વલસાડ જિલ્લામાં તાપમાનમાં વધારો નોંધાયો છે. ધરમપુર અને વાપી તાલુકાઓમાં 34 ડિગ્રી, વલસાડ, પારડી અને ઉમરગામમાં 33 અને કપરાડામાં 32 ડિગ્રી તાપમાન નોંધાયું છે. હવામાન વિભાગે ગુજરાતના છૂટાછવાયા વિસ્તારોમાં 20 મે સુધી કમોસમી વરસાદની આગાહી કરી છે, જેના કારણે બફારો વધ્યો છે. તાપમાનથી બચવા બપોરે 12થી 5 વચ્ચે બહાર ન નીકળવા સૂચના આપવામાં આવી છે. ઠંડા પીણાં અને ORS વાળું પાણી પીવાનું જણાવાયું છે. પશુપાલકોને પાણી અને છાયા આપવાની અપીલ કરવામાં આવી છે.