વૈશ્વિક ભૌગોલિક-રાજકીય તણાવ અને દરિયાઈ સુરક્ષા જોખમો વચ્ચે ભારત માટે રાહતના સમાચાર આવ્યા છે. માર્શલ આઇલેન્ડ્સનો ધ્વજ ધરાવતું ‘સિમી’ નામનું વિશાળ LPG ટેન્કર સુરક્ષિત રીતે સ્ટ્રેટ ઓફ હોર્મુઝ પાર કરીને ગુજરાતના કંડલાના દીનદયાલ પોર્ટ પર પહોંચી ગયું છે. આ જહાજ આશરે 20,000 મેટ્રિક ટન રાંધણ ગેસ લઈને આવ્યું છે અને તેમાં 21 વિદેશી ક્રૂ મેમ્બર્સ સવાર છે. 13 મેના રોજ હોર્મુઝ જળમાર્ગ પાર કર્યા બાદ જહાજ કોઈ અવરોધ વગર કંડલા પહોંચ્યું હતું, જ્યારે સમગ્ર મુસાફરી દરમિયાન તેની સુરક્ષા પર સતત નજર રાખવામાં આવી રહી હતી.

મિડલ ઈસ્ટ યુદ્ધના પગલે CNGના ભાવ વધ્યા, જેના કારણે અમદાવાદમાં રિક્ષા ભાડું 15-20% મોંઘું થયું. ઓનલાઈન ટેક્સીના ભાવમાં પણ 5-10 રૂપિયાનો વધારો થયો છે. આનાથી નોકરિયાત, મધ્યમ અને વિદ્યાર્થી વર્ગના બજેટ પર અસર પડી છે, જેમને હવે ટૂંકા અંતર માટે પણ વધુ ભાડું ચૂકવવું પડી રહ્યું છે. રિક્ષા અસોસિયેશન દ્વારા સરકારમાં ભાડું વધારવા રજૂઆત કરાઈ છે.

નેધરલેન્ડ યાત્રાએ પીએમ મોદીની હાજરીમાં 1000 વર્ષ જૂના ચોલ તામ્ર પટ્ટીકાઓ ભારત લાવવા કરાર થયો. ટાટા ઇલેક્ટ્રોનિક્સ અને ડચ ચિપ કંપની ASML વચ્ચે સેમિકન્ડક્ટર ક્ષેત્રે પણ સમજૂતી થઈ. મોદીએ નેધરલેન્ડના રાજા-રાણીને મળ્યા, રોકાણ માટે ભારતમાં અત્યારે શ્રેષ્ઠ સમય ગણાવ્યો.

પેટ્રોલ અને ડીઝલના ભાવમાં પ્રતિ લિટર રૂ.૩ સુધીનો વધારો થતા ભારતીય રાઇડ-કંપનીઓ, ઇ-કોમર્સ અને ક્વિક-કોમર્સ ક્ષેત્રની કંપનીઓ વધતા લોજિસ્ટિક્સ અને ડિલિવરી ખર્ચ વધારવા માટે તૈયારી કરી રહી છે. નફાના માર્જિન પર અસર પડવાની ચિંતા ઊભી થતા ટ્રક ઓપરેટરો તથા લોજિસ્ટિક કંપનીઓએ નૂર દરમાં વધારો કરવાની હિલચાલ શરૂ કરી છે. દેશભરના ટ્રક ઓપરેટરો તથા લોજિસ્ટિક કંપનીઓ દ્વારા ભાડાંના દરમાં ૩થી ૪ ટકા વધારો થવાની સંભાવના છે. CNGના ભાવમાં પણ પ્રતિ કિલોગ્રામ રૂ. ૨ સુધીનો વધારો કરવામાં આવ્યો છે.

પેટ્રોલ, ડીઝલ અને CNGના ભાવ વધારાને કારણે અમદાવાદ સહિત ગુજરાતના મુખ્ય શહેરોમાં કેબ સર્વિસ મોંઘી થશે. Ola, Uber, Rapido જેવા ઓપરેટરો માટે ખર્ચાળ બન્યું છે, જેના કારણે મુસાફરો પર ભાડાનો બોજ વધશે. ડ્રાઇવરોની આવક પર અસર થઈ રહી છે. CNGનો ભાવ 86.02 પ્રતિ કિલો થયો છે, જેના વિરોધમાં રિક્ષા ચાલકોએ આવેદનપત્ર આપવાનો નિર્ણય કર્યો છે.

મુંબઈ ઝવેરીબજારમાં આજે શનિવારના કારણે બુલીયન બજાર સત્તાવાર બંધ રહી હતી. જોકે બંધ બજારે સોના- ચાંદીના ભાવ વધુ તૂટયા હતા. વિશ્વબજારમાં ભાવ વધુ નીચા ઉતરતાં ઘરઆંગણે ઈમ્પોર્ટ કોસ્ટ ઘટી હોવાનું બજારના સૂત્રો જણાવી રહ્યા હતા. દરમિયાન, મુંબઈ કરન્સી બજારમાં બંધ બજારે રૂપિયા સામે ડોલરના ભાવ જે શુક્રવારે ઉંચામાં રૂ.૯૬.૧૫ થઈ રૂ.૯૫.૯૬ બંધ રહ્યા હતા તે ભાવ શનિવારે ઘટી રૂ.૯૫.૮૩ આસપાસ બોલાઈ રહ્યા હતા.

ભારતીય રિઝર્વ બેંક (RBI) એ નાની NBFCs માટે નોંધણીમાંથી મુક્તિ આપી છે. આનાથી ઇક્વિટી બજારોમાં તેમની ભાગીદારી વધશે, મૂડી બજાર મજબૂત બનશે. અનેક સંસ્થાઓ NBFC વર્ગીકરણના ડરથી ઇક્વિટી બજારોમાં આવવાનું ટાળતી હતી, હવે તેઓ વધુ સક્રિય થઈ શકે છે.

પેટ્રોલ તથા ડીઝલના ભાવમાં કરાયેલા વધારાથી દેશની તેલ રિફાઈનરીઓને થયેલી રાહત ડોલર સામે રૂપિયામાં હવે પછીની કોઈપણ નબળાઈથી ધોવાઈ જશે એમ એસબીઆઈ ઈકોરેપના એક અહેવાલમાં જણાવાયું હતું. પેટ્રોલ-ડીઝલના ભાવમાં પ્રતિ લિટર રૂપિયા ૩નો વધારો કરાતા ઓઈલ માર્કેટિંગ કંપનીઓને તેમની અન્ડર રિકવરીમાં રૂપિયા ૫૩૦૦૦ કરોડ જેટલી રાહત થશે. વર્તમાન નાણાં વર્ષમાં તેલ રિફાઈનરીઓને થનારી અપેક્ષિત ખોટના આ રકમ પંદર ટકા જેટલી થવા જાય છે. 

ઈરાન યુદ્ધના કારણે ક્રુડ ઓઈલ પુરવઠાની અનિશ્ચિતતા, અમેરિકી ડોલર સામે રૂપિયાનું ધોવાણ અને વૈશ્વિક વેપાર તણાવ વચ્ચે આગામી સપ્તાહમાં શેરબજારમાં તેજી જોવા મળી શકે છે. નિફટી 23888 ઉપર બંધ થઈ 24111 સુધી અને સેન્સેક્સ 76000 ઉપર બંધ થઈ 76777 સુધી પહોંચવાની ધારણા છે.

તમારા બિઝનેસ પાર્ટનરની રાશિ તમારી રાશિ સાથે કેટલી શુભ છે તે જાણો. મેષ રાશિ માટે સિંહ અને ધન રાશિ શુભ, જ્યારે કન્યા અને વૃશ્ચિક અશુભ હોઈ શકે છે. ભાગીદારની કુંડળીમાં સૂર્ય-શનિ, શનિ-રાહુ, શુક્ર-મંગળની યુતિ જેવી ખતરનાક ગ્રહયુતિઓથી બચવા અને સફળ વ્યવસાય માટે ગ્લોબલ એસ્ટ્રો ગુરુ ડૉ. પંકજ નાગર પાસેથી વિસ્તૃત માહિતી મેળવો.

નવસારીમાં બેંક ઓફ બરોડામાં નકલી સોનાના દાગીના ગીરવે મૂકી 21.39 લાખની છેતરપિંડીનો પર્દાફાશ થયો છે. પોલીસે મુખ્ય સૂત્રધાર, લોન લેનારાઓ અને ખોટું સર્ટિફિકેટ આપનાર સોની સહિત 5 આરોપીને ઝડપી પાડ્યા છે. આ ટોળકીએ 2022 થી આ ઠગાઈ આચરી હતી, જેમાં અગાઉ બે મેનેજર દ્વારા ફરિયાદ ન નોંધાતા ગુનો ચાલ્યો. હાલમાં નવસારી કોર્ટે આરોપીઓને 19 મે સુધીના રિમાન્ડ પર મોકલ્યા છે.

ઇંધણ સપ્લાય ચેઇન ખોરવાતાં મહેસાણા શહેરમાં પેટ્રોલ અને સીએનજીને લઈ અફરાતફરી જોવા મળી. કેટલાક પેટ્રોલ પંપો પર સ્ટોક ખૂટી પડતાં નજીકના પંપ પર વાહનોની લાઇનો લાગી હતી, જેથી વાહનચાલકોને હાલાકી વેઠવી પડી હતી. વિસનગર લિંક રોડ પર સીએનજી અને પેટ્રોલ ભરાવવા વાહનોની લાંબી કતારો જોવા મળી. રાધનપુર રોડ પર પેટ્રોલનો સ્ટોક ન હોઇ લોકોને મુશ્કેલી પડી.

ટેન્કર મોડાં આવતાં સપ્લાય ખોરવાયો, જેના કારણે અનેક પેટ્રોલ પમ્પ પર ટુ-વ્હીલર માટે રૂ.200-300 અને ફોર-વ્હીલર માટે રૂ.500-1000નું મર્યાદિત પેટ્રોલ વેચાણ થઈ રહ્યું છે. કેટલાક પમ્પો પર સ્ટોક ખૂટતાં અથવા ટેન્કર મોડાં પહોંચતાં સેવા બંધ કરાઈ છે. પેટ્રોલ-ડીઝલનું કેરબા/બોટલમાં વેચાણ પણ બંધ છે, જ્યારે CNG ભાવ વધારાના કારણે CNG પમ્પો પર ભીડ છે. તંત્ર પૂરતો સ્ટોક હોવાનો દાવો કરે છે, પણ લોકો મૂંઝવણ અનુભવી રહ્યા છે.

પશ્ચિમ એશિયામાં વધતા તણાવ વચ્ચે કેન્દ્ર સરકારે સોના-ચાંદીની આયાતને લઈને મહત્વપૂર્ણ નિર્ણય લીધો છે. ડિરેક્ટોરેટ જનરલ ઓફ ફોરેન ટ્રેડ (DGFT) દ્વારા જાહેર કરાયેલા નોટિફિકેશન મુજબ હવે 99.9 ટકા શુદ્ધતા ધરાવતા ચાંદીના બારને ‘ફ્રી’ કેટેગરીમાંથી હટાવી ‘રેસ્ટ્રિક્ટેડ’ કેટેગરીમાં મૂકવામાં આવ્યા છે. અન્ય સિલ્વર બાર પર પણ આ જ નિયમ લાગુ કરાયો છે. આ નિર્ણય બાદ હવે સરકારની પરવાનગી વગર ચાંદીના બારની આયાત કરી શકાશે નહીં. સરકારનો આ પગલું વૈશ્વિક આર્થિક પરિસ્થિતિ અને આયાત નિયંત્રણને ધ્યાનમાં રાખીને લેવામાં આવ્યું હોવાનું માનવામાં આવે છે.

ગુજરાતના વાહનચાલકો માટે ફરી એકવાર મોંઘવારીના માઠા સમાચાર સામે આવ્યા છે. અદાણી ગેસ દ્વારા કમ્પ્રેસ્ડ નેચરલ ગેસ (CNG)ના ભાવમાં પ્રતિ કિલો 2.24 રૂપિયાનો વધારો ઝીંકી દેવામાં આવ્યો છે. આ નવો ભાવ વધારો આજ (16મી મે)થી જ અમલમાં આવી ગયો છે, જેના કારણે સામાન્ય જનતા અને મધ્યમ વર્ગના ખિસ્સા પર સીધો આર્થિક બોજ વધશે. નવા વધારા બાદ હવે અદાણી CNGનો ભાવ પ્રતિ કિલો 86.1 રૂપિયા પર પહોંચી ગયો છે. નોંધનીય છે કે, છેલ્લા થોડા સમયથી અદાણી CNGના ભાવમાં સતત વધારો થઈ રહ્યો છે.

10 મિનિટ ડિલિવરી મોડેલ, અમદાવાદમાં દરરોજ 4500 લિટર પેટ્રોલનો બિનજરૂરી વપરાશ અને 13 હજાર કિલો કાર્બન ડાયોક્સાઇડ ઉત્સર્જન કરે છે. આ ક્વિક કોમર્સ મોડેલ પર્યાવરણ અને લોકોના સ્વાસ્થ્ય માટે ગંભીર ખતરો ઉભો કરે છે. સ્માર્ટ કોમર્સ અને ઇલેક્ટ્રિક વ્હીકલ (EV) અપનાવવાની જરૂર છે.

વડાપ્રધાન મોદીના UAE પ્રવાસ દરમિયાન 3 કરોડ (30 મિલિયન) બેરલ ક્રૂડ ઓઈલ સ્ટોર કરવાની ઐતિહાસિક ડીલ થઈ છે. આ સમજૂતી ભારતીય ઉર્જા સુરક્ષાને મજબૂત બનાવશે, જે ભવિષ્યની કટોકટીમાં મહિનાઓ સુધી મદદરૂપ થશે. LPG સપ્લાય અને ગેસ રિઝર્વ અંગે પણ સહમતી સધાઈ છે. ભારત પોતાની જરૂરિયાતનું લગભગ 85 ટકા તેલ વિદેશથી આયાત કરે છે. ભવિષ્યમાં યુદ્ધ કે અન્ય કોઈ વૈશ્વિક કટોકટીના કારણે સપ્લાય અટકી ન જાય તે માટે ભારતે જમીનની નીચે વિશાળ પેટ્રોલિયમ રિઝર્વ બનાવ્યા છે.

દેશમાં અછત રોકવા, પેટ્રોલ નિકાસ પર ₹3/લિટર વિન્ડફોલ ટેક્સ લાગ્યો. ડીઝલ અને જેટ ફ્યુઅલ (ATF) પર ડ્યુટી ઘટાડી. પશ્ચિમ એશિયાના તણાવને કારણે ક્રૂડ ઓઇલ 100 ડોલર/બેરલ પાર થતાં આ નિર્ણય લેવાયો. સ્થાનિક ભાવ પર અસર નહીં.

નેપાળ સુપ્રીમ કોર્ટે ભારતથી રોજિંદી ઉપયોગની વસ્તુઓ લાવવા-લઈ જવા પર બાલેન શાહ સરકારના કડક નિયમો પર સ્ટે લગાવ્યો. ₹100 ની મર્યાદાને કારણે સામાન્ય નાગરિકોને મુશ્કેલી અને સુરક્ષાકર્મીઓ સાથે વિવાદો સર્જાતા હતા.

વિશ્વ બજાર પાછળ ઘરઆંગણે અમદાવાદ ઝવેરી બજારમાં આજે સોનાના ભાવ ૧૦ ગ્રામદીઠ રૂ.૩૦૦૦ તથા ચાંદીના ભાવ રૂ.૨૦ હજાર તૂટી ગયા હતા! વિશ્વ બજારમાં સોનાના ભાવ ૪૭૦૫થી ૪૭૦૬ ડોલરવાળા જે ગબડી નીચામાં ભાવ ૪૫૩૨ થઆ ૪૫૪૯થી ૪૫૫૦ ડોલર રહ્યા હતા. ડોલરનો વૈશ્વિક ઈન્ડેક્સ વધી જતાં વૈશ્વિક સોનામાં આજે ફંડોનું સેલીંગ વધ્યું હોવાનું બજારના જાણકારો જણાવી રહ્યા હતા.

પશ્ચિમ એશિયામાં ચાલી રહેલા તણાવને કારણે, ક્રૂડ ઓઇલના ભાવ સતત ૧૦૦ ડોલર પ્રતિ બેરલથી ઉપર રહ્યા છે. આ દબાણ વચ્ચે, ઓઇલ માર્કેટિંગ કંપનીઓએ પેટ્રોલ અને ડીઝલના ભાવમાં પ્રતિ લિટર રૂ. ૩ નો વધારો કર્યો છે. વૈશ્વિક તેલના ભાવમાં વધારો અને સતત નુકસાનને ધ્યાનમાં રાખીને આ નિર્ણય જરૂરી માનવામાં આવ્યો હતો. જો કે, આ વધારો હાલમાં મર્યાદિત છે અને કંપનીઓને ફક્ત થોડી રાહત આપશે.

૩૦ સપ્ટેમ્બર સુધી ખાંડની નિકાસ પર સરકારે અચાનક પ્રતિબંધ મૂકતા ખાંડ ક્ષેત્ર આશ્ચર્યચકિત થયું છે. ૧.૫ મિલિયન ટનમાંથી ૫૦૦,૦૦૦ ટનની વધારાની નિકાસ મંજૂરી પછી આ નિર્ણય આવ્યો. સ્થાનિક ભાવ નિયંત્રણ અને ઉપલબ્ધતા માટે નિર્ણય લેવાયો, પરંતુ લાંબા ગાળે ખેડૂતોને નુકસાનની આશંકા. કેટલાક માને છે કે આનાથી ભાવ નિયંત્રિત નહીં થાય.

સોના-ચાંદી પરની આયાત ડયૂટીમાં વધારો કર્યા બાદ સરકારે સોનાની આયાત પર વધુ અંકૂશ મૂકવાના ભાગરૂપ એડવાન્સ ઓથોરાઈઝેશન સ્કીમ હેઠળ સોનાની આયાત મર્યાદા ૧૦૦ કી. ગ્રા. કરવાના નિર્ણયથી આર્બિટ્રેજ ટ્રેડિંગ પર અંકૂશ આવશે અને ફોરેકસ પરનું દબાણ પણ હળવું થશે એમ બજારના સુત્રો માની રહ્યા છે. આ નિર્ણયને કારણે ડયૂટી ફ્રી આયાતના થતા કથિત દૂરુપયોગમાં ઘટાડો થશે.મર્યાદા લાગુ કરાવાને કારણે સોનાની વધુ પડતી આયાત અટકશે અને સત્તાવાળા માટે આવા પ્રકારની આયાત પર દેખરેખ રાખવાનું સરળ બનશે.

ભારતીય રિઝર્વ બેંકે દેશમાં એનબીએફસી  પર પોતાની પકડ વધુ કડક બનાવી છે, એક જ ઝાટકે ૧૫૦ એનબીએફસીના નોંધણી પ્રમાણપત્રો રદ કર્યા છે. કેન્દ્રીય બેંક દ્વારા આ કડક કાર્યવાહી RBI અધિનિયમ, ૧૯૩૪ ની કલમ ૪૫-IA (૬) હેઠળ કરવામાં આવી છે.આ કાર્યવાહીનો અર્થ એ છે કે આ કંપનીઓ હવે કોઈપણ નાણાકીય વ્યવસાય અથવા ધિરાણ વ્યવસાય કરી શકશે નહીં. વધુમાં, સાત અન્ય કંપનીઓએ સ્વેચ્છાએ તેમના લાઇસન્સ પરત કર્યા છે. આ પછી, તેમના નોંધણી પણ રદ કરવામાં આવ્યા હતા.

ઈરાન મામલે અનિશ્ચિતતા, વૈશ્વિક બજારોમાં નરમાઈ, ડોલર સામે રૂપિયાનું ઐતિહાસિક ધોવાણ, પેટ્રોલ-ડીઝલ અને CNGના ભાવ વધારાએ શેરબજારમાં મંદી લાવી.

પાવીજેતપુરમાં પેટ્રોલ-ડીઝલની અછત અને ભાવ વધારાના કારણે વાહનચાલકો પરેશાન છે. અફવાઓથી ગભરાઈને લોકો વહેલી સવારથી પેટ્રોલ પંપો પર ઉમટી પડ્યા હતા, જેના કારણે લાંબી કતારો લાગી હતી. પેટ્રોલ-ડીઝલના ભાવમાં પ્રતિ લીટરે રૂા.3નો વધારો અમલમાં આવ્યો છે. વાહનચાલકોને મર્યાદિત માત્રામાં જ ઈંધણ મળી રહ્યું છે, જેના કારણે ભારે નારાજગી જોવા મળી રહી છે.

'ફ્રી ટ્રાયલ' અને 'સ્ટાર્ટ સબ્સ્ક્રિપ્શન' પર એક ક્લિકથી શરૂ થયેલી સફર દર મહિને આર્થિક બોજ બની શકે છે. આજે વીડિયો ગેમ્સ, ક્લાઉડ સ્ટોરેજ, OTT પ્લેટફોર્મ, જિમ એપ્સ, RO મશીન - બધું જ સબ્સ્ક્રિપ્શન મોડેલ પર આવી ગયું છે. 'સબ્સ્ક્રિપ્શન'ની અંદર પણ બીજા સબ્સ્ક્રિપ્શન હોય છે. બ્રિટન અને અમેરિકામાં સરેરાશ વ્યક્તિ દર મહિને 5,700 થી 16 હજાર રૂપિયા ખર્ચ કરે છે. 75% કંપનીઓ સબ્સ્ક્રિપ્શન મોડેલ અપનાવી ચૂકી છે. 'કેન્સલેશન' પ્રક્રિયા ખૂબ જ મુશ્કેલ હોય છે. સભાનપણે ખર્ચ કરો, સ્ટેટમેન્ટનું ઓડિટ કરો, ઉપયોગ ન થતી સેવા તાત્કાલિક રદ કરો.

ગિફ્ટ સિટી, ભારતનું પ્રથમ IFSC, માત્ર ફાઇનાન્સ હબ નથી, પણ આકર્ષક ડેસ્ટિનેશન બન્યું છે. આધુનિક ઇન્ફ્રાસ્ટ્રક્ચર, બિઝનેસ-ફ્રેન્ડલી પોલિસી અને વૈશ્વિક સુવિધાઓ NRI, પ્રોફેશનલ્સ અને કંપનીઓને આકર્ષી રહી છે. સુરક્ષિત, અનુકૂળ વ્યવસાયિક માહોલ અને 20 વર્ષની કરમુક્તિને કારણે ગુજરાત રોકાણકારો માટે પસંદગીનું સ્થળ બન્યું છે. રહેણાંક વિસ્તારની મર્યાદિત ઉપલબ્ધતા અને સતત વધતી માંગને કારણે ફ્લેટની કિંમતો વધી રહી છે, જે ગાંધીનગરના અર્થતંત્રને નવી દિશા આપી રહી છે.

ભરૂચ શહેર જિલ્લામાં પેટ્રોલ પંપો પર વાહન ચાલકોની લાંબી કતારો જોવા મળી રહી છે. અચાનક લોકો તેમના વાહનોમાં પેટ્રોલ-ડિઝલ ફુલ ભરી રહ્યાં હોવાને પેટ્રોલ-ડિઝલની અછત વર્તાઈ રહી છે. વહિવટી તંત્રની સાથે સાથે પેટ્રોલ પંપના સંચાલકો તેમજ ફિલરો દ્વારા વાહન ચાલકોને ગભરાવાની જરૂર નથી, પુરતાં પ્રમાણમાં પેટ્રોલ-ડિઝલનો જથ્થો ઉપ્લબ્ધ હોવાનું જણાવામાં આવી રહ્યું હોવાથી લોકો તકેદારીના ભાગરૂપે પોતાના વાહનોમાં ફુલ ઈંધણ ભરાવી રહ્યાં છે.

ભારતમાં ક્રૂડની અછત વચ્ચે, સરકાર ૩૭,૫૦૦ કરોડના રોકાણથી કોલ ગેસિફિકેશન પ્લાન્ટ સ્થાપશે. ૨૦૦ વર્ષ ચાલે તેટલા કોલસાના ભંડારનો ઉપયોગ કરી વાર્ષિક ૭.૫ ટન કોલસામાંથી ગેસ બનશે. કુલ ૩ લાખ કરોડના રોકાણથી આ સિસ્ટમ ઊભી કરાશે. BHEL એ રાખમાંથી કોલસાનો ઉપયોગ કરવાની ટેક્નોલોજી વિકસાવી છે.