NEET રી-એક્ઝામને લઈને સરકાર એલર્ટ છે. કેન્દ્રીય શિક્ષણ મંત્રી ધર્મેન્દ્ર પ્રધાને સુરક્ષા એજન્સીઓ સાથે બેઠક યોજીને કડક સૂચનાઓ આપી છે. પરીક્ષા નિષ્પક્ષ અને પારદર્શી યોજવા માટે નકલી ટેલિગ્રામ ચેનલો અને સોશિયલ મીડિયા પર ફેલાતી અફવાઓ સામે કડક કાર્યવાહી કરવા આદેશ આપ્યા છે. મેટા, ગૂગલ અને ટેલિગ્રામ જેવી કંપનીઓને નકલી પેપર લીક અને ભ્રામક પોસ્ટ્સ ફેલાવતી ચેનલો તાત્કાલિક બ્લોક કરવા જણાવાયું છે.

મહારાષ્ટ્રના રાજકારણમાં ઉથલપાથલ: નાયબ મુખ્યમંત્રી સુનેત્રા પવારની NCPના 22 ધારાસભ્યો શરદ પવારના સંપર્કમાં. NCPSP અને NCP વચ્ચે મર્જરની ચર્ચાઓ તેજ. શરદ પવાર જૂથના નેતાઓ મર્જરનો ઇનકાર કરી રહ્યા છે, પરંતુ શરદ પવાર મૌન છે. આ ઘટનાક્રમ પાર્ટીમાં મૂંઝવણ ઊભી કરી રહ્યો છે.

ભારતીય હવામાન વિભાગે (IMD) ગુજરાત સહિત દેશભરમાં ચોમાસું અને હીટવેવ અંગે મહત્વપૂર્ણ આગાહી કરી છે. IMD મુજબ દક્ષિણ-પશ્ચિમ ચોમાસું 22થી 26 મે વચ્ચે Keralaમાં પ્રવેશી શકે છે, જે સામાન્ય સમય કરતાં થોડું વહેલું છે. જોકે આ વખતે ચોમાસાની ગતિ ધીમી રહેવાની હોવાથી સમગ્ર દેશમાં પહોંચવામાં વધુ સમય લાગી શકે છે. હાલ ચોમાસું આંદામાન-નિકોબાર અને બંગાળની ખાડીના વિસ્તારો સુધી પહોંચી ગયું છે. બીજી તરફ આગામી 7 દિવસ માટે 10 રાજ્યોમાં હીટવેવ એલર્ટ પણ જાહેર કરવામાં આવ્યું છે.

અમેરિકા અને ઈરાન વચ્ચે વધતી તંગદિલી વચ્ચે ઈરાનની 'ઈસ્લામિક રિવોલ્યુશનરી ગાર્ડ કોર્પ્સ' (IRGC)એ કડક ચેતવણી આપી છે. અમેરિકન પ્રમુખ ડોનાલ્ડ ટ્રમ્પની ધમકીઓ અને ઈઝરાયલની હુમલાની માંગ સામે IRGCએ જણાવ્યું કે જો ઈરાન પર ફરી હુમલો થશે તો સંઘર્ષ માત્ર મધ્ય-પૂર્વ સુધી સીમિત નહીં રહે. નિવેદન અનુસાર, ઈરાન તરફથી વિનાશક જવાબી હુમલા કરવામાં આવશે અને દુશ્મનોને ભારે નુકસાન સહન કરવું પડશે, જેના કારણે વૈશ્વિક ચિંતા વધી ગઈ છે.

રશિયાના પ્રમુખ પુતિન ચીન મુલાકાત દરમિયાન શી-જિનપિંગ સાથે મહત્વપૂર્ણ બેઠક કરી હતી. આ દરમિયાન પુતિને જણાવ્યું કે તેઓ અમેરિકા સાથે કામ કરવા તૈયાર છે અને આ મુદ્દે શી જિનપિંગ સાથે પણ ચર્ચા થઈ ચૂકી છે. યુક્રેન યુદ્ધને કારણે અમેરિકાએ રશિયા પર પ્રતિબંધો લગાવ્યા હોવા છતાં આ નિવેદનને મહત્વપૂર્ણ માનવામાં આવી રહ્યું છે. બંને નેતાઓએ યુક્રેન યુદ્ધ, ઈરાન અને વૈશ્વિક મુદ્દાઓ પર વ્યાપક ચર્ચા કરી હતી, જેના કારણે યુદ્ધ સમાપ્ત થવાની શક્યતાઓ અંગે અટકળો તેજ બની છે.

અમેરિકી સંસદના કોંગ્રેશનલ રિસર્ચ સર્વિસ (CRS) મુજબ, અમેરિકાએ ઈરાન યુદ્ધમાં ફાયટર જેટસ સહિત 42 યુદ્ધ વિમાનો અને M.Q-9 રીપર ડ્રોન્સ ગુમાવ્યા છે અથવા તેને ભારે નુકસાન થયું છે. આ યાદીમાં F-15, F-35, A-10, C-135, E-3, C-130, SH-60B, MQ-9 અને MQ-4C વિમાનોનો સમાવેશ થાય છે. સંરક્ષણ વિભાગે આ માહિતી આપતાં જણાવ્યું કે આ સંખ્યામાં હજુ પણ વધારો થઇ શકે છે.

સામાન્ય જનતા મોંઘવારીનો માર સહન કરી રહી છે, ત્યારે દેશની સરકારી પેટ્રોલિયમ કંપનીઓ IOC, BPCL અને HPCL એ માર્ચ ક્વાર્ટરમાં રૂ. 26,000 કરોડનો ધૂમ નફો કર્યો છે. 2025-26 નાણાકીય વર્ષમાં નફાના તમામ જૂના રેકોર્ડ તોડી નાખ્યા છે. ઇન્ડિયન ઓઇલ (IOCL)ને માર્ચ ક્વાર્ટર 2026માં રૂ. 14,667 કરોડ નફો થયો છે. તો ભારત પેટ્રોલિયમ (BPCL)નો માર્ચ ક્વાર્ટર 2026નો નફો રૂ. 6,442 કરોડ છે. એવી જ રીતે, હિંદુસ્તાન પેટ્રોલિયમ (HPCL) કંપનીનો માર્ચ ક્વાર્ટર 2026નો નફો રૂ. 4,902 કરોડે પહોંચી ગયો છે. કંપનીઓ ખોટનો દાવો કરે છે, જ્યારે પ્રજાનું ખિસ્સું ખાલી થઈ રહ્યું છે.

બ્યુરો ઓફ ઈન્ડિયન સ્ટાન્ડર્ડ (BIS)એ પેટ્રોલમાં ઈથેનોલ મિશ્રણ અંગે નવા નિયમો જાહેર કર્યા છે. હવે પેટ્રોલમાં ઈથેનોલનું મિશ્રણ 20% થી વધારીને 30% સુધી કરવાની મંજૂરી આપવામાં આવી છે. કેન્દ્ર સરકારે 15 મે 2026ના રોજ આ નિર્ણયને મંજૂરી આપી હતી. નવા ધોરણો મુજબ 22, 25, 27 અને 30 ટકા મિશ્રણ માટે ગુણવત્તા માપદંડ નક્કી કરાયા છે. આ પગલાથી ક્રૂડ ઓઈલ પરની આયાત નિર્ભરતા અને પ્રદૂષણ ઘટાડવામાં મદદ મળશે, સાથે સ્થાનિક ખાંડ અને બાયોફ્યુઅલ ઉદ્યોગને પણ મોટો ફાયદો થશે.

પંચમહાલમાં ઓપરેશન 'મ્યૂલ હંટ' અંતર્ગત, શહેરા પોલીસે PDC બેંકના પૂર્વ બ્રાન્ચ ઓફિસર સપન પરીખ સહિત 3ની ધરપકડ કરી. આરોપીઓએ 30-35 દિવસમાં 3.27 કરોડથી વધુની રકમની હેરાફેરી કરી. 'સમન્વય પોર્ટલ'ના ડેટાથી આ સાયબર કૌભાંડનો પર્દાફાશ થયો. સુરતથી બે આરોપીઓ આદર્શ શુકલા અને જીશુ મિશ્રા ઝડપાયા. આંતરરાજ્ય કૌભાંડમાં કેરળ સુધી તાર જોડાયા.

ભારતમાં 'કોકરોચ જનતા પાર્ટી' (Cockroach Janata Party- CJP) નામનો નવો રાજકીય ટ્રેન્ડ ઉભરી આવ્યો છે. બેરોજગાર યુવાનો, ડિજિટલ મીમ્સ અને સંસ્થાકીય આક્રોશના મિશ્રણથી જન્મેલા આ પક્ષે માત્ર 72 કલાકમાં 1 લાખથી વધુ સભ્યોને જોડ્યા છે. ચીફ જસ્ટિસ સૂર્ય કાંતની ટિપ્પણી સામે વિરોધ રૂપે શરૂ થયેલ આ ચળવળ, તૃણમૂલ કોંગ્રેસના સાંસદો સહિત અનેક સેલિબ્રિટીઝને પણ આકર્ષી રહી છે. CJPનું સ્લોગન 'ધર્મનિરપેક્ષ, સમાજવાદી, લોકશાહી અને આળસુ!' છે અને તેના 5 મુદ્દાના મેનિફેસ્ટોમાં અનેક ગંભીર મુદ્દાઓ આવરી લેવાયા છે.

ભારતે અમેરિકા-ઈરાન તણાવ વચ્ચે હોર્મુઝ જળમાર્ગ પરથી ફરી ક્રૂડ ઓઈલ અને ગેસ સપ્લાય શરૂ કરવા મોટી તૈયારીઓ શરૂ કરી છે. સૂત્રો મુજબ, ભારતે આ સમગ્ર પ્લાનને અંતિમ રૂપ આપી દીધો અને જહાજો મોકલવાની પણ તૈયારીઓ શરૂ કરી દીધી છે. સરકારી કંપની શિપિંગ કોર્પોરેશન ઓફ ઈન્ડિયાએ પણ ખાડી ક્ષેત્રમાં ઓપરેશન શરૂ કરવાની તૈયારી કરી લીધી છે. પરંતુ આ માટે ભારતીય નૌકાદળ અને કેન્દ્ર સરકારની અંતિમ સુરક્ષા મંજૂરીની રાહ જોવાઈ રહી છે. ઈરાન યુદ્ધ બાદ હોર્મુઝ જળમાર્ગ અત્યંત સંવેદનશીલ બન્યો હોવા છતાં ભારત સપ્લાય ચેન ફરી સક્રિય કરવા પ્રયત્ન કરી રહ્યું છે.

રાહુલ ગાંધીએ ‘મેલોડી’ ટૉફી મામલે નરેન્દ્ર મોદી પર કટાક્ષ કરતા કહ્યું કે દેશ આર્થિક પડકારો સામે ઝઝૂમી રહ્યો છે, ત્યારે વડાપ્રધાન ઈટાલીમાં ટૉફી વહેંચી રહ્યા છે. રાહુલે ખેડૂતો, યુવાનો, મહિલાઓ અને નાના વેપારીઓની મુશ્કેલીઓનો ઉલ્લેખ કરીને આને “નેતૃત્વ નહીં, નાટક” ગણાવ્યું. ઇટાલીની વડાપ્રધાન જ્યોર્જિયા મેલોનીને મોદી દ્વારા ‘મેલોડી’ ટૉફી ગિફ્ટ કરાયા બાદ સોશિયલ મીડિયા પર #Melodi ચર્ચામાં આવ્યું હતું. મેલોનીએ આ ગિફ્ટ માટે સોશિયલ મીડિયા પર વડાપ્રધાન મોદીનો આભાર માન્યો હતો.

ભારતીય રેલવેએ તાજેતરમાં ટ્રેનોમાં લાગેલી આગની ઘટનાઓ પાછળ અસામાજિક તત્વોનો હાથ હોવાનો દાવો કર્યો છે. રાજસ્થાનના અમરપુરા અને કોટા, બિહારના સાસારામ તથા પશ્ચિમ બંગાળના હાવડામાં બનેલી ઘટનાઓની તપાસમાં ચોંકાવનારા ખુલાસા થયા છે. અમરપુરામાં ટ્રેનની ચાદરોમાં ઇરાદાપૂર્વક આગ લગાડવાનો પ્રયાસ થયો હતો, જ્યારે હાવડામાં બાથરૂમમાંથી પેટ્રોલથી ભીંજાયેલું કપડું મળ્યું હતું. કોટાની રાજધાની એક્સપ્રેસમાં બાથરૂમમાંથી આગ નીકળી હતી અને સાસારામમાં ખાલી કોચમાં સળગતી વસ્તુ ફેંકાતા આગ ભભૂકી ઉઠી હતી.

પશ્ચિમ બંગાળના પૂર્વ મુખ્યમંત્રી મમતા બેનરજીના અભિષેક બેનરજીની મિલકતો સામે કોલકાતા નગર નિગમ (KMC) દ્વારા મોટી કાર્યવાહી થવાના સંકેત મળ્યા છે. મીડિયા અહેવાલો મુજબ KMCએ તેમની 17 જેટલી મિલકતો અંગે ગેરકાયદે બાંધકામ મામલે નોટિસ પાઠવી છે અને નકશા, લિફ્ટ તથા એસ્કેલેટર સંબંધિત દસ્તાવેજો માંગ્યા છે. પશ્ચિમ બંગાળના મુખ્યમંત્રી શુભેન્દુ અધિકારીએ પણ TMC નેતાઓની મિલકતોની વિગતો એકત્ર કરવાની સૂચના આપી હોવાનું કહેવાય છે. અભિષેક બેનરજી પાસે આ નોટિસને કાનૂની રીતે પડકારવાનો વિકલ્પ ઉપલબ્ધ છે.

નોર્વેની પત્રકાર હેલી લિંગે PM મોદીને પૂછેલા પ્રશ્નો બાદ દાવો કર્યો છે કે તેના Facebook અને Instagram એકાઉન્ટ સસ્પેન્ડ કરી દેવાયા છે. ઓસ્લોમાં ભારતીય અધિકારી સિબી જ્યોર્જ સાથેની દલીલ બાદ મેટા કંપનીએ આ પગલું ભર્યું હોવાનું કહેવાય છે. આ ઘટના પ્રેસની આઝાદી પર પ્રશ્નો ઊભા કરે છે. આ વિવાદ બાદ હેલીના X એકાઉન્ટ પર ફોલોઅર્સની સંખ્યામાં મોટો વધારો થયો છે.

ઈરાનના વિદેશ મંત્રીએ અમેરિકાને ખુલ્લી ચેતવણી આપી છે કે જો ફરી યુદ્ધ જેવી સ્થિતિ ઊભી કરશે તો ઈરાન અમેરિકન આર્મીને ભારે નુકસાન પહોંચાડવા સજ્જ છે. ઈરાન અમેરિકાના ફાઇટર જેટ્સને તોડી પાડવામાં ખચકાશે નહીં. અમેરિકન રિપોર્ટ મુજબ, અગાઉના સંઘર્ષમાં અમેરિકાના 42 hi-tech વિમાનો અને ડ્રોન તબાહ થયા હતા. ટ્રમ્પે પણ ઈરાન પર હુમલાની સંભવિત તારીખ જાહેર કરી છે.

અફઘાનિસ્તાન સામેની ટેસ્ટ અને ODI સિરીઝમાં મોહમ્મદ શમીની પસંદગી ન થતાં વિવાદ સર્જાયો છે. Chief Selector અજીત અગરકરે જણાવ્યું કે, મેડિકલ રિપોર્ટ મુજબ શમી માત્ર T20 ક્રિકેટ માટે ફિટ છે. સ્થાનિક ક્રિકેટમાં શાનદાર પ્રદર્શન છતાં તેની અવગણનાથી ફેન્સ નારાજ છે. શમી લાંબા સમયથી ફિટનેસ સમસ્યાઓથી પીડાઈ રહ્યો છે.

અમેરિકા અને કેનેડા વચ્ચેની દાયકાઓ જૂની સંરક્ષણ ભાગીદારીમાં તણાવ વધ્યો છે. અમેરિકાના નાયબ સંરક્ષણ મંત્રી એલ્બ્રિજ કોલ્બીએ 1940માં સ્થાપિત ‘પર્મેનન્ટ જોઇન્ટ બોર્ડ ઓન ડિફેન્સ’ને હાલ માટે સ્થગિત કરવાની જાહેરાત કરી છે. દ્વિતીય વિશ્વયુદ્ધ દરમિયાન ઓગ્ડેન્સબર્ગ સમજૂતી હેઠળ બનેલું આ બોર્ડ ઉત્તર અમેરિકાની સુરક્ષા, હવાઈ સંરક્ષણ, નોરાડ સહયોગ, રક્ષણ સાધનોના ઉત્પાદન અને નાટો તાલમેલ માટે મહત્વપૂર્ણ સલાહકાર મંચ તરીકે કાર્ય કરતું હતું. અમેરિકાનો આ નિર્ણય બંને દેશોના સૈન્ય સંબંધોમાં અસામાન્ય અને મહત્વપૂર્ણ પગલું માનવામાં આવી રહ્યું છે.

અમેરિકા અને ઈરાન વચ્ચેના યુદ્ધ અને હોર્મુઝ સ્ટ્રેટ બંધ થવાથી વૈશ્વિક ઓઇલ સંકટ છે. ક્રૂડ ઓઇલ $110 પ્રતિ બેરલ છે. ડોનાલ્ડ ટ્રમ્પે દાવો કર્યો કે ઈરાન સાથેનું યુદ્ધ ટૂંક સમયમાં પૂરું થશે અને ઓઇલના ભાવ ઘટશે. ઈરાન શાંતિ કરાર કરવા આતુર છે, અને જો ડીલ સફળ થાય તો ભાવ ઝડપથી ઘટશે. સાઉદી અરેબિયા અને UAE સહિતના દેશો મધ્યસ્થી કરી રહ્યા છે. ટ્રમ્પે કહ્યું કે તેઓ ઈરાન પર હુમલો કરવાના હતા, પણ મધ્યસ્થીઓના કારણે ઈરાદો બદલ્યો. ટ્રમ્પના નિવેદન બાદ ભાવમાં થોડી નરમી આવી છે, પણ મધ્યપૂર્વના પુરવઠા જોખમને કારણે ભાવ ઊંચા છે.

ઈરાન-યુએસ તણાવને કારણે વૈશ્વિક ઇંધણ સંકટની આશંકા છે, જે અનેક દેશોની અર્થવ્યવસ્થાને અસર કરી રહ્યું છે. આના કારણે કરન્સીનું મૂલ્ય ઘટી રહ્યું છે અને મોંઘવારી વધી રહી છે. શેરબજારમાં ભારે ઘટાડો જોવા મળ્યો, સેન્સેક્સ 671 પોઇન્ટ ઘટ્યો જ્યારે નિફ્ટી 221 પોઇન્ટ ઘટ્યો. સોના અને ચાંદીમાં પણ ઘટાડો નોંધાયો, સોનું 1121 રૂપિયા અને ચાંદી 3269 રૂપિયા ઘટી. ક્રૂડ ઓઇલ $110 ની ઉપર ટ્રેડ થઈ રહ્યું છે. રૂપિયો ડોલર સામે 96.89 ના ઐતિહાસિક નીચા સ્તરે પહોંચી ગયું છે.

બનારસ હિન્દુ યુનિવર્સિટી (BHU) માં MA History ના પ્રશ્નપત્રમાં 'બ્રાહ્મણવાદી પિતૃસત્તાએ મહિલાઓની પ્રગતિને કેવી રીતે અવરોધી?' સવાલ પૂછાયો. આનાથી પ્રોફેસરો અને વિદ્યાર્થીઓ વચ્ચે ભારે હોબાળો મચી ગયો છે. પ્રોફેસરોએ તેને પૂર્વગ્રહયુક્ત અને વામપંથી વિચારધારાનો પ્રભાવ ગણાવ્યો. શંકરાચાર્ય અવિમુક્તેશ્વરાનંદે પણ આ અંગે સરકાર પર હિન્દુઓમાં ભાગલા પાડવાનો આરોપ લગાવ્યો. કાશી વિદ્વાન પરિષદે પણ પ્રશ્નના આધાર પર સવાલ ઉઠાવ્યો, જ્યારે કુલપતિએ ટૂંકમાં જવાબ આપ્યો.

TMCની પશ્ચિમ બંગાળ વિધાનસભા ચૂંટણીમાં કારમી હાર બાદ મમતા બેનર્જીએ ભાજપ સરકાર પર આકરા પ્રહારો કર્યા છે. ચૂંટણી પછીની કથિત હિંસા વિરુદ્ધ મમતા બેનર્જી વકીલના ડ્રેસમાં કોર્ટ પહોંચ્યા હતા. 2026ની ચૂંટણીમાં ભાજપે 207 બેઠકો જીતતા TMC માત્ર 80 બેઠકો સુધી સીમિત રહી હતી. કાલીઘાટ ખાતે ધારાસભ્યોને સંબોધતા મમતાએ દાવો કર્યો કે ભવિષ્યમાં ભાજપને કેન્દ્રની સત્તાથી પણ હટાવવામાં આવશે. તેમણે કહ્યું કે બંગાળમાં TMCનું શાસન ભલે સમાપ્ત થયું હોય, પરંતુ ભાજપ સામેની લડાઈ ચાલુ રહેશે.

એક પ્રીમિયમ બેટ બનવાની સફર એક નાના છોડથી શરૂ થાય છે અને ખેલાડીના હાથ સુધી પહોંચવામાં 20 વર્ષ લે છે. કોહલી જે બેટથી રનનો વરસાદ કરે છે તેને સંપૂર્ણ રીતે તૈયાર થવામાં કેટલાય વર્ષોની સખત મહેનત અને પ્રક્રિયા લાગે છે. આ પ્રક્રિયામાં યોગ્ય હવામાન, ખાસ પ્રકારના વૃક્ષો અને કુશળ કારીગરોની વર્ષોની મહેનત શામેલ હોય છે. વિશ્વના મોટાભાગના પ્રીમિયમ ક્રિકેટ બેટ બનાવવા માટે ઇંગ્લેન્ડમાં ઉગતા ખાસ 'અંગ્રેજી વિલો' વૃક્ષોનો ઉપયોગ થાય છે. આ વૃક્ષોનું લાકડું વજનમાં ખૂબ જ હલકું અને અંદરથી અત્યંત મજબૂત હોય છે. ઇંગ્લેન્ડની ચોક્કસ માટીના કારણે જ ત્યાંના લાકડામાં એક ખાસ પ્રકારની પ્રીમિયમ ગુણવત્તા જોવા મળે છે.

ભોપાલમાં ટ્વિશા શર્માના મોત મામલે પરિવારએ આત્મહત્યાની થિયરી પર ગંભીર સવાલો ઉઠાવ્યા છે. પરિવારનો દાવો છે કે જો ટ્વિશાએ આત્મહત્યા કરી હોય તો તેના શરીર પર ઇજાના અનેક નિશાન કેમ મળ્યા? તેમણે સાસરિયાઓ પર દહેજ માટે માનસિક અને શારીરિક સતામણીનો આરોપ લગાવ્યો છે. પરિવારએ રાષ્ટ્રપતિને નિષ્પક્ષ તપાસ માટે અપીલ કરી છે, જ્યારે એક વકીલે CJI અને મધ્ય પ્રદેશ હાઈકોર્ટને પણ પત્ર લખ્યો છે. ભોપાલ કોર્ટે પતિ સમર્થ સિંહની આગોતરી જામીન અરજી ફગાવી છે અને પોલીસ તેની શોધમાં કાર્યવાહી કરી રહી છે.

Indian Oil Corporationએ જણાવ્યું છે કે અમેરિકા-ઈરાન તણાવ છતાં દેશમાં ક્રૂડ ઓઇલની અછત નહીં સર્જાય, કારણ કે કંપની પાસે એક મહિનાથી વધુનો સ્ટોક ઉપલબ્ધ છે. હોર્મુઝ રૂટ અવરોધિત થતાં LPG સપ્લાયમાં થોડો પ્રભાવ પડ્યો છે, પરંતુ ઇન્ડોનેશિયા, નાઇજીરીયા, અંગોલા અને ઓમાનમાંથી તાત્કાલિક ખરીદી શરૂ કરીને પુરવઠો જાળવવામાં આવી રહ્યો છે. કંપનીનો Q4FY26માં નફો 81% વધીને ₹15,176 કરોડ થયો છે. શેરધારકો માટે ₹1.25 પ્રતિ શેર ડિવિડન્ડની ભલામણ કરવામાં આવી છે. IOC આગામી વર્ષે રિફાઇનરી વિસ્તરણ માટે ₹32,700 કરોડનું રોકાણ કરશે.

DRDO એ ULPGM-V3 નામની ડ્રોન-આધારિત મિસાઈલનું સફળ પરીક્ષણ કર્યું છે, જે હવાઈ અને જમીની લક્ષ્યો, જેમ કે ટેન્ક, હેલિકોપ્ટર અને અન્ય ડ્રોનને નિશાન બનાવી શકે છે. આત્મનિર્ભરતાની દિશામાં આ એક મહત્વપૂર્ણ પગલું છે.

PM મોદી યુરોપીય પ્રવાસના અંતિમ ચરણમાં ઇટાલી પહોંચ્યા, જ્યાં તેમનું ભવ્ય સ્વાગત થયું. ઇટાલીના PM જૉર્જિયા મેલોનીના આમંત્રણ પર આ યાત્રા બંને દેશોના વ્યૂહાત્મક સંબંધો માટે ખાસ છે. Rome પહોંચતા PM મેલોનીએ PM મોદી સાથે શાનદાર સેલ્ફી શેર કરી, જેના કેપ્શનમાં લખ્યું, 'રોમમાં તમારું સ્વાગત છે, મારા મિત્ર!' આ તસવીર તરત જ વાઇરલ થઈ ગઈ.

IMD મુજબ, ઉત્તર અને મધ્ય ભારતમાં ગરમ પવનનો પ્રકોપ ચાલુ છે, ખાસ કરીને દિલ્હી-NCR, યુપી અને બિહારમાં હીટવેવ એલર્ટ છે. જ્યારે દક્ષિણ ભારતમાં તેલંગાણા, આંધ્ર પ્રદેશ, કર્ણાટક અને કેરળમાં ભારે વરસાદ અને વીજળી પડવાની ચેતવણી છે. ઝારખંડમાં પણ ભારે વરસાદનું એલર્ટ છે, જ્યારે મધ્ય પ્રદેશમાં આંધી-વરસાદની શક્યતા છે. દેશનું હવામાન અસ્થિર છે, સાવચેતી જરૂરી.

આગામી જૂનમાં ફ્રાન્સમાં યોજાનારી G7 સમિટમાં PM નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે મુલાકાત થશે. આ 16 મહિના બાદ બંને નેતાઓ વચ્ચેની પ્રથમ મુલાકાત હશે. ફ્રાન્સના રાષ્ટ્રપતિ ઈમેન્યુઅલ મેક્રોન દ્વારા PM મોદીને વિશેષ આમંત્રણ અપાયું છે. ભારત G7નો સભ્ય ન હોવા છતાં, તેની વૈશ્વિક ભૂમિકાને કારણે તેને આમંત્રિત કરાયું છે. આ મુલાકાત વૈશ્વિક સમીકરણો અને દ્વિપક્ષીય સંબંધો માટે મહત્વપૂર્ણ ગણાશે.

PM મોદી ઇટાલીના પ્રધાનમંત્રી જ્યોર્જિયા મેલોનીના આમંત્રણ પર પહોંચ્યા. મેલોનીએ PM મોદીનું સ્વાગત કરતી સેલ્ફી સોશિયલ મીડિયા પર પોસ્ટ કરી, જે વાયરલ થઈ. આ તેમનો ઇટાલીનો પહેલો દ્વિપક્ષીય પ્રવાસ છે. અગાઉ પણ COP28 અને G7 શિખર સંમેલનમાં તેમની તસવીરો ચર્ચામાં રહી હતી. પ્રવાસ દરમિયાન PM મોદી રાષ્ટ્રપતિ અને PM મેલોની સાથે દ્વિપક્ષીય ચર્ચા કરશે અને CEO સાથે સંવાદ કરશે.