પંજાબના રાજકારણમાં પક્ષપલટા બાદ હવે સુરક્ષાને લઈને નવો વિવાદ છેડાયો છે. પૂર્વ ક્રિકેટર અને રાજ્યસભા સાંસદ હરભજન સિંહના ઘરની બહાર થયેલા વિરોધ પ્રદર્શન અને પંજાબ સરકાર દ્વારા સુરક્ષા હટાવ્યાના ગણતરીના કલાકોમાં જ કેન્દ્રીય ગૃહ મંત્રાલયે મોટું પગલું ભર્યું છે. કેન્દ્ર સરકારે હરભજન સિંહ સહિત ભાજપમાં જોડાયેલા તમામ 7 સાંસદોને CRPFની સુરક્ષા પૂરી પાડી છે. ગૃહ મંત્રાલયના સૂત્રોના જણાવ્યા અનુસાર, હરભજન સિંહ ઉપરાંત સંદીપ પાઠક, અશોક મિત્તલ, સ્વાતિ માલીવાલ, રાજેન્દ્ર ગુપ્તા અને વિક્રમજીત સાહનીને હવે કેન્દ્રીય સુરક્ષા દળોનું રક્ષણ મળશે.

આમ આદમી પાર્ટી (AAP)માં મોટા ભંગાણ વચ્ચે પંજાબની ભગવંત માન સરકારે પૂર્વ ક્રિકેટર અને રાજ્યસભા સાંસદ હરભજન સિંહની સિક્યોરિટી પાછી ખેંચી લીધી છે. આ પગલું એવા સમયે લેવામાં આવ્યું છે જ્યારે એવી ચર્ચાઓ જોર પકડ્યું છે કે 'ટર્બનેટર' ટૂંક સમયમાં જ AAPને અલવિદા કહીને કેસરીયો ધારણ કરી શકે છે. હરભજન સિંહના અંગત સચિવ (PA) મનદીપ સિંહે જણાવ્યું કે, પંજાબ સરકારે અચાનક કાર્યવાહી કરતા તેમની સંપૂર્ણ પોલીસ સિક્યોરિટી પાછી ખેંચી લીધી છે. પ્રાપ્ત માહિતી પ્રમાણે હરભજન સિંહના નિવાસસ્થાનની બહાર તહેનાત અંદાજે 9 થી 10 જવાનોનો પહેરો હટાવી દેવામાં આવ્યા છે.

ભારતના સૌથી પ્રતિષ્ઠિત અને વિશ્વવિખ્યાત ફોટોગ્રાફર રઘુ રાયનું રવિવારે નિધન થયું છે. 83 વર્ષની વયે તેમણે અંતિમ શ્વાસ લીધા હતા. તેમના નિધનની જાણકારી પરિવારે સત્તાવાર ઇન્સ્ટાગ્રામ હેન્ડલ દ્વારા આપી છે. રઘુ રાયના નિધનથી ભારતીય પત્રકારત્વ અને કળા જગતે એક અમૂલ્ય રત્ન ગુમાવ્યું છે. રઘુ રાયની કારકિર્દીની સૌથી ચર્ચિત અને હૃદયદ્રાવક તસવીર 1984ના ભોપાલ ગેસકાંડની હતી. ગેસ ગળતર બાદ એક માસૂમ બાળકની નિર્જીવ આંખોવાળી તેમની તસ્વીરે આખી દુનિયાનું ધ્યાન ખેંચ્યું હતું. આ તસવીરમાત્ર એક ફોટો નહીં, પણ કોર્પોરેટ બેદરકારી સામે વૈશ્વિક સ્તરે ઉઠેલો અવાજ બની ગઈ હતી.

પશ્ચિમ બંગાળ વિધાનસભા ચૂંટણીના માહોલ વચ્ચે ભવાનીપુરમાં શનિવારે ભારે તણાવ જોવા મળ્યો હતો. તૃણમૂલ કોંગ્રેસ (TMC) ના સુપ્રીમો મમતા બેનર્જી અને ભાજપના નેતા શુભેન્દુ અધિકારીની રેલીઓ માત્ર 100 મીટરના અંતરે યોજાતા બંને પક્ષના કાર્યકરો સામસામે આવી ગયા હતા. પરિસ્થિતિ એટલી હદ સુધી વણસી હતી કે સુરક્ષા દળોએ હસ્તક્ષેપ કરવો પડ્યો હતો. CM મમતા બેનર્જી જ્યારે જનસભાને સંબોધિત કરી રહ્યા હતા, ત્યારે તેમણે ભાજપ પર તેમની સભામાં ખલેલ પહોંચાડવાનો આરોપ લગાવ્યો હતો.

'વ્હાઇટ હાઉસ કોરસપોન્ડન્ટ્સ ડિનર' દરમિયાન થયેલા ફાયરિંગ બાદ પ્રમુખ ટ્રમ્પે પ્રેસને સંબોધિત કરતા પોતાની અને કેબિનેટની સુરક્ષાની પુષ્ટિ કરી છે. ટ્રમ્પે સિક્રેટ સર્વિસની ત્વરિત કાર્યવાહીના વખાણ કરતા જણાવ્યું કે હુમલાખોર પકડાઈ ગયો છે અને આ સ્થગિત થયેલો કાર્યક્રમ આગામી 30 દિવસમાં ફરી યોજવામાં આવશે.ટ્રમ્પે કહ્યું કે, ફાયરિંગ દરમિયાન સિક્રેટ સર્વિસે અત્યંત બહાદુરી બતાવી. તેમણે મને, મેલાનિયા અને જેડી વેન્સ સહિત તમામ લોકોને તાત્કાલિક સુરક્ષિત બહાર કાઢ્યા તે કાબિલે તારીફ છે.

એમેચ્યોર રેડીયો સોસાયટી ઓફ ઇન્ડિયા દ્વારા આયોજિત હિલટોપ કોન્ટેસ્ટમાં દેશભરની 42 ટીમોએ ભાગ લીધો. આ સ્પર્ધામાં ઇન્સ્ટિટયૂટ ઓફ એમેચ્યોર રેડીયો ની ટીમે ભાગ લઈને પ્રથમ સ્થાન મેળવ્યું. સ્પર્ધા અંતર્ગત ટીમોએ પોતાના રાજ્યમાં આવેલા પર્વતો અથવા ઊંચી ટેકરીઓ પર હેમ સ્ટેશન સ્થાપિત કરીને એકબીજા સાથે સંપર્ક સાધ્યો. ગુજરાતની ટીમે પાલીતાણા કદમ્બગિરી કમળાઈ માતા મંદિર નજીક હેમ સ્ટેશન સ્થાપિત કર્યું હતું. ટીમનું નેતૃત્વ રૂચિર પુરોહિત દ્વારા કરાયું હતું. સાથે જ ડો. જગદીશ પંડ્યા અને પ્રવીણ વલેરાએ માર્ગદર્શન આપ્યું.

દુનિયાભરમાં દર 24 કલાકે 89 નવા લોકો સુપર-રિચ ક્લબમાં સામેલ થઈ રહ્યા છે, જેમની સંપત્તિ 3 કરોડ ડોલરથી વધુ છે. ભારતમાં શ્રીમંતોની સંખ્યા 2021માં લગભગ 12,000 થી વધીને 2026માં 19,877 થઈ ગઈ, જે 63% નો વધારો છે. અંદાજ છે કે 2031 સુધીમાં દેશમાં અબજોપતિઓ 51% વધીને 313 થઈ જશે. ગ્લોબલ અલ્ટ્રા-વેલ્થમાં ભારતનો હિસ્સો હાલમાં માત્ર 2.8% છે, પણ તે સતત વધી રહ્યો છે.

અમદાવાદ: પશ્ચિમ એશિયા યુદ્ધ અને Shipping રૂટ બંધ થતાં ભારતની Engineering નિકાસમાં મોટો ઘટાડો થયો છે. UAEમાં 66.8% અને સાઉદી અરેબિયામાં 45% ઘટાડો થયો છે. માર્ચમાં UAEમાં Engineering માલની નિકાસ ઘટીને $237.4 મિલિયન થઈ, જે ગયા વર્ષે $714.8 મિલિયન હતી. પરિસ્થિતિ ચિંતાજનક છે.

સરકારે ઘઉં ખરીદીનો ટાર્ગેટ 3 કરોડ ટનથી 15% વધારીને 3.45 કરોડ ટન કર્યો. કમોસમી વરસાદને કારણે ઘઉંની ગુણવત્તા બગડી છે અને ખેડૂતોને નીચા ભાવે વેચવાની ફરજ પડી રહી છે. આથી વધુ ખેડૂતો ટેકાના ભાવે વેચશે, જેને ધ્યાનમાં રાખી સરકારે ખરીદી ટાર્ગેટ વધાર્યો હોવાનું મનાય છે.

અમેરિકા-ઇઝરાયેલ-ઈરાન સંઘર્ષ સૈન્ય પ્રદર્શન સાથે અબજો ડોલરની રમત છે. શાંતિવાર્તા ટૂંકી ચાલી, વૈશ્વિક બજાર બદલાયું. યુરોપે ફોસિલ ફ્યુઅલના બિલ પેટે 25.70 અબજ ડોલરનો બોજ ઉઠાવવો પડ્યો. ઈરાનની આવક બમણી થઈ, અમેરિકાની ‘બિગ ઓઈલ’ કંપનીઓએ અબજો ડોલરનો નફો કર્યો. IMF મુજબ એશિયાનો વિકાસ દર ઘટશે. યુદ્ધથી રશિયાને ફાયદો, સોનાના ભાવ વધ્યા. ભારતીય શેરબજાર અસ્થિર થયું. સંરક્ષણ બજેટ વધવાથી સામાજિક ખર્ચ ઘટશે.

આર્મ્સ ડીલર્સની અંધારી દુનિયાનો લેખ: 'ક્રોસિંગ...' જહાજ દુબઈથી નીકળ્યું, CIAના રડાર પર હતું. કન્સાઈન્મેન્ટમાં 'ઇન્ડસ્ટ્રિયલ ઇક્વિપમેન્ટ્સ' હતાં. અમેરિકાએ તોપમારો કરી જહાજને ઘેરી લીધું, જેમાં યુરેનિયમ શુદ્ધિકરણ માટેના સેન્ટ્રિફ્યુઝ હતા. લિબિયાના ગદ્દાફીએ અમેરિકાના દબાણથી કાર્યક્રમ બંધ કર્યો, પાકિસ્તાને ચોરી કરીને અણુબોમ્બ બનાવ્યો. કાશ્મીરમાં ઉગ્રવાદ માટે દલ્લો વાપર્યો. પાકિસ્તાને વેચેલી ટેક્નોલોજીનો લાભાર્થી ઈરાન પણ હતું.

આયર્લેન્ડ, હરિયાળીથી ભરપૂર ભૂપ્રદેશ માટે 'એમરાલ્ડ ટાપુ' તરીકે ઓળખાય છે, યુરોપમાં એક અનોખો દેશ છે. પ્રવાસન સ્થળ તરીકે આયર્લેન્ડમાં પ્રાકૃતિક સૌંદર્ય માણવા માટે ટ્રિપનું પ્લાનિંગ કરવું, ડ્રાઇવિંગ માટે લાયસન્સ મેળવવું, શહેરમાં પબ્લિક ટ્રાન્સપોર્ટનો ઉપયોગ કરવો, અને VAT refund મેળવવાનું ભૂલવું નહિં. કપડાં સમજી વિચારીને પેક કરવા. આઇરિશ લોકો સાથે વિવેકપૂર્ણ વ્યવહાર રાખવો.

Iran-America વચ્ચે યુદ્વ વિરામ લંબાવી Trumpએ આશ્ચર્યમાં મૂક્યા. ક્રૂડ ઓઈલના ભાવ વધીને 105 ડોલર થયા. Geopolitical ટેન્શન અને કોર્પોરેટ પરિણામોની નેગેટીવ અસર છે. IT ઉદ્યોગની સ્થિતિ નબળી હોવાથી IT શેરોમાં ઘટાડો થયો છે. Pakistanના યુદ્વના અંત માટે પ્રયાસોથી બજાર રિબાઉન્ડ થઈ શકે છે. પરિસ્થિતિમાં આગામી સપ્તાહમાં બજારમાં રિકવરી આવી શકે છે.

દિલ્હી પોલીસે 1997ના હત્યા કેસના ફરાર આરોપી સલીમ અહેમદને 25 વર્ષે પકડ્યો. આરોપીને આજીવન કેદ થઈ હતી, પણ જામીન પર ભાગી ગયો હતો. તેણે પોતાને મૃત જાહેર કર્યો અને UP, હરિયાણામાં ઓળખ છુપાવીને રહેતો હતો. UP પોલીસે તેને સુરક્ષા આપી હતી. દિલ્હી પોલીસને આ સફળતા મળી.

ગુજરાત સ્ટેટ નેટવર્ક ઓફ પીપલ લીવીંગ વિથ HIV એઇડ્સ દ્વારા HIV પોઝિટિવ યુવક-યુવતીઓ માટે જીવનસાથી પસંદગી મેળાનું આયોજન થયું. આ મેળાનો હેતુ HIV પોઝિટિવ વ્યક્તિઓને સન્માનજનક જીવન જીવવાની પ્રેરણા આપવાનો છે. 14મા મેળામાં ગુજરાત સહિત અન્ય રાજ્યોના 650 ઉમેદવારોએ ભાગ લીધો, જેમાં 12 યુવક-યુવતીના લગ્ન નક્કી થયા. HIV સંક્રમણની રોકથામ અને નવી પેઢીને HIV મુક્ત કરવાનો આ પ્રયાસ છે.

જયપુરના મહારાણી ગાયત્રી દેવીના કલેક્શનનું ૧૭મી સદીનું કાંસાનું નક્ષત્રયંત્ર, જેને ખગોળીય કોમ્પ્યુટર માનવામાં આવે છે, તેની આગામી સપ્તાહે લંડનમાં Sotheby's દ્વારા હરાજી થશે. જહાંગીરના સમયકાળમાં બનેલા આ ઇસ્લામિક આર્ટના અદભુત નમૂનાની હરાજીમાં 15 થી 25 લાખ પાઉન્ડ ઉપજવાની આશા છે. આ નક્ષત્રયંત્ર લીલામીમાં કેન્દ્રસ્થાને રહેશે.

પંજાબ આપમાં અસંતોષ અને BJP દ્વારા ઓપરેશન લોટસના દાવા વચ્ચે, પંજાબમાં 28 અને દિલ્હીમાં 22 MLA આપ છોડીને BJPમાં જોડાય તેવી અટકળો છે. રાઘવ ચઢ્ઢા સહિત સાત સાંસદોને અયોગ્ય જાહેર કરવાની આપની માગણીથી રાજકીય માહોલ ગરમાયો છે. સ્વાતિ માલિવાલે કેજરીવાલના સંરક્ષણમાં આપમાં ભ્રષ્ટાચર વધ્યો હોવાનો આક્ષેપ કર્યો છે.

ફોકોમેલિયાથી પીડિત, હાથ વિનાના ગેબ્રિયલએ પેરાલિમ્પિક સ્વિમિંગમાં પાંચ ગોલ્ડ મેડલ જીતી ઈતિહાસ રચ્યો. પડકારો સામે હિંમતથી લડી પરિસ્થિતિ બદલવાની હામ રાખનાર માટે એવરેસ્ટ પણ ટેકરી સમાન છે. ધીરજ અને પરિશ્રમથી અકલ્પનીય સફળતા મળે છે. ફરિયાદને બદલે પડકાર પાર કરવામાં સમય આપો, ગેબ્રિયલની જેમ ચમત્કારિક ઊંચાઈને આંબી શકાય છે.

અમેરિકન AI કંપનીના મિથોસ મોડેલના ખોટા હાથમાં પડવાના અહેવાલોથી ખતરો વધી ગયો છે. નાણામંત્રી અને IT મંત્રીએ બેન્કોના પ્રમુખો સાથે બેઠક કરી IT સિસ્ટમ, ગ્રાહકોના ડેટા અને નાણાં સુરક્ષિત રાખવા તાકીદ કરી છે. બેન્કિંગ સેક્ટરને રિયલ ટાઈમ ઈન્ટેલિજન્સ શેરિંગ મિકેનિઝમ બનાવવા નાણામંત્રાલયનું સૂચન કરાયું અને એલર્ટ રહેવા જણાવ્યું છે.

રશિયાના વિદેશ મંત્રી સર્ગેઈ લાવરોવે અમેરિકા પર સીધો અને મોટો આરોપ લગાવ્યો છે. તેમનું કહેવું છે કે અમેરિકા વિશ્વના અનેક દેશોમાં જે દખલગીરી કરે છે, તેની પાછળનું અસલી કારણ તેલ અને પોતાનો ફાયદો છે. એક ઈન્ટરવ્યુમાં લાવરોવે કહ્યું કે અમેરિકા પોતે પણ સ્વીકારે છે કે તેને કોઈની નહીં, માત્ર પોતાના હિતોની ચિંતા છે. લાવરોવે સ્પષ્ટ શબ્દોમાં કહ્યું કે વેનેઝુએલા અને ઈરાન જેવા દેશોમાં અમેરિકાનો રસ છુપાયેલો નથી. તેમના મતે આ દેશોમાં તેલનો મોટો ભંડાર છે અને આ જ અસલી કારણ છે કે અમેરિકા ત્યાં સક્રિય રહે છે.

પંજાબમાં આમ આદમી પાર્ટી છોડીને ભાજપમાં સામેલ થયેલા રાજ્યસભા સાંસદોને લઈને રાજકીય તોફાન તેજ બન્યું છે. પૂર્વ ક્રિકેટર હરભજન સિંહ સહિતના નેતાઓ સામે રસ્તા પર ઉતરેલા કાર્યકરોનો રોષ જોવા મળી રહ્યો છે. જલંધરમાં હરભજન સિંહના નિવાસસ્થાનની બહાર અજાણ્યા લોકોએ કાળા રંગથી પંજાબનો ગદ્દાર લખી વિરોધ નોંધાવ્યો છે. પંજાબના મુખ્યમંત્રી ભગવંત માને ભાજપ પર પ્રહારો કર્યા હતા. માને જણાવ્યું કે, ભાજપ પ્રાદેશિક પક્ષોને ગળી જનારો પક્ષ છે. આ ઘટનાક્રમ પર ચંદીગઢમાં પ્રેસ કોન્ફરન્સ યોજી મુખ્યમંત્રી ભગવંત માને ભાજપ અને પક્ષ છોડનારા નેતાઓ પર આકરા પ્રહારો કર્યા હતા.

ભારતના પૂર્વોત્તર રાજ્યો મણિપુર અને મિઝોરમમાં વસતા બની મેનાશે સમુદાય માટે 23 એપ્રિલનો દિવસ ઐતિહાસિક બની ગયો. આ સમુદાયના 250 સભ્યો જ્યારે ઈઝરાયલના બેન ગુરિયન ઍરપૉર્ટ પર ઉતર્યા, ત્યારે વાતાવરણ ભાવુક બની ગયું હતું. 27 સદીઓ પહેલા વિખૂટા પડેલા આ લોકોને ઈઝરાયલ સરકારે લોસ્ટ ટ્રાઇબ્સ (ખોવાયેલા યહૂદી કબીલા) તરીકે આવકાર્યા છે. આ પ્રવાસીઓની ઘર વાપસી ઈઝરાયલના ખાસ કાર્યક્રમ ઓપરેશન વિંગ્સ ઓફ ડૉન અંતર્ગત કરવામાં આવી છે. એરપોર્ટ પર ઈઝરાયલના ઇમિગ્રેશન મંત્રી ઓફિર સોફરે પોતે હાજર રહીને તેમનું સ્વાગત કર્યું હતું.

ઈરાન સાથે યુદ્ધ કર્યા બાદ અમેરિકાના રાષ્ટ્રપ્રમુખ ડોનાલ્ડ ટ્રમ્પે ભલે યુદ્ધવિરામ ત્રણ સપ્તાહ લંબાવ્યું હોય. જોકે તેમણે ઈરાનને પાયમાલ કરવાની એવી નવી સ્ટ્રેટેજી શરૂ કરી છે, જેના કારણે ઈરાનના ઓઇલના કૂવા બંધ થવાનું જોખમ વધી ગયું છે. વાસ્તવમાં અમેરિકાએ હોર્મુઝની નાકાબંધી કરી દેતા અન્ય દેશો સુધી ઈરાનનું ક્રૂડ ઓઇલ પહોંચાડવામાં મુશ્કેલી ઊભી થઈ છે. સપ્લાય અટકી જતાં સ્થિતિ એવી ઊભી થઈ છે કે, અનેક દેશોમાં ઓઇલની અછત સર્જાવાની સાથે ક્રૂડ ઓઇલની કિંમતો પણ વધી રહી છે. સૌથી મોટી વાત એ છે કે, ઈરાન પાસે ઓઇલનો એટલો ભરાવો થઈ ગયો છે કે તેને રાખવાની જગ્યા પણ ઓછી પડી રહી છે.

અમેરિકાના રાષ્ટ્રપ્રમુખ ડોનાલ્ડ ટ્રમ્પની મધ્યસ્થી બાદ ઇઝરાયલ અને લેબનોન વચ્ચેનો યુદ્ધવિરામ વધુ ત્રણ અઠવાડિયા માટે લંબાવવામાં આવ્યો છે. જોકે, કાગળ પરના આ યુદ્ધવિરામ છતાં દક્ષિણ લેબનોનની ધરતી હજુ પણ ધડાકાઓથી ધ્રૂજી રહી છે. શુક્રવારે ઇઝરાયલી હુમલામાં બે લોકોના મોત થયા છે, જ્યારે વળતા પ્રહારમાં હિઝબુલ્લાહે ઇઝરાયલનું અત્યાધુનિક ડ્રોન તોડી પાડ્યું છે. હિઝબુલ્લાહના સાંસદ અલી ફય્યાદે સ્પષ્ટ શબ્દોમાં જણાવ્યું છે કે, જ્યારે ઇઝરાયલ સતત ગોળીબાર, બોમ્બમારો અને હત્યાઓ ચાલુ રાખતું હોય, ત્યારે આ યુદ્ધવિરામનો કોઈ અર્થ રહેતો નથી

ચૂંટણી પંચે પશ્ચિમ બંગાળમાં SIR પ્રક્રિયા શરૂ કરીને અનેક મતદારોના નામ કાપી નાખ્યા હતા, જોકે તેમ છતાં રાજ્યમાં વિધાનસભા ચૂંટણી માટે ગુરુવારે યોજાયેલા પ્રથમ તબક્કાનાં મતદાનમાં ‘વોટિંગ ટકાવારી’ અને ‘કુલ મતદારોની સંખ્યા’માં વધારો થતાં જૂના તમામ રેકોર્ડ તૂટી ગયા છે. ગુરુવારે 16 જિલ્લામાં 152 બેઠકો પર મતદાન યોજાયું હતું, ત્યારે આ જ બેઠકો પર 2021માં પણ મતદાન યોજાયું હતું. 2021 અને 2026ની આંકડાઓની તુલના કરતા આ વખતની ચૂંટણીમાં 24 લાખ મતો વધી ગયા હોવાની વિગતો સામે આવી છે.

દેશની હોસ્પિટલોમાં ICU એટલે કે ગંભીર સારવાર એકમોની સ્થિતિ સુધારવા માટે સુપ્રીમ કોર્ટે કડક વલણ અપનાવ્યું છે. જસ્ટિસ અહસાનુદ્દીન અમાનુલ્લાહ અને જસ્ટિસ આર. મહાદેવનની બેન્ચે તમામ રાજ્યો અને કેન્દ્રશાસિત પ્રદેશોને આઈસીયુ માટે નક્કી કરેલા લઘુત્તમ ધોરણોને તાત્કાલિક અસરથી લાગુ કરવા માટે પ્રેક્ટિકલ એક્શન પ્લાન તૈયાર કરવા આદેશ આપ્યો છે. કોર્ટે સ્પષ્ટ કર્યું છે કે, ICU સેવાઓ માટેના માર્ગદર્શિકા તૈયાર છે, જે વ્યવહારુ અને અનિવાર્ય છે. હવે દરેક રાજ્યના આરોગ્ય સચિવે એક સપ્તાહની અંદર નિષ્ણાતો સાથે બેઠક યોજીને તેને જમીની સ્તરે લાગુ કરવાની યોજના બનાવવી પડશે.

ન્યુઝીલેન્ડના પૂર્વ ઓલરાઉન્ડર ડગ બ્રેસવેલ (Doug Bracewell) ફરી એકવાર વિવાદમાં ફસાયો છે. સપ્ટેમ્બર 2025માં થયેલા રુટીન ડ્રગ ટેસ્ટમાં ફેલ થયા બાદ હવે તેના પર બે વર્ષનો બૅન લગાવી દેવામાં આવ્યો છે. આ સસ્પેન્શન 24 નવેમ્બર, 2025થી અમલમાં માનવામાં આવે છે અને 23 નવેમ્બર, 2027 સુધી ચાલુ રહેશે. બ્રેસવેલે ડિસેમ્બર 2025માં ઈન્ટરનેશનલ અને ડોમેસ્ટિક ક્રિકેટમાંથી નિવૃત્તિની જાહેરાત કરી હતી, પરંતુ તે પહેલા જ તેનો કેસ સામે આવી ચૂક્યો હતો. તેણે ચેમ્સફોર્ડમાં એસેક્સ અને સમરસેટ વચ્ચે રમાયેલી એસેક્સ માટે કાઉન્ટી ચેમ્પિયનશિપ મેચ દરમિયાન કોકેઈનનું સેવન કર્યું હોવાની કબૂલાત કરી હતી.

રશિયામાં ભારતના 10 દીકરાના મોત મામલે સુપ્રીમ કોર્ટમાં અરજીઓની સુનાવણી દરમિયાન કેન્દ્ર સરકારે એક મોટો ખુલાસો કર્યો છે. સરકારે જણાવ્યું કે રશિયા-યુક્રેન યુદ્ધમાં રશિયન સેના વતી લડતા 10 ભારતીય નાગરિકોના મોત થઈ ચૂક્યા છે. અરજીમાં આરોપ મૂકવામાં આવ્યો હતો કે આમાંના મોટાભાગના લોકોને નોકરીની લાલચ આપીને લલચાવીને રશિયા લઈ જઈને યુદ્ધમાં ધકેલી દેવામાં આવ્યા હતા, પરંતુ સરકારે કોર્ટને જણાવ્યું હતું કે તેમાંથી મોટાભાગના લોકો પોતાની મરજીથી ગયા હતા. મૃતકોમાં મોટાભાગના યુવાનો છે અને ભારતમાં તેમની 25-26 વર્ષીય પત્નીઓ વિધવા બની ગઈ છે.

દુનિયાભરના બજારોને હચમચાવી નાખનાર અને હજારો લોકોનો ભોગ લેનાર જંગને રોકવા માટે ફરી એકવાર રાજદ્વારી પ્રયાસો તેજ થયા છે. અમેરિકાના રાષ્ટ્રપ્રમુખ ડોનાલ્ડ ટ્રમ્પના ખાસ દૂતો આજે પાકિસ્તાન જવા રવાના થઈ રહ્યા છે. જોકે, બીજી તરફ ઈરાને સ્પષ્ટ કર્યું છે કે, તેઓ અમેરિકી અધિકારીઓ સાથે સીધી મુલાકાત નહી કરે. અમેરિકા તરફથી રાષ્ટ્રપ્રમુખના ખાસ દૂધ સ્ટીવ વિટકોફ અને જમાઈ જેરેડ કુશનર શનિવારે સવારે પાકિસ્તાન પહોંચશે. જરૂર પડ્યે ઉપરાષ્ટ્રપ્રમુખ જેડી વેન્સ પણ જોડાય તેવી શક્યતા છે. તો બીજી તરફ ઈરાન તરફથી વિદેશ મંત્રી અબ્બાસ અરાકચી શુક્રવારે જ ઇસ્લામાબાદ પહોંચી ગયા છે.

વિશ્વની બે મહાસત્તાઓ અમેરિકા અને ચીન વચ્ચે ટેક્નોલોજીની સ્પર્ધામાં હવે એક નવો અને રહસ્યમય વળાંક જોવા મળ્યો છે. બંને દેશોમાં પરમાણુ ટેક્નોલોજી, હાઈપરસોનિક હથિયારો, AI અને સ્પેસ રિસર્ચ જેવા સંવેદનશીલ ક્ષેત્રોમાં કામ કરતા ટોચના વૈજ્ઞાનિકો શંકાસ્પદ રીતે ગુમ થઈ રહ્યા છે અથવા તેમના મોત થઈ રહ્યા છે. અત્યાર સુધીમાં અમેરિકામાં 11 અને ચીનમાં 9થી વધુ દિગ્ગજ વૈજ્ઞાનિકો સાથે આવી ઘટનાઓ બની છે. જોકે, ઉપરછલ્લી રીતે આ ઘટનાઓ સામાન્ય અકસ્માત જેવી લાગે છે, પરંતુ જે રીતે આ વૈજ્ઞાનિકો ગાયબ થઈ રહ્યા છે તે જોતા તેની પાછળ કોઈ મોટું આંતરરાષ્ટ્રીય ષડયંત્ર હોવાની આશંકા સેવાઈ રહી છે.