મધ્ય પૂર્વમાં તણાવ વચ્ચે પાકિસ્તાન અને રશિયા વચ્ચે ગેરકાયદેસર ઇમિગ્રેશન અને ડ્રગ્સની હેરાફેરી રોકવા માટે મહત્ત્વના કરારો થયા છે. શાંઘાઈ કોઓપરેશન ઓર્ગેનાઈઝેશન (SCO) શિખર સંમેલન દરમિયાન કિર્ગિસ્તાનના બિશ્કેકમાં પાકિસ્તાનના ગૃહમંત્રી મોહસિન નકવી અને રશિયન સમકક્ષ વ્લાદિમીર કોલોકોલ્ત્સેવ વચ્ચે યોજાયેલી બેઠકમાં આ સમજૂતી કરાર પર હસ્તાક્ષર કરવામાં આવ્યા. બંને દેશો એકબીજાના દેશમાં ગેરકાયદેસર રહી રહેલા નાગરિકોની વતન વાપસી માટે સહયોગ વધારવા સંમત થયા છે. આ ઉપરાંત, નશીલા પદાર્થોની તસ્કરીને નાબૂદ કરવા માટે પણ કરાર થયો છે. આ કરાર ભારત માટે ચિંતાનો વિષય બની શકે છે, કારણ કે રશિયા પાકિસ્તાન સાથે પોતાની વ્યૂહાત્મક અને આર્થિક ભાગીદારી મજબૂત કરી રહ્યું છે.

મિડલ ઈસ્ટમાં ઈઝરાયલ અને ઈરાન વચ્ચેના મિસાઈલ યુદ્ધ વચ્ચે સોમવારે સાંજે ઈરાને ઈઝરાયલ પર સૈન્ય હુમલા રોકવાની જાહેરાત કરી છે. ઈરાની સેનાએ કહ્યું છે કે અમારો બદલો પૂરો થઈ ગયો છે. અમેરિકી પ્રમુખ ડોનાલ્ડ ટ્રમ્પની શાંતિ અપીલ બાદ આ નિર્ણય લેવાયો છે. જોકે, આ જાહેરાત છતાં ઈઝરાયલ તરફથી કોઈ પ્રતિક્રિયા આવી નથી. ટ્રમ્પે બંને દેશોને તાત્કાલિક હુમલા રોકવા કહ્યું હતું. ઈરાને ચેતવણી આપી છે કે જો ઈઝરાયલ લેબેનોન પર હુમલા કરશે તો તે ચૂપ નહીં બેસે.

અમેરિકન પ્રમુખ ડોનાલ્ડ ટ્રમ્પ હિંદ મહાસાગરમાં આવેલા ચાગોસ ટાપુઓ (Chagos Islands) ખરીદવા માંગે છે. યુનાઇટેડ કિંગડમ ને બાયપાસ કરીને મોરેશિયસ પાસેથી આ ટાપુઓ ખરીદવાનો એક ગુપ્ત અને વ્યૂહાત્મક પ્રસ્તાવ તૈયાર કરાયો છે. આનો મુખ્ય હેતુ મધ્ય હિંદ મહાસાગરમાં આવેલા અમેરિકાના સૌથી શક્તિશાળી સૈન્ય મથક 'ડિએગો ગાર્સિયા'ને ભવિષ્યના જોખમોથી સુરક્ષિત કરવાનો છે. ઈરાન અને ચીન સાથે વધતા તણાવ વચ્ચે અમેરિકાની આ નવી યોજના આંતરરાષ્ટ્રીય રાજદ્વારી સંબંધોમાં નવો ભૂકંપ લાવી શકે છે.

પશ્ચિમ એશિયામાં ઈરાન અને ઇઝરાયલ વચ્ચેના તણાવ વચ્ચે, ઓમાનના દરિયાકાંઠે 'મેરીવેક્સ' નામના ઓઇલ ટેન્કરમાં આગ લાગી હતી. આ જહાજ પર સવાર તમામ 24 ભારતીય નાવિકો સુરક્ષિત છે. પ્રારંભિક તપાસ મુજબ, ટેન્કર ખાલી હતું, જેના કારણે મોટો અકસ્માત ટળ્યો. ભારતના કારવારથી ઓમાનના દુકમ જતી વખતે આ ઘટના બની. આગનું કારણ હજુ અજ્ઞાત છે અને તેની તપાસ ચાલી રહી છે. આ ઘટના મધ્ય પૂર્વમાં વધી રહેલા ભૌગોલિક રાજકીય તણાવ વચ્ચે બની છે.

રશિયાના રાષ્ટ્રપતિ વ્લાદિમીર પુતિનની ભારત અને ચીન પ્રત્યેની હકારાત્મક ટિપ્પણી બાદ, બેઇજિંગ (ચીન) તરફથી એક મહત્વપૂર્ણ અને સકારાત્મક નિવેદન આવ્યું છે. ચીનના વિદેશ મંત્રાલયે જણાવ્યું કે, ભારત અને ચીન એકબીજાના પ્રતિસ્પર્ધી નહીં, પરંતુ સહયોગી ભાગીદાર છે. બંને દેશોએ એકબીજાના વિકાસ માટે અવસર સમાન ગણવા જોઈએ, ખતરો નહીં. લિન જિયાન (Lin Jian) એ વિશ્વાસ મજબૂત કરવા, સહયોગ વિસ્તારવા અને મતભેદો ઉકેલવા પર ભાર મૂક્યો. આ નિવેદન એશિયાઈ ભૌગોલિક-રાજકીય ક્ષેત્રે નવા સંકેતો આપી રહ્યું છે.

બાંગ્લાદેશ સામેની શરમજનક હાર બાદ પાકિસ્તાન ક્રિકેટ બોર્ડ (PCB) માં મોટા ફેરફારોની શક્યતા છે. કેપ્ટન શાન મસૂદ અને મુખ્ય કોચ સરફરાઝ અહેમદને તાત્કાલિક અસરથી બદલવામાં આવી શકે છે. PCBના અધ્યક્ષ મોહસિન નકવી ટીમમાં વ્યાપક ફેરફાર કરવાનું વિચારી રહ્યા છે. મુખ્ય કોચ પદ માટે મોહમ્મદ યુનુસનો સંપર્ક કરાયો છે, જેમણે કેટલીક શરતો મૂકી છે. મોહમ્મદ હફીઝને પણ મોટી જવાબદારી મળી શકે છે.

પશ્ચિમ એશિયા અને ખાડી ક્ષેત્રમાં તણાવ વધ્યા બાદ ભારતે ફરી એકવાર સંઘર્ષને તાત્કાલિક ઓછો કરવા અને વિસ્તારમાં શાંતિ તેમજ સ્થિરતા પુનઃસ્થાપિત કરવા માટે વાતચીત દ્વારા ઉકેલ લાવવા આગ્રહ કર્યો છે. આ ઘટનાક્રમ આંતરરાષ્ટ્રીય સમુદાય માટે ભારે ચિંતાનો વિષય છે. વિદેશ મંત્રાલયે કહ્યું કે, આ સંઘર્ષ જે 100 દિવસથી પણ વધુ સમયથી ચાલી રહ્યો છે, તેના કારણે અત્યંત મુશ્કેલીઓ ઊભી થઈ છે અને વૈશ્વિક અર્થતંત્ર પર પણ તેની અસર પડી છે.

પાકિસ્તાન અધિકૃત કાશ્મીર (PoK)ના રાવલકોટ શહેરમાં પ્રતિબંધિત સંગઠનના પ્રદર્શનકારીઓ અને પોલીસ વચ્ચે થયેલી ભીષણ હિંસક અથડામણમાં 3 સામાન્ય નાગરિકો સહિત કુલ 7 લોકોના મોત થયા છે. આ ઘટનામાં 40 નાગરિકો અને 23 પોલીસકર્મીઓ સહિત 60થી વધુ લોકો ઘાયલ થયા છે. 'જોઇન્ટ અવામી એક્શન કમિટી' (JAAC)ના આંદોલન પહેલાં જ થયેલી આ હિંસાને કારણે વિસ્તારમાં તણાવ વધી ગયો છે. સુરક્ષાના ભાગરૂપે PoKમાં ઇન્ટરનેટ અને ફોન સેવાઓ બંધ કરી દેવામાં આવી છે અને વધારાની સુરક્ષા દળો તહેનાત કરવામાં આવ્યા છે.

ઈરાન અને ઈઝરાયલ વચ્ચે ચાલી રહેલા તણાવ વચ્ચે, ઈરાને 'ઓપરેશન નસર' હેઠળ ઈઝરાયલના બે અત્યંત વ્યૂહાત્મક એરબેઝ, નેવાતિમ અને તેલ નોફ પર મિસાઈલોનો વરસાદ કર્યો છે. આ હુમલા ઈઝરાયલના F-35I Adir અને F-15 Eagle જેવા અત્યાધુનિક વિમાનોના મથકો પર થયા છે, જે ઈઝરાયલની હવાઈ તાકાત માટે મોટો ઝટકો છે. ઈરાનનો દાવો છે કે આ કાર્યવાહી ઈઝરાયલ દ્વારા તેના ત્રણ રડાર સાઈટ્સ પર કરાયેલા હુમલાના જવાબમાં છે. આ ઘટનાએ પશ્ચિમ એશિયામાં યુદ્ધની આગને ફરી ભડકાવી છે, જે સમગ્ર વિસ્તારને મોટા સંઘર્ષ તરફ ધકેલી રહી છે.

અમેરિકાના ઘરોમાં સપાટ ધાબાને બદલે ત્રિકોણાકાર કે ઢાળવાળી છત જોવા મળે છે. આ માત્ર ડિઝાઇન માટે નથી, પરંતુ હવામાન, બાંધકામ પદ્ધતિ અને જીવનશૈલી જેવા અનેક પરિબળો જવાબદાર છે. ભારે હિમવર્ષા અને વરસાદમાં સપાટ છત પર પાણી અને બરફ જમા થઈને નુકસાન કરી શકે છે. ઢાળવાળી છતથી બરફ અને પાણી સરળતાથી નીકળી જાય છે, જે મકાનને સુરક્ષિત રાખે છે. અમેરિકામાં લાકડાનો ઉપયોગ વધુ થતો હોવાથી ઢાળવાળી છત અનુકૂળ રહે છે. વધુમાં, ઢાળવાળી છત ‘એટિક’ સ્પેસ બનાવે છે, જે સ્ટોરેજ અને ઇન્સ્યુલેશન માટે ઉપયોગી છે, જેથી ઊર્જા બચે છે. ભારતીય જીવનશૈલીથી વિપરીત, અમેરિકનો છતનો બહુવિધ ઉપયોગ કરતા નથી, તેથી સપાટ છતની જરૂર નથી.

મિડલ ઈસ્ટમાં ઈઝરાયલ, ઈરાન અને યમન વચ્ચે વધી રહેલા તણાવને કારણે પરિસ્થિતિ ગંભીર બની છે. તેહરાન સ્થિત ભારતીય દૂતાવાસે ભારતીય નાગરિકો માટે નવી ટ્રાવેલ એડવાઇઝરી જાહેર કરી છે. દૂતાવાસે ભારતીયોને ઈરાનનો પ્રવાસ ટાળવા અને જેઓ હાલમાં ત્યાં હાજર છે તેમને તાત્કાલિક ઉપલબ્ધ વાહનવ્યવહાર દ્વારા દેશ છોડવા ભારપૂર્વક વિનંતી કરી છે. આ સૂચનાઓ X પર શેર કરવામાં આવી છે. સુરક્ષા ચિંતાઓને કારણે આ માર્ગદર્શિકા અપડેટ કરવામાં આવી છે.

પશ્ચિમ બંગાળના મુખ્યમંત્રી સુવેન્દુ અધિકારીએ ગેરકાયદેસર ઇમિગ્રન્ટ્સ અંગે માહિતી આપતાં જણાવ્યું કે રાજ્યના સરહદી હોલ્ડિંગ સેન્ટરોમાંથી આશરે 4,800 ગેરકાયદેસર ઇમિગ્રન્ટ્સને બાંગ્લાદેશ મોકલવામાં આવ્યા છે. વધુ 836 વ્યક્તિઓ પણ દેશનિકાલની રાહ જોઈ રહ્યા છે. ગેરકાયદેસર ઇમિગ્રેશન એક ગંભીર મુદ્દો છે અને ભારત-બાંગ્લાદેશ સરહદ સુરક્ષિત કરવા માટે BSF ને જમીન સોંપવામાં આવી રહી છે. સુરક્ષા માટે આ પગલાં અત્યંત જરૂરી છે અને આંતરરાષ્ટ્રીય સરહદને સુરક્ષિત કરવી રાજ્ય સરકારની પ્રાથમિકતા છે.

પાકિસ્તાનના ઓલરાઉન્ડર ખુશદિલ શાહે ભારત-પાકિસ્તાન ક્રિકેટ મેચો વિશે વિવાદાસ્પદ ટિપ્પણી કરી છે. તેણે દાવો કર્યો છે કે ઘણીવાર અમ્પાયરિંગ અને મેચ આયોજન સહિતના નિર્ણયો ભારતીય ટીમની તરફેણમાં હોય છે. આ નિવેદને સોશિયલ મીડિયા પર ભારે ચર્ચા જગાવી છે, જ્યાં ઘણા ચાહકો તેને પાકિસ્તાનની સતત હારની નિરાશા ગણાવી રહ્યા છે. ખુશદિલ શાહે કહ્યું કે ભારત સામે જીતવાનો આનંદ અલગ હોય છે, પરંતુ તેના આરોપોને સમર્થન આપવા કોઈ ચોક્કસ પુરાવા રજૂ કર્યા નથી.

મધ્ય પૂર્વમાં તણાવ વધ્યો છે, જ્યાં ઇઝરાયેલ અને હિઝબુલ્લાહ વચ્ચે યુદ્ધ ચાલી રહ્યું છે. અમેરિકા અને ઇરાન વચ્ચે શાંતિ વાટાઘાટો શરૂ થાય તે પહેલાં, ઇઝરાયેલે બેરૂતના ઉપનગરો પર હુમલા કર્યા. ડોનાલ્ડ ટ્રમ્પે આ હુમલાઓ બંધ કરવાની તાકીદ કરી, પરંતુ કહ્યું કે વાટાઘાટો પ્રભાવિત નહીં થાય. આ દરમિયાન, અમેરિકન સેનાએ હોર્મુઝ સ્ટ્રેટમાં બે ઇરાની ડ્રોન તોડી પાડ્યા. શાંતિ મંત્રણા આર્થિક પ્રતિબંધો અને ઇરાનની સંપત્તિ મુક્ત કરવા જેવા મુદ્દાઓ પર અટકેલી છે.

ડોમિનિકન રિપબ્લિકમાં લા રોમાના ઇન્ટરનેશનલ એરપોર્ટ પર એક ભયાવહ ઘટના બની. રવિવારે, એક પ્રાઇવેટ Gulfstream G200 Jet ટેક-ઓફ કરતી વખતે રનવે પર ક્રેશ થયું અને આગના ગોળામાં ફેરવાઈ ગયું. આ દુર્ઘટનામાં પાયલોટ અને કો-પાયલોટ બંનેનું ઘટનાસ્થળે જ મૃત્યુ થયું. વિડિયોમાં જોઈ શકાય છે કે વિમાન અનિયંત્રિત થઈ હવામાં ઉછળીને પછી વિસ્ફોટ થયો. સદનસીબે, વિમાનમાં કોઈ મુસાફરો નહોતા. તપાસ ચાલી રહી છે કે ટેકનિકલ ખામી કે અન્ય કોઈ કારણો જવાબદાર હતા.

ફિલિપાઈન્સમાં 8.2ની તીવ્રતાનો શક્તિશાળી ભૂકંપ આવતા મિંડાનાઓ ટાપુ પર સુનામીની ચેતવણી જાહેર કરાઈ. અમેરિકાની સુનામી એલર્ટ સિસ્ટમે ખતરનાક મોજાની ચેતવણી આપી, જેના પગલે ફિલિપાઈન્સ અને ઇન્ડોનેશિયાના દરિયાકાંઠાના વિસ્તારોમાં રહેવાસીઓને તાત્કાલિક સ્થળાંતર કરવા સૂચના અપાઈ. એક મીટરથી વધુ ઊંચા મોજાની શક્યતા અને આગામી કલાકોમાં આફ્ટરશોક્સની પણ ચેતવણી અપાઈ છે. હાલ કોઈ મોટા નુકસાન કે જાનહાનિના અહેવાલ નથી.

જર્મનીના એલેક્ઝાન્ડર ઝ્વેરેવે ફ્રેન્ચ ઓપન 2026ની મેન્સ ફાઇનલ જીતી લીધી છે. આ તેનું પહેલું ગ્રાન્ડ સ્લેમ ટાઇટલ છે. અગાઉ તે ત્રણ અલગ અલગ ગ્રાન્ડ સ્લેમ ટાઇટલની ફાઇનલમાં પહોંચ્યો હતો અને હારી ગયો હતો. ફાઇનલમાં જ્વેરેવે ઇટાલીના ફ્લેવિયો કોબોલી (Flavio Cobolli) ને હરાવ્યો હતો. વિશ્વના ત્રીજા ક્રમાંકિત જ્વેરેવે અને ફોર્મમાં ચાલી રહેલા કોબોલી વચ્ચે કટ્ટર સ્પર્ધા હતી. જ્વેરેવે કોબોલીને 6-1, 4-6, 6-4, 6-7 (5), 6-1 થી હરાવ્યું હતું.

મધ્ય પૂર્વમાં તણાવ વકર્યો છે. ઈરાન અને હિઝબુલ્લાહે રવિવારે રાત્રે ઈઝરાયલ પર મિસાઈલો અને ડ્રોનથી એકસાથે હુમલા કર્યા. ઈરાને ઉત્તર ઈઝરાયલ તરફ બેલિસ્ટિક મિસાઈલો છોડી, જ્યારે હિઝબુલ્લાહે લેબનોનથી હુમલો કર્યો. ઈઝરાયલના સંરક્ષણ તંત્ર સક્રિય થયું અને સાયરન વાગ્યા. ઈરાનનો દાવો છે કે ઈઝરાયલે લેબનોનમાં લશ્કરી કાર્યવાહી બંધ કરવી જોઈએ. ઈરાની અધિકારીઓએ સ્પષ્ટ કહ્યું કે જો ઈઝરાયલ વળતો પ્રહાર કરશે તો તબાહી મચાવવામાં આવશે. ઈઝરાયલે કહ્યું છે કે તેણે બધી મિસાઈલો રોકી દીધી છે અને તે બદલો લેશે.

ગુજરાત અને ભારતના આયાત-નિકાસ વેપાર માટે એક મહત્વપૂર્ણ સમાચાર સામે આવ્યા છે. સાઉદી પોર્ટ્સ ઓથોરિટી દ્વારા જાહેર કરાયેલી નવી સાઉથ રેડ સી શિપિંગ સેવા હવે મુન્દ્રા પોર્ટને સીધું સાઉદી અરેબિયાના જેદ્દાહ ઇસ્લામિક પોર્ટ અને આફ્રિકાના જીબુટી પોર્ટ સાથે જોડશે. આ નવો મેરીટાઇમ રૂટ વૈશ્વિક સપ્લાય ચેઇન માટે ‘ગેમચેન્જર’ સાબિત થઇ શકે છે. હાલમાં ‘સ્ટ્રેટ ઓફ હોર્મુઝ’ અને લાલ સમુદ્ર (Red Sea) માં અશાંતિ અને હુમલાના ડર વચ્ચે, આ વેસ્ટર્ન કોરિડોર એક સુરક્ષિત વિકલ્પ પૂરો પાડે છે. આ રૂટ અદાણી પોર્ટ્સ દ્વારા સંચાલિત મુન્દ્રા પોર્ટની ફાસ્ટ રેલ એક્સેસ અને NCR સુધી સીધી પહોંચને કારણે MSME સેક્ટરને ફાયદો કરાવશે.

અમેરિકાની ડોનાલ્ડ ટ્રમ્પ સરકારમાં આર્ટિફિશિયલ ઇન્ટેલિજન્સ (AI)ના સલાહકાર શ્રીરામ કૃષ્ણને પોતાનું પદ છોડવાની જાહેરાત કરી છે. સાથે જ કહ્યું છે કે હું માત્ર જૂન મહિના સુધી જ આ પદ પર સેવા આપી શકીશ પછી તેને છોડી દઇશ. પોતાના ૧૮ મહિનાના કાર્યકાળ દરમિયાન શ્રીરામ કૃષ્ણને અમેરિકા માટે AIનો પુરો એક્શન પ્લાન તૈયાર કરી આપ્યો છે.  

અમેરિકાનાં ઓહાયો રાજ્યનાં ટોલેડોમાં પરંપરાથી યોજાતા ઓલ્ડ વેસ્ટ એન્ડ ફેસ્ટિવલ નામક ઉનાળુ ઉત્સવ દરમિયાન અચાનક વ્યાપક ગોળીબાર શરૂ થતાં ઉત્સવ માણી રહેલાઓમાં અફરાતફરી મચી ગઈ હતી. ચારે તરફ નાસભાગ શરૂ થઈ હતી અને સમગ્ર વિસ્તારમાં હાહાકાર મચી ગયો હતો. અચાનક થયેલા ગોળીબારમાં ૧૨ લોકો ઘાયલ થયા હતા.

વૈશ્વિક રાજકારણના આજના સૌથી મોટા સમાચારમાં, ચીનના રાષ્ટ્રપતિ શી જિનપિંગ સાત વર્ષના લાંબા ગાળા પછી નોર્થ કોરિયાની ઐતિહાસિક મુલાકાતે જઈ રહ્યા છે. વર્ષ ૨૦૨૬માં રાષ્ટ્રપતિ શીનો આ પ્રથમ વિદેશ પ્રવાસ છે. રશિયા, ચીન અને અમેરિકા વચ્ચે બદલાતા સમીકરણો વચ્ચે થઈ રહેલી આ મુલાકાત પર આખી દુનિયાની નજર મંડાયેલી છે. તાજેતરમાં નોર્થ કોરિયાના શાસક કિમ જોંગ ઉનની રશિયા સાથેની સૈન્ય નિકટતા વધવાથી ચીન અસહજ થયું છે. ચીન પોતાના આ પરંપરાગત સાથી પરનો પ્રભાવ ગુમાવવા માંગતું નથી.

આર્ટિફિશિયલ ઈન્ટેલિજન્સની અસર હવે માત્ર કામ કરવાની રીત જ નહીં પરંતુ, નોકરીઓ પર પણ પડી રહી છે. અમેરિકામાં ૨૦૨૬ દરમિયાન જાહેર કરવામાં આવેલી છટણીઓમાં એઆઈ સૌથી મોટું કારણ બની ગયું છે. રિપોર્ટ મુજબ, કંપનીઓ દ્વારા કર્મચારીઓની છટણી માટે એઆઈનો ઉલ્લેખ સતત ત્રીજા મહિને સૌથી વધુ કરવામાં આવ્યો છે. જાણીતી કંપનીના આંકડા મુજબ, મે ૨૦૨૬માં અમેરિકન કંપનીઓએ કુલ ૯૭,૦૦૬ નોકરીઓ ઘટાડવાની જાહેરાત કરી હતી.

અમેરિકા અને ઈરાન વચ્ચેની મંત્રણા હાલ અનિશ્ચિતતામાં છે. આ સમયે, પાકિસ્તાનના ગૃહમંત્રી મોહસીન નકવી, પાકિસ્તાનના સર્વેસર્વા આસીમ મુનીરનો ખાસ સંદેશો લઈને ઈરાનના સુપ્રીમ લીડર મોજતબા ખામેનેઈને મળવા તેહરાન પહોંચ્યા છે. જોકે, મોજતબા ખામેનેઈ આ સંદેશને માનશે કે કેમ તે પ્રશ્ન છે. પાકિસ્તાન અમેરિકા-ઈરાન મંત્રણામાં ક્રેડિટ લેવા પ્રયાસ કરી રહ્યું છે.

અમેરિકાનાં ફિલાડેલ્ફિયામાં પિઝા ડિલિવરી દરમિયાન એક 28 વર્ષીય ભારતીય યુવકની ગોળી મારી હત્યા કરવામાં આવી છે. પિઝાનો આ ઓર્ડર નકલી હતો. તેલંગણાનો રહેવાસી યુવક અમેરિકામાં વીકએન્ડમાં પાર્ટ ટાઇમ પિઝા ડિલિવરી  એક્ઝિક્યુટીવ તરીકે કાર્ય કરતો હતો. 

ફીફા વર્લ્ડ કપ 2026 ની તૈયારીઓ વચ્ચે અમેરિકા અને ઈરાન વચ્ચે તંગદિલી વધી છે. અમેરિકાએ ઈરાનની નેશનલ ફૂટબોલ ટીમને વીઝા આપ્યા છે, પરંતુ ટીમના ઘણા સભ્યો અને સ્ટાફની એન્ટ્રી પર પ્રતિબંધ મુક્યો છે. મેચના દિવસે જ ટીમને અમેરિકામાં પ્રવેશ મળશે અને મેચ પૂરું થતાં જ તેમને ઈરાન પાછા ફરવું પડશે. ઈરાને આ નિર્ણય સામે વિરોધ વ્યક્ત કર્યો છે અને રમતગમતમાં રાજકારણના પ્રવેશ સામે વાંધો ઉઠાવ્યો છે.

નેપાળના વિદેશ મંત્રી શિશિર ખનાલે જણાવ્યું છે કે, કાઠમંડુ ભારત સાથેના તમામ સરહદી વિવાદોને કોઈપણ ત્રીજા પક્ષની દખલગીરી વિના માત્ર પ્રવર્તમાન દ્વિપક્ષીય માધ્યમો દ્વારા જ ઉકેલવા માંગે છે. તેમણે ભારપૂર્વક કહ્યું કે, જ્યારે બંને પક્ષો ખુલ્લા દિલ, તાર્કિક મન અને પરસ્પર સન્માન સાથે ટેબલ પર બેસે છે, ત્યારે કોઈ પણ સમસ્યા એટલી મોટી કે જટિલ હોતી નથી કે જેનો ઉકેલ ન આવી શકે. લિપુલેખ વિસ્તારમાંથી કૈલાસ માનસરોવર યાત્રાના માર્ગ અંગે નેપાળે વાંધો ઉઠાવ્યો હતો.

અમેરિકાનાં ઓહાયોના ટોલેડોમાં પરંપરાગત રીતે યોજાતા ઓલ્ડ વેસ્ટ એન્ડ ફેસ્ટિવલ દરમિયાન અચાનક ગોળીબારની ઘટના બની. શનિવારે સાંજે ઉત્સવમાં ગીત-સંગીત, ભોજન અને સહેલગાહનો આનંદ માણી રહેલા લોકો વચ્ચે ગોળીબાર થતાં અફરાતફરી મચી ગઈ. લોકો જીવ બચાવવા દોડવા લાગ્યા હતા. આ ઘટનાને કારણે સમગ્ર વિસ્તારમાં ભયનો માહોલ સર્જાયો હતો. અનેક લોકોને ઈજા પહોંચી હોવાના અહેવાલો છે.

ભારતના અસમ અને ઉત્તર-પૂર્વના રાજ્યોમાં ભૂકંપના જોરદાર આંચકા અનુભવાયા છે. રિક્ટર સ્કેલ પર આ ભૂકંપની તીવ્રતા 5.7 માપવામાં આવી છે. આંચકા એટલા જોરદાર હતા કે સેકન્ડો સુધી ધરતી ધ્રૂજતી રહી હતી. ભૂકંપનું કેન્દ્રબિંદુ પશ્ચિમી ભૂતાનમાં જમીનની અંદર હતું. પાડોશી દેશ ભૂતાનની રાજધાની થિમ્ફુમાં પણ તેની વ્યાપક અસર જોવા મળી હતી. હાલમાં જાનમાલના કોઈ મોટા નુકસાનના અહેવાલ નથી, પરંતુ સ્થિતિ પર નજર રાખવામાં આવી રહી છે.

OPEC Plus મંત્રીઓએ જુલાઈ મહિના માટે ઓઇલ ક્વોટા 1,88,000 બેરલ પ્રતિ દિન વધારવાનો નિર્ણય લીધો છે. જોકે, આ પગલાંથી ક્રૂડ ઓઇલની કિંમતો પર ખાસ ઘટાડો નહીં થાય, કારણ કે મધ્ય પૂર્વમાં ચાલી રહેલા યુદ્ધને કારણે ભાવો પહેલેથી જ ઊંચા છે. આ નિર્ણય ભારતીય રૂપિયા પર દબાણ વધારશે અને ઓઇલ ઇમ્પોર્ટ બિલ તેમજ ચાલુ ખાતાની ખાધ ઊંચી રહેશે. માલસામાનની હેરફેરનો ખર્ચ ઓછો ન થવાથી મોંઘવારીનો ખતરો યથાવત રહેશે.