પંજાબના રાજકારણમાં પક્ષપલટા બાદ હવે સુરક્ષાને લઈને નવો વિવાદ છેડાયો છે. પૂર્વ ક્રિકેટર અને રાજ્યસભા સાંસદ હરભજન સિંહના ઘરની બહાર થયેલા વિરોધ પ્રદર્શન અને પંજાબ સરકાર દ્વારા સુરક્ષા હટાવ્યાના ગણતરીના કલાકોમાં જ કેન્દ્રીય ગૃહ મંત્રાલયે મોટું પગલું ભર્યું છે. કેન્દ્ર સરકારે હરભજન સિંહ સહિત ભાજપમાં જોડાયેલા તમામ 7 સાંસદોને CRPFની સુરક્ષા પૂરી પાડી છે. ગૃહ મંત્રાલયના સૂત્રોના જણાવ્યા અનુસાર, હરભજન સિંહ ઉપરાંત સંદીપ પાઠક, અશોક મિત્તલ, સ્વાતિ માલીવાલ, રાજેન્દ્ર ગુપ્તા અને વિક્રમજીત સાહનીને હવે કેન્દ્રીય સુરક્ષા દળોનું રક્ષણ મળશે.

આમ આદમી પાર્ટી (AAP)માં મોટા ભંગાણ વચ્ચે પંજાબની ભગવંત માન સરકારે પૂર્વ ક્રિકેટર અને રાજ્યસભા સાંસદ હરભજન સિંહની સિક્યોરિટી પાછી ખેંચી લીધી છે. આ પગલું એવા સમયે લેવામાં આવ્યું છે જ્યારે એવી ચર્ચાઓ જોર પકડ્યું છે કે 'ટર્બનેટર' ટૂંક સમયમાં જ AAPને અલવિદા કહીને કેસરીયો ધારણ કરી શકે છે. હરભજન સિંહના અંગત સચિવ (PA) મનદીપ સિંહે જણાવ્યું કે, પંજાબ સરકારે અચાનક કાર્યવાહી કરતા તેમની સંપૂર્ણ પોલીસ સિક્યોરિટી પાછી ખેંચી લીધી છે. પ્રાપ્ત માહિતી પ્રમાણે હરભજન સિંહના નિવાસસ્થાનની બહાર તહેનાત અંદાજે 9 થી 10 જવાનોનો પહેરો હટાવી દેવામાં આવ્યા છે.

ભારતના સૌથી પ્રતિષ્ઠિત અને વિશ્વવિખ્યાત ફોટોગ્રાફર રઘુ રાયનું રવિવારે નિધન થયું છે. 83 વર્ષની વયે તેમણે અંતિમ શ્વાસ લીધા હતા. તેમના નિધનની જાણકારી પરિવારે સત્તાવાર ઇન્સ્ટાગ્રામ હેન્ડલ દ્વારા આપી છે. રઘુ રાયના નિધનથી ભારતીય પત્રકારત્વ અને કળા જગતે એક અમૂલ્ય રત્ન ગુમાવ્યું છે. રઘુ રાયની કારકિર્દીની સૌથી ચર્ચિત અને હૃદયદ્રાવક તસવીર 1984ના ભોપાલ ગેસકાંડની હતી. ગેસ ગળતર બાદ એક માસૂમ બાળકની નિર્જીવ આંખોવાળી તેમની તસ્વીરે આખી દુનિયાનું ધ્યાન ખેંચ્યું હતું. આ તસવીરમાત્ર એક ફોટો નહીં, પણ કોર્પોરેટ બેદરકારી સામે વૈશ્વિક સ્તરે ઉઠેલો અવાજ બની ગઈ હતી.

પશ્ચિમ બંગાળ વિધાનસભા ચૂંટણીના માહોલ વચ્ચે ભવાનીપુરમાં શનિવારે ભારે તણાવ જોવા મળ્યો હતો. તૃણમૂલ કોંગ્રેસ (TMC) ના સુપ્રીમો મમતા બેનર્જી અને ભાજપના નેતા શુભેન્દુ અધિકારીની રેલીઓ માત્ર 100 મીટરના અંતરે યોજાતા બંને પક્ષના કાર્યકરો સામસામે આવી ગયા હતા. પરિસ્થિતિ એટલી હદ સુધી વણસી હતી કે સુરક્ષા દળોએ હસ્તક્ષેપ કરવો પડ્યો હતો. CM મમતા બેનર્જી જ્યારે જનસભાને સંબોધિત કરી રહ્યા હતા, ત્યારે તેમણે ભાજપ પર તેમની સભામાં ખલેલ પહોંચાડવાનો આરોપ લગાવ્યો હતો.

અમેરિકાની રાજધાની વોશિંગ્ટન ડીસીની એક હોટલમાં આયોજિત હાઈ-પ્રોફાઈલ ડિનર દરમિયાન થયેલા ગોળીબારની ઘટનાએ સમગ્ર વિશ્વને હચમચાવી દીધું છે. આ ઘટના પર ભારતના વડાપ્રધાન નરેન્દ્ર મોદીએ આકરો વિરોધ નોંધાવ્યો છે અને રાષ્ટ્રપ્રમુખ ડોનાલ્ડ ટ્રમ્પ સહિતના નેતાઓ સુરક્ષિત હોવા બદલ રાહત વ્યક્ત કરી છે. PM મોદીએ સોશિયલ મીડિયા પ્લેટફોર્મ X પર પોસ્ટ કરીને લખ્યું કે, "વોશિંગ્ટન ડીસીની એક હોટલમાં બનેલી તાજેતરની સુરક્ષા ઘટના બાદ એ જાણીને રાહત થઈ છે કે રાષ્ટ્રપ્રમુખ ટ્રમ્પ, ફર્સ્ટ લેડી અને ઉપરાષ્ટ્રપતિ સુરક્ષિત છે

એમેચ્યોર રેડીયો સોસાયટી ઓફ ઇન્ડિયા દ્વારા આયોજિત હિલટોપ કોન્ટેસ્ટમાં દેશભરની 42 ટીમોએ ભાગ લીધો. આ સ્પર્ધામાં ઇન્સ્ટિટયૂટ ઓફ એમેચ્યોર રેડીયો ની ટીમે ભાગ લઈને પ્રથમ સ્થાન મેળવ્યું. સ્પર્ધા અંતર્ગત ટીમોએ પોતાના રાજ્યમાં આવેલા પર્વતો અથવા ઊંચી ટેકરીઓ પર હેમ સ્ટેશન સ્થાપિત કરીને એકબીજા સાથે સંપર્ક સાધ્યો. ગુજરાતની ટીમે પાલીતાણા કદમ્બગિરી કમળાઈ માતા મંદિર નજીક હેમ સ્ટેશન સ્થાપિત કર્યું હતું. ટીમનું નેતૃત્વ રૂચિર પુરોહિત દ્વારા કરાયું હતું. સાથે જ ડો. જગદીશ પંડ્યા અને પ્રવીણ વલેરાએ માર્ગદર્શન આપ્યું.

દુનિયાભરમાં દર 24 કલાકે 89 નવા લોકો સુપર-રિચ ક્લબમાં સામેલ થઈ રહ્યા છે, જેમની સંપત્તિ 3 કરોડ ડોલરથી વધુ છે. ભારતમાં શ્રીમંતોની સંખ્યા 2021માં લગભગ 12,000 થી વધીને 2026માં 19,877 થઈ ગઈ, જે 63% નો વધારો છે. અંદાજ છે કે 2031 સુધીમાં દેશમાં અબજોપતિઓ 51% વધીને 313 થઈ જશે. ગ્લોબલ અલ્ટ્રા-વેલ્થમાં ભારતનો હિસ્સો હાલમાં માત્ર 2.8% છે, પણ તે સતત વધી રહ્યો છે.

અમદાવાદ: પશ્ચિમ એશિયા યુદ્ધ અને Shipping રૂટ બંધ થતાં ભારતની Engineering નિકાસમાં મોટો ઘટાડો થયો છે. UAEમાં 66.8% અને સાઉદી અરેબિયામાં 45% ઘટાડો થયો છે. માર્ચમાં UAEમાં Engineering માલની નિકાસ ઘટીને $237.4 મિલિયન થઈ, જે ગયા વર્ષે $714.8 મિલિયન હતી. પરિસ્થિતિ ચિંતાજનક છે.

ગુજરાત Local body election પહેલાં ગીર સોમનાથમાં AAP ઉમેદવારનો પ્રતિનિધિ દારૂ વહેંચતા પકડાયો. ચિત્રાવડ બેઠક પર મતદારોને રીઝવવા દારૂની રેલમછેલ કરતા પોલીસના હાથે ઝડપાઈ ગયા. જેપુર ગામના દિનેશ બાકુની ધરપકડ થઈ, તેમની કારમાંથી વિદેશી દારૂ અને રોકડ રકમ મળી, પોલીસે રૂ. 8.55 લાખનો મુદામાલ જપ્ત કર્યો અને પ્રોહીબીશનનો કેસ દાખલ થયો.

સરકારે ઘઉં ખરીદીનો ટાર્ગેટ 3 કરોડ ટનથી 15% વધારીને 3.45 કરોડ ટન કર્યો. કમોસમી વરસાદને કારણે ઘઉંની ગુણવત્તા બગડી છે અને ખેડૂતોને નીચા ભાવે વેચવાની ફરજ પડી રહી છે. આથી વધુ ખેડૂતો ટેકાના ભાવે વેચશે, જેને ધ્યાનમાં રાખી સરકારે ખરીદી ટાર્ગેટ વધાર્યો હોવાનું મનાય છે.

Iran-America વચ્ચે યુદ્વ વિરામ લંબાવી Trumpએ આશ્ચર્યમાં મૂક્યા. ક્રૂડ ઓઈલના ભાવ વધીને 105 ડોલર થયા. Geopolitical ટેન્શન અને કોર્પોરેટ પરિણામોની નેગેટીવ અસર છે. IT ઉદ્યોગની સ્થિતિ નબળી હોવાથી IT શેરોમાં ઘટાડો થયો છે. Pakistanના યુદ્વના અંત માટે પ્રયાસોથી બજાર રિબાઉન્ડ થઈ શકે છે. પરિસ્થિતિમાં આગામી સપ્તાહમાં બજારમાં રિકવરી આવી શકે છે.

ભાવનગરના તળાજા તાલુકાના રાળગોન ગામે સમુહ લગ્નમાં સાઈડમાં બેઠેલા વૃદ્ધા પર કાર ચાલકે કાર ચડાવી દેતા અકસ્માત સર્જાયો, જેમાં વૃદ્ધાનું મોત નીપજ્યું. તળાજા police એ ગુનો નોંધી કાર્યવાહી હાથ ધરી. ઉમરાળા તાલુકાના રસિકભાઈ પરમારે GJ-04-CG-3614 ના ચાલક વિરુદ્ધ તળાજા police સ્ટેશનમાં ફરિયાદ નોંધાવી.

ગુજરાત સ્ટેટ નેટવર્ક ઓફ પીપલ લીવીંગ વિથ HIV એઇડ્સ દ્વારા HIV પોઝિટિવ યુવક-યુવતીઓ માટે જીવનસાથી પસંદગી મેળાનું આયોજન થયું. આ મેળાનો હેતુ HIV પોઝિટિવ વ્યક્તિઓને સન્માનજનક જીવન જીવવાની પ્રેરણા આપવાનો છે. 14મા મેળામાં ગુજરાત સહિત અન્ય રાજ્યોના 650 ઉમેદવારોએ ભાગ લીધો, જેમાં 12 યુવક-યુવતીના લગ્ન નક્કી થયા. HIV સંક્રમણની રોકથામ અને નવી પેઢીને HIV મુક્ત કરવાનો આ પ્રયાસ છે.

જયપુરના મહારાણી ગાયત્રી દેવીના કલેક્શનનું ૧૭મી સદીનું કાંસાનું નક્ષત્રયંત્ર, જેને ખગોળીય કોમ્પ્યુટર માનવામાં આવે છે, તેની આગામી સપ્તાહે લંડનમાં Sotheby's દ્વારા હરાજી થશે. જહાંગીરના સમયકાળમાં બનેલા આ ઇસ્લામિક આર્ટના અદભુત નમૂનાની હરાજીમાં 15 થી 25 લાખ પાઉન્ડ ઉપજવાની આશા છે. આ નક્ષત્રયંત્ર લીલામીમાં કેન્દ્રસ્થાને રહેશે.

પંજાબ આપમાં અસંતોષ અને BJP દ્વારા ઓપરેશન લોટસના દાવા વચ્ચે, પંજાબમાં 28 અને દિલ્હીમાં 22 MLA આપ છોડીને BJPમાં જોડાય તેવી અટકળો છે. રાઘવ ચઢ્ઢા સહિત સાત સાંસદોને અયોગ્ય જાહેર કરવાની આપની માગણીથી રાજકીય માહોલ ગરમાયો છે. સ્વાતિ માલિવાલે કેજરીવાલના સંરક્ષણમાં આપમાં ભ્રષ્ટાચર વધ્યો હોવાનો આક્ષેપ કર્યો છે.

ભાવનગરના મહુવાના બાંભણીયા ગામે બાળકોના ઝઘડામાં છોકરાને માર મારવા બદલ રાજુલાના આધેડને 6 શખ્સોએ પાઈપ વડે માર માર્યો. આ ઘટનાની ફરિયાદ ખુટવડા પોલીસ સ્ટેશનમાં નોંધાઈ છે. ગભરુભાઈ ભુકણે વનરાજ દેસાઈ સહિત 6 લોકો વિરુદ્ધ ફરિયાદ કરી છે.

અમેરિકન AI કંપનીના મિથોસ મોડેલના ખોટા હાથમાં પડવાના અહેવાલોથી ખતરો વધી ગયો છે. નાણામંત્રી અને IT મંત્રીએ બેન્કોના પ્રમુખો સાથે બેઠક કરી IT સિસ્ટમ, ગ્રાહકોના ડેટા અને નાણાં સુરક્ષિત રાખવા તાકીદ કરી છે. બેન્કિંગ સેક્ટરને રિયલ ટાઈમ ઈન્ટેલિજન્સ શેરિંગ મિકેનિઝમ બનાવવા નાણામંત્રાલયનું સૂચન કરાયું અને એલર્ટ રહેવા જણાવ્યું છે.

પંજાબમાં આમ આદમી પાર્ટી છોડીને ભાજપમાં સામેલ થયેલા રાજ્યસભા સાંસદોને લઈને રાજકીય તોફાન તેજ બન્યું છે. પૂર્વ ક્રિકેટર હરભજન સિંહ સહિતના નેતાઓ સામે રસ્તા પર ઉતરેલા કાર્યકરોનો રોષ જોવા મળી રહ્યો છે. જલંધરમાં હરભજન સિંહના નિવાસસ્થાનની બહાર અજાણ્યા લોકોએ કાળા રંગથી પંજાબનો ગદ્દાર લખી વિરોધ નોંધાવ્યો છે. પંજાબના મુખ્યમંત્રી ભગવંત માને ભાજપ પર પ્રહારો કર્યા હતા. માને જણાવ્યું કે, ભાજપ પ્રાદેશિક પક્ષોને ગળી જનારો પક્ષ છે. આ ઘટનાક્રમ પર ચંદીગઢમાં પ્રેસ કોન્ફરન્સ યોજી મુખ્યમંત્રી ભગવંત માને ભાજપ અને પક્ષ છોડનારા નેતાઓ પર આકરા પ્રહારો કર્યા હતા.

ભારતના પૂર્વોત્તર રાજ્યો મણિપુર અને મિઝોરમમાં વસતા બની મેનાશે સમુદાય માટે 23 એપ્રિલનો દિવસ ઐતિહાસિક બની ગયો. આ સમુદાયના 250 સભ્યો જ્યારે ઈઝરાયલના બેન ગુરિયન ઍરપૉર્ટ પર ઉતર્યા, ત્યારે વાતાવરણ ભાવુક બની ગયું હતું. 27 સદીઓ પહેલા વિખૂટા પડેલા આ લોકોને ઈઝરાયલ સરકારે લોસ્ટ ટ્રાઇબ્સ (ખોવાયેલા યહૂદી કબીલા) તરીકે આવકાર્યા છે. આ પ્રવાસીઓની ઘર વાપસી ઈઝરાયલના ખાસ કાર્યક્રમ ઓપરેશન વિંગ્સ ઓફ ડૉન અંતર્ગત કરવામાં આવી છે. એરપોર્ટ પર ઈઝરાયલના ઇમિગ્રેશન મંત્રી ઓફિર સોફરે પોતે હાજર રહીને તેમનું સ્વાગત કર્યું હતું.

ચૂંટણી પંચે પશ્ચિમ બંગાળમાં SIR પ્રક્રિયા શરૂ કરીને અનેક મતદારોના નામ કાપી નાખ્યા હતા, જોકે તેમ છતાં રાજ્યમાં વિધાનસભા ચૂંટણી માટે ગુરુવારે યોજાયેલા પ્રથમ તબક્કાનાં મતદાનમાં ‘વોટિંગ ટકાવારી’ અને ‘કુલ મતદારોની સંખ્યા’માં વધારો થતાં જૂના તમામ રેકોર્ડ તૂટી ગયા છે. ગુરુવારે 16 જિલ્લામાં 152 બેઠકો પર મતદાન યોજાયું હતું, ત્યારે આ જ બેઠકો પર 2021માં પણ મતદાન યોજાયું હતું. 2021 અને 2026ની આંકડાઓની તુલના કરતા આ વખતની ચૂંટણીમાં 24 લાખ મતો વધી ગયા હોવાની વિગતો સામે આવી છે.

દેશની હોસ્પિટલોમાં ICU એટલે કે ગંભીર સારવાર એકમોની સ્થિતિ સુધારવા માટે સુપ્રીમ કોર્ટે કડક વલણ અપનાવ્યું છે. જસ્ટિસ અહસાનુદ્દીન અમાનુલ્લાહ અને જસ્ટિસ આર. મહાદેવનની બેન્ચે તમામ રાજ્યો અને કેન્દ્રશાસિત પ્રદેશોને આઈસીયુ માટે નક્કી કરેલા લઘુત્તમ ધોરણોને તાત્કાલિક અસરથી લાગુ કરવા માટે પ્રેક્ટિકલ એક્શન પ્લાન તૈયાર કરવા આદેશ આપ્યો છે. કોર્ટે સ્પષ્ટ કર્યું છે કે, ICU સેવાઓ માટેના માર્ગદર્શિકા તૈયાર છે, જે વ્યવહારુ અને અનિવાર્ય છે. હવે દરેક રાજ્યના આરોગ્ય સચિવે એક સપ્તાહની અંદર નિષ્ણાતો સાથે બેઠક યોજીને તેને જમીની સ્તરે લાગુ કરવાની યોજના બનાવવી પડશે.

રશિયામાં ભારતના 10 દીકરાના મોત મામલે સુપ્રીમ કોર્ટમાં અરજીઓની સુનાવણી દરમિયાન કેન્દ્ર સરકારે એક મોટો ખુલાસો કર્યો છે. સરકારે જણાવ્યું કે રશિયા-યુક્રેન યુદ્ધમાં રશિયન સેના વતી લડતા 10 ભારતીય નાગરિકોના મોત થઈ ચૂક્યા છે. અરજીમાં આરોપ મૂકવામાં આવ્યો હતો કે આમાંના મોટાભાગના લોકોને નોકરીની લાલચ આપીને લલચાવીને રશિયા લઈ જઈને યુદ્ધમાં ધકેલી દેવામાં આવ્યા હતા, પરંતુ સરકારે કોર્ટને જણાવ્યું હતું કે તેમાંથી મોટાભાગના લોકો પોતાની મરજીથી ગયા હતા. મૃતકોમાં મોટાભાગના યુવાનો છે અને ભારતમાં તેમની 25-26 વર્ષીય પત્નીઓ વિધવા બની ગઈ છે.

વિશ્વની બે મહાસત્તાઓ અમેરિકા અને ચીન વચ્ચે ટેક્નોલોજીની સ્પર્ધામાં હવે એક નવો અને રહસ્યમય વળાંક જોવા મળ્યો છે. બંને દેશોમાં પરમાણુ ટેક્નોલોજી, હાઈપરસોનિક હથિયારો, AI અને સ્પેસ રિસર્ચ જેવા સંવેદનશીલ ક્ષેત્રોમાં કામ કરતા ટોચના વૈજ્ઞાનિકો શંકાસ્પદ રીતે ગુમ થઈ રહ્યા છે અથવા તેમના મોત થઈ રહ્યા છે. અત્યાર સુધીમાં અમેરિકામાં 11 અને ચીનમાં 9થી વધુ દિગ્ગજ વૈજ્ઞાનિકો સાથે આવી ઘટનાઓ બની છે. જોકે, ઉપરછલ્લી રીતે આ ઘટનાઓ સામાન્ય અકસ્માત જેવી લાગે છે, પરંતુ જે રીતે આ વૈજ્ઞાનિકો ગાયબ થઈ રહ્યા છે તે જોતા તેની પાછળ કોઈ મોટું આંતરરાષ્ટ્રીય ષડયંત્ર હોવાની આશંકા સેવાઈ રહી છે.

દિલ્હી-NCRમાં રિયલ એસ્ટેટ ક્ષેત્રની જાણીતી કંપની રહેજા ડેવલપર્સ વિરુદ્ધ એન્ફોર્સમેન્ટ ડિરેક્ટોરેટ(ED) દ્વારા મોટી કાર્યવાહી કરવામાં આવી છે. 25 એપ્રિલના રોજ EDના દિલ્હી ઝોનલ યુનિટે કંપનીના માલિક નવીન રહેજા, તેના પુત્ર નયન રહેજા અને અન્ય ડિરેક્ટરો સાથે સંકળાયેલા સાત સ્થળો પર દરોડા પાડ્યા હતા. જેમાં નોઈડા, ગ્રેટર નોઈડા, સૈનિક ફાર્મ્સ અને ન્યુ ફ્રેન્ડ્સ કોલોની જેવા વિસ્તારોનો સમાવેશ થાય છે. આ દરોડા અંદાજે 2500 કરોડ રૂપિયાની છેતરપિંડી અને મની લોન્ડરિંગના ગંભીર આરોપોને પગલે પાડવામાં આવ્યા છે.

AAP માટે રાજકીય સંકટના વાદળો ઘેરાયા છે. પક્ષના 7 રાજ્યસભા સાંસદોએ સાથ છોડી દેતા માત્ર દિલ્હી જ નહીં, પણ પંજાબમાં પણ મોટા ઉથલપાથલની શક્યતા સેવાઈ રહી છે. ખાસ કરીને 2027ની શરૂઆતમાં પંજાબમાં વિધાનસભા ચૂંટણીઓ યોજાવાની છે, ત્યારે રાઘવ ચઢ્ઢા અને સંદીપ પાઠક જેવા દિગ્ગજ નેતાઓનું જવું પાર્ટી માટે જોખમી સાબિત થઈ શકે તેમ છે. આ બંને નેતાઓએ 2022ની ચૂંટણીમાં ઉમેદવારોના સિલેક્શનથી લઈને સંગઠન ઊભું કરવામાં મુખ્ય ભૂમિકા ભજવી હતી. પક્ષના લગભગ 50% ધારાસભ્યો માને છે કે તેમને ટિકિટ અપાવવામાં આ નેતાઓનો જ હાથ હતો.

મણિપુરમાં મૈતેઈ અને કુકી સમુદાયો વચ્ચેનો વંશીય સંઘર્ષ હજુ શમ્યો નથી ત્યાં હવે નાગા અને કુકી સમુદાયો વચ્ચે હિંસા ફાટી નીકળી છે. શુક્રવારે ઉખરુલ જિલ્લામાં થયેલી બે અલગ-અલગ ગોળીબારની ઘટનાઓમાં ઓછામાં ઓછા ત્રણ લોકોના મોત થયા છે. વહેલી સવારે તાંગખુલ નાગા અને કુકી સમુદાયના સશસ્ત્ર જૂથો વચ્ચે ભીષણ ગોળીબાર થયો હતો. આ અથડામણમાં 29 વર્ષીય તાંગખુલ યુવક હોરશોકમી જમાંગનું મોત નીપજ્યું હતું. આ ઘટનાના થોડા સમય બાદ કુકી બહુલ વિસ્તાર એવા મુલ્લમ ગામમાં પણ ગોળીબાર થયો હતો. જેમાં લેતલાલ સિતલ્હો અને પાઓમિનલુન હાઓલાઓ નામના બે કુકી યુવકોના મોત થયા છે.

આસામના CM હિમંતા બિસ્વા સરમાએ બંગાળમાં ભાજપ સરકાર બનવા પર ઘૂસણખોરોને લાત મારીને કાઢવાની વાત કરી. બાંગ્લાદેશમાં હિન્દુઓ સાથે થયેલું ભૂલાશે નહીં. તેજસ્વી યાદવના રોડ શોમાં ધક્કામુક્કી થઈ. સ્થાનિક પ્રશાસને સ્થિતિ સંભાળી. આજે રાહુલ ગાંધી હુગલી, કોલકાતાના શહીદ મીનાર મેદાન અને દક્ષિણ 24 પરગણામાં રેલી કરશે. બંગાળ ચૂંટણીના આ 4 મોટા અપડેટ્સ છે.

મહીસાગરના લુણાવાડામાં 70 વર્ષના વૃદ્ધે 26 વર્ષની યુવતી પર દુષ્કર્મ આચરતા હાહાકાર મચી ગયો છે. લુણાવાડા TOWN પોલીસ સ્ટેશન વિસ્તારની આ ઘટનાથી લોકોમાં રોષ છે. આરોપીએ યુવતીને પટાવી ઘરમાં લઇ જઈ દુષ્કર્મ આચર્યું. પોલીસે ગુનો દાખલ કરી યુવતીનું મેડિકલ પરીક્ષણ હાથ ધર્યું છે અને ફરાર આરોપીને પકડવા ટીમો બનાવી દરોડા પાડવાનું શરૂ કર્યું છે. લોકોમાં ભારે ફિટકારની લાગણી જન્મી છે.

ભિલાઈના મૈત્રી બાગ ઝૂ ઝૂમાં 400થી વધુ દુર્લભ વન્યજીવ પ્રજાતિઓ ગરમીનો સામનો કરે તે માટે વિશેષ વ્યવસ્થા કરવામાં આવી છે. ઉનાળામાં પ્રાણીઓને ઠંડક મળી રહે તે માટે કૂલર, પંખા અને ફુવારાની વ્યવસ્થા કરવામાં આવી છે. આ ઉપરાંત, તેમના ખોરાકમાં પણ ફેરફાર કરવામાં આવ્યો છે, જેથી તેઓ હાઇડ્રેટેડ રહે.

AAPના 7 સાંસદો BJPમાં જોડાતા રાજ્યસભામાં NDAની સ્થિતિ મજબૂત થઈ છે, જેનાથી BJP બહુમતીની નજીક પહોંચી છે. NDA પાસે હવે 145 સભ્યોનું સમર્થન છે, જ્યારે BJPના પોતાના 113 સાંસદો છે. બહુમતી માટે તેમને 123 સભ્યોની જરૂર છે. બંધારણીય સુધારા માટે બે તૃતીયાંશ બહુમતી જરૂરી છે, જેમાં NDA હજુ પાછળ છે. નિયમ મુજબ AAPના 7 સાંસદોનું સભ્યપદ રદ થવાનું જોખમ નથી.