કેરળની શાળાઓમાં ડ્રગવિરોધી અભિયાન અંતર્ગત ઝુમ્બા ક્લાસ શરૂ કરાયા છે, જેનો મુસ્લિમ સંગઠનો વિરોધ કરી રહ્યા છે. તેઓના મતે આ અશ્લીલતાને પ્રોત્સાહન આપે છે, જેમાં છોકરા-છોકરીઓ સાથે ડાન્સ કરે છે. વિઝડમ ઇસ્લામિક ઓર્ગેનાઇઝેશનના સભ્ય ટીકે અશરફે આ સત્રમાં ભાગ ન લેવાની જાહેરાત કરી છે. શિક્ષણમંત્રી વી. શિવનકુટ્ટીએ આ વિચારસરણીને ડ્રગ્સથી પણ ખતરનાક ગણાવી છે. મુસ્લિમ નેતા નાસર ફૈઝી કુદથાઈએ આને વ્યક્તિગત સ્વતંત્રતાનું ઉલ્લંઘન ગણાવ્યું છે. શિક્ષણમંત્રીએ ઝુમ્બામાં ભાગ લેતા વિદ્યાર્થીઓનો વીડિયો શેર કરીને સરકારના નિર્ણયનો બચાવ કર્યો છે. શિવનકુટ્ટીએ જણાવ્યું હતું કે RTE મુજબ બાળકોએ સરકાર દ્વારા નિર્ધારિત શિક્ષણ પ્રક્રિયામાં ભાગ લેવો જ જોઇએ.