SMCની કાર્યવાહીને લઈને જિલ્લા પોલીસવડા ગીરીશ પંડ્યા દ્વારા PI આઈ.બી.વલવી ચોટીલા પોસ્ટે, UHC છગનભાઈ માયાભાઈ ગમારા, APC હિતેશભાઈ ગોરધનભાઈ, UPC ભરતભાઇ રણુભાઇ, UPC રવિરાજ મેરૂભાઇ ખાચર અને UPC હરેશભાઈ શાંતુભાઈ ખાવડ ચોટીલા પોલીસ સ્ટેશનને સસ્પેન્ડ કરવામાં આવ્યાં છે. પોલીસવડાની કાર્યવાહીથી પોલીસ બેડામાં ખળભળાટ મચી જવા પામ્યો છે.

Pharmacy council of india(PCI) ના અધ્યક્ષ મોન્ટુ પટેલના દિલ્હી અને અમદાવાદ સ્થિત ઝુંડાલ બંગલોમાં CBIના દરોડા પાડ્યા. ૫૦૦૦ હજાર કરોડ રૂપિયાનો ભ્રષ્ટાચાર કરીને મોન્ટુ પટેલ ફરાર. મોન્ટુ પટેલના અંડરમાં દેશની ૧૨૦૦૦ ફાર્મસી કોલેજો આવે છે. મોન્ટુ પટેલ ચાર વર્ષ પહેલા જ આ કાઉન્સિલના અધ્યક્ષ બન્યા હતા. તપાસકર્તાઓએ ખુલાસો કર્યો કે ગુજરાત પબ્લિક સર્વિસ કમિશન (GPSC) સિસ્ટમમાં નકલી ઇનવર્ડ નંબરો, જૂની તારીખની એન્ટ્રીઓ અને ચેડાં કરેલી ફાઇલોનો ઉપયોગ મોન્ટુ પટેલ અને તેમના સહયોગીઓને PCI માં વરિષ્ઠ હોદ્દાઓ પર બઢતી આપવા માટે કરવામાં આવ્યો હતો. નોંધનીય વાત એ છે કે મોન્ટુ પટેલ ભાજપના યુવા મોરચા સાથે સંકળાયેલા છે.

IPL 2025માં રોયલ ચેલેન્જર્સ બેંગલુરુની જીતની ઉજવણી દરમિયાન બેંગલુરુમાં થયેલી નાસભાગમાં 11 લોકોના મોત થયા હતા. આ મામલે સેન્ટ્રલ એડમિનિસ્ટ્રેટિવ ટ્રિબ્યુનલે (CAT) RCB ને જવાબદાર ઠેરવ્યું છે. CATએ કહ્યું કે, ‘આરસીબીએ પોલીસની મંજૂરી વિના સોશિયલ મીડિયા પર વિક્ટ્રી પરેડ માટે આમંત્રણ પોસ્ટ કર્યું હતું. જેના કારણે મોટી ભીડ એકઠી થઈ ગઈ હતી અને પોલીસ પાસે સુરક્ષા વ્યવસ્થા કરવા માટે પૂરતો સમય નહોતો. પોલીસ માત્ર 12 કલાકમાં સંપૂર્ણ વ્યવસ્થા કરે તેવી અપેક્ષા રાખી શકાય નહીં. પોલીસકર્મીઓ પણ માણસ છે, તે ભગવાન કે જાદુગર નથી કે, એક જ વારમાં બધી વ્યવસ્થા કરી શકે.

પીએમ નરેન્દ્ર મોદી 5 દેશોના પ્રવાસે રવાના થયા છે, જેમાં પ્રથમ સ્ટોપ ઘાના છે, જે 3 દાયકામાં કોઈ ભારતીય વડાપ્રધાનની પ્રથમ મુલાકાત છે. તેઓ રાષ્ટ્રપતિ જોન મહામા સાથે દ્વિપક્ષીય વેપાર અને સંબંધો પર ચર્ચા કરશે. ઉર્જા, કૃષિ, ડિજિટલ ટેક્નોલોજી અને વેક્સિન હબ જેવા ક્ષેત્રોમાં MoU પર હસ્તાક્ષર થશે. ભારતના UPI અને ડિજિટલ પેમેન્ટ સિસ્ટમને ઘાનામાં લાવવા પર પણ વાતચીત થશે. પીએમ મોદી ઘાનાની સંસદ અને ભારતીય સમુદાયને સંબોધન કરશે. કોરોના મહામારીમાં ભારતે ઘાનાને 6 લાખ વેક્સિન પૂરી પાડી હતી. બિન-જોડાણવાદી ચળવળ (NAM)માં બંને દેશો સહયોગી છે. ઘાનાએ સંયુક્ત રાષ્ટ્ર સુરક્ષા પરિષદમાં ભારતની દાવેદારીને ટેકો આપ્યો છે. ઘાનાને 'આફ્રિકાના મહાત્મા ગાંધી' તરીકે ઓળખાતા ક્વામે એનક્રુમાએ ગાંધીજીના આદર્શોથી આઝાદી મળી.

કોલકાતા લો કોલેજની વિદ્યાર્થિની પર થયેલ ગેંગરેપના આરોપીઓની પોલીસ કસ્ટડી 8 જુલાઈ સુધી લંબાવવામાં આવી છે. મુખ્ય આરોપી મનોજીત મિશ્રા, ઝૈબ અહેમદ અને પ્રમિત મુખર્જીની ધરપકડ કરવામાં આવી હતી. કોલેજે મનોજીત મિશ્રાને નોકરીમાંથી કાઢી મુક્યો છે અને અન્ય બે આરોપીઓને સસ્પેન્ડ કર્યા છે. પોલીસ તપાસમાં જાણવા મળ્યું છે કે મનોજીતના શરીર પર પીડિતાએ બચાવમાં કરેલા નખના નિશાન હતા. પોલીસે આરોપીઓના મોબાઈલ કોલ રેકોર્ડ્સ તપાસ્યા અને CCTV ફૂટેજ મેળવ્યા છે. તપાસમાં સામે આવ્યું છે કે આરોપીઓએ પ્લાનિંગ કરીને ગુનો કર્યો હતો. CBI તપાસ માટે હાઇકોર્ટમાં અરજી દાખલ કરવામાં આવી છે.

મુંબઈમાં ચોમાસું વહેલું શરૂ થયું હોવા છતાં વરસાદની ચિંતા હતી, પરંતુ છેલ્લા કેટલાક દિવસોમાં ભારે વરસાદ થયો છે, જેના કારણે વરસાદનો આંકડો વધ્યો છે. મુંબઈમાં જૂન મહિનાની એવરેજ ઓળંગાઈ છે. શહેરમાં એવરેજ કરતા 49.7 mm વધારે વરસાદ નોંધાયો છે. અમુક દિવસોમાં પડેલા વરસાદે જૂનની એવરેજ વટાવી દીધી છે. આગામી દિવસોમાં હળવોથી મધ્યમ વરસાદની શક્યતા છે. આ વર્ષે મુંબઈમાં ઉનાળો તીવ્ર હતો અને તાપમાન 39 ડિગ્રી સેલ્સિયસ સુધી પહોંચ્યું હતું. 15 જૂન પછી વરસાદે જોર પકડ્યું, અને ડેમના વિસ્તારોમાં પણ વરસાદ થયો. જૂનમાં અનિયમિત વરસાદ છતાં એવરેજ આંકડો પાર થયો છે.

વડાપ્રધાન નરેન્દ્ર મોદી 2થી 10 જુલાઈ દરમિયાન ઘાણા, ત્રિનિદાદ-ટોબૈગો, આર્જેન્ટિના, બ્રાઝિલ અને નામિબિયાની મુલાકાત લેશે. આ પ્રવાસ દરમ્યાન પીએમ મોદી દ્વિપક્ષીય સંબંધો મજબૂત કરવા, આર્થિક સહયોગ વધારવા અને વ્યૂહનૈતિક સહભાગિતાના નવા માર્ગો શોધવા પર ભાર આપશે. ઘાણા અને ત્રિનિદાદમાં ભારતીય મૂળના લોકોના સંસ્કૃતિક જોડાણોને મજબૂત કરવામાં આવશે, જયારે આર્જેન્ટિના અને બ્રાઝિલમાં મુખ્યત્વે લિથિયમ, કૃષિ, ઊર્જા અને ટેકનોલોજી ક્ષેત્રે ભાગીદારીની ચર્ચા થશે. બ્રાઝિલમાં BRICS સમિટમાં વૈશ્વિક મુદ્દાઓ પર નેતાઓ સાથે બેઠક થશે. નામિબિયા સાથેના સંબંધો પણ વેપાર અને ઐતિહાસિક દ્રષ્ટિએ મહત્વ ધરાવે છે.

પ્રધાનમંત્રી શ્રી નરેન્દ્ર મોદીએ આજે ડોક્ટર્સ ડે અને ચાર્ટર્ડ એકાઉન્ટન્ટ્સ ડે નિમિત્તે શુભેચ્છાઓ પાઠવી. તેમણે ડોક્ટરોને “સ્વાસ્થ્યના રક્ષક અને માનવતાના સ્તંભ” તરીકે વખાણ્યા અને તેમની કરુણા, કુશળતા તથા મહેનતની પ્રશંસા કરી. સીએ દિવસ પર મોદીએ જણાવ્યું કે તેમના દ્વારા અપાતી ચોકસાઈ અને પારદર્શિતા દેશના અર્થતંત્ર માટે મહત્વપૂર્ણ છે. સાથે જ પીએમએ ડિજિટલ ઈન્ડિયાના 10 વર્ષ પૂર્ણ થવા પર સફળતાની પ્રશંસા કરી અને કહ્યું કે ડિજિટલ ટેક્નોલોજીથી કરોડો લોકોના જીવનમાં સકારાત્મક પરિવર્તન આવ્યું છે અને ભારત ડિજિટલ પેમેન્ટમાં આગવું સ્થાન ધરાવે છે.

તેલંગાણાના સંગારેડ્ડી જિલ્લાના ફેક્ટરી દુર્ઘટનામાં થયેલા જાનહાનિ પર પ્રધાનમંત્રીએ દુઃખ વ્યક્ત કર્યું છે. PM નરેન્દ્ર મોદીએ મૃતકના પરિવારને પીએમ રાહત કોષમાંથી ₹2 લાખ અને ઘાયલ મજૂરોને ₹50,000 સહાય જાહેર કરી છે. PMએ X પર લખ્યું કે તેઓ દુઃખી છે અને ઘાયલોના જલ્દી સ્વસ્થ થવાની કામના કરે છે. તેલંગાણાના રાજ્યપાલ જિષ્ણુ દેવ વર્માએ પણ દિલ્હી ખાતે પીએમની મુલાકાત લીધી હતી.

હૈદરાબાદના સંગારેડ્ડી જિલ્લામાં આવેલી કેમિકલ ફેક્ટરીમાં રિએક્ટરમાં વિસ્ફોટ બાદ ભયાનક આગ ફાટી નીકળતા 12 મજૂરોના મૃત્યુ થયા અને 34 થી વધુ ઘાયલ થયા છે. વિસ્ફોટથી કેટલાક મજૂરો 300 ફૂટ દૂર ફંગોળાયા હતા. ફાયર વિભાગે ૧૫ ગાડીઓ સાથે આગ બુઝાવવાનો પ્રયાસ શરૂ કર્યો. મૃતકોની સંખ્યા વધે તેવી શક્યતા છે. આસપાસની ઈમારતોને પણ નુકસાન થયું, જેથી આખો વિસ્તાર ખાલી કરાવવામાં આવ્યો. આગનું કારણ રિએક્ટરમાં થયેલી ખામીને ગણવામાં આવે છે અને વધુ તપાસ ચાલુ છે.

જુલાઈ મહિનામાં કુલ 13 દિવસ બેંકો બંધ રહેશે, જેમાં 4 રવિવાર અને બીજો-ચોથો શનિવાર સામેલ છે. શિલોંગમાં 12 થી 14 જુલાઈ સુધી, બીજો શનિવાર, રવિવાર અને બેહ દિનખલામના કારણે બેંકો બંધ રહેશે. ગંગટોકમાં 26 થી 28 જુલાઈ સુધી બેંકો બંધ રહેશે. બેંકમાં રજા હોવા છતાં, ઓનલાઈન બેંકિંગ અને એટીએમ દ્વારા વ્યવહારો કરી શકાશે. મહત્વપૂર્ણ કામકાજ હોય તો બેંક રજાઓ સિવાય બેંકમાં જઈ શકો છો. આથી, બેંક સંબંધિત કામ માટે આયોજન કરવું જરૂરી છે.

રેલ મુસાફરી મોંઘી છે: AC માં 1000 કિમીની મુસાફરી માટે તમારે ₹20 વધુ ચૂકવવા પડશે. તત્કાલ ટિકિટ બુકિંગ: આધાર IRCTC એકાઉન્ટ સાથે લિંક થયેલ હોવો જરૂરી. પાન કાર્ડના નિયમો: જો તમારી પાસે આધાર નથી, તો તમે પાન કાર્ડ મેળવી શકશો નહીં. MGની કાર મોંઘી: કંપનીએ કિંમતોમાં 1.5% સુધીનો વધારો કર્યો. UPI ટ્રાન્ઝેક્શન: હવે પેમેન્ટ કરતી સમયે અસલી રિસીવરનું નામ દેખાશે.ગેસ સિલિન્ડર સસ્તો: કોમર્શિયલ સિલિન્ડરના ભાવમાં ₹58.50નો ઘટાડો.

તામિલનાડુના શિવકાશીમાં એક ફટાકડાની ફેક્ટરીમાં વિસ્ફોટ થવાથી ઓછામાં ઓછા 4 લોકો મૃત્યુ પામ્યા છે અને 5 ગંભીર રીતે દાઝી ગયા છે. હજુ પણ કેટલાક લોકો ફસાયેલા હોવાની શક્યતા છે અને બચાવ કામગીરી ચાલુ છે. ઘાયલોને વિરધુનગર સરકારી હોસ્પિટલમાં સારવાર માટે ખસેડવામાં આવ્યા છે. વિરુધુનગર જિલ્લાના SP કન્નને જણાવ્યું કે આ વિસ્ફોટ ચિન્નામકમ્પટ્ટી ગામમાં થયો હતો. બીજી ઘટનામાં, તેલંગાણાના સંગારેડ્ડી જિલ્લામાં એક કેમિકલ ફેક્ટરીમાં વિસ્ફોટ થવાથી મૃત્યુઆંક વધીને 34 થયો છે. આ અકસ્માત સિગાચી ઇન્ડસ્ટ્રીઝમાં થયો હતો અને 30 થી વધુ લોકો ઘાયલ થયા છે.

જુલાઈમાં 6 મોટા ફેરફારો થયા છે. ટ્રેન મુસાફરી મોંઘી, AC ક્લાસમાં 1000 કિમી માટે ₹20 વધુ. તત્કાલ ટિકિટ માટે IRCTC એકાઉન્ટને આધાર સાથે લિંક કરવું જરૂરી. PAN કાર્ડ માટે આધાર ફરજિયાત. કોમર્શિયલ ગેસ સિલિન્ડર ₹58.50 સસ્તું. NPCIના નવા નિયમ મુજબ UPI પેમેન્ટમાં અસલી રિસીવરનું નામ દેખાશે. JSW-MG મોટર ઇન્ડિયાએ કારની કિંમતોમાં 1.5% સુધીનો વધારો કર્યો. પેટ્રોલ અને ડીઝલના ભાવમાં કોઈ ફેરફાર નહીં.

જુલાઈથી 6 મોટા ફેરફારો થયા છે. રેલ મુસાફરી મોંઘી, AC ક્લાસમાં 1000 કિમી માટે ₹20 વધુ લાગશે. તત્કાલ ટિકિટ બુકિંગ માટે IRCTC એકાઉન્ટ આધાર સાથે લિંક કરવું જરૂરી છે. PAN કાર્ડ માટે આધાર ફરજિયાત છે. UPI પેમેન્ટમાં અસલી રિસીવરનું નામ દેખાશે, જે ઓનલાઈન છેતરપિંડી રોકશે. MG કારની કિંમતોમાં 1.5% સુધીનો વધારો થયો છે. કોમર્શિયલ ગેસ સિલિન્ડર ₹58.50 સસ્તું થયું છે. પેટ્રોલ અને ડીઝલના ભાવમાં કોઈ ફેરફાર થયો નથી.

ભારતીય ક્રિકેટ ટીમ ના પૂર્વ કેપ્ટન મહેન્દ્ર સિંહ ધોનીએ ‘કેપ્ટન કૂલ’ નામે ટ્રેડમાર્ક રજીસ્ટર કરાવવા માટે રજિસ્ટ્રી પોર્ટલ પર અરજી કરી છે. ધોનીએ આ ટ્રેડમાર્ક ખાસ કરીને રમતગમત તાલીમ, તાલીમ માટેની સુવિધાઓ અને રમતગમત કોચિંગ સેવાઓ માટે નોંધાવ્યો છે. ધોનીને દુનિયાભરમાં તેમના શાંત સ્વભાવ અને કુશળ નેતૃત્વ માટે ઓળખવામાં આવે છે, અને ‘કેપ્ટન કૂલ’ નામ તે માટે ખૂબ લોકપ્રિય છે. હવે આ નામધારી સેવાઓ ધોનીના બ્રાન્ડ સાથે સાંકળાયેલી રહેશે. રમતગમત ક્ષેત્રે તેમના અનુભવ અને લોકપ્રિયતાને ધ્યાનમાં રાખીને આ ટ્રેડમાર્ક વ્યવસાયિક રીતે મહત્વપૂર્ણ બની રહેશે. આનાથી તેમની બ્રાન્ડ વેલ્યુમાં પણ વધારો થશે.

ભારતની પ્રથમ ઈ-વોટિંગ એપ બિહારમાં લોન્ચ થઈ. ઈ-વોટિંગમાં વોટ કરનાર પ્રથમ મહિલા વોટર વિભાકુમારી બન્યા. જ્યારે ઈ- વોટિંગ કરનાર પ્રથમ પુરુષ મુન્નાકુમાર બન્યા. નવી ઈ-વોટિંગ સેવા લોકશાહી પ્રક્રિયાને વધુ સુરક્ષિત રાખવા મદદરૂપ થશે. Blockchain ટેકનોલોજી ની મદદથી મતો એક સુરક્ષિત, અપરિવર્તનશીલ સિસ્ટમમાં રેકોર્ડ અને સંગ્રહિત થાય છે. ડિજિટલ સ્કેનિંગ અને OCR (ઓપ્ટિકલ કેરેક્ટર રેકગ્નિશન) મતોની સચોટ ગણતરી કરવામાં મદદ કરે છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

સરકારે પાન કાર્ડના નિયમોમાં ફેરફાર કર્યા છે. 1 જુલાઈ, 2025થી પાન કાર્ડ માટે અરજી કરવા આધાર કાર્ડ ફરજિયાત બનશે. આધાર નહિ હોય તો પાન કાર્ડ મેળવી શકશો નહિ. સરકારનું કહેવું છે કે આનાથી કરચોરી પર કાબુ મળશે. જેમની પાસે પહેલાથી જ પાન કાર્ડ છે તેમણે 31 ડિસેમ્બર 2025 સુધીમાં પોતાનો પાન, આધાર સાથે લિંક કરાવવો પડશે, નહિ તો પાન 1 જાન્યુઆરી, 2026 થી નિષ્ક્રિય થઈ જશે. રોકાણ માટે પણ પાન કાર્ડ જરૂરી છે. પાન એ આવકવેરા વિભાગ દ્વારા જારી કરાયેલ 10-અંકનો આલ્ફાન્યૂમેરિક ઓળખ નંબર છે, જે નાણાકીય પ્રવૃત્તિઓ માટે જરૂરી છે.

રશિયાની રાજધાની મોસ્કોના કોલોમ્ના જિલ્લામાં યાક-18T ટ્રેનર વિમાન ક્રેશ થયું, જેમાં તમામ 4 લોકોના કરુણ મોત નિપજ્યા છે. વિમાન એરોબેટિક્સ અભ્યાસ દરમિયાન નિયંત્રણ બહાર થઇ ગયું હતુ. અકસ્માતનું મુખ્ય કારણ એન્જિન ફેઇલ્યોર અને આગ હોવાનું મનાઇ રહ્યું છે. વિમાન જમીન પર પટકાયું અને તરત જ આગ લાગી હતી. વિમાનને ઉડાન માટે સત્તાવાર પરવાનગી ન હતી, જેના આધારે મોસ્કો પ્રોસિક્યુટર ઓફિસે તપાસ શરૂ કરી છે. વિમાનમાં ક્રૂ મેમ્બર્સ અને તાલીમાર્થી પાઇલટ્સ સવાર હતા, અને દુર્ઘટનામાં કોઈ જમીન પર નુકસાન થયું નથી. યાક-18T વિમાનનો ઉપયોગ પૂર્વ સોવિયેત દેશોમાં નાગરિક પાઇલટ તાલીમ માટે થાય છે.

મર્સિડીઝ-બેન્ઝ ઇન્ડિયાએ ભારતમાં નવી Mercedes-AMG GT 63 અને AMG GT Pro લક્ઝરી સ્પોર્ટ્સ કાર લોન્ચ કરી છે, જે 5 વર્ષ પછી ફરીથી લોન્ચ થઇ છે. GT 63 ની કિંમત ₹3 કરોડ અને GT 63 Pro ની કિંમત ₹3.65 કરોડ છે. આ CBU યુનિટ્સ જર્મનીથી આયાત કરવામાં આવશે અને Lamborghini Temerario અને Porsche 911 Turbo S સાથે સ્પર્ધા કરશે. તેમાં રિટ્યુન એન્જિન અને નવી કેબિન છે. આ કાર 317kmph ની ટોપ સ્પીડથી દોડી શકે છે. બંને કારમાં 4.0-લિટર ટ્વીન-ટર્બો V8 એન્જિન છે, જેમાં GT 63 નું એન્જિન 585hp પાવર અને GT 63 Pro નું એન્જિન 612hp પાવર જનરેટ કરે છે.

આ વખતે વડાપ્રધાન નરેન્દ્ર મોદીના રેડિયો શો 'મન કી બાત'નો 123મો એપિસોડ પ્રસારિત થયો. PMએ યોગ દિવસની ભવ્યતાની વાત કરી, જેમાં વિશાખાપટ્ટનમમાં 3 લાખ લોકો અને નૌકાદળના જહાજો પર યોગના આકર્ષક દ્રશ્યો જોવા મળ્યા. વડનગરમાં 2100 લોકોએ ભુજંગાસન કરીને રેકોર્ડ બનાવ્યો. આ પહેલાં 122મા એપિસોડમાં, PMએ ઓપરેશન સિંદૂરને ભારતની હિંમત અને બદલાતા ભારતની તસવીર ગણાવી હતી. 'મન કી બાત' 22 ભારતીય ભાષાઓ અને 29 બોલીઓ ઉપરાંત 11 વિદેશી ભાષાઓમાં પ્રસારિત થાય છે. આ કાર્યક્રમ આકાશવાણીના 500થી વધુ પ્રસારણ કેન્દ્રો પરથી પ્રસારિત થાય છે.

ઓડિશાના પુરીમાં જગન્નાથ રથયાત્રા દરમિયાન ગુંડીચા મંદિર પાસે રવિવારે સવારે નાસભાગ થતા ત્રણ ભક્તોના મોત થયા અને ૬ લોકો ઘાયલ થયા. મૃતકોની ઓળખ બસંતી સાહુ (36), પ્રેમ કાંતિ મોહંતી (78) અને પ્રભાતી દાસ તરીકે થઇ છે. એમ્બ્યુલન્સ હાજર ન હોવાથી લોકોએ જાતે જ ઘાયલોને હોસ્પિટલ પહોંચાડ્યા હતા. રથ જોવા માટે મોટી ભીડ એકઠી થઈ હતી. ભગવાન બલભદ્ર અને સુભદ્રાના રથો શ્રદ્ધાબલી પહોંચી ગયા બાદ Jagannath નો રથ ગુંડીચા મંદિર પહોંચ્યો હતો. શુક્રવારે પણ ભીડના દબાણને કારણે ૬૨૫ ભક્તોની તબિયત લથડી હતી, જેમાંથી ૭૦ હોસ્પિટલમાં દાખલ થયા હતા.

કોલકાતામાં એક લોની વિદ્યાર્થિની પર ગેંગરેપ થયો, CCTV ફૂટેજમાં તેની પુષ્ટિ થઈ. કોલેજના CCTVમાં 7 કલાકના ફૂટેજ છે, જેમાં પીડિત વિદ્યાર્થિનીને ગાર્ડના રૂમમાં બળજબરીથી લઈ જવામાં આવી. પોલીસે ગાર્ડની ધરપકડ કરી છે અને અત્યાર સુધીમાં કુલ ચાર લોકોની ધરપકડ કરવામાં આવી છે. SITની રચના કરવામાં આવી છે અને આ કેસમાં આરોપીઓના નામ મનોજીત મિશ્રા, ઝૈબ અહેમદ અને પ્રમિત મુખર્જી છે. મેડિકલ રિપોર્ટમાં રેપની પુષ્ટિ થઈ છે. TMC સાંસદ કલ્યાણ બેનર્જીએ વિવાદાસ્પદ નિવેદન આપ્યું છે, જેનાથી TMCએ પોતાને દૂર રાખ્યું છે. ભાજપે તપાસ સમિતિની રચના કરી છે.

ઉત્તરાખંડમાં ભારે વરસાદની આગાહીને કારણે ચારધામ યાત્રા 24 કલાક માટે સ્થગિત કરાઈ છે. Police અને વહીવટીતંત્રને યાત્રાળુઓને અમુક સ્થળોએ રોકવાની સૂચના અપાઈ છે. ઉત્તરકાશીમાં વાદળ ફાટવાથી નિર્માણાધીન hotelને નુકસાન થયું છે અને કેટલાક મજૂરો ગુમ છે. બાગેશ્વરમાં નદીઓ ભયજનક સ્તરે વહી રહી છે. દેશભરમાં વરસાદની આગાહી છે, Monsoon 35 રાજ્યોમાં પહોંચી ગયું છે અને આજે દિલ્હી પહોંચવાની ધારણા છે. રાજસ્થાનમાં પણ વરસાદની ચેતવણી અપાઈ છે. રુદ્રપ્રયાગમાં શિવ પ્રતિમા પાણીમાં ડૂબી ગઈ છે. હવામાન વિભાગે ઉત્તરાખંડ, હિમાચલ પ્રદેશમાં ભારે વરસાદની ચેતવણી આપી છે અને રાજસ્થાનમાં યલો-ઓરેન્જ એલર્ટ જાહેર કરાયું છે. ગુજરાતમાં પણ ભારે વરસાદની આગાહી છે અને પોરબંદરમાં 5 માછીમારો ગુમ થયા છે.

દમણમાં બે યુવકોએ જાહેર માર્ગ પર ખતરનાક સ્ટંટ કર્યા જેનો વીડિયો વાયરલ થયો છે. યુવકો સ્કેટ્સ પહેરી રિક્ષાની બંને બાજુ લટકીને સ્ટંટ કરતા હતા. આ ઘટનાનો વીડિયો ભાજપ મીડિયા સંયોજક માજીદ લાઘાણીએ બનાવ્યો હતો. આવા સ્ટંટથી લોકોની સલામતી જોખમાય છે. દમણ પોલીસે CCTV કેમેરા લગાવ્યા હોવા છતાં આ સ્ટંટ થયો. પોલીસે તપાસ શરૂ કરી છે અને સ્ટંટ કરનાર યુવકોને શોધવાની કાર્યવાહી હાથ ધરી છે. પોલીસે એડવાઇઝરી પણ બહાર પાડીને પર્યટક સ્થળો પર જોખમી સ્ટંટ ન કરવા સૂચના આપી છે.

IPL માં RCBના ફાસ્ટ બોલર યશ દયાલ પર જાતીય સતામણીનો આરોપ છે. ગાઝિયાબાદની એક યુવતીએ online પોર્ટલ પર ફરિયાદ કરી છે, જેમાં લગ્નના બહાને શારીરિક અને માનસિક સતામણીનો આરોપ લગાવ્યો છે. પોલીસ તપાસ કરી રહી છે અને ટૂંક સમયમાં યશ દયાલનું નિવેદન લેવાશે. યશ દયાલના પિતાએ આ સમાચારને ખોટા ગણાવ્યા છે. પીડિતાએ X પર CM યોગીને મદદ માટે અપીલ કરી છે અને ચેટ, સ્ક્રીનશોટ જેવા પુરાવા રજૂ કર્યા છે. યશ દયાલ 2022માં KKRના રિંકુ સિંહે તેની ઓવરમાં 5 છગ્ગા ફટકાર્યા ત્યારે ચર્ચામાં આવ્યો હતો.

ગુજરાતના 9 લોકો કેરેબિયન ટાપુઓ થઈને ગેરકાયદેસર રીતે US જઈ રહ્યા હતા અને ગુમ થયા. હાઇકોર્ટમાં જાહેર હિતની અરજી દાખલ થઈ, પણ કોઈ પ્રગતિ ના થતા કોર્ટે અરજીનો નિકાલ કર્યો. અરજદારના વકીલે જણાવ્યું કે સરકારે ગુમ થયેલા ગુજરાતીઓને શોધવા પ્રયત્ન કર્યા, પણ કોઈ ભાળ મળી નથી. હાઇકોર્ટે ભવિષ્યમાં રજૂઆત કરવાનો હક ખુલ્લો રાખ્યો. છેલ્લો સંપર્ક 2023માં થયો હતો. અરજદારે વિદેશ મંત્રાલય અને એમ્બેસીને પક્ષકાર બનાવ્યા. તેઓ ડોમિનિકાથી એન્ટિગુઆ થઈને US જવાના હતા. અરજદારે વધુ સમય માંગ્યો હતો પણ હાઇકોર્ટે અરજીનો નિકાલ કર્યો. ગેરકાયદેસર US જતા હોવાનું અરજદારોએ સ્વીકાર્યું હતું.

PM નરેન્દ્ર મોદીએ Axiom Mission 4 પર ગયેલા ભારતીય અવકાશયાત્રી શુભાંશુ શુક્લા સાથે વીડિયો કોલ પર વાત કરી. 41 વર્ષ પછી કોઈ ભારતીય અવકાશમાં ગયો છે. શુભાંશુ 14 દિવસ ISS પર રહેશે અને ભારતીય સંસ્થાઓ દ્વારા તૈયાર 7 પ્રયોગો કરશે. તેઓ NASA સાથે મળીને 5 વધુ પ્રયોગો કરશે. આ મિશન ભારતના ગગનયાન મિશનને મજબૂત બનાવશે. શુભાંશુએ ગાજરનો હલવો ISS પર સાથીદારોને ખવડાવ્યો. તેમણે કહ્યું કે અવકાશથી ભારત ભવ્ય દેખાય છે અને પૃથ્વી પર કોઈ સરહદ દેખાતી નથી. આ મિશન અંતરિક્ષમાં રિસર્ચ કરવાનું અને નવી ટેક્નોલોજીનો ટેસ્ટ કરવાનું છે.

કેરળની શાળાઓમાં ડ્રગવિરોધી અભિયાન અંતર્ગત ઝુમ્બા ક્લાસ શરૂ કરાયા છે, જેનો મુસ્લિમ સંગઠનો વિરોધ કરી રહ્યા છે. તેઓના મતે આ અશ્લીલતાને પ્રોત્સાહન આપે છે, જેમાં છોકરા-છોકરીઓ સાથે ડાન્સ કરે છે. વિઝડમ ઇસ્લામિક ઓર્ગેનાઇઝેશનના સભ્ય ટીકે અશરફે આ સત્રમાં ભાગ ન લેવાની જાહેરાત કરી છે. શિક્ષણમંત્રી વી. શિવનકુટ્ટીએ આ વિચારસરણીને ડ્રગ્સથી પણ ખતરનાક ગણાવી છે. મુસ્લિમ નેતા નાસર ફૈઝી કુદથાઈએ આને વ્યક્તિગત સ્વતંત્રતાનું ઉલ્લંઘન ગણાવ્યું છે. શિક્ષણમંત્રીએ ઝુમ્બામાં ભાગ લેતા વિદ્યાર્થીઓનો વીડિયો શેર કરીને સરકારના નિર્ણયનો બચાવ કર્યો છે. શિવનકુટ્ટીએ જણાવ્યું હતું કે RTE મુજબ બાળકોએ સરકાર દ્વારા નિર્ધારિત શિક્ષણ પ્રક્રિયામાં ભાગ લેવો જ જોઇએ.