પેરુના રણમાં આવેલ નાઝ્કા રેખાઓ 2000 વર્ષ જૂની રહસ્યમય ભૂસ્તરલિપિઓ છે, જેને ફક્ત આકાશમાંથી જ જોઈ શકાય છે. આ વિશાળ આકૃતિઓ નાઝ્કા લોકોએ કોઈ આધુનિક સાધનો વિના બનાવેલી છે, જેના હેતુ અંગે આજ સુધી સ્પષ્ટતા થઈ નથી. કેટલીક થિયરીઝ અનુસાર આ રેખાઓ ખગોળીય કેલેન્ડર, ધાર્મિક માર્ગો કે પાણી માટેના સંકેતો હોઈ શકે. હવે આ રહસ્યો ઉકેલવા માટે આર્ટિફિશિયલ ઈન્ટેલિજન્સ (AI) અને મશીન લર્નિંગ (ML) નો ઉપયોગ થઈ રહ્યો છે. 2018થી શરૂ થયેલા સંશોધનમાં AI દ્વારા અત્યાર સુધી 300થી વધુ નવા જીયોગ્લિફ્સ શોધાયા છે. સંશોધન ઝડપથી આગળ વધે તે માટે ટેકનોલોજી મહત્વપૂર્ણ બની છે.