તામિલનાડુના શિવકાશીમાં એક ફટાકડાની ફેક્ટરીમાં વિસ્ફોટ થવાથી ઓછામાં ઓછા 4 લોકો મૃત્યુ પામ્યા છે અને 5 ગંભીર રીતે દાઝી ગયા છે. હજુ પણ કેટલાક લોકો ફસાયેલા હોવાની શક્યતા છે અને બચાવ કામગીરી ચાલુ છે. ઘાયલોને વિરધુનગર સરકારી હોસ્પિટલમાં સારવાર માટે ખસેડવામાં આવ્યા છે. વિરુધુનગર જિલ્લાના SP કન્નને જણાવ્યું કે આ વિસ્ફોટ ચિન્નામકમ્પટ્ટી ગામમાં થયો હતો. બીજી ઘટનામાં, તેલંગાણાના સંગારેડ્ડી જિલ્લામાં એક કેમિકલ ફેક્ટરીમાં વિસ્ફોટ થવાથી મૃત્યુઆંક વધીને 34 થયો છે. આ અકસ્માત સિગાચી ઇન્ડસ્ટ્રીઝમાં થયો હતો અને 30 થી વધુ લોકો ઘાયલ થયા છે.