આજના સ્માર્ટ યુગમાં, સ્માર્ટ ટીવી પણ આપણી પ્રવૃત્તિઓ પર નજર રાખે છે. સ્માર્ટ ટીવીમાં ACR (Automatic Content Recognition) નામની ટેકનોલોજી હોય છે, જે તમે ટીવી પર શું જુઓ છો તેનો ડેટા એકત્રિત કરે છે. આ ડેટામાં મૂવી, વેબ સિરીઝ અને યુ ટ્યુબ વિડીયો જેવી માહિતી શામેલ હોઈ શકે છે. આ માહિતી બાળકો માટે યોગ્ય ન હોય તેવી જાહેરાતો દેખાડી શકે છે અને તમારા કહ્યા વિના ડેટા કોઈને મોકલી શકાય છે. આથી, ટીવી સેટિંગ્સમાં જઈ ACR, interest-based ads, voice recognition, location access અને viewing data sharing જેવા વિકલ્પો બંધ કરવા જોઈએ.

રેલ મુસાફરી મોંઘી છે: AC માં 1000 કિમીની મુસાફરી માટે તમારે ₹20 વધુ ચૂકવવા પડશે. તત્કાલ ટિકિટ બુકિંગ: આધાર IRCTC એકાઉન્ટ સાથે લિંક થયેલ હોવો જરૂરી. પાન કાર્ડના નિયમો: જો તમારી પાસે આધાર નથી, તો તમે પાન કાર્ડ મેળવી શકશો નહીં. MGની કાર મોંઘી: કંપનીએ કિંમતોમાં 1.5% સુધીનો વધારો કર્યો. UPI ટ્રાન્ઝેક્શન: હવે પેમેન્ટ કરતી સમયે અસલી રિસીવરનું નામ દેખાશે.ગેસ સિલિન્ડર સસ્તો: કોમર્શિયલ સિલિન્ડરના ભાવમાં ₹58.50નો ઘટાડો.

ભારતની પ્રથમ ઈ-વોટિંગ એપ બિહારમાં લોન્ચ થઈ. ઈ-વોટિંગમાં વોટ કરનાર પ્રથમ મહિલા વોટર વિભાકુમારી બન્યા. જ્યારે ઈ- વોટિંગ કરનાર પ્રથમ પુરુષ મુન્નાકુમાર બન્યા. નવી ઈ-વોટિંગ સેવા લોકશાહી પ્રક્રિયાને વધુ સુરક્ષિત રાખવા મદદરૂપ થશે. Blockchain ટેકનોલોજી ની મદદથી મતો એક સુરક્ષિત, અપરિવર્તનશીલ સિસ્ટમમાં રેકોર્ડ અને સંગ્રહિત થાય છે. ડિજિટલ સ્કેનિંગ અને OCR (ઓપ્ટિકલ કેરેક્ટર રેકગ્નિશન) મતોની સચોટ ગણતરી કરવામાં મદદ કરે છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

રશિયાની રાજધાની મોસ્કોના કોલોમ્ના જિલ્લામાં યાક-18T ટ્રેનર વિમાન ક્રેશ થયું, જેમાં તમામ 4 લોકોના કરુણ મોત નિપજ્યા છે. વિમાન એરોબેટિક્સ અભ્યાસ દરમિયાન નિયંત્રણ બહાર થઇ ગયું હતુ. અકસ્માતનું મુખ્ય કારણ એન્જિન ફેઇલ્યોર અને આગ હોવાનું મનાઇ રહ્યું છે. વિમાન જમીન પર પટકાયું અને તરત જ આગ લાગી હતી. વિમાનને ઉડાન માટે સત્તાવાર પરવાનગી ન હતી, જેના આધારે મોસ્કો પ્રોસિક્યુટર ઓફિસે તપાસ શરૂ કરી છે. વિમાનમાં ક્રૂ મેમ્બર્સ અને તાલીમાર્થી પાઇલટ્સ સવાર હતા, અને દુર્ઘટનામાં કોઈ જમીન પર નુકસાન થયું નથી. યાક-18T વિમાનનો ઉપયોગ પૂર્વ સોવિયેત દેશોમાં નાગરિક પાઇલટ તાલીમ માટે થાય છે.

આ લેખમાં, એક જ વોટ્સએપ એકાઉન્ટને બે સ્માર્ટફોનમાં વાપરવાની રીત સમજાવવામાં આવી છે. વોટ્સએપએ મલ્ટી-ડિવાઈસ ફીચર લોન્ચ કર્યું છે, જેનાથી એક એકાઉન્ટને ચાર ડિવાઈસમાં વાપરી શકાય છે. આ માટે કોઈ હેક કે થર્ડ પાર્ટી એપની જરૂર નથી. બીજા ફોન પર વોટ્સએપ ઇન્સ્ટોલ કરો, લિંક ટુ એકઝિસ્ટિંગ એકાઉન્ટ પર ક્લિક કરો, અને QR કોડ સ્કેન કરો. જો QR કોડ ના દેખાય તો વોટ્સએપ વેબનો ઉપયોગ કરો. આ ફીચર એન્ડ ટુ એન્ડ એન્ક્રિપ્શન સાથે સુરક્ષિત છે, જે તમારી પ્રાઈવેસી જાળવે છે.

જાહ્નવી ડાંગેતી, 23 વર્ષીય યુવતી આંધ્રપ્રદેશના ગોદાવરી જિલ્લાના રહેવાસી છે, જેને વર્ષ 2029માં અમેરિકાના ટાઇટન્સ સ્પેસ મિશન માટે પસંદ કરવામાં આવી છે. આ મિશનમાં તે પૃથ્વીની બે વાર પરિક્રમા કરશે અને ત્રણ કલાક શૂન્ય ગુરુત્વાકર્ષણનો અનુભવ કરશે. તેણે પંજાબની લવલી પ્રોફેશનલ યુનિવર્સિટીમાંથી ઈલેક્ટ્રોનિક્સ અને કોમ્યુનિકેશન એન્જિનિયરિંગનો અભ્યાસ કર્યો છે અને નાસાના વિવિધ કાર્યક્રમોમાં પણ ભાગ લીધો છે. તેને નાસા અને ISRO તરફથી અનેક પુરસ્કારો મળ્યા છે. 2026માં તે અવકાશ યાત્રા માટે તાલીમ લેશે. બાળપણથી જ અવકાશવિજ્ઞાન પ્રત્યે તેની જિજ્ઞાસા હતી, જે હવે સાકાર થવા જઈ રહી છે.

NASAએ પુષ્ટિ આપી છે કે આંતરરાષ્ટ્રીય અવકાશ મથક (ISS) પર એક્સિઓમ મિશન 4 (એક્સ-4) હવે 25 જૂને લોન્ચ થવાનું છે. ભારતીય વાયુસેનાના પાઇલટ શુભાંશુ શુક્લા મિશનના પાઇલટ હશે. તેમની સાથે પોલેન્ડ અને હંગેરીના અવકાશયાત્રીઓ પણ હશે. NASA, Axiom Space અને SpaceX આવતીકાલે બપોરે 12:01 વાગ્યે ISS માટે ચોથું ખાનગી અવકાશયાત્રી મિશન લોન્ચ કરશે.

આજના ડિજિટલ યુગમાં ઓનલાઈન ડેટા સુરક્ષિત રાખવો જરૂરી છે. પાસવર્ડ લીક થવાના જોખમો છે, જેમાં હેકર્સ ફિશિંગ, ડેટા બ્રીચ, કીલોગર, અને બ્રુટ ફોર્સ એટેક જેવી પદ્ધતિઓથી પાસવર્ડ ચોરી શકે છે. જાહેર Wi-Fi નેટવર્ક પણ સુરક્ષિત નથી. તમારા ડિવાઇસને સુરક્ષિત રાખવા માટે મજબૂત પાસવર્ડ રાખો, ટુ-ફેક્ટર ઓથેન્ટિકેશન (2FA) ચાલુ કરો, શંકાસ્પદ ઈમેલથી બચો, જાહેર Wi-Fi માં લોગિન ન કરો, અને એન્ટીવાયરસ સોફ્ટવેર રાખો. આ ટીપ્સથી તમે તમારી જાતને ઓનલાઈન સુરક્ષિત રાખી શકો છો.

ચંદીગઢ થી લખનૌ જતી ઈન્ડિગો ફ્લાઈટ નંબર 6E146 ટેકનિકલ ખામીના કારણે કેન્સલ થઈ છે. ફ્લાઈટ સવારે 8 વાગ્યે ચંદીગઢથી લખનૌ માટે ઉડવાની હતી, પરંતુ ટેક ઓફ સમયે ટેકનિકલ ખામી આવતાં તેને રોકવી પડી. અમદાવાદમાં પ્લેન ક્રેશની ઘટના પછી, જ્યાં 241 લોકોના મૃત્યુ થયા હતા, ફ્લાઈટ્સમાં વધુ સાવચેતી અપનાવવામાં આવે છે. આ ઘટનાએ લોકોમાં વિમાન મુસાફરીનો વિનાશકારક ડર ઉભો કર્યો છે. યાત્રીઓ હવે સલામતી મુદ્દે વધારે જાગૃત બન્યા છે અને પ્રત્યેક ઉડાન પહેલા ચકાસણી જોરદાર બનાવવામાં આવી છે.

12 જૂન, 2025 ભારતીય વિમાન ઈતિહાસમાં કાળો દિવસ તરીકે છપાયેલો રહેશે, જેમાં વિમાન અકસ્માતમાં ભૂતપૂર્વ મુખ્યમંત્રી વિજય રૂપાણીનું અવસાન થયુ હતુ. અગાઉ પણ ઘણાં નેતાઓ તેનો ભોગ બની ચૂક્યા છે. ભૂતપૂર્વ વડાપ્રધાન મોરારજીભાઈ દેસાઈ પણ આસામમાં જોરહાટ નજીક થયેલા વિમાન અકસ્માતમાં આબાદ બચી ગયા હતા. તેવી જ રીતે દેશના પ્રથમ ગૃહપ્રધાન સરદાર વલ્લભભાઈ પટેલ પણ વિમાન અકસ્માતમાં આબાદ બચી ગયા હતા. સરદાર પટેલ જયપુર જતીદીઠ વિમાનમાં તકલીફ આવી અને પાઈલટે સુરક્ષિત લેન્ડિંગ કરાવ્યું હતું. આ ઘટનાથી સમગ્ર દેશમાં ચિંતાનું વાતાવરણ ફેલાયું હતું, પરંતુ સરદાર સહિત બધા સલામત રહ્યા. રાજમોહન ગાંધી લિખિત 'સરદાર પટેલ - એક સમર્પિત જીવન'માં આ પ્રસંગનું વર્ણન છે.

Technology અને AI ટૂલ્સ જેમ કે ChatGPTએ જીવનને સરળ બનાવ્યા છે, પરંતુ તાજેતરના એક સ્ટડીમાં જોવા મળ્યું છે કે આ ટૂલ્સ લોકોના, ખાસ કરીને વિદ્યાર્થીઓના મગજની સક્રિયતાને ઓછું કરીને તેમની વિચારવાની ક્ષમતા ઘટાડે છે. MIT મિડીયા લેબના સંશોધનમાં 54 વિદ્યાર્થીઓને ત્રણ જૂથોમાં વહેંચીને ChatGPT વડે નિબંધ લખવા માટે કહેવામાં આવ્યું હતું. આ પ્રક્રિયા દરમિયાન સંશોધકોએ ઇલેક્ટ્રોએન્સેફાલોગ્રાફી દ્વારા વિદ્યાર્થીઓમાં મગજની પ્રવૃત્તિનું નિરીક્ષણ કર્યું. ChatGPTનો ઉપયોગ કરનારા વિદ્યાર્થીઓમાં મગજની એક્ટિવિટી ઓછા સ્તરે જોવા મળી, જેનાથી સાબિત થયું છે કે ChatGPT અને અન્ય કોઈ AI ટૂલ્સ બાળકોની યાદ શક્તિ અને સ્વતંત્ર વિચારણાને અસરગ્રસ્ત કરી રહ્યું છે. AI ટૂલ્સના વધતા ઉપયોગથી બાળકોનું માઇન્ડ ઓછી રીતે કામ કરે છે.

અમદાવાદમાં ગુરુવારે એર ઇન્ડિયાનું પ્લેન ક્રેશ થયુ હતુ. જે બાદ અનેક તર્ક વિતર્ક સર્જાયા હતા કે ઘટના માટે કયા કારણો જવાબદાર છે. અમેરિકી નેવીના પૂર્વ પાયલટ અને નેવિગેશન નિષ્ણાંત કેપ્ટન સ્ટીવે પ્લેન ક્રેશના વીડિયોનું અવલોકન કર્યુ છે. અને કારણ વર્ણવ્યા છે. કેપ્ટન સ્ટીવે જણાવ્યુ હતુ કે, પ્લેન ક્રેશ માટે એન્જિન ફેલ થવાની સંભાવના નકારી શકાતી નથી. એનો અર્થ એ છે કે, વિમાનમાં પાંખને પુરતી હવા ન મળતા આ દુર્ઘટના સર્જાઇ શકે છે. સ્ટીવે વધુમાં જણાવ્યુ હતુ કે, વિમાનમાં પૂરતી ક્ષમતા ન હતી કે તે ઉપરની તરફ ઉઠી શકે. પાયલટ ફ્લૈફ્સ લગાવવાનું ભૂલ્યા હશે બીજુ કારણ એ છે કે, વિમાનના ટેક ઓફ થયા પહેલા વિશેષ ટેક્નિકલ સેટીંગ કરવાની જરુર હોય છે. જેમાં મુખ્ય હોય છે ફ્લૈપ્સને નીચે કરવું. ફ્લૈપ્સ વિમાનના પાંખનો એ ભાગ છે જે લિફ્ટ કરવામાં મદદ કરે છે. ખોટું લીવર ખેંચવાથી પણ થઇ શકે છે દુર્ઘટના ત્રીજું કારણ એ હોઇ શકે છે કે, પાયલટે ખોટું લીવર ખેંચ્યુ હશે. જેના કારણે ટેક ઓફ થયા બાદ પાયલોટ કહે છે કે, વિમાન હવામાં ઉઠી ચુક્યુ છે. જે બાદ પાયલોટ કહે છે કે, ગિયર અપ કરો. આ સમયે પાયલોટે જો ખોટું લીવર ખેંચ્યુ હશે તો પ્લેન ક્રેશ થઇ શકે છે.

ગૂગલની ભૂકંપ ચેતવણી સેવા, જે અત્યાર સુધી ફક્ત એન્ડ્રોઇડ સ્માર્ટફોન સુધી મર્યાદિત હતી, તે હવે Wear OS પર ચાલતી સ્માર્ટવોચ માટે ઉપલબ્ધ કરાવવામાં આવી રહી છે. ગૂગલની સિસ્ટમ રિલીઝ નોટ્સમાં આનો ઉલ્લેખ કરવામાં આવ્યો છે અને એન્ડ્રોઇડ ઓથોરિટીએ સૌપ્રથમ આ અપડેટની જાણ કરી હતી. હવે આ સુવિધા સ્માર્ટવોચમાં પણ આવી રહી છે. આનો અર્થ એ છે કે જો તમારો ફોન નજીકમાં ન હોય અથવા સાયલન્ટ મોડ પર હોય, તો પણ તમારી ઘડિયાળ તમારા હાથમાં ભૂકંપની ચેતવણીનો સંકેત આપી શકે છે. આ ખાસ કરીને એવા લોકો માટે ઉપયોગી સાબિત થઈ શકે છે જેઓ LTE કનેક્ટિવિટીવાળી સ્માર્ટવોચનો ઉપયોગ કરે છે અને હંમેશા ફોન પોતાની સાથે રાખતા નથી. આ ટેકનિક એવા વિસ્તારો માટે અત્યંત ફાયદાકારક સાબિત થઈ શકે છે જ્યાં ભૂકંપનો સતત ભય રહે છે. ભલે તે કોઈપણ આપત્તિને રોકી શકતું નથી, પરંતુ જો લોકોને થોડીક સેકન્ડ પહેલા પણ માહિતી મળી જાય, તો જીવન બચાવવાની શક્યતાઓ અનેક ગણી વધી શકે છે. ભારતમાં આ સુવિધા ક્યારે ઉપલબ્ધ થશે તે સ્પષ્ટ નથી.

આણંદના મહેન્દ્ર વાઘેલાનું પ્લેન ક્રેશ દુર્ઘટનામાં મોત થયું છે. અમદાવાદ પ્લેન ક્રેસ દુર્ઘટનામાં મૃતકના મૃતદેહને રામનગર લવાયો હતો. મૃતક મહેન્દ્ર વાઘેલાને અંતિમ વિદાય આપવા સમગ્ર ગામ ઉમટ્યું હતું. અમદાવાદથી એમ્બ્યુલન્સમાં મૃતદેહને વતનમાં લવવામાં આવ્યો હતો. મૃતદેહને સાંસદ મિતેષ પટેલ, કલેક્ટરએ શ્રધ્ધાંજલિ આપી હતી. સરકારી અધિકારીઓ પણ અંતિમ યાત્રામાં ઉપસ્થિત રહ્યા હતા.

આજના યુદ્ધના સમયમાં ડ્રોન પણ પરંપરાગત મિસાઈલો જેવી મહત્વની ભૂમિકા ભજવી રહ્યા છે, જેમાં ભારત પણ આગવી સ્થિતિ ધરાવે છે. ભારત પાસે HAROP, હેરોન માર્ક 2, કામિકાઝે, હર્મેસ 900 અને MQ-9 રીપર જેવા અદ્યતન અને ઘાતક ડ્રોન ઉપલબ્ધ છે. HAROP દુશ્મનની રડાર સિસ્ટમને નિશાન બનાવે છે, જ્યારે હેરોન માર્ક 2 લાંબી દૂરી અને લાંબા સમય સુધી ઉડી શકે છે. કામિકાઝે સંપૂર્ણ સ્વદેશી આત્મઘાતી ડ્રોન છે. હર્મેસ-900 ઊંચી ઉડાન અને લાંબી ક્ષમતા ધરાવે છે. MQ-9 રીપર વિશ્વના સૌથી ઘાતક ડ્રોનમાંનો એક છે. ભારત આ ટેકનોલોજી દ્વારા પોતાની રક્ષણ ક્ષમતા મજબૂત બનાવી રહ્યું છે.

રાજ્ય સરકાર દ્વારા અમદાવામાં AI-171 વિમાન દુર્ઘટના બાદ યુદ્ધના ધોરણે રાહત-બચાવની કામગીરી કરવામાં આવી રહી છે. મુખ્યમંત્રી ભૂપેન્દ્ર પટેલના નેતૃત્વમાં જૂજ મિનિટોમાં આ કાર્યવાહી હાથ ધરીને સમર્પિત તંત્ર કાર્યરત કરવામાં આવ્યું છે. સંબંધિત જિલ્લાના કલેક્ટર દ્વારા વિમાન દુર્ઘટનાગ્રસ્ત મુસાફરોના પરિવારજનોનો સંર્પક કરી કાયદેસર વારસદારોને વીમા, દાવાની સહાય ચૂકવવા માટે સંબંધિત જિલ્લાનાં હિસાબી અધિકારી અન્ય અધિકારીઓની નોડલ અધિકારી તરીકે નિમણુંક કરવામાં આવી છે. જિલ્લા વહીવટી તંત્ર આ માટે અસરગ્રસ્તોને મદદરૂપ થઈ રહ્યું છે. વિમાન દુર્ઘટનામાં પ્રભાવિત થયેલા લોકોના ઇન્સ્યોરન્સ ક્લેમ પ્રોસેસ કરવામાં સરળતા રહે તે માટે IRDAIના નોટિફિકેશન અન્વયે હોસ્પિટલ ખાતે જોઇન્ટ સેલ શરૂ કરવાની સૂચના આપવામાં આવી હતી. જનરલ ઇન્સ્યોરન્સ કાઉન્સિલ વતી ન્યુ ઇન્ડિયા ઇન્સ્યોરન્સ કંપનીને લીડ ઇન્સ્યોરર તથા લાઇફ ઇન્શ્યોરન્સ કાઉન્સિલ વતી એચડીએફસી લાઇફને લીડ ઇનસ્યોરર નીમવામાં આવી છે.

ગુજરાતના પૂર્વ મુખ્યપ્રધાન વિજય રુપાણી અમદાવાદમાં થયેલી વિમાન દુર્ઘટનાનો શિકાર બન્યા છે, આ દુર્ઘટનામાં 270 થી વધુ લોકો જીવ ગુમાવ્યા છે અને સિવિલ હોસ્પિટલ ખાતે તમામ મૃતકોના મૃતદેહના ડીએનએ ટેસ્ટ કરવામાં આવી રહ્યા છે અને મૃતદેહને ઓળખીને તેમના પરિવારજનોને સોંપવાની પ્રક્રિયા ચાલી રહી છે. તમને જણાવી દઈએ કે પૂર્વ CM વિજય રૂપાણીનું DNA સેમ્પલ મેચ થયું છે અને 16 જૂને વિજય રૂપાણીના નશ્વરદેહને પરિવારજનો સ્વીકારશે, 11 વાગ્યે પરિવારજનો અમદાવાદ સિવિલ હોસ્પિટલ જશે અને 11:30 વાગ્યે વિજય રૂપાણીનો નશ્વરદેહ સ્વીકારશે. ત્યારબાદ બપોરે 12:30 વાગ્યે નશ્વરદેહને અમદાવાદથી રાજકોટ લઈ જવાશે. 12.30થી 2 વાગ્યાની વચ્ચે હવાઈ માર્ગે વિજય રૂપાણીના નશ્વરદેહને રાજકોટ પહોંચાડાશે. તે પછી 2.30થી 4 વાગ્યા સુધી ગ્રીન ચોકડીથી અંતિમ યાત્રા કાઢવામાં આવશે. ગ્રીનલેન્ડ ચોકડીથી રાજકોટ નિવાસસ્થાને લઈ જવાશે.

WhatsApp એ એક નવા ફીચરનું પરીક્ષણ શરૂ કર્યું છે જે યુઝર્સને વાંચ્યા વિના બધા મેસેજ મેળવવાની મંજૂરી આપશે. આ મેટા AI દ્વારા કામ કરશે. WABetaInfo ના રિપોર્ટ અનુસાર, આ ફીચર હાલમાં એન્ડ્રોઇડ બીટા વર્ઝન 2.25.18.18 માં રિલીઝ કરવામાં આવ્યું છે જે ગૂગલ પ્લે સ્ટોર પરથી ડાઉનલોડ કરી શકાય છે. Meta AI હવે વોટ્સએપ પર ન વાંચેલા મેસેજનો સારાંશ તૈયાર કરશે. આ ફીચરનો ફાયદો એ થશે કે જો તમે ચેટમાં ઘણા મેસેજ ચૂકી ગયા છો, તો એક બટન દબાવવાથી તમને આખા મેસેજનો સારાંશ મળશે, તે પણ કોઈપણ મેસેજ ખોલ્યા વિના. બીટા ટેસ્ટર્સ 'પ્રાઇવેટ પ્રોસેસિંગ' નામનું સેટિંગ ઓન કરીને આ સુવિધાનો ઉપયોગ કરી શકે છે. WhatsAppએ સ્ટેટસ સેક્શન પણ અપડેટ કર્યું છે. હવે યુઝર્સ Instagram Stories ની જેમ જ તેમના ફોટો અથવા વીડિયો સ્ટેટસમાં ગીત, સ્ટીકરો અને અન્ય બીજી ઘણી વસ્તુઓ એડ કરી શકાશે.

અમદાવાદ પ્લેન ક્રેશની ઘટનામાં રાજ્યના પૂર્વ મુખ્યમંત્રી વિજય રૂપાણીનું નિધન થયું છે. આ દુર્ઘટનામાં મૃત્યુ પામેલા લોકોના મૃતદેહ પરિવારને સોપવામાં આવી રહ્યાં છે. વિજયભાઈ રૂપાણીના સર્વન્ટ રહેલા ચંદુભાઈ સાથે સંદેશ ન્યૂઝે વાતચીત કરી હતી. ચંદુભાઈએ વિજયભાઈના માયાળુ સ્વભાવને યાદ કર્યો અને પોતાના જન્મ દિવસ નિમિત્તે વિજયભાઈએ મંત્રીમંડળની મીટિંગમાં મોડું થઈ રહ્યું હતું, ત્યારે મીઠાઈ મંગાવી ઉજવણી કરી હતી. તેમણે વધુમાં વાત કરતા જણાવ્યું કે વિજયભાઈ મંત્રી હતા તે સમયે હાઇવે ઉપર જતા હતા ત્યારે એક અકસ્માત થયેલો ત્યારે કાર અટકાવી યુવાનને મદદ કરી હતી. તેઓની 1206 કાર થી લઈને આજ સુધીના તેઓના કિસ્સાઓ સંદેશ ન્યૂઝ સાથે વાગોળ્યાં છે.

અમદાવાદમાં બનેલી પ્લેન ક્રેશની દુર્ઘટના બાદ હવે સિવિલ હોસ્પિટલમાં મૃતકોના DNA મેચ કરવાની કામગીરી ચાલી રહી છે. અત્યાર સુધીમાં કૂલ 42 મૃતદેહોના DNA મેચ થયા છે. ઓળખાયેલા અને DNA મેચ થયેલા 21 મૃતદેહ પરિવારને સોંપવામાં આવ્યા છે. જણાવી દઈએ કે અત્યાર સુધીમાં કૂલ 272 લોકોના DNA સેમ્પલ લેવામાં આવ્યા છે અને હજુ 13 બ્રિટિશ નાગરિકોના DNA સેમ્પલ લેવાના બાકી છે.

ગાંધીનગર ખાતે FSLના ડિરેક્ટર એચ.પી. સંઘવીએ અમદાવાદ ખાતેની વિમાન દુર્ઘટનાના સંદર્ભમાં DNA પ્રોફાઇલિંગ અને મેચિંગની પ્રક્રિયા વિશે વિસ્તૃત માહિતી આપી હતી. સંઘવીએ કહ્યું હતું કે, વિમાન દુર્ઘટનામાં મૃત્યુ પામેલાઓના પરિવારજનોના DNA સેમ્પલિંગથી મેચિંગ સુધીની પ્રક્રિયા સતત 24 કલાક કરવામાં આવી રહી છે. DNA ના સેમ્પલ મેળવવાની મુખ્યત્વે બે પદ્ધતિ છે. એક પદ્ધતિમાં ફ્રેશ બ્લડમાંથી સેમ્પલ લેવામાં આવે છે, જે જટિલ પ્રક્રિયા નથી. જ્યારે બીજી પદ્ધતિમાં મૃતકના અવશેષોમાંથી સેમ્પલ લેવામાં આવે છે, જે જટિલ અને વધુ ચોકસાઈ માંગી લે તેવી પ્રક્રિયા છે. મૃતકના અવશેષમાંથી લીધેલ સેમ્પલને ચીવટતાથી સાફ કરવામાં આવે છે જેથી સેમ્પલમાં કોઈ બાહ્ય અશુદ્ધિઓ ન રહે. તેમણે ઉમેર્યું કે, DNA આઇસોલેશન અને એક્સ્ટ્રેશનની પ્રક્રિયામાં જો હાડકાનું સેમ્પલ હોય તો તેનો પાવડર કરવામાં આવે છે અને જો સેમ્પલમાં દાંત હોય તો તેના નાના નાના ટુકડાઓ કર્યા બાદ પાવડર કરવામાં આવે છે. ત્યારબાદ ખાસ મશીનમાં ચોક્કસ તાપમાને DNA આઇસોલેટ કરવામાં આવે છે. આ આઇસોલેટ DNAની RTPCR મશીનમાં કોન્ટીટી અને ક્વોલિટી તપાસવામાં આવે છે. ત્યારબાદ જો DNA યોગ્ય જણાય તો જ તેની એકથી વધુ નકલો તૈયાર કરવામાં આવે છે. જેમાંથી DNA ની બંને સ્ટ્રેનને અલગ અલગ કરવામાં આવે છે. આ સ્ટ્રેનને સિક્વન્સીયર મશીન પર ચલાવવામાં આવે છે અને ત્યારબાદ DNAની પ્રોફાઈલ પ્રાપ્ત થાય છે. આ સમગ્ર પ્રક્રિયા ખૂબ જ જટિલ તથા સમય માંગી લે તેવી છે.

એર ઇન્ડિયાની ફ્લાઇટ ક્રેશ થઇ હતી. જેમાં વિજય રુપાણી પણ સવાર હતા. તેઓ લંડન પોતાના પરિવારની મુલાકાત કરવા માટે જઇ રહ્યા હતા. પરંતુ પ્લેન લંડન માટે ટેક ઓફ કર્યાના ગણતરીના મિનિટોમાં જ દુર્ઘટનાગ્રસ્ત થયુ હતુ. આ દુર્ઘટનામાં એક યાત્રીને બાદ કરતા તમામ મુસાફરો મોતને ભેટ્યા હતા. આવતીકાલે એટલે કે સોમવારે રાજ્યના ભૂતપૂર્વ CM વિજય રુપાણીની અંતિમવિધિ કરવામાં આવશે. ડીએનએ સેમ્પલ મેચ થઇ ગયા બાદ આજે પરિવારને તેમનો મૃતદેહ સોંપવામાં આવશે. અને બાદમાં આવતીકાલે રાજકોટમાં અંતિમ સંસ્કાર કરવામાં આવશે. સાંજ સુધીમાં મૃતદેહ રાજકોટ લઇ જવાશે. જ્યાં તેમના પરિવારના સભ્યો અને રાજનીતિની હસ્તિઓ પહોંચી છે. અને વિજય રુપાણીને શ્રદ્ધાંજલિ આપી છે. અન્ય પરિવારજનો ગાંધીનગરથી રાજકોટ પહોંચી રહ્યા છે. વિજય રુપાણીને તેમના કાર્યો, નિર્ણયો અને સરળ સ્વભાવ માટે હમેંશા યાદ કરવામાં આવશે. સીએમ ભૂપેન્દ્ર પટેલ, પીએમ મોદીએ વિજય રૂપાણીના પરિવાર સાથે મુલાકાત કરીને સાંત્વના આપી હતી.

અમદાવાદમાં થયેલા એર ઇન્ડિયા પ્લેન ક્રેશથી શોકનો માહોલ છે. પરંતુ શું તમે જાણો આ એર ક્રેશમાં જ્યાં લાખો-કરોડો નહીં પણ અરબો રૂપિયાનું નુકસાન થયુ છે. આ દુર્ઘટનાને ભારતીય એવિએશન ઇતિહાસમાં સૌથી મોંઘો અકસ્માત ગણી શકાય છે. આ દુર્ઘટના સૌ કોઇ માટે આશ્ચર્ય ચકિત કરે તેવી હતી. જેમાં એક યાત્રીને બાદ કરતા તમામ યાત્રીઓ મોતને ભેટ્યા હતા. એર ઇન્ડિયાની આ ફ્લાઇટ બોઇંગ 787 ડ્રીમલાઇનર હતી. જેની કિંમત આંતરરાષ્ટ્રીય બજારમાં લગભગ 1600થી 2000 કરોડ રૂપિયાની વચ્ચે છે. વીમાની રકમ અંગે ક્લેમ એર ઇન્ડિયાને આ દુર્ઘટના માટે ઇન્શ્યોરંસ કંપનીઓ પાસેથી કરોડો રૂપિયાનો ક્લેમ મળશે. પરંતુ તેમા પ્રીમિયમ રેટ્સ વધવાની શક્યતા છે. અમુક કિસ્સાઓમાં એરલાઇન્સને લોન્ગ-ટર્મ નુકસાન ભોગવવું પડી શકે છે. વીમાની રકમ અંગે ક્લેમ 2,490 કરોડ રૂપિયા અથવા તેનાથી વધુ હોવાની શક્યતા છે. આ દુર્ઘટનામાં ટેક્નિકલ ખામી અને એરપોર્ટ પર ક્ષતિગ્રસ્ત વસ્તુઓને રિપેર કરવામાં કરોડો રુપિયાનો ખર્ચ થશે. બોઇંગ 787 ડ્રીમલાઇનર નો ખર્ચ આ દુર્ઘટનાને સૌથી વધુ મોંઘી બનાવી દે છે.

ગુજરાતના અમદાવાદમાં એક મોટી વિમાન દુર્ઘટના બની હતી. એર ઈન્ડિયા વિમાન દુર્ઘટના પછી લોકોને ખૂબ આઘાત લાગ્યો હતો. દરેક વ્યકિત જાણવા ઈચ્છે છે કે પ્લેન ક્રેશ કેવી રીતે થયું ? પ્લેન ક્રેશની ઘટના પછી લોકોનું માનવું એમ છે કે યાત્રીઓની પાસે પેરાશૂટ હોય તો તે પોતાનો જીવ બચાવી શકે છે. આ વાત બોલવામાં જેટલી આસાન છે એટલું હકીકતમાં નથી. વિમાન નિષ્ણાતોનું કહેવું છે કે પ્લેનમાં બધા યાત્રીઓ માટે પેરાશૂટ રાખવાનું સૌથી મોટું કારણ એ છે કે તેનું વજન અને તેના રાખવાની જગ્યા ઉપલબ્ધ નથી. તેનું વજન લગભગ 3500 થી 3600 કિલોગ્રામ જેટલું વધી જાય છે જો બધાને પેરાશૂટ આપવામાં આવે તો. બીજું કારણ એ છે કે પેરાશૂટ 19 થી 15 હજાર ફીટની ઉંચાઈથી નીચે કૂદે છે, જો કે વિમાનની ઉંચાઈ 30 થી 35 હજાર ફીટ હોય છે. ત્યા હવા ખૂબ જ તેજ હોય છે જેનાથી યાત્રીઓના જીવનું જોખમ વધી શકે છે. પેરાશૂટથી કૂદતા પહેલા વિશેષ પ્રશિક્ષણની જરૂર પડે છે. કારણ કે એક નાની ભૂલથી મોટી ઘટના થઈ શકે છે. એક યાત્રી વિમાનમાં સામાન્ય નાગરિક હોય છે જેને પેરાશૂટથી કૂદવાની કોઈ ટ્રેનિંગ નથી મળતી. તેની માટે ટ્રેનિંગ લેવી ખૂબ જરૂરી છે.

અમદાવાદમાં થયેલી પ્લેન દુર્ઘટનામાં ડીએનએ મેચ કરવાની પ્રક્રિયા શરુ છે. જેમાં 30થી વધુ મૃતદેહોના ડીએનએ મેચ થઇ ગયા છે. અને 21 જેટલા મૃતદેહો તેમના પરિવારને સોંપવામાં આવ્યા છે. એર ઇન્ડિયાના પ્લેન ક્રેશ બાદ વિવિધ થીયરીઓ સામે આવી રહી છે. પ્લેન ક્રેશ માટે વિવિધ નિવેદનો જોવા મળ્યા છે. ત્યારે પ્લેન દુઘટનાની અલગ અલગ એંગલથી તપાસ કરવામાં આવી રહી છે. સુરક્ષા એજન્સીઓએ દુર્ઘટનાસ્થળે જઇને તપાસ હાથ ધરી હતી અને પુરાવા એક્ત્ર કરવા માટે તજવીજ હાથ ધરી છે. દુર્ઘટના સ્થળેથી કોઇ વાંધાજનક સામ્રગી ન મળી હોવાની માહિતી સામે આવી હતી. પ્રાથમિક તપાસમાં વિસ્ફોટક અંગે કોઇ પુરાવા મળ્યા ન હોવાનુ જાણવા મળ્યુ છે. IED અંગેના કોઇ પુરાવા પણ પ્રાપ્ત થયા નથી. તો આ તરફ, બર્ડ હીટ તેમજ ઓવરલોડીંગના પણ કોઈ પુરાવા હાથ લાગ્યા નથી. તમામ કારણોને જાણવા માટે સુરક્ષા એજન્સીઓએ વિવિધ રીતે તપાસ શરુ કરી હતી. અને સત્ય શું હતુ તે જાણવા માટે પ્રયત્ન શરુ કર્યા હતા.

અમદાવાદમાં થયેલી વિમાન દુર્ઘટનામાં એક યાત્રીને બાદ કરતા તમામ મુસાફરોએ પોતાના જીવ ગુમાવ્યા હતા. આ દુર્ઘટના બાદ દરેક સ્થળે શોકનો માહોલ છે. આ પ્લેન ક્રેશમાં પરિવારને મૃતદેહ સોંપવાની કામગીરી ચાલુ છે. DNA મેચ કરવાની પ્રક્રિયા બાદ મૃતદેહ પીડિત પરિવારનોને સોંપાઇ રહ્યા છે. અત્યાર સુધી કુલ 32 મૃતદેહોના DNA મેચ થયા છે. ઓળખ અને DNA મેચ થયેલા 21 મૃતદેહ પીડિત પરિવારોને સોંપવામાં આવ્યા છે. અમદાવાદના 4, ખેડાનો 1 મૃતદેહ પરિવારને સોંપવામાં આવ્યો છે. વિસનગરના 4, વડોદરાના 2 મૃતકોના મૃતદેહ પરિવારને સોંપાયા છે. તો બોટાદ, અરવલ્લી અને ઉદેપુરના મૃતદેહ પણ પરિવારને સોંપવાની કામગીરી કરવામાં આવી છે. એર ઇન્ડિયાનું આ પ્લેન આ યાત્રીઓ માટે કાળનો કોળિયો બનીને આવ્યો હતો. જેમાં મોટા ભાગના પરિવારના માળા વિખેરાઇ ગયા હતા.

અમદાવાદમાં એર ઈન્ડિયાના યાત્રીઓ વિમાનની ઉડાણ ભરવાની સાથે જ દુર્ઘટનાનો ભોગ બન્યા હતા. 12 મે ના રોજ થયેલા આ વિમાન અકસ્માતમાં સવાર એક યાત્રીને છોડીને તમામ 241 લોકોના મોત નિપજ્યા છે. આ મેડિકલ કોલેજ કેમ્પસમાં આ વિમાન પડ્યું અને કેમ્પસમાં રહેલા લોકો પણ તેનો શિકાર બની ગયા. આ ઘટનાને લઈને ઘણા સવાલો ઉભા થયા છે. જો કે ઘટનાની તપાસ પુરી થયા બાદ આ દુર્ઘટનાનું સત્ય સામે આવશે. આ વિમાન દુર્ઘટના બાદ એવી ચર્ચાઓ થઈ રહી છે કે એર ઈન્ડિયા કંપનીનું વિમાન તુર્કી કંપની પાસે છે જેના કારણે એવું થઈ શકે કે તેણે કોઈ ષડયંત્ર રચ્યું હોય.આ વાતોની ચર્ચાએ જોર પકડ્યા બાદ તુર્કીએ બીજુ એક નિવેદન જાહેર કર્યું છે. તુર્કીએ કહ્યું છે કે અમદાવાદમાં દુર્ઘટનાગ્રસ્ત બોઈંગ 787-8 વિમાનનું મેન્ટેનન્સ ટર્કિશ ટેકનિક પાસે ન નહોતું. આ રીતે જે કંઈ પણ દાવાઓ કરવામાં આવી રહ્યા છે, તે ખોટા છે. નિવેદનમાં કહેવામાં આવ્યું છે કે 2024-25માં એર ઈન્ડિયા અને ટર્કિશ ટેકનિકની વચ્ચે થયેલી સમજૂતી પ્રમાણે મેન્ટેનન્સ સર્વિસ ખાસ કરીને B 777 પ્રકારના વાઈડ બોડી વિમાનો માટે પ્રદાન કરવામાં આવે છે. બોઈંગ 787-8 ડ્રીમલાઈનર તેની સમજૂતીના ડાયરામાં આવતું નથી. નિવેદનમાં એ પણ કહેવામાં આવ્યું છે કે હાલ અમે જાણીયે છીએ કે દુર્ઘટનાગ્રસ્ત વિમાનનું મેન્ટેનન્સ કઈ કંપની કરી રહી છે પરંતું આ કિસ્સાઓમાં નિવેદન આપવું અમારા આધિકાર ક્ષેત્રની બહાર છે. આ ઘટના ખુબ દુઃખદ છે. દુખના આ સમયમાં અમારી સંવેદનાઓ ભારતના લોકો સાથે છે.તુર્કીની કંપની ટર્કીશ ટેકનિક એક ગ્લોબલ એવિેશન સર્વિસ પ્રોવાઈડર છે. ભારતની ઘણી એરલાઈન્સ કંપનીઓ તેની સર્વિસ લે છે. આ કંપની એર ઈન્ડિયાના બોઈંગ 777નું મેન્ટેનન્સ જોવે છે.

અમદાવાદમાં 12મી જૂને એર ઇન્ડિયાનું લંડન જઇ રહેલુ AI171 વિમાન મેધાણીનગરમાં ક્રેશ થયું હતું. આ દુર્ઘટનાના પગલે રાજ્ય સરકાર દ્વારા હાથ ધરવામાં આવેલી ઓળખની કામગીરી અંગે અમદાવાદ સિવિલ હોસ્પિટલના એડિશનલ સુપ્રિન્ટેન્ડન્ટ ડો. રજનીશ પટેલે સવારે ૯.૦૦ કલાકે મીડિયા બ્રીફિંગ દરમિયાન માહિતી આપી હતી કે જે ડીએનએ સેમ્પલ મેચ થયા છે તે પાર્થિવદેહ પરિવારજનોને સન્માનપૂર્વક સોંપવામાં આવી રહ્યા છે. ઉલ્લેખનીય છે કે, દરેક મૃતકના પરિવાર માટે એક અલાયદી ટીમ ફાળવવામાં આવી છે. આ ટીમમાં એક વરિષ્ઠ અધિકારી, પોલીસકર્મી અને એક પ્રોફેશનલ કાઉન્સેલરનો સમાવેશ થાય છે. અત્યાર સુધી કુલ 31 મૃતકોનાં ડીએનએ સેમ્પલ મેચ થયા, 12 મૃતદેહ પરિવારજનો સોંપાયા છે.

અમદાવાદમાં વિમાન દુર્ઘટનાના મૃતકોની ઓળખની કામગીરી કરાઈ છે, અત્યાર સુધી કુલ 19 મૃતદેહોના DNA મેચ થયા છે અને અત્યાર સુધી 5 મૃતદેહ પરિવારજનોને સોંપ્યા છે, DNA મેચ થયા બાદ ફોન પર પરિવારને જાણ કરાશે અને પરિવારજનોએ મૃતકના ઓળખના પુરાવા લાવવાના રહેશે અને અન્ય મૃતકોના DNA મેચ કરવાની કામગીરી યથાવત છે. મૃતકોના મૃતદેહને ઘરે મોકલવા માટે સરકારે એમબ્યુલન્સની વ્યવસ્થા પણ કરી છે. પીએમ રિપોર્ટ-ડેથ સર્ટિફિકેટની ફાઇલ તૈયાર કરાશે અને સાથે મૃતદેહો લઇ જવા એર ઇન્ડિયા પણ મદદ કરશે. અમદાવાદમાં એર ઈન્ડિયા વિમાન દુર્ઘટનાનાં કારણો તપાસવા કેન્દ્રનાં ગૃહ સચિવનાં વડા હેઠળ ઉચ્ચ કક્ષાની બહુ પક્ષીય સમિતિ રચવામાં આવી છે જે ઘટનાનાં મૂળ કારણો શોધીને ત્રણ મહિનામાં તેનો રિપોર્ટ રજૂ કરશે. ભવિષ્યમાં આવી ઘટનાઓ ન બને તે માટે સમિતિ દ્વારા વ્યાપક ગાઈડલાઈન્સ રજૂ કરાશે અને મહત્ત્વનાં સૂચનો કરાશે.