વૈશ્વિક પડકારો વચ્ચે પણ નાણાકીય વર્ષ ૨૦૨૫-૨૬માં ભારતની દરિયાઈ ખાદ્ય નિકાસ ₹૭૨,૩૨૫.૮૨ કરોડની ઐતિહાસિક સપાટીએ પહોંચી છે. અમેરિકામાં ટેરિફ સમસ્યાઓને કારણે નિકાસ ઘટવા છતાં ચીન અને અન્ય દેશોની વધતી માંગે આ ખોટ સરભર કરી છે. કુલ ૧૯.૩૨ લાખ મેટ્રિક ટન નિકાસમાં ‘ફ્રોઝન ઝીંગા’ મુખ્ય હિસ્સો ધરાવે છે, જેણે ₹૪૭,૯૭૩.૧૩ કરોડની કમાણી કરાવી છે. ભારતનું સી-ફૂડ માર્કેટ નવા દેશોમાં વિસ્તરતા નિકાસના જથ્થામાં નોંધપાત્ર વધારો થયો છે, જે દેશની આર્થિક પ્રગતિમાં મહત્વનું યોગદાન આપી રહ્યો છે.

બુધવાર, ૨૨ એપ્રિલના રોજ ઘરેલુ વાયદા બજાર (MCX)માં સોના અને ચાંદીના ભાવમાં ઉછાળો જોવા મળ્યો છે. સોનાનો વાયદો પ્રતિ ૧૦ ગ્રામ ₹૧,૫૩,૦૦૦ ને પાર પહોંચ્યો છે, જ્યારે ગુજરાતના મુખ્ય શહેરોમાં ૨૪ કેરેટ સોનાનો ભાવ ₹૧,૫૪,૮૦૦ અને ૨૨ કેરેટનો ભાવ ₹૧,૪૧,૯૦૦ રહ્યો છે. ચાંદીના ભાવમાં પણ તેજી જોવા મળી છે, જેમાં મુંબઈ અને દિલ્હીમાં ૧૦ ગ્રામ ચાંદી ₹૨,૬૫૦ માં વેચાઈ રહી છે. વૈશ્વિક સ્થિતિ અને માર્કેટ સેન્ટિમેન્ટને કારણે કિંમતી ધાતુઓના ભાવમાં સતત વધારો નોંધાઈ રહ્યો છે.

પશ્ચિમ એશિયામાં વધી રહેલા યુદ્ધના તણાવ અને ઓઇલના આસમાને પહોંચેલા ભાવ વચ્ચે ભારતે ઈંધણના ક્ષેત્રમાં એક મોટો અને ક્રાંતિકારી નિર્ણય લેવાની તૈયારી કરી લીધી છે. અત્યાર સુધી દેશમાં 20% ઈથેનોલ મિશ્રિત પેટ્રોલ(E20)ની ચર્ચા થતી હતી, પરંતુ હવે સરકાર સીધું E85 ફ્યુલ લાવવાનો ડ્રાફ્ટ તૈયાર કરી રહી છે. આ નવા બદલાવનો અર્થ એ છે કે હવે ગાડીઓમાં પેટ્રોલ ઓછું અને ઈથેનોલનું પ્રમાણ વધારે હશે. અહેવાલો મુજબ, સરકાર ટૂંક સમયમાં E85 ફ્યુલ અંગેના નિયમો જાહેર કરી શકે છે, જેના પર આંતરિક સંમતિ બની ચૂકી છે અને પ્રાથમિક ટેસ્ટિંગ પણ સફળતાપૂર્વક પૂર્ણ કરી લેવામાં આવ્યું છે.

બુધવાર, ૨૨ એપ્રિલે ભારતીય શેરબજારમાં ભારે ઘટાડો જોવા મળ્યો છે, જેમાં સેન્સેક્સ ૭૦૦ પોઈન્ટ ઘટીને ૭૮,૫૦૦ અને નિફ્ટી ૨૪,૪૦૦ની સપાટીથી નીચે સરક્યો છે. મુખ્યત્વે આઈટી શેરોમાં વેચવાલી અને એશિયન બજારોના નકારાત્મક વલણને કારણે આ સ્થિતિ સર્જાઈ છે. વિદેશી રોકાણકારોએ સતત બીજા દિવસે અંદાજે ₹૧,૯૧૯ કરોડના શેર વેચીને નાણાં પાછા ખેંચ્યા છે. મંગળવારની તેજી બાદ બજારમાં ફરી વેચાણનું દબાણ વધતા નિફ્ટી માટે ૨૩,૯૪૦ મહત્વનો સપોર્ટ ઝોન અને ૨૪,૧૪૩ રેઝિસ્ટન્સ લેવલ માનવામાં આવી રહ્યા છે.

વર્લ્ડ બેંકના પ્રેસિડેન્ટ અજય બંગાએ વિકાસશીલ દેશોમાં ગરીબી દૂર કરવા નોકરીઓ આપવા પર ભાર મૂક્યો. નિખિલ કામથ સાથેની વાતચીતમાં ગ્લોબલ ઇકોનોમી અને ભારતના વિકાસની ચર્ચા કરી. તેમણે ભારતના ઇન્ફ્રાસ્ટ્રક્ચરના બદલાવોની પ્રશંસા કરી અને ટુરિઝમ વધારવા પર ભાર મૂક્યો. DQ એટલે કે Decency Quotientને સફળતાનો મંત્ર ગણાવ્યો.

ZFTI અને બિલ્ડર એસોસિએશનના હોદ્દેદારોએ કલેક્ટર સોલંકીની મુલાકાત લીધી જેમાં કિશોરસિંહ ઝાલા સહિતના અગ્રણીઓ હાજર રહ્યા. ઝાલાવાડ ફેડરેશનના પ્રમુખે જિલ્લાની માળખાકીય સુવિધાઓ અંગે ચર્ચા કરી, ઔદ્યોગિક વિકાસની તકો જણાવી. જિલ્લામાં ઔદ્યોગિક વિકાસ, વેપાર વૃદ્ધિ, રોજગાર સર્જન અને ઇન્ફ્રાસ્ટ્રક્ચર સુધારણા જેવા મુદ્દાઓ પર ચર્ચા થઈ. કલેક્ટર સોલંકીએ સહકાર આપવાની ખાતરી આપી અને ZFTIના પ્રયત્નોને બિરદાવ્યા.

અમેરિકા-ઇઝરાયલ અને ઈરાન વચ્ચેના યુદ્ધને કારણે હોર્મુઝ રૂટ પ્રભાવિત થતા ભારતમાં ખાતરનું ઉત્પાદન માર્ચમાં ૨૪.૬ ટકા ઘટ્યું છે. યુરિયા બનાવવા માટે જરૂરી નેચરલ ગેસનો પુરવઠો ખોરવાતા દેશમાં ખાતરની અછત અને ખાદ્ય મોંઘવારી વધવાની ભીતિ છે. ભારત પોતાની ૬૦ ટકા ગેસ અને ૪૦ ટકા યુરિયાની જરૂરિયાત માટે ખાડી દેશો પર નિર્ભર છે. જોકે, સરકારે ખરીફ સિઝન માટે પૂરતો બફર સ્ટોક હોવાની ખાતરી આપી છે, પરંતુ આ સ્થિતિ સ્વદેશી નેનો ખાતર અને જૈવિક ખેતી તરફ વળવા માટે 'વેક-અપ કોલ' સમાન છે.

હવે Netflix, YouTube જેવા વિદેશી એપ્સના સબ્સ્ક્રિપ્શન માટે ઓટોમેટિક પેમેન્ટ ગમે ત્યારે રોકી શકાશે. RBIએ નિયમો બદલ્યા છે, જેનાથી કાર્ડ/UPIથી થતા ઈ-મેન્ડેટ પેમેન્ટ પહેલાં નોટિફિકેશન મળશે અને AFA વેરિફિકેશન થશે. આથી યુઝર્સ ડિજિટલ ફ્રોડથી બચી શકશે. ટ્રાન્ઝેક્શન લિમિટ ₹15,000 સુધીની રહેશે, અને ખોટા ટ્રાન્ઝેક્શનનું રિપોર્ટિંગ ૩ દિવસમાં કરવાથી રિફંડ મળશે. બેંકો આ સુવિધા માટે કોઈ ચાર્જ વસૂલશે નહીં.

MSME માટે સરકારની 45 દિવસમાં પેમેન્ટની સ્કીમને મોટા ઉદ્યોગોએ અવગણી છે, જેના કારણે નાણાંનો ફ્લો અટક્યો છે. યોજનાના અમલીકરણમાં સરકારે કડક પગલાં લેવામાં નબળાઈ દાખવી છે. મોટા ઉદ્યોગો MSMEને પેમેન્ટ કરવામાં વિલંબ કરે છે, જેના કારણે અંદાજે રૂ. 8 લાખ કરોડની લેણી રકમ બાકી છે. આ MSME માટે ગંભીર સમસ્યા છે.

નીતિ આયોગે જણાવ્યું કે પશ્ચિમ એશિયામાં ચાલી રહેલા યુદ્ધે ભારત અને ગલ્ફ કોઓપરેશન કાઉન્સિલ (GCC) વચ્ચે મુક્ત વેપાર કરાર (FTA) પરની પ્રગતિને ધીમી કરી છે. ઊર્જા આયાત, નિકાસ અને રેમિટન્સના સંદર્ભમાં ગલ્ફ ક્ષેત્ર ભારત માટે એક મહત્વપૂર્ણ ભાગીદાર છે. વેપારનો નોંધપાત્ર હિસ્સો આ પ્રદેશમાંથી પસાર થાય છે.

મુંબઈ ઝવેરી બજારમાં GOLD અને SILVERના ભાવમાં વધઘટ થઈ. દિવસના અંતે GOLD પ્લસમાં અને SILVER તેમજ PLATINUM માઈનસમાં રહ્યા. વિશ્વ બજારમાં GOLDના ભાવ 4804-4805 DOLLARથી વધી 4833 DOLLAR થયા. મુંબઈ બુલીયન બજારમાં GOLD GST વગર 151487 રૂપિયા પ્રતિ 10 ગ્રામ હતું.

અમેરિકાની સુપ્રીમ કોર્ટે ટેરિફને ગેરકાયદે ઠેરવતા 166 અબજ ડોલરના રિફંડની પ્રક્રિયા શરૂ થઇ છે, જેમાં ભારતીય નિકાસકારોને 12 અબજ ડોલરનું રિફંડ લેવાનું છે. ભારતીય નિકાસકારોએ આ રિફંડ સીધું ટ્રમ્પ તંત્ર પાસેથી નહીં, પણ અમેરિકન આયાતકારો પાસેથી મેળવવાનું રહેશે. કંપનીઓને નાણાં મળતા 60 થી 90 દિવસનો સમય લાગી શકે છે. ગ્લોબલ ટ્રેડ રિસર્ચ ઇનિશિએટિવના સૂત્રોએ આ માહિતી આપી હતી.

ઇરાન-અમેરિકા યુદ્ધના કારણે સર્જાયેલી ગેસના બાટલાની તીવ્ર અછતની સીધી અસર કચ્છના પ્રવાસન પર પડી છે. લક્ઝરી બસોમાં સાથે આવતા 'મોબાઈલ રસોડા' અને કેટરિંગ સ્ટાફ હવે ભૂતકાળ બની ગયા છે, જેના કારણે યાત્રિકોએ ફરજિયાતપણે હોટલ કે ભોજનાલયો પર નિર્ભર રહેવું પડે છે. ગેસ ન મળવાને કારણે ટ્રાવેલ એજન્ટોએ ભોજન વગરના પેકેજ બનાવવાની ફરજ પડી છે. આ નવી વ્યવસ્થાથી પ્રવાસીઓએ ઘર જેવો સ્વાદ ગુમાવ્યો છે અને અનેક રસોઈયા તેમજ હેલ્પરોની રોજીરોટી પર સંકટ ઊભું થયું છે.

ટિમ કૂકની જગ્યાએ હવે જ્હોન ટર્નસ Appleના નવા CEO બનશે, જેઓ 1 સપ્ટેમ્બર 2026થી કમાન સંભાળશે. કૂક એક્ઝિક્યુટિવ ચેરમેન બનશે. કૂકના નેતૃત્વમાં Appleની વેલ્યુ 4 ટ્રિલિયન ડોલર થઈ. ટર્નસ 2001માં જોડાયા, સ્ટીવ જોબ્સ સાથે કામ કર્યું, અને તેઓ આઈપેડ, એરપોડ્સ, આઈફોન, Apple વોચ જેવા પ્રોડક્ટ્સમાં સામેલ હતા. ટર્નસ પાસે મિકેનિકલ એન્જિનિયરિંગની ડિગ્રી છે.

RBIએ રૂપિયાની અસ્થિરતાને રોકવા ઓફશોર NON-DELIVERABLE FORWARDS MARKET (NDF)માં ફોરેક્સ ડીલરો પરના નિયંત્રણો હટાવ્યા. રિઝર્વ બેંકના ગવર્નર સંજય મલ્હોત્રાએ જણાવ્યું હતું કે આ નિયંત્રણો કાયમ માટે રહેશે નહીં. અધિકૃત ડીલરો હવે રૂપિયા સાથે જોડાયેલા NON-DELIVERABLE DERIVATIVE CONTRACTS ની ઓફર નિવાસી કે બિન-નિવાસી વપરાશકર્તાઓ માટે પ્રતિબંધિત કરવાની જરૂર રહેશે નહીં. તેઓ વપરાશકર્તાને રૂપિયા સાથે સંકળાયેલા કોઈપણ વિદેશી ચલણ DERIVATIVE CONTRACTને ફરીથી બુક કરવાની પણ મંજૂરી આપી શકે છે.

ભારતીય કંપનીઓએ વિદેશથી માલ ખરીદવા માટે તેમની ચુકવણી વ્યૂહરચના બદલી છે. તેઓ હવે ચીનના ચલણ, યુઆનને યુએસ ડોલર કરતાં વધુ પ્રાથમિકતા આપી રહ્યા છે. તાજેતરમાં, ભારતીય કંપનીઓએ ઈરાનથી તેલ ખરીદી માટે પણ યુઆનમાં ચૂકવણી કરી હતી. હવે, ચીનથી આયાત માટે ચૂકવણી પણ યુઆનમાં કરવામાં આવી રહી છે. હકીકતમાં, ભારતીય રૂપિયો યુએસ ડોલર સામે રેકોર્ડ નીચા સ્તરે પહોંચી ગયો છે.

રાજકોટ ચેમ્બર ઓફ કોમર્સ ખાતે MSME નિકાસકારો માટે સેમિનાર યોજાયો, જેમાં વૈશ્વિક પડકારો વચ્ચે સુરક્ષિત વેપાર અને સરકારી યોજનાઓના લાભો વિશે માર્ગદર્શન અપાયું. ‘વોર રિસ્ક સરચાર્જ’માં 50% રિમ્બર્સમેન્ટની જાહેરાત કરવામાં આવી. ECGC અને DGFT દ્વારા નિકાસકારોને રાહત યોજનાઓ અને વીમા કવચની માહિતી આપવામાં આવી. નિકાસકારોને કોમર્શિયલ અને પોલિટિકલ રિસ્ક સામે રક્ષણ મેળવવા ECGCની સેવાઓનો લાભ લેવા જણાવ્યું.

કેપેક્સ અને ઈન્ફ્રાસ્ટ્રક્ચરની માંગને લીધે 2026ના પ્રથમ છ મહિનામાં ઔદ્યોગિક ધિરાણ વૃદ્ધિ 13% રહેવાનો અંદાજ છે. બેંકોના જણાવ્યા અનુસાર, FICCI અને ઈન્ડિયન બેંક્સ એસોસિએશનના સર્વે મુજબ જાન્યુઆરીથી જૂન 2026 દરમિયાન ઔદ્યોગિક ધિરાણમાં 9 થી 13% નો વધારો થઈ શકે છે, જે સ્થિર રહેશે. મૂડી ખર્ચમાં વધારો અને માંગને કારણે વિકાસ થશે.

અમેરિકી રાષ્ટ્રપતિ ટ્રમ્પની અનિશ્ચિત નીતિઓ અને ઈરાન સાથેના વધતા તણાવને કારણે વૈશ્વિક બજારોમાં ફરી અસ્થિરતા જોવા મળી રહી છે. ઈરાને હોર્મુઝ સ્ટ્રેટમાં કાર્ગો શિપ જપ્ત કરી અમેરિકા સાથેની બીજા તબક્કાની મંત્રણાનો ઇનકાર કર્યો છે. આ ભૌગોલિક-રાજકીય સંઘર્ષને પગલે ક્રૂડ ઓઈલ અને એલપીજીના પુરવઠામાં અવરોધ આવવાની ભીતિએ તેલના ભાવમાં ૫-૬ ટકાનો ઉછાળો આવ્યો છે. પરિણામે, શરૂઆતી તેજી બાદ ભારતીય શેરબજારમાં પણ નરમાઈ જોવા મળી હતી, જેનાથી વૈશ્વિક અર્થતંત્રમાં ફરી ચિંતાનું મોજું ફરી વળ્યું છે.

યુએઈ અમેરિકાની આક્રમક નીતિઓથી પ્રાદેશિક નાણાકીય સ્થિરતા જોખમમાં હોવાનો દાવો કરે છે. ખાડી યુદ્ધના લીધે યુએઈની નાણાકીય સ્થિતિ કથળી છે. અમેરિકન ડોલરની કમી અનુભવાઈ તો યુએઈ ઓઇલ-ગેસના વ્યવહાર ચીનના ચલણ યુઆન અને અન્ય ચલણમાં શરૂ કરવાની ચેતવણી આપે છે. આ યુદ્ધ માટે યુએઈએ ટ્રમ્પને જવાબદાર ઠેરવ્યા.

દક્ષિણ કોરિયાના પ્રમુખ લી જે મ્યુંગના ભારતના પ્રવાસ દરમિયાન, વડાપ્રધાન મોદી સાથેની મુલાકાતમાં 2030 સુધીમાં ભારત અને કોરિયા વચ્ચેનો કારોબાર 50 Billion Dollar સુધી લઈ જવાનો લક્ષ્યાંક નક્કી કરાયો છે. બંને દેશો ક્રિટિકલ ટેક્નોલોજી અને સપ્લાય ચેઈનમાં સહયોગ વધારશે, ભારતમાં કોરીયન ઇન્ડસ્ટ્રીયલ ટાઉનશિપની સ્થાપના કરાશે તેમજ AI, સેમીકંડક્ટર અને ITમાં ભાગીદારી કરશે. હાલમાં આ કારોબાર 27 Billion Dollarનો છે.

PM નરેન્દ્ર મોદીએ આજે (20 એપ્રિલ) નવી દિલ્હીમાં દક્ષિણ કોરિયાના પ્રમુખ લી જે મ્યુંગ સાથે દ્વિપક્ષીય બેઠક યોજીને ભારત-દક્ષિણ કોરિયા વચ્ચે અત્યાધુનિક ટૅક્નોલૉજીથી લઈને કે-પોપમાં નવા યુગની શરૂઆત કરી છે. આ ઉપરાંત બંને દેશો વચ્ચે દ્વિપક્ષીય વેપાર વધારવાની પણ જાહેરાત કરવામાં આવી છે. બંને દેશના નેતાઓ વચ્ચે MOU કરાયા છે. આ ઉપરાંત વેપાર, સંસ્કૃતિ અને ટૅક્નોલૉજી ક્ષેત્રે ભાગીદારી વધારવા પર પણ ભાર અપાયો છે. દ્વિપક્ષીય બેઠક બાદ વડાપ્રધાન મોદી અને દ. કોરિયાના પ્રમુખ મ્યુંગે સંબોધન પણ કર્યું હતું.

એશિયન બજારોમાં તેજી વચ્ચે ભારતીય શેરબજાર લીલા નિશાને ખુલ્યું. GIFT નિફ્ટી ફ્યુચર્સમાં 31 પોઈન્ટનો વધારો થયો. પશ્ચિમ એશિયામાં તણાવ વધ્યો, ક્રૂડ ઓઇલ $95ને પાર થયું. સેન્સેક્સ 102 પોઇન્ટ વધીને 78,595.56 પર અને નિફ્ટી 0.45 પોઇન્ટ વધીને 24,354.00 અંકે ખુલ્યો. જાપાન અને દક્ષિણ કોરિયાના બજારોમાં તેજી જોવા મળી, જ્યારે ઓસ્ટ્રેલિયામાં ઘટાડો થયો. US Marketsમાં પણ વધારો નોંધાયો.

અખાત્રીજના શુભ મુહૂર્તે ભરૂચના સોના-ચાંદીના બજારમાં દિવાળી જેવો ઉત્સાહ જોવા મળ્યો હતો. સોનાના ઊંચા ભાવ હોવા છતાં, શુકનવંતી ખરીદીની માન્યતાને કારણે શહેરમાં એક જ દિવસમાં અંદાજે ₹20 કરોડના સોનાનું વેચાણ નોંધાયું છે. ભરૂચના વિવિધ વિસ્તારોમાં જ્વેલર્સના શો-રૂમ ગ્રાહકોથી ઊભરાયા હતા. લગ્નની સિઝનને ધ્યાનમાં રાખીને લોકોએ દાગીના, સિક્કા અને ગીનીની મોટાપાયે ખરીદી કરી હતી. ગત વર્ષની સરખામણીએ ભાવ વધારો હોવા છતાં વેચાણમાં થયેલો આ નોંધપાત્ર વધારો બજારમાં તેજીનો સંકેત આપે છે.

અંકલેશ્વર ઇન્ડસ્ટ્રીઝ એસોસિએશન દ્વારા 16માં Industrial Expo ની પૂર્ણાહુતી થઈ, જેમાં 125 થી વધુ સ્ટોલ હતા. આ Expo માં Pharmaceuticals, Chemicals, Engineering Tools, Pollution Control Equipment જેવા ઉદ્યોગોએ ભાગ લીધો. સમાપન સમારોહમાં અરુણ જોષી, બળદેવ પ્રજાપતિ ઉપસ્થિત રહ્યા અને વિવિધ કેટેગરીમાં શ્રેષ્ઠ exhibitors ને એવોર્ડ અપાયા.

ગુજરાત સરકાર મોટા investment projects ને ઝડપી મંજૂરી આપવા વહીવટી માળખામાં ફેરફાર કરશે. જેમાં 4-5 વિભાગોનું cluster એકસાથે કામ કરશે, દરેક project માટે નોડલ અધિકારી હશે. આ મોડેલમાં મંજૂરીઓ ઘટાડી સમયગાળો 30-60 દિવસનો કરાશે, જેનાથી project ખર્ચમાં ઘટાડો અને રોકાણની ગતિ વધશે. Single digital dashboard થી રિયલ-ટાઇમ ટ્રેકિંગ થશે. IAS સાથે ટેક્નોક્રેટ્સ અને industry experts પણ સામેલ થશે.

ટાટા જૂથ ટ્રસ્ટે ‘બાઈ હીરાબાઈ જમશેદજી ટાટા નવસારી ચેરિટેબલ ઈન્સ્ટિટ્યુશન’ના ટ્રસ્ટી બનવાના વર્તમાન વિવાદાસ્પદ નિયમોમાં ફેરફાર કરવા માટે કાયદાકીય પ્રક્રિયા શરૂ કરવાની જાહેરાત કરી છે. વર્તમાન નિયમ મુજબ માત્ર પારસીઓને જ ટ્રસ્ટી બનાવાતા હતા, જોકે નવા નિયમ મુજબ હવે બિન-પારસી વ્યક્તિઓને ટ્રસ્ટી બનાવી શકાય તે માટે ટ્રસ્ટે કાયદાકીય પ્રક્રિયા શરૂ કરી દીધી છે. થોડા દિવસો પહેલા ટ્રસ્ટના પૂર્વ ટ્રસ્ટી મેહલી મિસ્ત્રીએ ટ્રસ્ટના બોર્ડમાં દિગ્ગજ ઉદ્યોગપતિ વેણુ શ્રીનિવાસન અને પૂર્વ સંરક્ષણ સચિવ વિજય સિંહને સામેલ કરાતા મહારાષ્ટ્ર ચેરિટી કમિશનરને ફરિયાદ નોંધાવી હતી.

સૌરાષ્ટ્રના મુખ્ય માર્કેટ રાજકોટમાં ખાદ્યતેલના ભાવ ઘટ્યા, સીંગતેલ, કપાસિયા, પામતેલમાં ઘટાડો થતા રસોડાનું બજેટ હળવું થશે. સીંગતેલમાં ડબ્બા દીઠ રૂપિયા 35, કપાસિયા તેલમાં રૂપિયા 30 અને પામતેલમાં રૂપિયા 20નો ઘટાડો થયો છે. નવા ભાવ: સીંગતેલ રૂપિયા 2825-2875, કપાસિયા તેલ રૂપિયા 2250-2255, પામતેલ રૂપિયા 2250-2255.

સરકારનો ઉદ્દેશ કિંમતો નિયંત્રિત રાખવાનો છે. 23 માર્ચ પછી 17.25 લાખથી વધુ ફ્રી ટ્રેડ LPG સિલિન્ડર વેચાયા અને ઓટો LPG ના વેચાણમાં 70% વધારો થયો. રાજ્યોમાં PNG સાથે વધારાનું કોમર્શિયલ LPG મોકલવામાં આવી રહ્યું છે. સરકારે ખાતરી આપી છે કે દેશમાં ઈંધણની સપ્લાય પર કોઈ અસર થઈ નથી. સરકારે 5 કિલોના FTL સિલિન્ડરની ઉપલબ્ધતા વધારી છે.

લગભગ એક દાયકા પહેલાં શેરબજારમાં મોટાભાગના સોદા ડીલર દ્વારા થતા હતા, જેમાં ફોન કોલ જરૂરી હતા. હવે NSEના ડેટા પ્રમાણે નાણાકીય વર્ષ 2015માં 60%થી વધુ ટ્રેડિંગ આ રીતે થયું હતું, પણ 2025-26 સુધીમાં તે ઘટીને માત્ર 25.1% થઈ ગયું છે, કારણ કે ડિજિટલ ટ્રેડિંગનું મહત્વ વધ્યું છે.