માલદીવ્સના પ્રખ્યાત વાવુ એટોલ ખાતે એક ભયાનક ડાઇવિંગ દુર્ઘટનાએ સમગ્ર વિશ્વને ચોંકાવી દીધું છે. સમુદ્રના રહસ્યો જાણવા માટે ગયેલા પાંચ અનુભવી ડાઇવર્સ 164 ફૂટ નીચે ઊંડી પાણીની ગુફામાં પ્રવેશ્યા બાદ પરત ફર્યા નહોતા. સ્થાનિક તંત્રએ આ ઘટનાને માલદીવ્સના ઇતિહાસની સૌથી ગંભીર ડાઇવિંગ દુર્ઘટના ગણાવી છે. સહેલાણીઓ માટે સ્વર્ગ ગણાતા વિસ્તારમાં બનેલી આ ઘટનાએ સમુદ્રની જોખમી દુનિયા અને ગુફા ડાઇવિંગના ખતરાઓને ફરી ચર્ચામાં લાવી દીધા છે. ઘટનાના કારણોને લઈને હજુ તપાસ ચાલી રહી છે.

વૈશ્વિક આતંકવાદી સંગઠન ઇસ્લામિક સ્ટેટ (ISIS)ને લઈને એક બહુ મોટા સમાચાર સામે આવ્યા છે. અમેરિકન પ્રમુખ ડોનાલ્ડ ટ્રમ્પે સત્તાવાર જાહેરાત કરી છે કે દુનિયાભરમાં ISISના બીજા ક્રમના સૌથી શક્તિશાળી કમાન્ડર અબુ-બિલાલ અલ-મિનુકી (Abu-Bilal al-Minuki)ને એક સંયુક્ત સૈન્ય ઓપરેશનમાં ઠાર મારવામાં આવ્યો છે. અમેરિકા અને નાઇજીરીયાના સૈન્ય દળોએ સાથે મળીને આ ગુપ્ત ઓપરેશન પાર પાડ્યું હતું, જેને આતંકવાદ સામેની લડાઈમાં એક મોટી સફળતા માનવામાં આવી રહી છે.

અમેરિકા અને ચીન વચ્ચેના સંબંધોમાં મહત્વપૂર્ણ વળાંક આવ્યો છે. અમેરિકી પ્રમુખ Donald Trumpએ ચીનના પ્રમુખ Xi Jinping સાથે તાઈવાન, આર્ટિફિશિયલ ઈન્ટેલિજન્સ, ઈરાન, વેપાર, સાયબર ઓપરેશન્સ અને પરમાણુ હથિયારો જેવા સંવેદનશીલ મુદ્દાઓ પર વ્યાપક ચર્ચા કરી હોવાનું જણાવ્યું છે. અલાસ્કાની મુસાફરી દરમિયાન ટ્રમ્પે આ મુલાકાતને ઐતિહાસિક ગણાવી હતી. અગાઉ ચીન સામે આકરા વલણ ધરાવતા ટ્રમ્પે આ વખતે શી જિનપિંગના વખાણ કરતાં બંને દેશો વચ્ચે મહત્વપૂર્ણ ભૌગોલિક-રાજકીય મુદ્દાઓ પર સારી સમજણ વિકસ્યાનું કહ્યું હતું.

દિલ્હીમાં યોજાયેલા ‘સેના સંવાદ’ કાર્યક્રમમાં ભારતીય સેના પ્રમુખ ઉપેન્દ્ર દ્વિવેદીએ પાકિસ્તાનને કડક ચેતવણી આપતાં જણાવ્યું કે જો તે આતંકવાદીઓને આશરો આપવાનું ચાલુ રાખશે તો તેને પોતાના ભવિષ્ય અંગે વિચારવું પડશે. તેમણે આતંકવાદ સામે ભારતનું ‘ઝીરો ટોલરન્સ’ વલણ ફરી સ્પષ્ટ કર્યું. આ નિવેદનને પાકિસ્તાન માટે મહત્વપૂર્ણ કૂટનીતિક સંદેશ માનવામાં આવી રહ્યું છે. કાર્યક્રમ દરમિયાન રાષ્ટ્રીય સુરક્ષા, સરહદી પડકારો અને આધુનિક યુદ્ધની સ્થિતિ પર પણ ચર્ચા કરવામાં આવી હતી, જેના કારણે ભારત-પાક સંબંધો ફરી ચર્ચામાં આવ્યા છે.

અમેરિકા અને ઈઝરાયલ ઈરાન પર સંભવિત હુમલા માટે ટાર્ગેટ લિસ્ટ તૈયાર કરી રહ્યા છે. ઈમરજન્સી બેઠકો યોજાઈ રહી છે, જેમાં ઈરાનના મહત્ત્વના સૈન્ય મથકોને નિશાન બનાવાશે. ટ્રમ્પના કડક વલણ અને પાકિસ્તાનની મધ્યસ્થતામાં નિષ્ફળ વાટાઘાટો બાદ શાંતિ નબળી પડી છે. ઇઝરાયેલ ઈરાનના પરમાણુ મથકો નષ્ટ કરવા દબાણ કરી રહ્યું છે. આ યુદ્ધ વૈશ્વિક તેલ સંકટ અને મધ્ય પૂર્વમાં અસ્થિરતા લાવી શકે છે, જેની અસર ભારત પર પણ પડશે.

વડાપ્રધાન મોદીના UAE પ્રવાસ દરમિયાન 3 કરોડ (30 મિલિયન) બેરલ ક્રૂડ ઓઈલ સ્ટોર કરવાની ઐતિહાસિક ડીલ થઈ છે. આ સમજૂતી ભારતીય ઉર્જા સુરક્ષાને મજબૂત બનાવશે, જે ભવિષ્યની કટોકટીમાં મહિનાઓ સુધી મદદરૂપ થશે. LPG સપ્લાય અને ગેસ રિઝર્વ અંગે પણ સહમતી સધાઈ છે. ભારત પોતાની જરૂરિયાતનું લગભગ 85 ટકા તેલ વિદેશથી આયાત કરે છે. ભવિષ્યમાં યુદ્ધ કે અન્ય કોઈ વૈશ્વિક કટોકટીના કારણે સપ્લાય અટકી ન જાય તે માટે ભારતે જમીનની નીચે વિશાળ પેટ્રોલિયમ રિઝર્વ બનાવ્યા છે.

ચીનની ત્રણ દિવસની હાઈ-પ્રોફાઈલ મુલાકાત પૂરી કરીને એરફોર્સ વન વિમાનમાં પરત ફરી રહેલા ટ્રમ્પે પત્રકારો સમક્ષ જે વાતો કહી, તેનાથી આંતરરાષ્ટ્રીય સ્તરે ખળભળાટ મચી ગયો છે. ગઈકાલ સુધી તાઈવાનની સુરક્ષાના સોગંદ ખાતા ટ્રમ્પ હવે આ મુદ્દે આંખ આડા કાન કરતા જોવા મળી રહ્યા છે. તેમણે સ્પષ્ટ સંકેત આપતા કહ્યું કે અમેરિકાને પોતાના ઘરથી 9,500 માઇલ દૂર કોઈ નવા યુદ્ધમાં કૂદવાની જરૂર નથી. ચીન આ સોદાનો શરૂઆતથી જ વિરોધ કરી રહ્યું હતું અને જિનપિંગે ટ્રમ્પને ચેતવણી આપી હતી કે તાઈવાન મામલે કોઈપણ ખોટું પગલું બંને દેશોના સંબંધો હંમેશા માટે બગાડી શકે છે.

અમેરિકાના વોશિંગ્ટનમાં થયેલી વાટાઘાટો બાદ ઇઝરાયેલ અને લેબનોન 45 દિવસ માટે યુદ્ધવિરામને લંબાવવા સહમત થયા છે. અમેરિકી વિદેશ વિભાગના પ્રવક્તા ટોમી પિગોટે આ સફળતા દર્શાવી અને જણાવ્યું કે આ ચર્ચાઓ બંને દેશો વચ્ચે સ્થાયી શાંતિ, પરસ્પર સાર્વભૌમત્વની માન્યતા અને સરહદ પર સુરક્ષા સ્થાપિત કરવામાં મદદરૂપ થશે. આ નિર્ણય ઇઝરાયેલ દ્વારા દક્ષિણ લેબનોનમાં કરાયેલા હુમલાઓ બાદ આવ્યો છે.

ડોનાલ્ડ ટ્રમ્પના સ્ટાફે અમેરિકા પરત ફરતા પહેલાં ચીની ભેટો, ખાસ કરીને બર્નર ફોન, ઓળખપત્રો અને મેડલ એરપોર્ટના ડસ્ટબિનમાં ફેંકી દીધા. જાસૂસી અને ડેટા ચોરીના ભારે ડરને કારણે આ કડક સુરક્ષા પગલાં લેવાયા હતા, જે યુએસ-ચીન વચ્ચેના ઊંડા અવિશ્વાસને દર્શાવે છે.

નેધરલેન્ડ પહોંચેલા PM મોદીનું ભારતીય સમુદાયે ભવ્ય સ્વાગત કર્યું. ભારત-EU FTA બાદ આર્થિક સંબંધોને નવી ગતિ મળી છે. સેમિકન્ડક્ટર, સ્વચ્છ ઉર્જા, રોકાણ જેવા ક્ષેત્રોમાં સહયોગ મજબૂત થશે. PM મોદી ડચ PM રોબ જેટેન અને રાજા-રાણીને મળશે. નેધરલેન્ડ સાથેના સહયોગને નવી ઊંચાઈઓ પર લઈ જવા આ મુલાકાત અત્યંત મહત્વપૂર્ણ છે.

નેપાળ સુપ્રીમ કોર્ટે ભારતથી રોજિંદી ઉપયોગની વસ્તુઓ લાવવા-લઈ જવા પર બાલેન શાહ સરકારના કડક નિયમો પર સ્ટે લગાવ્યો. ₹100 ની મર્યાદાને કારણે સામાન્ય નાગરિકોને મુશ્કેલી અને સુરક્ષાકર્મીઓ સાથે વિવાદો સર્જાતા હતા.

મિડલ ઈસ્ટમાં ચાલી રહેલા તણાવ વચ્ચે બે મોટા સમાચાર સામે આવ્યા છે. એક તરફ અમેરિકાની મધ્યસ્થીથી ઈઝરાયલ અને લેબેનોન વચ્ચેનો યુદ્ધવિરામ વધુ 45 દિવસ માટે લંબાવવા પર સહમતિ સધાી છે. તો બીજી તરફ, ગાઝા મોરચે ઈઝરાયલી સૈન્યને મોટી સફળતા મળી છે. શુક્રવારે કરાયેલા એક હવાઈ હુમલામાં ઈઝરાયલે હમાસના લશ્કરી પાંખના વડા ઇઝ અલ-દિન અલ-હદ્દાદને ઠાર કર્યો છે.

કોંગોમાં ઇબોલા વાયરસથી ઓછામાં ઓછાં 65 મૃત્યુ નોંધાયાં છે અને સેંકડો લોકો તેથી સંક્રમિત છે. આ પૂર્વે 2018 થી 2020 સુધીમાં આ વાયરસના પ્રકોપથી કોંગોમાં 32 હજારથી વધુ લોકોનાં મૃત્યુ થયાં હતાં. માત્ર શ્વાસથી પણ ફેલાતા, આ ભયંકર રોગે ડેમોક્રેટિક રીપબ્લિક ઓફ કોંગો (ડીઆરસી)માં 65 નાં તો મૃત્યુ નોંધાયા જ છે. પરંતુ 100થી વધુ સંદિગ્ધોને હોસ્પિટલમાં દાખલ કરાયા છે. હજી સુધીમાં ઈબોલા સંક્રમિત તેના 246 કેસો જાણવા મળ્યાં છે.

અમેરિકામાં ડોનાલ્ડ ટ્રમ્પ અને તેમની પાર્ટી રિપબ્લિકન વિદેશી નાગરિકોને વારંવાર નિશાન બનાવે છે. ડોનાલ્ડ ટ્રમ્પની પાર્ટીના સેનેટર એરિક શ્મિટ્ટએ હૈદરાબાદના બાલાજી મંદિરને 'Visa Temple' ગણાવી H-1B વિઝાની ટીકા કરી. તેમણે કહ્યું કે ભારતીયોના કારણે અમેરિકનને નોકરીઓ મળતી નથી. આ નિવેદનથી વિવાદ સર્જાયો છે.

વિશ્વ બજાર પાછળ ઘરઆંગણે અમદાવાદ ઝવેરી બજારમાં આજે સોનાના ભાવ ૧૦ ગ્રામદીઠ રૂ.૩૦૦૦ તથા ચાંદીના ભાવ રૂ.૨૦ હજાર તૂટી ગયા હતા! વિશ્વ બજારમાં સોનાના ભાવ ૪૭૦૫થી ૪૭૦૬ ડોલરવાળા જે ગબડી નીચામાં ભાવ ૪૫૩૨ થઆ ૪૫૪૯થી ૪૫૫૦ ડોલર રહ્યા હતા. ડોલરનો વૈશ્વિક ઈન્ડેક્સ વધી જતાં વૈશ્વિક સોનામાં આજે ફંડોનું સેલીંગ વધ્યું હોવાનું બજારના જાણકારો જણાવી રહ્યા હતા.

દિલ્હીમાં BRICS સમિટમાં ભાગ લેવા પહોંચેલા ઈરાનના વિદેશ મંત્રી અબ્બાસ અરાઘચીએ ભારત અને ઈરાનના સંબંધોને વધુ મહત્વના ગણાવ્યા, કહ્યું,-' બંને દેશો વચ્ચે ઊંડી મિત્રતા અને મજબૂત રણનૈતિક સહયોગ છે. તેમણે ભારત સરકાર અને વિદેશ મંત્રી એસ. જયશંકરની ઉષ્માભરી મહેમાનગતિ માટે ખુલ્લીને વખાણ કર્યા હતા. અરાઘચીએ કહ્યું કે પાછલા બે મહિના દરમિયાન તેમના દેશ પર આક્રમક કાર્યવાહી થઈ રહી છે. ત્યારે પણ ભારત સાથે સતત સંપર્ક રાખ્યો હતો.

OpenAIમાંથી સેમ ઓલ્ટમેનને હટાવ્યા બાદ, માઇક્રોસોફ્ટના સીઇઓ સત્ય નડેલાએ ખુલાસો કર્યો કે તેમણે રાતોરાત 25 બિલિયન ડોલર (આશરે 2 લાખ કરોડ રૂપિયા)નું ભંડોળ તૈયાર રાખ્યું હતું. આ રકમ સેમ ઓલ્ટમેન, ગ્રેગ બ્રોકમેન અને OpenAIના અન્ય કર્મચારીઓને માઇક્રોસોફ્ટમાં લાવવા માટે હતી. નડેલાએ આ નિર્ણયને "અમેચ્યોરિશ" ગણાવ્યો અને કહ્યું કે માઇક્રોસોફ્ટને બોર્ડ તરફથી કોઈ સ્પષ્ટ જવાબ મળ્યો ન હતો.

BRICS દેશોના વિદેશ મંત્રીઓની બેઠકમાં ભારતે દરિયાઈ સુરક્ષા, ઊર્જા પુરવઠા અંગે ચિંતા વ્યક્ત કરી. એસ. જયશંકરે જણાવ્યું હતું કે, હોર્મુઝ સ્ટ્રેટ અને રેડ સી જેવા આંતરરાષ્ટ્રીય જળમાર્ગો દ્વારા સુરક્ષિત અને અવરોધ વિનાનો દરિયાઈ પ્રવાહ વૈશ્વિક આર્થિક સુખાકારી માટે અત્યંત આવશ્યક છે. તેમણે ચેતવણી આપી હતી કે મધ્ય પૂર્વમાં ચાલી રહેલા સંઘર્ષને કારણે ઊર્જા પુરવઠામાં વિક્ષેપ પડી શકે છે. ભારતે બ્રિક્સના સભ્ય દેશો, ખાસ કરીને ઈરાન અને UAEને અપીલ કરી છે કે તેઓ આ અભૂતપૂર્વ ભૌગોલિક-રાજકીય અનિશ્ચિતતા અને 'એકતરફી પ્રતિબંધો'નો સામનો કરવા માટે કોઈ વ્યવહારુ રસ્તો શોધે.

PM મોદી UAE પહોંચ્યા, F-16 વિમાનો દ્વારા ભવ્ય સ્વાગત. UAE રાષ્ટ્રપતિ સાથે ગુજરાત માટે ખાસ ડીલ, ઈરાનના હુમલાની નિંદા કરી. રક્ષણ, ઊર્જા, અને ઇન્ફ્રાસ્ટ્રક્ચરમાં 5 અબજ USDના કરાર. ગુજરાતના વાડીનારમાં શિપ રિપેર ક્લસ્ટર બનશે. પીએમ મોદીએ યુએઈના રાષ્ટ્રપતિ સાથેની મુલાકાત દરમિયાન વિવિધ મુદ્દાઓ પર ચર્ચા કરી હતી. આ બેઠક દરમિયાન તેમણે તાજેતરમાં યુએઈ પર થયેલા હુમલાઓની સખત નિંદા કરી હતી અને ખાતરી આપી હતી કે ભારત હંમેશા યુએઈની સુરક્ષા માટે તેની પડખે ઉભું રહેશે. ખાસ કરીને વેપાર અને ઊર્જાના પુરવઠાને કોઈ નુકસાન ન થાય તે માટે તેમણે હોર્મુઝ સ્ટ્રેટને વહેલી તકે કાર્યરત કરવા પર ભાર મૂક્યો હતો.

અમેરિકામાં ગૌતમ અદાણી અને અદાણી ગ્રૂપ પરના લાંચ અને ફ્રોડના આરોપોમાં રાહત. Department of Justice ક્રિમિનલ કેસ પાછા ખેંચી શકે છે, SEC સિવિલ કેસ ઉકેલ તરફ. આંતરરાષ્ટ્રીય સ્તરે મોટી જીત ગણાશે, શેરોમાં તેજી આવી શકે છે.

અમેરિકામાં 'પંજાબી ડેવિલ્સ' ગેંગનો સ્થાપક જશ્નનપ્રીત સિંહને મશીનગન અને હેન્ડ ગ્રેનેડના કાળા કારોબાર બદલ 5 વર્ષ અને 4 મહિનાની સખત જેલની સજા. આ ગેંગ 'હેલ્સ એન્જલ્સ' સાથે પણ જોડાયેલી. અંડરકવર ઓપરેશનમાં પકડાયો અને ભારત ભાગી જતાં પહેલાં એરપોર્ટ પર ધરપકડ.

PM મોદી 15થી 20 મે દરમિયાન પાંચ દેશોના પ્રવાસે જઈ રહ્યા છે. આ મુલાકાતનો મુખ્ય ઉદ્દેશ્ય વેપાર, રોકાણ અને ઊર્જા ક્ષેત્રે વૈશ્વિક ભાગીદારો સાથે સંબંધો મજબૂત કરવાનો છે. PM મોદી આજથી યુનાઈટેડ આરબ એમિરેટ્સથી પોતાના પ્રવાસની શરૂઆત કરશે. અબુ ધાબી ખાતે તેઓ યુએઈના રાષ્ટ્રપતિ શેખ મોહમ્મદ બિન જાયદ અલ નાહયાન સાથે મુલાકાત કરશે. ત્યારબાદ, 15થી 17 મે દરમિયાન તેઓ નેધરલેન્ડની મુલાકાતે જશે. ત્યાં તેઓ ડચ પ્રધાનમંત્રી રાબ જેટેન સાથે દ્વિપક્ષીય મંત્રણા કરશે અને કિંગ વિલેમ-એલેક્ઝાન્ડર તથા ક્વીન મેક્સિમા સાથે પણ મુલાકાત કરશે.

ઈરાન અને અમેરિકા વચ્ચેના તણાવ અને હોર્મુઝ સ્ટ્રેટમાં સર્જાયેલી નાકાબંધીને કારણે ભારતમાં મોંઘવારીનો માર તેજ બન્યો છે. પેટ્રોલ અને ડીઝલના ભાવમાં વધારા બાદ હવે સીએનજી (CNG) ના ભાવમાં પણ પ્રતિ કિલોએ 2 રૂપિયાનો વધારો કરવામાં આવ્યો છે. દિલ્હીમાં સીએનજીની કિંમત 77.09 રૂપિયાથી વધીને હવે 79.09 રૂપિયા પ્રતિ કિલો થઈ ગઈ છે.

ક્રુડ તેલના ભાવ ૩-૬ મહિના સુધી ૧૦૦ ડોલર ઉપર રહે તો GDPમાં ૦.૫% ઘટાડો થઈ શકે છે. આંતરરાષ્ટ્રીય ભાવ પર ૧૫% ખર્ચ લાગે છે. પશ્ચિમ એશિયા કટોકટીને કારણે ઊર્જાના ભાવ વધ્યા છે, જેના પર નીતિવિષયકો ફુગાવા, બાહ્ય પરિબળો અને રાજકોષિય જોખમો પર નજર રાખી રહ્યા છે. ભારત ૮૫% થી વધુ ક્રુડ તેલ આયાત કરે છે, જે મોટાભાગે હોર્મુઝ ખાડી મારફતે આવે છે.

ડોનાલ્ડ ટ્રમ્પ અને શી જિનપિંગ વચ્ચેની આ મુલાકાત માત્ર વેપાર માટે જ નહીં, પરંતુ વૈશ્વિક વ્યૂહાત્મક સંતુલન માટે પણ મહત્વપૂર્ણ છે. અમેરિકા અને ચીન બંનેને સાથી અને સ્પર્ધકો માનવામાં આવે છે, તેથી આ બેઠકનું રાજદ્વારી મહત્વ નોંધપાત્ર છે, જે સમગ્ર વિશ્વને અસર કરશે. ટેરિફ્ યુદ્ધ, ઈરાન કટોકટી અને દુર્લભ પૃથ્વી ખનિજો પર ચીનના નિયંત્રણ જેવા મુદ્દાઓ ચર્ચામાં રહેશે. તેમની પરસ્પર નિર્ભરતા અને જરૂરિયાતને કારણે સહકારનો માર્ગ શોધવાની અપેક્ષા છે.

ભારતથી વિપરિત સ્થિતિ અગાઉના સરકારી શટડાઉનોમાં કોંગ્રેસના સભ્યોના વેતન-ભથ્થાં ચાલુ રહેવાના કારણે ભારે ઉહાપોહ થયો વોશિંગ્ટન: અમેરિકાના ભાવિ શટડાઉનમાં હવે સેનેટરોને પણ તેમના વેતન અને ભથ્થાં નહીં મળે. આ માટેની તૈયારી આદરવામા આવી ચૂકી છે. સેનેટે પોતે જ સરકારી શટડાઉન દરમિયાન સેનેટરોના વેતન અને ભથ્થાં અટકાવતો વિથહોલ્ડ પેનો ઠરાવ ૯૯-૦થી પસાર કર્યો હતો. જ્યારે રિપબ્લિકન સેનેટર પીટ રિકેટ્સે હાજર રહ્યા ન હતો.

વૈશ્વિક ધોરણે પાંચ ટકા કર્મચારીઓ અસરગ્રસ્ત - એઆઈ ડેટા સેન્ટર અને ઈન્ફ્રાસ્ટ્રક્ચર સેક્ટરમાં માંગ વધી : કંપનીને 1 અબજ ડોલરથી વધુના ઓર્ડર મળ્યા  ન્યૂ યોર્ક: અમેરિકાની ટેકનોલોજી કંપની સિસ્કોએ લગભગ ૪,૦૦૦ કર્મચારીઓની છટણી કરવાની જાહેરાત કરી છે. કંપની હવે એઆઈ, સાયબર સિક્યોરિટી અને સિલિકોન ટેકનોલોજી બિઝનેસ પર વધુ ધ્યાન કેન્દ્રિત કરી રહી છે.

અમેરિકન રાષ્ટ્ર પ્રમુખ ડોનાલ્ડ ટ્રમ્પ ચીનના પ્રવાસે છે. તેમણે આજે ગુરુવારે ચીની રાષ્ટ્ર પ્રમુખ શી જિનપિંગ સાથે મુલાકાત કરી. ત્યારબાદ જિનપિંગે ટ્રમ્પના સન્માનમાં ભોજન સમારંભનું આયોજન કર્યું હતું. જેમાં શી જિનપિંગે કહ્યું કે ચીન અને અમેરિકા મહાન રાષ્ટ્રો છે. ચીનનું પુનરુત્થાન હાંસલ કરવું અને અમેરિકાને ફરીથી મહાન બનાવવું સાથે-સાથે ચાલી શકે છે. બંને દેશોએ પ્રતિસ્પર્ધી નહીં પરંતુ ભાગીદાર બનવું જોઈએ. બીજી તરફ ટ્રમ્પે પોતાના ભાષણમાં શી જિનપિંગને પોતાના મિત્ર કહીને સંબોધ્યા હતા. તેમણે કહ્યું કે બંને દેશોના સંબંધો અમેરિકાની સ્થાપનાના સમયથી જ ચાલ્યા આવે છે.

ઓમાનના દરિયાકાંઠે ગુજરાતના કાર્ગો જહાજ 'MSV હાજી અલી' પર ડ્રોન/મિસાઇલ હુમલો થયો, જે બાદમાં ડૂબી ગયું. આ ઘટનાને ભારત સરકારે 'અસ્વીકાર્ય' ગણાવી છે. સદનસીબે, તમામ 14 ભારતીય ક્રૂ મેમ્બર્સ સુરક્ષિત છે, ઓમાન કોસ્ટ ગાર્ડના તાત્કાલિક બચાવ કાર્ય બદલ ભારત તેમનો આભાર માન્યો છે. મધ્ય પૂર્વમાં વધી રહેલા તણાવ વચ્ચે આ હુમલો આંતરરાષ્ટ્રીય દરિયાઈ માર્ગોની સુરક્ષા પર પ્રશ્નો ઊભા કરે છે.

વડાપ્રધાન નરેન્દ્ર મોદીની ૧૫ મેના રોજ ખાડી રાષ્ટ્રની મુલાકાત દરમિયાન ભારત અને UAE, LPG અને વ્યૂહાત્મક પેટ્રોલિયમ અનામતના ક્ષેત્રોમાં સહયોગ વધારવા માટે બે મહત્વપૂર્ણ કરારો કરે તેવી અપેક્ષા છે, એમ સત્તાવાર સૂત્રોએ બુધવારે જણાવ્યું હતું. તેમણે જણાવ્યું હતું કે મોદીના UAE પ્રવાસનો મુખ્ય ઉદ્દેશ્ય ભારતની ઉર્જા સુરક્ષાને વધારવાનો રહેશે. યુરોપના પાંચ દિવસના ચાર દેશોના પ્રવાસ પર નીકળતા પહેલા વડાપ્રધાન લગભગ ચાર કલાક માટે ગલ્ફ રાષ્ટ્રમાં રહેશે. UAEએ વિશ્વના ટોચના તેલ નિકાસકારોના મુખ્ય જૂથ, ઓર્ગેનાઇઝેશન ઓફ ધ પેટ્રોલિયમ એક્સપોર્ટિંગ કન્ટ્રીઝ(OPEC) છોડવાની જાહેરાત કર્યાના થોડા દિવસો પછી આ મુલાકાત આવી છે.