંસેવકો દ્વારા આયોજન સફળ બન્યું અને ઉત્સાહભેર માહોલ સર્જાયો હતો

શરદી-જુકામની તકલીફ ઘણા લોકોમાં ખાસ કરીને વર્ષા, હેમંત અને શિશિર ઋતુમાં વધારે જોવા મળે છે. તેના મુખ્ય કારણો ભોજનની અનિયમિતતા, અધિક પરિશ્રમ, ચિંતા, ઠંડી હવામાં સૂવું, મદ્યપાન અને ફ્રીઝની ચીજો, ઠંડા વાતાવરણમાં રહેવું છે. શરદીના લક્ષણોમાં ઠંડી કંપારી આવવી, શિર:શૂળ, નાકમાંથી પાણી પડવું, છીંક આવવી તથા તાવ આવવો શામેલ છે. શરદીથી બચવા માટે આરામ, પોષણયુક્ત આહાર અને યોગ્ય ઔષધોપચાર કરવો જરૂરી છે. લવિંગનું તેલ તથા હળદરવાળુ દૂધ શરદીમાં રાહત આપે છે. જો શરદી જીર્ણ બને તો તે દમ અને શ્વાસના રોગ સર્જી શકે છે. સરળ ઉપચાર તરીકે વાસાસવ, બન્ફસાદિ કવાથ, વિવિધ ઔષધિઓ અને સૂંઠ નાખી ઉકાળેલું પાણી પીવાની સલાહ આપવામાં આવી છે. આ સાથે, શરદી પેદા કરતા પરિબળો અને ખોટી ખાવાની આદતોથી દૂર રહેવું જરૂરી છે.

રાજ્ય સરકાર દ્વારા અમદાવામાં AI-171 વિમાન દુર્ઘટના બાદ યુદ્ધના ધોરણે રાહત-બચાવની કામગીરી કરવામાં આવી રહી છે. મુખ્યમંત્રી ભૂપેન્દ્ર પટેલના નેતૃત્વમાં જૂજ મિનિટોમાં આ કાર્યવાહી હાથ ધરીને સમર્પિત તંત્ર કાર્યરત કરવામાં આવ્યું છે. સંબંધિત જિલ્લાના કલેક્ટર દ્વારા વિમાન દુર્ઘટનાગ્રસ્ત મુસાફરોના પરિવારજનોનો સંર્પક કરી કાયદેસર વારસદારોને વીમા, દાવાની સહાય ચૂકવવા માટે સંબંધિત જિલ્લાનાં હિસાબી અધિકારી અન્ય અધિકારીઓની નોડલ અધિકારી તરીકે નિમણુંક કરવામાં આવી છે. જિલ્લા વહીવટી તંત્ર આ માટે અસરગ્રસ્તોને મદદરૂપ થઈ રહ્યું છે. વિમાન દુર્ઘટનામાં પ્રભાવિત થયેલા લોકોના ઇન્સ્યોરન્સ ક્લેમ પ્રોસેસ કરવામાં સરળતા રહે તે માટે IRDAIના નોટિફિકેશન અન્વયે હોસ્પિટલ ખાતે જોઇન્ટ સેલ શરૂ કરવાની સૂચના આપવામાં આવી હતી. જનરલ ઇન્સ્યોરન્સ કાઉન્સિલ વતી ન્યુ ઇન્ડિયા ઇન્સ્યોરન્સ કંપનીને લીડ ઇન્સ્યોરર તથા લાઇફ ઇન્શ્યોરન્સ કાઉન્સિલ વતી એચડીએફસી લાઇફને લીડ ઇનસ્યોરર નીમવામાં આવી છે.

નીતા અંબાણી 60 વર્ષની ઉંમરે પણ અદભૂત રીતે ફિટ છે. આ સિવાય તેમના ચહેરા પરની ચમક પણ 20 વર્ષની યુવતીઓ જેવી લાગે છે. નીતા અંબાણી ફિટનેસ માટે દરરોજ યોગ કરે છે જે તેમના શરીર અને સ્વાસ્થયને સારૂં રાખે છે. નીતા અંબાણીએ થોડા વર્ષો પહેલા કસરત અને આહાર દ્વારા તેમના શરીરને સંપૂર્ણપણે બદલી નાખ્યું હતું અને લગભગ 18 કિલો વજન ઘટાડ્યું હતું. વજન ઘટાડ્યા બાદ નીતા અંબાણી તેમની ફિટનેસ દિનચર્યાને લઈને ખૂબ જ ધ્યાન રાખે છે. તેઓ નિયમીત પણે યોગા કરે છે એક દિવસ પણ યોગા કરવાનું ચૂકતા નથી. નીતા અંબાણીની આ ફિટનેસ દિનચર્યાઓને અનુસરીને, કોઈપણ વ્યક્તિ તેમના વજનને નિયંત્રિત કરી શકે છે.

મનાલીમાં ફરવા માટે આવેલી બાળકી સાથે એક દર્દનાક ઘટના બની છે. અહીં બાળકી પોતાના પરિવાર સાથે આવી હતી. આ દરમિયાન ઝીપ લાઈન પર લટકતી વખતે અચાનક કેબલ તુટી ગયો. આ ઘટના પછી બાળકી 30 ફૂટ નીચે ખાઈમાં પડી હતી. આ ઘટનામાં બાળકી ગંભીર રીતે જખ્મી થઈ છે. ઘટના બાદ બાળકીને મનાલી અને ચંદીગઢમાં ભરતી કરવામાં આવી હતી. હવે તેને નાગપુરની એક પ્રાઈવેટ હોસ્પિટલમાં ભરતી કરવામાં આવી છે. મળતી માહિતી પ્રમાણે નાગપુરમાં રહેતા પ્રફુલ્લ બિજવે પોતાની પત્ની અને બાળકી ત્રિશા સાથે ઉનાળાની રજાઓ માણવા મનાલી આવ્યા હતા. ગયા અઠવાડિયે 8 જૂનના રોજ રવિવારે આ બાળકી ઝિપ લાઈન સાથે લટકીને એક પહાડથી બીજા તરફ જઈ રહી હતી. આ વચ્ચે અચાનક ઝીપ લાઈનનો કેબલ તૂટી ગયો અને તેના પછી ત્રિશા 30 ફૂટ નીચે ઉંડી ખાઈમાં જઈને પડી હતી. તેના પગમાં ગંભીર રીતે વાગ્યું છે.

ઉત્તરાખંડના રુદ્રપ્રયાગ જિલ્લામાં કેદારનાથથી પાછા ફરતી વખતે ભીષણ હેલિકોપ્ટર ઘટનામાં એક દંપતિ અને તેમની બે વર્ષની દિકરીનું મૃત્યુ નિપજ્યું છે. પરંતું ભોળાનાથની કૃપાથી આ પરિવારનો ચિરાગ બચી ગયો. મહારાષ્ટ્રના યવતમાલ જિલ્લાના વાનીથી આવેલા જયસ્વાલ પરિવારના રાજ કુમાર જયસ્વાલ, તેમની પત્ની શ્રદ્ધા જયસ્વાલ અને તેમની બે વર્ષની દિકરી કાશીનું આ દુર્ઘટનામાં મોત નિપજ્યું છે. આ ઘટનામાં પાયલોટ સહિત 7 લોકોના મોત થયા છે. પરંતું તેમનો છ વર્ષનો દિકરો વિવાન તેના દાદા સાથે પંધરકવડામાં રહેતો હોવાથી બચી ગયો.આ ઘટના રવિવારે સવારે લગભગ 5-19 વાગ્યે બની, જ્યારે આર્યન એવિેએશનનું હેલિકોપ્ટર ગુપ્તકાશી થી કેદારનાથ પહોંચ્યું અને પાછા ફરતી વખતે ગૌરીકુંડ અને સોનપ્રયાગ વચ્ચે જંગલમાં ક્રેશ થઈ ગયું. હેલિકોપ્ટરમાં સવાર સાત લોકોમાંથી 5 મુસાફરો, એક બાળક અને એક પાયલોટ હતો, જેમણે લગભગ 10 મિનિટની ઉડાન દરમિયાનમાં પોતાનો જીવ ગુમાવી દીધો. અધિકારીઓનું માનવું છે કે ખરાબ હવામાન અને ધુમ્મસને કારણે આ દુર્ઘટના ઘટી હતી.

21 જૂનના રોજ આંતરરાષ્ટ્રીય યોગા દિવસની ઉજવણી કરવામાં આવે છે. યોગાભ્યાસનું આપણા જીવનમાં કેટલું મહત્વ છે તેની કહાનીઓ વર્ષો જુના ગ્રંથોમાં પણ લખાયેલી છે. શરીરની તંદુરસ્તી જાળવવા માટે યોગાસન કરવા ખૂબ જરુરી છે. યોગાભ્યાસ દ્વારા એકાગ્રતા વધે છે. અને શારિરીક તથા માનસિક સ્વાસ્થ્ય સારું રહે છે. વધતી ઉંમરમાં યોગાભ્યાસ રોગોના ઇલાજ માટે રામબાણ સમાન ગણાવામાં આવે છે. 30 વર્ષની ઉંમર થયા બાદ મહિલા અને પુરુષોએ યોગાભ્યાસ શરુ કરી દેવો જોઇએ. કારણ કે 30 વર્ષની ઉંમર બાદ શારિરીક ફેરફારો વધુ જોવા મળે છે. આવા સમયે દવાઓના સ્થાને યોગાસનોની શરૂઆત વધુ ફાયદાકારક નિવડશે. દર વર્ષે 21 જૂને આંતરરાષ્ટ્રીય યોગા દિવસની ઉજવણી કરવામાં આવે છે. પીએમ મોદીએ યોગનું મહત્ત્વ સમજાવતા આ યોગા દિવસની ઉજવણી કરવાનું નક્કી કર્યુ છે.

ચારધામ યાત્રા 30 એપ્રિલે અક્ષય તૃતીયાના દિવસે શરૂ થઈ હતી. આ યાત્રા શરૂ થયાને લગભગ 45 દિવસ થઈ ગયા છે. અત્યાર સુધીમાં અહીં 4 હેલિકોપ્ટર અકસ્માત થયા છે. તાજેતરની ઘટના આજે સવારે 5.20 વાગ્યે બની હતી. હેલિકોપ્ટરમાં 6 મુસાફરો એક પાયલટ સાથે કેદારનાથથી ગુપ્તકાશી જવા રવાના થયા હતા. ગૌરીકુંડ નજીક ખરાબ હવામાનને કારણે હેલિકોપ્ટર અકસ્માતનો ભોગ બન્યું હતું. તેમાં સવાર તમામ લોકોના મોત થયા છે. ઉત્તરાખંડ સિવિલ એવિએશન ડેવલપમેન્ટ ઓથોરિટી (UCADA) અનુસાર હેલિકોપ્ટરમાં સવાર મુસાફર ઉત્તરાખંડ, મહારાષ્ટ્ર અને ગુજરાતના છે. હેલિકોપ્ટર આર્યન એવિએશન કંપનીનું હતુ. મૃતકોમાં એક બાળકીનો સમાવેશ થાય છે. અકસ્માતમાં પાયલોટ સહિત 7 લોકોના કરૂણ મોત થયા છે.

ચારધામ યાત્રા 30 એપ્રિલે અક્ષય તૃતીયાના દિવસે શરૂ થઈ હતી. આ યાત્રા શરૂ થયાને લગભગ 45 દિવસ થઈ ગયા છે. અત્યાર સુધીમાં અહીં 4 હેલિકોપ્ટર અકસ્માત થયા છે. તાજેતરની ઘટના આજે સવારે 5.20 વાગ્યે બની હતી. હેલિકોપ્ટરમાં 6 મુસાફરો એક પાયલટ સાથે કેદારનાથથી ગુપ્તકાશી જવા રવાના થયા હતા. ગૌરીકુંડ નજીક ખરાબ હવામાનને કારણે હેલિકોપ્ટર અકસ્માતનો ભોગ બન્યું હતું. ઉત્તરાખંડ સિવિલ એવિએશન ડેવલપમેન્ટ ઓથોરિટી (UCADA) અનુસાર હેલિકોપ્ટરમાં સવાર મુસાફર ઉત્તરાખંડ, મહારાષ્ટ્ર અને ગુજરાતના છે. હેલિકોપ્ટર આર્યન એવિએશન કંપનીનું હતુ. મૃતકોમાં એક બાળકીનો સમાવેશ થાય છે. અકસ્માતમાં પાયલોટ સહિત 7 લોકોના કરૂણ મોત થયા છે.

સુપ્રસિદ્ધ યાત્રાધામ સાળંગપુરધામમાં શ્રીકષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી તારીખ 15-06-2025ને રવિવારના રોજ સાળંગપુરમાં દાદાને પ્યોર સિલ્કના વાઘા એવં 100 કિલો ઓર્કિડના ફૂલોનો શણગાર કરાવવામાં આવ્યો છે. આજે અનેક હરિભક્તોએ દર્શન એવં મહાપ્રસાદનો લાભ લઈ ધન્યતાનો અનુભવ કર્યો હતો. સાથો સાથ મંદિર પરિસરમાં યજ્ઞશાળામાં મારુતિ યજ્ઞનું આયોજન કરવામાં આવ્યું હતું. આજના શણગાર વિશે પૂજારી સ્વામીએ જણાવ્યું કે, આજે શ્રીકષ્ટભંજનદેવ હનુમાનજીને વૃંદાવનમાં 15 દિવસની મહેનતે 7 કારીગરો દ્વારા બનાવવામાં આવેલા પ્યોર સિલ્કના વાઘા પહેરાવવામાં આવ્યા છે. આ વાઘામાં વિશેષ જરદોશી વર્ક કરવામાં આવ્યું છે. તો હનુમાનજીના સિંહાસને 100 કિલો ઓર્કિડના ફુલોનો શણગાર કરવામાં આવ્યો છે. આ ફૂલ વડોદરાથી મંગાવ્યા છે. આ શણગાર કરતાં 7 સંતો, ભક્તો અને પાર્ષદોને 4 કલાકનો સમય લાગ્યો હતો.

અમદાવાદ પ્લેન ક્રેસ દુર્ઘટનામાં પૂર્વ મુખ્યમંત્રી વિજય રૂપાણીનું નિધન થતા સમગ્ર રાજ્યમાં શોકનું મોજુ ફરી વળ્યું છે. જુનાગઢ જિલ્લાના ભેસાણ તાલુકાનું ચણાકા વિજય રૂપાણીનું પૈત્રુક ગામ છે, જ્યાં વિજય રૂપાણીના કુળદેવી અને સુરાપુરાનું સ્થાનક છે અને તેમના પરિવારનો અતૂટ સંબંધ છે તે ગામમાં આ સમાચાર સાંભળતા જ શોકની લાગણી ફેલાઈ હતી, પૂર્વ મુખ્યમંત્રી વિજય રૂપાણી ખૂબ જ સંવેદનશીલ અને ભગવાનમાં આસ્થા ધરાવતા હતા તેમજ તેમના કુળદેવી અને સુરાપુરાના મંદિર માટે ખૂબ જ ચિંતા કરતા હતા અને તેમણે આ બંને મંદિરોનો ખૂબ જ મોટો વિકાસ પણ કર્યો છે, પોતાના કુળદેવી અંબા માતાજીના મંદિર માટે અબુધાબી થી મજૂરોને બોલાવવામાં આવ્યા અને તેમને આરસની ઉપર મૂર્તિ કંડારીને અહીં સ્થાપના કરી હતી. પૂર્વ મુખ્યમંત્રી વિજય રૂપાણી પોતાના જીવનમાં પ્રથમવાર એક સાથે બે દિવસ સુધી 11-11 કલાક બેસીને પૂજા અર્ચના કરી હતી. આ મંદિર સાથે તેનો અતૂટ નાતો છે અને તેઓ ખૂબ જ આસ્થા અને શ્રદ્ધા ધરાવતા હતા તેમને આ મંદિરમાં આવતા દર્શનાર્થીઓ માટે જે સીડી ચડી ન શકે તો લિફ્ટ બનાવવાની પણ તૈયારી બતાવી હતી. પોતે લંડનથી પરત આવીને આ પ્રોજેક્ટ ઉપર કામ કરવાના હતા, તેમના ગુરુ અને મંદિરના મહંત સાથે અવારનવાર ટેલીફોનિક વાત કરી અને પ્રોજેક્ટ અંગે માહિતીઓ એકત્રિત કરવાનું પણ કહેતા હતા, તેમનું અકાળે અવસાન થતાની સાથે જ આ સપના તેમનો આખરી સપના બનીને રહી ગયા.

આંતરરાષ્ટ્રીય યોગ દિવસની ઉજવણીના ભાગરૂપે મહીસાગર જિલ્લા પંચાયત ખાતે આયુર્વેદ શાખા દ્વારા નિઃશુલ્ક નિદાન અને ચિકિત્સા કેમ્પનું આયોજન કરવામાં આવ્યું હતું. આ કેમ્પનું ઉદ્દઘાટન જિલ્લા વિકાસ અધિકારી યુવરાજ સિદ્ધાર્થના હસ્તે કરવામાં આવ્યું હતું. આ આરોગ્ય કેમ્પમાં આયુર્વેદ અને હોમિયોપેથીના નિષ્ણાત મેડિકલ ઓફ્સિરો દ્વારા વિવિધ રોગો માટે સારવાર પૂરી પાડવામાં આવી હતી. આ ઉપરાંત, ઔષધીય વનસ્પતિઓના ચાર્ટનું પ્રદર્શન પણ ગોઠવવામાં આવ્યું હતું, જેણે ઉપસ્થિત લોકોને આયુર્વેદિક ઔષધીઓ વિશે જાણકારી આપી હતી. યોગનું મહત્વ સમજાવવા અને વિવિધ રોગોની સારવારમાં યોગ કઈ રીતે મદદરૂપ થઈ શકે તે દર્શાવવા માટે યોગ શિક્ષકો દ્વારા જુદા જુદા યોગાસનોનું નિદર્શન પણ કરવામાં આવ્યું હતું. આ કેમ્પમાં કુલ 457 લોકોએ સ્વાસ્થ્ય સેવાઓનો લાભ લીધો હતો, જેમાં 172 લાભાર્થીઓએ આયુર્વેદિક સારવાર, 85 લાભાર્થીઓએ હોમિયોપેથી સારવાર અને 200 લાભાર્થીઓએ યોગ નિદર્શનનો લાભ લીધો હતો. આ કેમ્પમાં જિલ્લા ગ્રામ વિકાસ એજન્સી નિયામક ચંદ્રિકાબેન ભાભોર, નાયબ જિલ્લા વિકાસ અધિકારી મૈત્રીબેન, જિલ્લા આયુર્વેદ ઓફ્સિર,જિલ્લા ખેતીવાડી અધિકારીશ્રી સહિત જિલ્લા પંચાયત સ્ટાફ ઉપસ્થિત રહ્યા હતા.

વડોદરાના દાદા ભગવાન મંદિર, કેલનપુરના સભાગૃહમાં શાશ્વત હિંદુ પ્રતિષ્ઠાનના 6ઠ્ઠા રાષ્ટ્રીય અધિવેશનનું ઉદ્ઘાટન કરાયું હતું. જેમાં સનાતન સંત પૂ. ચેતન દાસજી મહારાજે કહ્યું કે, આજે હિંદુઓને પોતાના મંદિરોને શક્તિ કેન્દ્ર બનાવવાની જરૂર છે. સંવાદથી સહમતિ નામના આ અધિવેશનમાં આજે ગુજરાત પ્રાંતના અમદાવાદમાં થયેલી વિમાન દુર્ઘટનાના મૃતકો અને પૂર્વ મુખ્યમંત્રી દિવંગત વિજયભાઈ રૂપાણી પ્રત્યે શ્રદ્ધાંજલિ અને શોક વ્યક્ત કરાયો હતો. રાષ્ટ્રીય સ્વયંસેવક સંઘના પશ્ચિમ ક્ષેત્ર સહસંપર્ક પ્રમુખ વિજય દેવાંગનજીએ તેઓના તેજસ્વી ભાષણમાં કહ્યું કે, શાશ્વત સંસ્કાર અપનાવીને જ હિંદુ સમાજની આવનારી પેઢીને શક્તિશાળી બનાવી શકાય છે. તેમણે સમાજના અંતિમ છેડા સુધી પ્રકાશ લઈ જવાનો સંકલ્પ વ્યક્ત કર્યો હતો. કાર્યક્રમમાં ભારતના વિવિધ રાજ્યોમાંથી પ્રતિનિધિ પધાર્યા છે. સંવાદથી સહમતિ 14 અને 15 જૂન સુધી ચાલશે. શાશ્વત હિંદુ પ્રતિષ્ઠાનના રાષ્ટ્રીય ઉપાધ્યક્ષ મેજર રમેશ ઉપાધ્યાયે જણાવ્યું કે, અમારું લક્ષ્ય પાંચ વર્ષમાં એક લાખ મંદિરોને શક્તિ કેન્દ્ર બનાવવાની યોજના છે. શાશ્વત હિંદુના રાષ્ટ્રીય મહામંત્રી સંજય શર્માએ કહ્યું કે, મંદિરોને શક્તિ કેન્દ્ર બનાવવા માટે બે કલાક મંદિરના નામે, રાષ્ટ્ર નિર્માણના કામે અભિયાનને દરેક હિંદુ સુધી પહોંચાડવું પડશે.

બોડેલી નગરમાં જગન્નાથજીની ચોથી રથયાત્રાનું આયોજન અંગે બોડેલી નગરના અગ્રણી તેમજ કાર્યકરો વચ્ચે બેઠક યોજાઈ હતી. અમદાવાદથી લંડન જતી ફ્લાઇટમાં ટેક્નિકલ ખામી સર્જાતા ક્રેશ થતા 275 લોકો મોતને ભેટયાં હતા. જેમાં બોડેલી ગંગાનગર સોસાયટીમાં રહેતા નેન્સીબેન ચેત્રેશભાઈ પટેલનું પણ ફ્લાઇટ ક્રેશ થતાં દુર્ઘટનામાં મોત થયું હતું. તેના અનુંસંધાને રથયાત્રા આયોજક સમિતિ દ્વારા મિટિંગ દરમિયાન બે મિનટનું મૌન પાળી શ્રદ્ધાંજલિ પાઠવાઇ હતી. બોડેલીમાં તા.27 જૂનના રોજ બોડેલી, અલીખેરવા, ઢોકલીયા, ચાંચક વિસ્તારમાં નીકળનારી જગન્નાથજીની ચોથી રથયાત્રા અંગે બોડેલી વૈષ્ણવ વાડીમાં રથયાત્રા આયોજન સમિતિ દ્વારા બોડેલી નગરના અગ્રણી તેમજ આયોજકો, કાર્યકરો વચ્ચે બેઠક યોજાઈ હતી. જેમાં બોડેલી, ઢોકલીયા, અલીખેરવા, ચાચક વિસ્તારના અગ્રણી મોટી સંખ્યામાં હાજર રહ્યાં હતા. બેઠકમાં કાર્યકરોએ જગન્નાથજીની રથયાત્રા અંગેની વિસ્તુત ચર્ચા કરી હતી. ચોથી જગન્નાથજીની રથયાત્રાના રૂટ અને સમયમાં ફેરફાર કરાયો છે. રથયાત્રા ઢોકલીયા ગરબીચોકથી સાંજે 4:30 કલાકે નીકળશે. જે રામજી મંદિરથી નીકળી વિવિધ રાજમાર્ગથી, વૈષ્ણવ મંદિરથી અને શ્રીરામ ચોકથી પસાર થઈ સાંજે ખોડિયાર મંદિર પહોચી પુર્ણાહૂતિ થશે. ત્યારબાદ ખોડિયાર મંદિરે સાંજે મહાપ્રસાદીનું આયોજન કરાયું છે.

કચ્છ જિલ્લાના પ્રાથમિક અને માધ્યમિક-ઉચ્ચત્તર માધ્યમિક શાળાઓમાં શિક્ષા ગુણવત્તા વધારવા માટે ૨૦૦૯થી દર વર્ષે ગુણોત્સવ યોજવામાં આવે છે. છેલ્લાં બે વર્ષથી સ્કૂલ ઈન્સ્પેક્ટર દ્વારા શાળાઓની ૩-૪ મુલાકાત લઈ ઓનલાઈન મૂલ્યાંકન માટે માહિતી ભેગી કરવામાં આવે છે અને તેના આધારે શાળાઓને ગ્રેડ આપવામાં આવે છે. ૨૦૨૩-૨૪માં એ, એ+, એ++, એ+++ ગ્રેડની શાળાઓ ૧૩૨ હતી જે ૨૦૨૪-૨૫માં વધીને ૧૪૯ થઈ ગઈ છે, જ્યારે સી અને ડી ગ્રેડની શાળાઓમાં નોંધપાત્ર ઘટાડો થયો છે. હાલ શાળાઓમાં ૮૯.૭૪% એ અને બી ગ્રેડ છે, અને માત્ર ૧૦.૨૬% સ્કૂલ સી અને ડી ગ્રેડમાં છે, જે શિક્ષણમાં સુધારાનું પ્રતિક છે.

મોરારિબાપુની ધર્મપત્ની નર્મદાબાના નિર્વાણ નિમિત્તે તલગાજરડામાં સંત ભંડારાનું આયોજન કરવામાં આવ્યું હતું. આ કાર્યક્રમમાં વિવિધ ધર્મસ્થાનોમાંથી સંત-મહંતો ઉપસ્થિત રહ્યા અને ગરિમાભેર પૂજન-અર્ચન કરવામાં આવ્યું. મોરારિબાપુએ અમદાવાદમાં થયેલી વિમાની દુર્ઘટનામાં પ્રાણ ગુમાવનારા દિવંગતોને શ્રદ્ધાંજલિ આપી હતી. ભંડારામાં સાધુ પંચકના પાંચ લક્ષણો: સ્વચ્છતા, પવિત્રતા, પ્રસન્નતા, સ્વતંત્રતા અને અસંગતા પર ભાર મુકાયો હતો. વિમાન દુર્ઘટનાને કારણે સંતવાણી કાર્યક્રમ મુલતવી રાખાયો હતો. આ ભંડારામાં દેશ-વિદેશના સંત અને શ્રોતાઓ હાજર રહ્યા અને સંયોજન અનુબાપુ હરિયાણીએ કર્યું હતું.

યોગ ફક્ત શરીરને જ ફીટ નથી રાખતું તે સ્વાસ્થ્યને પણ સુધારે છે. તમારા મનની શાંતિ માટે પણ યોગ મદદ કરે છે. જો આપણે રોજ યોગ કરીએ છીએ, તો શરીર અને મન બંનેને તાજગી મળે છે. તેમજ શરીરને એનર્જી મળે છે. આજે આપણે વાત કરવાના છીએ કે પશ્ચિમોત્તાનાસન જે શારીરિક અને માનસિક સ્વાસ્થ્યને ફાયદા આપે છે. પશ્ચિમોત્તાનાસન કરતા સમયે પાછળના ભાગે ખેંચાણ થાય છે જેનાથી જો શરીર જકડાય ગયું હોય તો તેમાં રાહત મળે છે. આ આસન પાચનને પણ સુધારે છે અને સરળ બનાવે છે. પશ્ચિમોત્તાનાસન પેટની ચરબી ઓછી કરવામાં મદદ કરે છે. નિયમિત યોગા કરવાથી પેટની માંસપેશિયો મજબૂત બને છે. પશ્ચિમોત્તાનાસન વુદ્ધો માટે ઘણું લાભદાયક છે. તે સાઈટિકાને ઓછી કરવામાં મદદ કરે છે. તેમજ કબજિયાત, મોટાપો અને સ્કિનની સમસ્યાઓમાંથી રાહત મળે છે. તેમજ પશ્ચિમોત્તાનાસન કરવાથી સગુર પણ લેવલમાં રહે છે. પશ્ચિમોત્તાનાસન કરવાથી પીરિયડ્સ સંબંધિત ઘણી તકલીફોમાંથી રાહત મળે છે. તે પેટના નીચા ભાગમાં બ્લડ સરક્યુલેશન વધારે છે, જેનાથી પીરિયડ્સ સમયે થતા દુખાવામાંથી રાહત મળે છે. તેમજ પશ્ચિમોત્તાનાસન કરવાથી હોર્મોનલ પણ નિયંત્રણમાં રહે છે. પશ્ચિમોત્તાનાસન કરવાથી પોઝીટીવીટી મળે છે. આ આસન કરવાથી ચિંતા અને સ્ટ્રેસ ઓછો થાય છે, અને મગજને શાંત રાખવામાં મદદ કરે છે. તેમજ તમારી એકગ્રતાને વધારવામાં પણ મદદ કરે છે.

NEET UG 2025નું પરિણામ સત્તાવાર વેબસાઇટ neet.nta.nic.in પર જાહેર થઈ ચૂક્યું છે. નેશનલ ટેસ્ટિંગ એજન્સીએ પાસ થયેલા ઉમેદવારનાં આંકડા અને ટોપર્સનાં નામ જાહેર કર્યા છે. રાજસ્થાનના મહેશ કુમારે આ વર્ષે ટોપ કર્યું છે અને એમપીના ઉત્કર્ષે બીજું સ્થાન પ્રાપ્ત કર્યું છે. પરિણામ જોવા માટે neet.nta.nic.in પર જાઓ, ‘NEET UG 2025 Result’ લિંક પર ક્લિક કરો, એડમિટ કાર્ડ નંબર, જન્મ તારીખ અને કેપ્ચા દાખલ કરો અને સ્કોરકાર્ડ ડાઉનલોડ કરો. આ રીતે તમે તમારા NEET UG 2025નું પરિણામ સરળતાથી જોઈ અને સંગ્રહ કરી શકો છો.

ઉત્તર પ્રદેશના શહેરોને ડેવલપ કરવા માટે 2026 થી 2031 સુધી એક મોટી યોજના બનેલી છે, જેમાં 1.29 લાખ કરોડ ખર્ચ થશે. યોજના શહેરોને સ્વચ્છ, સુરક્ષિત, આધુનિક અને પર્યાવરણ માટે અનુકૂળ બનાવવા પર કેન્દ્રિત છે. ચારાવીમાં માર્ગો, નાળાઓ અને અન્ય માળખાં સુધારવા માટે કામ થશે. બાળકો, મહિલાઓ, બુઝુર્ગો અને જાનવરોની જરૂરિયાતોનું ધ્યાન રાખવામાં આવ્યું છે. ટેકનોલોજી અને પર્યાવરણ સાથે સંબંધિત પ્રોજેક્ટ પણ સામેલ છે. 30,000 કરોડથી શહેરોમાં રસ્તાઓના નેટવર્ક વિકસાવવામાં આવશે. 27,500 કરોડથી ડ્રેનેજ અને 15,000 કરોડથી શૌચાલય પ્રોજેક્ટ થશે. 990 કરોડમાં ઈલેકટ્રિક સ્મશાન ઘાટ અને 3,120 કરોડમાં હવાની ગુણવત્તા સુધારવાની યોજના પણ છે.

એર ઈન્ડિયાના AI171 વિમાનમાં 242 મુસાફરો સવાર હતાં. જેમાં 169 ભારતીય, 53 બ્રિટીશ, એક કેનેડિયન અને સાત પોર્ટુગીઝ મુસાફરો હતા. દુર્ઘટનામાં 150થી વધુ લોકોના મોત થયા છે. ઈજાગ્રસ્તોને દિલ્હીની સિવિલ હોસ્પિટલમાં ખસેડી સારવાર આપવામાં આવે છે જ્યાં મુખ્યમંત્રી સહિતના મંત્રીઓ પહોંચી ગયા છે. હોસ્પિટલમાં ચાર IAS અધિકારીઓને ઈમર્જન્સી ડ્યુટી પર મુકવામાં આવ્યા છે. દુર્ઘટનાના દર્દીઓ માટે ગ્રીન કોરિડોરની વ્યવસ્થા અને સ્ટેટ ઈમરજન્સી ઓપરેશન સેન્ટર સહિત તમામ તાત્કાલિક વ્યવસ્થાઓ હાથ ધરાઈ રહી છે.

ભાવનગરના સિહોર તાલુકાના ચોરવડલા ગામમાં 5 વર્ષના બાળકના કાનમાં 15 જેટલા વંદા પ્રવેશી ગયા હતા, જે બાળકને કાનમાં દુખાવા ને કારણે પીડાતું હતું પરિવારની ચિંતા પછી બાળકને ખાનગી હોસ્પિટલમાં દાખલ કરાવવામાં આવ્યો, જ્યાં ડોક્ટર રાહુલ પરમાર દ્વારા આ વંદાઓને કાનમાંથી સફળતાપૂર્વક કાઢી લેવામાં આવ્યા. આ અખબારી બનાવ તબીબો માટે પણ તપાસનો વિષય બન્યો છે, કારણ કે આ પ્રકારના કિસ્સા અવારનવાર બાળકો સાથે બની રહ્યાં છે. આ ઘટનાથી સમગ્ર વિસ્તારમાં ચિંતા વ્યાપી છે.

ઉત્તર ભારતના ઘણા રાજ્યોમાં, ખાસ કરીને દિલ્હીમાં તાપમાન 43.4°C સુધી પહોંચ્યું હતું અને લોકો 48.9°C જેટલો તાપ અનુભવ્યા હતા. માનવ શરીર 35°C થી 37°C સુધી તાપમાન સહન કરી શકે છે, પરંતુ જ્યારે તાપમાન 40°C પાર કરે છે, ત્યારે ડિહાઇડ્રેશન અને કમજોરી થવા લાગે છે. 42-43°C સુધી પહોંચતાં શરીરનું સ્વાસ્થ્ય બગડે છે, અને 44°C કે તેથી વધુ તાપમાન બ્રેઈન ડેડ અને મૃત્યુનું કારણ બની શકે છે. શરીર તાપમાન વધતાં બોડી કુલિંગ સિસ્ટમ કાર્ય કરતી હોય છે, પણ વધારે તાપમાન મગજને નુકસાન પહોંચાડે છે.

ભગવાન જગન્નાથજીની 148મી રથ યાત્રા 27 જૂનનાં રોજ નીકળશે. તેમણે મોસાળ ખાતે 4 કિમી લાંબી શોભાયાત્રા નીકળશે અને ઉત્સાહ સાથે સ્વાગત માટે સંપૂર્ણ તૈયારીઓ કરી છે. 15 દિવસ માટે ભગવાન મોસાળમાં રહેશે અને તેના પૂજન-સેવાઓ યોજાશે. મોસાળમાં વિવિધ સાંસ્કૃતિક કાર્યક્રમો અને ભોજન મનોરથનું આયોજન કરવામાં આવ્યું છે. 18-24 જૂન સુધી કેરી, મિક્સ ફળ, ડ્રાયફળ અને મગસના મનોરથ તેમજ દર્શન માટે ભક્તો માટે ખુલ્લાં રહેશે. આ ઉત્સવમાં ધૂમધામ અને ભજન કીર્તન સાથે આઠાયામાં ભાગ લેવા તમામ તૈયારીઓ પૂરી છે.

મુખ્યમંત્રી ભૂપેન્દ્ર પટેલે શિક્ષણ વિભાગની કાર્ય પદ્ધતિ પર ટકોર કર્યું છે. તેમણે જણાવ્યું કે સરકારી નોકરીઓ માટે લોકોમાં ક્રેઝ વધ્યો છે અને સારા પરિણામ માટે વિજ્ઞાનમાં ઉત્તમ શિક્ષણ જરૂરી છે. તેઓએ કહ્યું કે જો જોઈએ તો ટેટ કે ટાટ ચાલુ જ રહે છે અને શિક્ષણ વિભાગે અન્ય વિભાગો સાથે સુસંગત કામગીરી કરવી જોઈએ. સોશિયલ મીડિયામાં નેગેટિવ રોલ વધુ જોવા મળે છે, ત્યારે પોઝિટિવ બાબતાઓ પણ લોકોને પહોંચાડવી જરૂરી છે. શાળા પ્રવેશોત્સવમાં નેગેટિવ ટિપ્પણીઓને અટકાવી શિક્ષણ વિભાગને ધ્યાન આપવું જરૂરી હોવાનું જણાવ્યું છે.

અમદાવાદમાં 148 મી રથયાત્રા પહેલા સાબરમતી નદીમાં જળયાત્રાનું આયોજન કરવામાં આવ્યું છે. શહેરના ફાયર વિભાગે જળયાત્રા પૂર્વે માર્ગદર્શન માટે મોક ડ્રીલ યોજી, જેમાં નદીમાં ડૂબવાની અને રેસ્કયૂ વ્યવસ્થા ચકાસાઈ. જોકે, નદી પાસે જળકુંભી (Aquatic weed)ની ફેલાતી જંગલી વનસ્પતિએ જળયાત્રામાં વિઘ્ન ઊભો કર્યું છે. સાબરમતી નદીમાં થયેલ સ્વચ્છતા અભિયાનનો દાવો સત્ય ન રહેતાં, જળકુંભીનો ખડકલો જોવા મળ્યો છે. તંત્ર તુરંત જળકુંભી દૂર કરવા પ્રયાસો હાથ ધર્યા છે, જેથી યાત્રાનું સુચારુ આયોજન સચવાય.

અમદાવાદમાં રથ યાત્રા 2025 પહેલા શાંતિ અને કાયદા-વ્યવસ્થાની સુરક્ષા માટે પોલીસ સક્રિય થઈ ગઈ છે. ખાસ કરીને 24 અસામાજિક તત્વો સામે 'પાસા' હેઠળ કડક કાર્યવાહી કરવામાં આવી છે અને 10 લોકો વિરુદ્ધ તડીપાર પણ લાગુ કરવામાં આવ્યો છે. શહેરના વિવિધ પોલીસ સ્ટેશન વિસ્તારમાં અસામાજિક પ્રવૃતિ કરનારા આ લોકો પર પોલીસની કડક નજર રાખવાની અને શાંતિ જાળવવાની કામગીરી વધી છે. રથયાત્રા દરમિયાન અનિચ્છનીય બનાવો રોકવા માટે પોલીસ શહેરભરમાં ફરજ પર રહેશે અને સલામતી સુનિશ્ચિત કરશે.