હવામાન વિભાગ મુજબ, આજે દક્ષિણ ગુજરાત અને દક્ષિણ સૌરાષ્ટ્રમાં હળવા વરસાદની શક્યતા છે. ચોમાસું હવે મુંબઈ સુધી પહોંચી ગયું છે અને 12થી 18 જૂન સુધી પશ્ચિમી પવન મજબૂત બનીને વરસાદ આગળ વધશે. નર્મદા, સુરત, તાપી, ડાંગ, નવસારી, વલસાડ, દમણ અને દાદરા નગર હવેલીમાં હળવો વરસાદ પડી શકે છે. રાજકોટ, બોટાદ, જૂનાગઢ, અમરેલી, ભાવનગર, દીવ અને ગીર સોમનાથમાં પણ હળવો વરસાદ રહેવાની આગાહી છે. અમદાવાદમાં ગરમી યથાવત રહેશે. 10થી 14 જૂન સુધી બીજા જિલ્લા પણ વરસાદ અનુભવી શકે છે.