તમારો અહંકાર, આસક્તિ અને વર્તન કારકિર્દીને ડામાડોળ કરી શકે છે: ભીષ્મનો ઉપદેશ
મહાભારતના શાંતિપર્વમાં, ભીષ્મ યુધિષ્ઠિરને શીખવે છે કે ઉત્તમ નેતાઓએ પોતાની પ્રજાના દોષો જોવા કરતાં પહેલાં પોતાના અવગુણોનું સતત મનન કરવું જોઈએ. આત્મનિરીક્ષણથી દોષો સુધારવાની તક મળે છે અને અહંકારથી બચી શકાય છે. આજના મેનેજમેન્ટ, પોલિટિક્સ અને કોર્પોરેટ જગતમાં પણ આ વાત સચોટ છે. નેતાઓ ઘણીવાર બીજાની ભૂલો શોધવામાં સમય વેડફે છે, પરંતુ પોતાની આંતરિક નબળાઈઓ, આસક્તિ કે પક્ષપાત પર વિચાર કરતા નથી. પરિણામે, તેઓ ખોટા નિર્ણયો લઈને પોતાની કારકિર્દી અને સંસ્થાને વિનાશ તરફ ધકેલી દે છે. અહંકારમુક્ત નેતા જ વિનમ્ર રહે છે અને ભૂલોમાંથી શીખે છે, જેનાથી તે સર્વસ્વીકૃત બને છે.
તમારો અહંકાર, આસક્તિ અને વર્તન કારકિર્દીને ડામાડોળ કરી શકે છે: ભીષ્મનો ઉપદેશ
80 લાખ રુદ્રાક્ષથી શણગારાયું કેદારનાથ ધામ
વડોદરાના સ્વર્ગસ્થ ધારાસભ્ય યોગેશ પટેલની અંતિમ ઈચ્છા પૂર્ણ કરવા માટે, તેમના પરિવાર અને સત્યમ શિવમ સુન્દરમ સમિતિ દ્વારા કેદારનાથ ધામને 80 લાખ રુદ્રાક્ષની માળાઓથી શણગારવામાં આવ્યું. નેપાળથી લાવવામાં આવેલા રુદ્રાક્ષમાંથી વડોદરાના જાગનાથ મંદિરમાં બે મહિના સુધી માળા તૈયાર કરવાની કામગીરી ચાલી. આ ભગીરથ કાર્યમાં અનેક લોકો જોડાયા હતા. શ્રાવણ મહિનાના છેલ્લા સોમવારે આ સંકલ્પ પૂર્ણ થયો, જેનાથી સ્વ. યોગેશ પટેલની અધૂરી ઇચ્છા પૂરી થઈ. આ કાર્યમાં સહયોગ કરનારા સૌનો પરિવાર અને સમિતિ દ્વારા આભાર વ્યક્ત કરાયો.
80 લાખ રુદ્રાક્ષથી શણગારાયું કેદારનાથ ધામ
PM મોદી અને ગણેશજીની 'ચાય પે ચર્ચા' થીમ
હાવડામાં આયોજિત એક ગણેશ પૂજાની 'હિંદૂ રાષ્ટ્ર' થીમ ચર્ચાનો વિષય બની છે. આ થીમમાં વડાપ્રધાન નરેન્દ્ર મોદી અને ભગવાન ગણેશને 'ચાય પે ચર્ચા' કરતા દર્શાવ્યા છે, જેની પાછળ 'હિંદૂ રાષ્ટ્ર' લખેલું છે. આ દ્રશ્ય સોશિયલ મીડિયા પર વાયરલ થતાં રાજકીય નિવેદનબાજી શરૂ થઈ ગઈ છે. આયોજકે કહ્યું કે તેમનો ઉદ્દેશ્ય કોઈને ઠેસ પહોંચાડવાનો નથી. જ્યારે તૃણમૂલના નેતાએ આકરા પગલાંની માંગ કરી છે, ત્યારે ભાજપના નેતાએ તેમાં કશું ખોટું ન હોવાનું જણાવ્યું છે.
PM મોદી અને ગણેશજીની 'ચાય પે ચર્ચા' થીમ
હનુમાન ચાલીસ શીખો હવે ગેમ રમતા!
ફિલ્મ 'હનુમાન અંશ'ની સફળતા બાદ, FAU-G ના નિર્માતાઓ 'nCore Games' એ સ્વંભુ મીડિયા નેટવર્ક સાથે મળીને નીમ કરોલી બાબા અને હનુમાન ચાલીસા પર આધારિત ત્રણ નવી ગેમ્સ લોન્ચ કરવાની જાહેરાત કરી છે. આ ગેમ્સ મોબાઇલ, પીસી અને કન્સોલ પ્લેટફોર્મ પર ઉપલબ્ધ થશે. ખાસ મોબાઇલ એપ દ્વારા વપરાશકર્તાઓ લાઇવ લાઇન હનુમાન ચાલીસાના શ્લોકો શીખી શકશે. આ પ્રોજેક્ટનો ઉદ્દેશ્ય ભારત અને વિશ્વભરના લાખો ભક્તો અને ગેમર્સને જોડવાનો છે.
હનુમાન ચાલીસ શીખો હવે ગેમ રમતા!
બાપ્પાને વિદાય આપતી વખતે શું કરવું અને શું ન કરવું?
ગણપતિ વિસર્જન 2026 માં, બાપ્પાને વિદાય આપવા માટેની મહત્વપૂર્ણ નિયમો અને પરંપરાઓ વિશે જાણો. ગણેશ ચતુર્થી 14 સપ્ટેમ્બરથી શરૂ થઈને 25 સપ્ટેમ્બરના રોજ અનંત ચતુર્દશીના દિવસે સમાપ્ત થશે. વિસર્જન એ માત્ર મૂર્તિને જળમાં પ્રવાહિત કરવાની પ્રક્રિયા નથી, પરંતુ બાપ્પાને સન્માન અને શ્રદ્ધા સાથે વિદાય આપવાની પરંપરા છે. વિસર્જન પહેલા ઉત્તર પૂજા કરવી, બાપ્પાને ભોગ લગાવવો અને પરિવારની સુખ-શાંતિ માટે પ્રાર્થના કરવી જરૂરી છે. મૂર્તિને આદરપૂર્વક ઉઠાવી, જયકારો સાથે વિદાય આપવી જોઈએ. વિસર્જન દરમિયાન ઉતાવળ, બેદરકારી અથવા પર્યાવરણને નુકસાન થાય તેવી ક્રિયાઓ ટાળવી જોઈએ.
બાપ્પાને વિદાય આપતી વખતે શું કરવું અને શું ન કરવું?
પેરિસમાં BAPS ખાતે મહંત સ્વામી મહારાજની 93મી જન્મજયંતીની ભવ્ય ઉજવણી
રવિવારે, 13 સપ્ટેમ્બર 2026ના રોજ પેરિસમાં BAPSના આધ્યાત્મિક વડા મહંત સ્વામી મહારાજની 93મી જન્મજયંતીની ભવ્ય ઉજવણી કરવામાં આવી. ‘Mahant Swami Maharaj: The Guru That Gives’ શીર્ષક હેઠળ યોજાયેલા આ કાર્યક્રમમાં આધ્યાત્મિક જ્ઞાન, સંપ, નિઃસ્વાર્થ પ્રેમ અને ભગવાનની અનુભૂતિ તરફ દોરી જતો માર્ગ જેવા તેમના જીવનના મુખ્ય સંદેશાઓ પર પ્રકાશ પાડવામાં આવ્યો. યુરોપમાં તેમની ઉપસ્થિતિમાં આ પ્રથમ ઉજવણી ઐતિહાસિક બની. હજારો ભક્તોએ આ કાર્યક્રમમાં ભાગ લીધો, જેમાં ભક્તિભાવ, સંગીત અને નૃત્યનો સમાવેશ થયો.
પેરિસમાં BAPS ખાતે મહંત સ્વામી મહારાજની 93મી જન્મજયંતીની ભવ્ય ઉજવણી
બોટાદના સાળંગપુરધામમાં ગણેશ ચતુર્થીએ દાદાનો 'ગણેશમય' શણગાર
બોટાદ જિલ્લાના સુપ્રસિધ્ધ સાળંગપુરધામમાં ગણેશ ચતુર્થીના પવિત્ર પર્વ નિમિત્તે શ્રી કષ્ટભંજનદેવ હનુમાનજી મહારાજનો શ્રી ગણેશજીની થીમ પર અનોખો અને ભવ્ય શણગાર કરવામાં આવ્યો હતો. શાસ્ત્રી સ્વામી હરિપ્રકાશદાસજીની પ્રેરણા અને કોઠારી વિવેકસાગરદાસજી સ્વામીના માર્ગદર્શન હેઠળ લાલ વસ્ત્રો, ગુલાબ અને સેવંતીના ફૂલોથી દાદાને શણગાર્યા હતા. ગર્ભગૃહમાં શુભ-લાભ, સ્વસ્તિક અને હાથીની પ્રતિકૃતિઓથી સજાવટ કરાઈ હતી. મારુતિ યજ્ઞ બાદ શ્રી ગણેશજીનું પૂજન-અર્ચન અને આરતી કરવામાં આવી, જેમાં મોટી સંખ્યામાં ભક્તોએ અલૌકિક દર્શનનો લાભ લીધો.
બોટાદના સાળંગપુરધામમાં ગણેશ ચતુર્થીએ દાદાનો 'ગણેશમય' શણગાર
અમરેલીમાં ગણેશ ઉત્સવનો પ્રારંભ
અમરેલીના શ્રીજી વિદ્યાર્થી ભુવન ખાતે ગણેશ ચતુર્થી નિમિત્તે ભવ્ય ગણેશ ઉત્સવનો પ્રારંભ થયો છે. વિઘ્નહર્તા ગણેશજીનું ધામધૂમપૂર્વક સામૈયું કરી શાસ્ત્રોક્ત વિધિ સાથે સ્થાપન કરાયું. સંસ્થાના સંચાલકો અને વિદ્યાર્થીઓએ ઉત્સાહભેર ભાગ લીધો. આ વર્ષે પણ ઈકોફ્રેન્ડલી માટીની મૂર્તિનું સ્થાપન કરી પર્યાવરણ જાગૃતિનો સંદેશ અપાયો. વિદ્યાર્થીઓએ સુંદર ગણેશ વંદના અને ગણેશજીના મહાત્મ્ય પર વક્તવ્યો રજૂ કર્યા. ગણેશજીને ફ્રુટનો થાળ ધરાવી પ્રસાદ વિતરણ કરાયું.
અમરેલીમાં ગણેશ ઉત્સવનો પ્રારંભ
જામનગરમાં પર્યુષણ પર્વની ભક્તિભાવે ઉજવણી
જામનગરમાં જૈન સમાજ દ્વારા પવિત્ર 'પર્યુષણ પર્વ'ના આઠમા દિવસે સંવત્સરી મહાપર્વની ભક્તિભાવ સાથે ઉજવણી કરાઈ. દેરાસરોમાં ક્ષમાપનાનું મહત્ત્વ સમજાવવામાં આવ્યું. સંવત્સરીના પ્રતિક્રમણ બાદ 'મિચ્છામિ દુક્કડં' કહી સૌએ પરસ્પર પ્રેમ, એકતા અને ભાઈચારાનો સંદેશ આપ્યો. બારસા સૂત્રનું વાંચન તથા પોષધ લેવાયા. સંઘના આદેશ મુજબ ઘીની બોલીઓ બાદ પ્રતિક્રમણ યોજાયું. પર્યુષણ દરમિયાન તપસ્યા કરનારા તપસ્વીઓના તપનો અંતિમ દિવસ હોવાથી આવતીકાલે પારણા થશે, ત્યારબાદ બપોરે 2:30 કલાકે ભગવાનનો ભવ્ય વરઘોડો (રથયાત્રા) નીકળશે.
જામનગરમાં પર્યુષણ પર્વની ભક્તિભાવે ઉજવણી
જામનગરમાં દુંદાળા દેવની ભાવભેર વિદાય
જામનગરમાં ગણેશ મહોત્સવ બાદ મંગળવારથી ગણેશજીની મૂર્તિઓના વિસર્જન માટે મનપા દ્વારા નિર્મિત બે વિશાળ કૃત્રિમ વિસર્જન કુંડ ખાતે પ્રક્રિયા શરૂ થઈ ગઈ છે. વિવિધ વિસ્તારોમાંથી ભક્તો અને આયોજકો મોટી સંખ્યામાં મૂર્તિઓ લઈને પહોંચ્યા હતા. મોડી સાંજ સુધીમાં 63 મૂર્તિઓનું ભાવિકો દ્વારા ભાવભેર વિસર્જન કરવામાં આવ્યું. સમર્પણ સર્કલ-બાયપાસ ચોકડી (કુંંડ-1) માં 47 મૂર્તિઓ અને સરદાર રિવેરા સોસાયટી પાસે (કુંંડ-2) માં 16 મૂર્તિઓનું વિસર્જન કરાયું. ખાસ ટીમ દ્વારા વ્યવસ્થા ગોઠવવામાં આવી છે.
જામનગરમાં દુંદાળા દેવની ભાવભેર વિદાય
પર્યાવરણ અને રાષ્ટ્રનાયકને જોડતો શિવાજી મહારાજ સ્વરૂપની અનોખી વિનાયક પ્રતિમા
પોરબંદરમાં ગણેશ ચતુર્થીની ઉજવણીમાં રિધ્ધિ સિધ્ધિ વિનાયક મિત્રમંડળે પર્યાવરણને ધ્યાનમાં રાખી છત્રપતિ શિવાજી મહારાજના સ્વરૂપમાં 15 ફૂટ લાંબી ઈકો ફ્રેન્ડલી ગણેશ પ્રતિમા બનાવી છે. 15 સભ્યોએ 3 મહિનાની મહેનતે પુઠા, ફોમ, પ્લાય અને કાપડ જેવી સામગ્રીથી આ પ્રતિમા તૈયાર કરી છે, જે પાણીમાં ઓગળી જાય તેવી છે. આ પ્રતિમા ભક્તિ સાથે શિવાજી મહારાજના શૌર્ય, સાહસ અને સ્વરાજ્યના વિચારોની ઝલક આપે છે. આ અનોખા સ્વરૂપને નિહાળવા લોકો ઉમટી રહ્યા છે, જે આકર્ષણનું કેન્દ્ર બની છે.
પર્યાવરણ અને રાષ્ટ્રનાયકને જોડતો શિવાજી મહારાજ સ્વરૂપની અનોખી વિનાયક પ્રતિમા
વલસાડમાં દોઢ દિવસના ગણેશજીની પ્રતિમાનું ભક્તિભાવ સાથે નદી, તળાવ અને દરિયામાં વિસર્જન
વલસાડમાં દોઢ દિવસના શ્રીજીનું વિસર્જન રંગેચંગે થયું. કેટલાકે પ્રતિમા નદી, તળાવ કે દરિયામાં વિસર્જિત કરી. પરંતુ, જાગૃત ભક્તોએ નદી પ્રદૂષિત ન કરવાના ઉમદા વિચાર સાથે ઘરની બહાર બનાવેલા મિની તળાવ કે પાણી ભરેલા ડ્રમ-ટાંકીમાં મૂર્તિનું વિસર્જન કરીને સ્વચ્છતાનો સંદેશ આપ્યો. વલસાડ, ધરમપુર, નાનાપોંઢા અને કપરાડા તાલુકામાં ભક્તોએ 14મી સપ્ટેમ્બરે સ્થાપન કરેલી પ્રતિમાનું બીજા દિવસે બપોરે વિસર્જન કર્યું. આ રીતે ભક્તોએ સ્વચ્છ ભારતનો સંદેશ ઘરે-ઘરે પહોંચાડ્યો.
વલસાડમાં દોઢ દિવસના ગણેશજીની પ્રતિમાનું ભક્તિભાવ સાથે નદી, તળાવ અને દરિયામાં વિસર્જન
તરણેતર મેળામાં ભગવાન ત્રિ-નેત્રેશ્વર મહાદેવને બાવન ગજની ધ્વજા શિખર પર અર્પણ કરાઈ
વિશ્વ વિખ્યાત તરણેતરના મેળામાં મંગળવારે ભગવાન ત્રિ-નેત્રેશ્વર મહાદેવના શિખર પર બાવન ગજની ધજા ચડાવવામાં આવી હતી. આ પવિત્ર અવસરે સંતો-મહંતો દ્વારા ધજાજીનું પૂજન કરવામાં આવ્યું હતું. ત્યારબાદ તરણેતરની પરંપરા મુજબ વાજતે-ગાજતે શોભાયાત્રા યોજાઈ હતી. વિસામણબાપુની જગ્યાના મહંત નિર્મળાબાએ જણાવ્યું કે, ત્રિ-નેત્રેશ્વર મહાદેવના મંદિરે ધ્વજા ચડાવવાની પરંપરા વર્ષો જૂની છે. શોભાયાત્રા મંદિર પહોંચ્યા બાદ મુખ્ય પૂજારીએ પૂજાવિધિ કરી હતી. ત્યારબાદ ત્રિ-નેત્રેશ્વર મહાદેવના શિવાલય પર ધ્વજારોહણ થયું.
તરણેતર મેળામાં ભગવાન ત્રિ-નેત્રેશ્વર મહાદેવને બાવન ગજની ધ્વજા શિખર પર અર્પણ કરાઈ
વિરમગાના જૈન સમુદાયે સંવતસરી પર્વની ઉજવણી કરી
વિરમગામ અને ધાકડી લબ્ધિ તીર્થમાં જૈન સમાજે પ્રયુષણ પર્વના અંતિમ દિવસે સંવતસરી પર્વની ભવ્ય ઉજવણી કરી. જીનાલયોમાં વિવિધ ધાર્મિક કાર્યક્રમો, અભિષેક, પૂજા-અર્ચના અને વ્યાખ્યાન યોજાયા. શાલીભદ્ર આરાધના ભવન, જીવીબાના ઉપાશ્રાય અને વિવિધ જૈન સંઘોમાં સાધુ-સાધ્વીજીઓની નિશ્રા હેઠળ સંવતસરી પ્રતિક્રમણ યોજાયું. હજારો જૈન પરિવારોએ પ્રતિક્રમણ કરી, સગા-સંબંધીઓ અને સ્નેહીજનોને મિચ્છામી દુક્કડમ કહી ક્ષમા યાચના કરી. આ પર્વ આનંદ અને ઉલ્લાસ સાથે ઉજવાયો.
વિરમગાના જૈન સમુદાયે સંવતસરી પર્વની ઉજવણી કરી
કીમ તેરાપંથ સમાજ દ્વારા સંવત્સરી મહાપર્વની ભક્તિભાવપૂર્વક ઉજવણી કરાઈ
કીમ ખાતે તેરાપંથ શ્રાવક સમાજ દ્વારા સંવત્સરી મહાપર્વની ભક્તિભાવ અને શ્રદ્ધાપૂર્વક ઉજવણી કરવામાં આવી. પર્યુષણના 8 દિવસ દરમિયાન પરિવારોએ ગહન ધર્મ આરાધના કરી. આચાર્ય મહાશ્રામણજીના પ્રવક્તા ઉપાસિકા લીલાજી મહેતા અને ઉપાસિકા સુમનજી ભંસાલીના સાંનિધ્યમાં અનેક શ્રાવકોએ તપ, જપ અને ઉપવાસ થકી આત્માશુદ્ધિની સાધના કરી. ભગવાન મહાવીર સ્વામીના જીવનદર્શન અને સિદ્ધાંતો પર પ્રકાશ પાડવામાં આવ્યો.
કીમ તેરાપંથ સમાજ દ્વારા સંવત્સરી મહાપર્વની ભક્તિભાવપૂર્વક ઉજવણી કરાઈ
ઝાલાવાડમાં પર્યુષણ મહાપર્વની ભવ્ય ઉજવણી
સુરેન્દ્રનગર શહેરમાં પર્યુષણ મહાપર્વની ધાર્મિક ઉત્સાહ સાથે ઉજવણી કરવામાં આવી, જે દરમિયાન જૈન સમાજે સંવત્સરી પર્વની ઉજવણી કરી. અનેક જિનાલયો અને ઉપાશ્રયોમાં સાધુ-સાધ્વીજીઓની ઉપસ્થિતિમાં ભક્તોએ ભક્તિભાવ વ્યક્ત કર્યો. આ પર્વ દરમિયાન ક્ષમાનું મહત્વ સમજાવવામાં આવ્યું, જે જીવનમાં શાંતિ અને સુખ લાવે છે. જૈન સમાજે વેર-ઝેરનો ત્યાગ કરી, મહા પ્રતીક્રમણ દ્વારા સર્વ જીવો પ્રત્યે ક્ષમા ભાવ વ્યક્ત કર્યો. શ્રાવકોએ વિવિધ પ્રકારની કઠોર તપસ્યા કરી, જેના પારણા આજે યોજાશે.
ઝાલાવાડમાં પર્યુષણ મહાપર્વની ભવ્ય ઉજવણી
અમદાવાદના જૈન સંઘોમાં ભાવપૂર્વક સંવત્સરી પ્રતિક્રમણ સાથે ક્ષમાપના પર્વની ભવ્ય ઉજવણી
અમદાવાદ શહેરમાં પર્યુષણ પર્વના ભાગરૂપે સંવત્સરી પર્વ ખૂબ જ ભક્તિભાવપૂર્વક ઉજવાયું. આ દિવસે જૈનોએ સંવત્સરી પ્રતિક્રમણ કર્યું અને ભૂતકાળમાં જાણતાં-અજાણતાં થયેલી ભૂલો, મનદુઃખ, ક્રોધ, ઈર્ષ્યા કે અહંકાર જેવી લાગણીઓ બદલ સૌએ એકબીજા પાસે ક્ષમા માંગી. આ પવિત્ર પ્રસંગે 'મિચ્છામિ દુક્કડમ્' પાઠવી ક્ષમાદાન આપ-લે કરવામાં આવ્યું. અનેક તપસ્વીઓએ કરેલી તપશ્ચર્યાના પારણાં આગામી સમયમાં યોજાશે, જેમાં 8 ઉપવાસ, 16 ઉપવાસ અને માસક્ષમણ જેવા કઠિન તપનો સમાવેશ થાય છે.
અમદાવાદના જૈન સંઘોમાં ભાવપૂર્વક સંવત્સરી પ્રતિક્રમણ સાથે ક્ષમાપના પર્વની ભવ્ય ઉજવણી
સંસ્થાઓના નિયમોનો ભાર સમાજ પર ન લાદવો જોઈએ
BAPS સ્વામિનારાયણ સંસ્થા દ્વારા પેરિસના એફિલ ટાવરમાં મહિલા કર્મચારીઓને દૂર રહેવા કહેવાની ઘટનાએ ચર્ચા જગાવી છે. આ સંપ્રદાયના સાધુઓ માટે બ્રહ્મચર્યના પાલન માટે કેટલાક નિયમો છે, જે 'શિક્ષાપત્રી'માં જણાવેલ છે. આ નિયમો મુજબ, સાધુઓએ સ્ત્રીઓનો સ્પર્શ ન કરવો, તેમની સાથે સંવાદ ન કરવો અને જાણી જોઈને સ્ત્રીઓની સામે જોવું જોઈએ નહીં. જોકે, આ નિયમો પાળવાની જવાબદારી સંસ્થાની છે, સમાજ પર નહીં. જાહેર સ્થળોએ મહિલાઓને તેમના નિયમોનું પાલન કરાવવા માટે અટકાવવા એ જાતિ આધારિત ભેદભાવ દર્શાવે છે અને સ્ત્રીઓની સ્વતંત્રતાનું ઉલ્લંઘન છે.
સંસ્થાઓના નિયમોનો ભાર સમાજ પર ન લાદવો જોઈએ
મેલબોર્નમાં ગુજરાતી પરિવારે મનાવ્યો ગણેશ ઉત્સવ
ઓસ્ટ્રેલિયાના મેલબોર્નમાં વસતા ગુજરાતી પરિવારે ‘ગણેશ ઉત્સવ’ની ભવ્ય ઉજવણી કરી. ધારા અને ઈલેશ પટેલે પોતાના નિવાસસ્થાને ગણપતિ બાપ્પાની સ્થાપના કરી. ખરાબ વાતાવરણ અને સ્થાનિક નિયમોને કારણે, પરિવારે ઘર આંગણે જ ગણેશ વિસર્જનનું આયોજન કર્યું. ઉત્સવમાં શ્રદ્ધાળુઓએ પરંપરાગત પોશાકમાં ભાગ લીધો અને ગરબા રમ્યા. અંતે, લાડુ, દાળ-ભાત અને શાક સહિતના ગુજરાતી જમણવારનું આયોજન કરાયું, જે વિદેશમાં સંસ્કૃતિ જાળવી રાખવાનું ઉત્તમ ઉદાહરણ છે.
મેલબોર્નમાં ગુજરાતી પરિવારે મનાવ્યો ગણેશ ઉત્સવ
બ્રિસબેન અને ઓકલેન્ડમાં ગુજરાતીઓ દ્વારા ગણેશોત્સવની ભવ્ય ઉજવણી
ઓસ્ટ્રેલિયાના બ્રિસબેનમાં પટેલ પરિવાર આનંદ ચૌદસ સુધી ગણેશજીની સ્થાપના કરી, ઘરે જ ઈકો-ફ્રેન્ડલી વિસર્જન કરે છે. ભારતીય રીત-રિવાજ મુજબ પૂજા-અર્ચના અને વિસર્જનની પરંપરા જાળવી રહ્યા છે. કેયુર, પર્લ અને સ્વયંમ પટેલ જેવા યુવાનો પણ જોડાય છે. ન્યૂઝીલેન્ડના ઓકલેન્ડમાં પણ ગુજરાતીઓ ગણેશોત્સવ ઉજવી રહ્યા છે. નિકી અને હર્ષ પટેલના ઘરે ઇકો-ફ્રેન્ડલી પ્રતિમાની સ્થાપના થાય છે. પ્રતિબંધ હોવાથી ઘરે જ વિસર્જન કરી, માટી પ્રસાદ રૂપે આપે છે, જે પર્યાવરણ જાળવણી સાથે ભક્તિ અને એકતા દર્શાવે છે.
બ્રિસબેન અને ઓકલેન્ડમાં ગુજરાતીઓ દ્વારા ગણેશોત્સવની ભવ્ય ઉજવણી
કેનેડામાં ગણેશોત્સવ: ઘરે ઉગાડેલા તાજા શાકભાજીથી બાપ્પાને ધરાવ્યો થાળ
કેનેડાના સ્ટોફવિલેમાં રહેતા મૂળ બિલીમોરાના મહેતા પરિવારે વિદેશમાં ગણેશોત્સવની પરંપરા જાળવી રાખી છે. ફ્રોઝન ફૂડના દેશમાં, બાપ્પાના થાળ માટે પરિવાર દ્વારા ઘરે જ તાજા શાકભાજી ઉગાડવામાં આવ્યા છે. રાજીવ અને હીરલ મહેતા ૨૨ વર્ષથી કેનેડામાં સ્થાયી થયા છે અને બાળકો ભારતીય તહેવારોની ઉજવણીમાં ઉત્સાહથી ભાગ લે છે. છેલ્લા ઘણા વર્ષોથી પરિવાર ઈકો-ફ્રેન્ડલી ગણેશજીની સ્થાપના કરે છે અને સામૂહિક વિસર્જન બાદ સમૂહભોજનનું આયોજન થાય છે, જેથી નવી પેઢી ભારતીય સંસ્કૃતિ સાથે જોડાયેલી રહે.
કેનેડામાં ગણેશોત્સવ: ઘરે ઉગાડેલા તાજા શાકભાજીથી બાપ્પાને ધરાવ્યો થાળ
બ્રિક્સ સમિટ 2026માં રામનાથસ્વામી મંદિર સાંસ્કૃતિક કેન્દ્ર બન્યું
18મી બ્રિક્સ નેતાઓની શિખર બેઠક દરમિયાન, ભારત મંડપમ ખાતે રામનાથસ્વામી મંદિરને દૃશ્યાત્મક પૃષ્ઠભૂમિ અને સાંસ્કૃતિક કેન્દ્રબિંદુ તરીકે પ્રદર્શિત કરવામાં આવ્યું. રામેશ્વરમ ટાપુ, તમિલનાડુ સ્થિત આ મંદિર, ભગવાન શિવને સમર્પિત છે અને સનાતન ધર્મમાં પવિત્ર માનવામાં આવતા 12 જ્યોતિર્લિંગોમાંનું એક છે. માન્યતા અનુસાર, ભગવાન રામે રાવણવધ બાદ પ્રાયશ્ચિત્ત રૂપે શિવલિંગની સ્થાપના કરી હતી. મંદિર મુખ્યત્વે દ્રવિડ સ્થાપત્ય શૈલીમાં બનેલું છે.
બ્રિક્સ સમિટ 2026માં રામનાથસ્વામી મંદિર સાંસ્કૃતિક કેન્દ્ર બન્યું
ગણેશજીને તુલસી કેમ ન ચઢાવાય?
ગણપતિ બાપ્પાની પૂજામાં મોદક, લાડુ, દુર્વા અને લાલ ફૂલનું વિશેષ મહત્વ છે. ભક્તો આ વસ્તુઓ અર્પણ કરીને તેમને પ્રસન્ન કરવાનો પ્રયાસ કરે છે. પરંતુ શું તમે જાણો છો કે પવિત્ર તુલસી ગણેશજીને કેમ ચઢાવવામાં આવતી નથી? આ પરંપરા પાછળ એક રસપ્રદ પૌરાણિક કથા જોડાયેલી છે. ગણેશોત્સવ દરમિયાન આ કથા અનુસાર, તુલસી દેવીએ ગણેશજીની તપસ્યામાં વિક્ષેપ પાડી લગ્નનો પ્રસ્તાવ મૂક્યો હતો, જેના પર ગણેશજીના ઇનકારથી તુલસીએ શ્રાપ આપ્યો હતો.
ગણેશજીને તુલસી કેમ ન ચઢાવાય?
જામનગરના બે વિસર્જન કુંડ ખાતે ગણેશજીની મૂર્તિઓનું ભક્તિભાવપૂર્વક વિસર્જન શરૂ.
જામનગર મહાનગરપાલિકા દ્વારા ગણેશ મહોત્સવ નિમિત્તે શહેરના બે સ્થળોએ તૈયાર કરાયેલા કૃત્રિમ વિસર્જન કુંડ ખાતે ગણેશજીની મૂર્તિઓનું વિસર્જન શરૂ થયું છે. ભક્તો પૂજા-આરતી સાથે વિઘ્નહર્તાને વિદાય આપી રહ્યા છે. આ માટે એરપોર્ટ રોડ અને રણજીત સાગર રોડ પાસે વિશાળ કુંડ બનાવવામાં આવ્યા છે. મહાનગરપાલિકા દ્વારા પાણી, લાઇટિંગ, પાર્કિંગ અને માર્ગદર્શન જેવી તમામ જરૂરી સુવિધાઓ ગોઠવવામાં આવી છે. આ કુંડ 50 મીટર લાંબા અને 20 મીટર પહોળા છે. નદી-તળાવને બદલે કુંડમાં જ વિસર્જન કરવા અપીલ કરાઈ છે.
જામનગરના બે વિસર્જન કુંડ ખાતે ગણેશજીની મૂર્તિઓનું ભક્તિભાવપૂર્વક વિસર્જન શરૂ.
આ ગુણ ધરાવતા ઘરમાં માતા લક્ષ્મીનો વાસ
વિદુર નીતિ અનુસાર, જે ઘરમાં સાફ-સફાઈ, નિયમિત પૂજા-પાઠ, સ્ત્રીઓ અને વડીલોનો આદર તથા સાત્વિક ભોજનનું સેવન થાય છે, ત્યાં માતા લક્ષ્મીનો કાયમ વાસ રહે છે. આવા ઘરોમાં અન્ન-ધનનો ભંડાર ભરેલો રહે છે અને ધનની ક્યારેય અછત વર્તાતી નથી. મહાભારત કાળના વિદુર દ્વારા જણાવવામાં આવેલી આ બાબતોનું પાલન કરવાથી ઘરમાં સકારાત્મક ઊર્જાનો સંચાર થાય છે અને પરિવારમાં સુખ-સમૃદ્ધિ તથા ખુશહાલી જળવાઈ રહે છે.
આ ગુણ ધરાવતા ઘરમાં માતા લક્ષ્મીનો વાસ
સુરતમાં રાંદેર ગણેશ મંડળે વિન્ટેજ ટ્રેન્ડને આપી અનોખી દિશા
સોશિયલ મીડિયામાં AI દ્વારા વિન્ટેજ ફોટોઝનો ટ્રેન્ડ લોકપ્રિય બન્યો છે, પરંતુ સુરતના રાંદેર ગણેશ મંડળે ટેકનોલોજીનો સહારો લીધા વિના જ 1972ના ‘રાંદેર ગામ બજાર’નું નિર્માણ કરીને સૌને આશ્ચર્યચકિત કર્યા છે. વડીલો પાસેથી એકત્ર કરેલી ઝીણી માહિતીના આધારે જૂની દુકાનો, વાહનો અને બજારનો જીવંત માહોલ ઊભો કરાયો છે. આ થીમ માત્ર મંડપની સજાવટ નથી, પરંતુ રાંદેરના ભૂતકાળની મીઠી યાદોને નવી પેઢી સુધી પહોંચાડવાનો એક સુંદર પ્રયાસ છે, જે ગણેશ ભક્તો માટે આકર્ષણનું કેન્દ્ર બની રહ્યો છે.
સુરતમાં રાંદેર ગણેશ મંડળે વિન્ટેજ ટ્રેન્ડને આપી અનોખી દિશા
સુરતમાં PM મોદીના જન્મદિવસ પર દુર્લભ ‘હીરા બાપ્પા’ના દર્શન
સુરતમાં ગણેશોત્સવ દરમિયાન, હીરા વેપારી રાજેશ પાંડવ દ્વારા માલિકીનો 27.74 કેરેટનો ગણેશ આકારનો દુર્લભ હીરો માત્ર એક દિવસ, 17 સપ્ટેમ્બર, વડાપ્રધાન નરેન્દ્ર મોદીના જન્મદિવસના સન્માનમાં દર્શન માટે મૂકવામાં આવશે. પરંપરાગત મૂર્તિઓથી વિપરીત, આ કુદરતી હીરા માલિકો પાસે વર્ષભર રહે છે અને ઊંચી કિંમતને કારણે ગુપ્ત સ્થળોએ સંગ્રહિત થાય છે. સુરક્ષા કારણોસર, દર્શનનો સમયગાળો ઘટાડવામાં આવ્યો છે, અને મર્યાદિત લોકો માટે જ વ્યવસ્થા છે. કાનુ અસોદરિયા પણ ત્રણ કુદરતી ગણેશ આકારના રફ હીરાના દર્શન કરાવશે, જેમાં 182.53, 26.53, અને 8.01 કેરેટના હીરાનો સમાવેશ થાય છે.
સુરતમાં PM મોદીના જન્મદિવસ પર દુર્લભ ‘હીરા બાપ્પા’ના દર્શન
પુણેમાં 21 હજાર પાણીપુરીનો ઉપયોગ કરી 13 ફૂટ ઊંચા ગણપતિ બાપ્પાની ભવ્ય મૂર્તિ બનાવાઈ.
ગણેશોત્સવ નિમિત્તે પુણેમાં 'ગણેશ ભેળ' દ્વારા અનોખી પહેલ કરવામાં આવી છે. ફર્ગ્યુસન રોડ પર, 21 હજાર પાણીપુરીની પુરીઓનો ઉપયોગ કરીને 13 ફૂટ ઊંચી અને 11 ફૂટ પહોળી ગણપતિ બાપ્પાની મૂર્તિ તૈયાર કરાઈ છે. આ પર્યાવરણને અનુકૂળ મૂર્તિ ચોથા વર્ષે પણ લોકોનું ધ્યાન ખેંચી રહી છે. અગાઉ નમકીન અને અમેરિકન પુરીનો ઉપયોગ કરાયો હતો. આ સર્જનાત્મક અને પર્યાવરણપ્રેમી મૂર્તિ ભક્તિ, કલા અને પ્રકૃતિ પ્રેમનો અદભૂત સમન્વય દર્શાવે છે.
પુણેમાં 21 હજાર પાણીપુરીનો ઉપયોગ કરી 13 ફૂટ ઊંચા ગણપતિ બાપ્પાની ભવ્ય મૂર્તિ બનાવાઈ.
IPSની સ્પીચમાં ઇન્શાલ્લાહ અને અસ્સલામુઅલૈકુમ..જય હિંદ કે વંદેમાતરમ કેમ નહીં ?
પશ્ચિમ બંગાળના ખડગપુરના વધારાના સુપરિન્ટેન્ડેન્ટ ઓફ પોલીસ (ASP) અને 2021 બેચના IPS અધિકારી બુશરા બાનોની બદલી કરવામાં આવી છે. તેમણે UPSC ઉમેદવારોને પ્રોત્સાહન આપતા એક વીડિયોમાં 'અસ્સલામુઅલૈકુમ' થી શરૂઆત કરી અને 'ઇન્શાઅલ્લાહ' તથા 'જાઝાકલ્લાહ' જેવા શબ્દોનો ઉપયોગ કર્યો, પરંતુ 'જય હિંદ' કે 'વંદે માતરમ' જેવા રાષ્ટ્રીય અભિવાદનનો ઉપયોગ ન કર્યો. આ બાબતે સોશિયલ મીડિયા પર ટીકા અને ગૃહ સચિવને ફરિયાદ બાદ કાર્યવાહી કરવામાં આવી છે.
IPSની સ્પીચમાં ઇન્શાલ્લાહ અને અસ્સલામુઅલૈકુમ..જય હિંદ કે વંદેમાતરમ કેમ નહીં ?
રાધિકા મર્ચન્ટે ગણપતિ આગમનમાં કર્યું ભરતનાટ્યમ
મુકેશ અંબાણીના ઘર ‘એન્ટિલિયા’ ખાતે ગણેશ ચતુર્થીની ઉજવણીમાં રાધિકા મર્ચન્ટે ભગવાન ગણેશના સ્વાગતમાં ભજન ‘એકદંતાય વક્રતુંડાય’ પર ભરતનાટ્યમનું સુંદર નૃત્ય પ્રદર્શન કર્યું. પરંપરાગત ગુલાબી અને લાલ રંગના ‘લહેંગા-સાડી’ના પોશાકમાં, ઝીણવટભરી ભરતકામ અને મણકાના કામ સાથે, તેમજ પરંપરાગત ઘરેણાંથી સજ્જ રાધિકાનો આકર્ષક દેખાવ જોવા મળ્યો. ANI દ્વારા શેર કરાયેલા આ વીડિયોએ ભક્તિ, પરંપરા અને આધ્યાત્મિક ઉત્સવનું સુંદર દર્શન કરાવ્યું છે.
રાધિકા મર્ચન્ટે ગણપતિ આગમનમાં કર્યું ભરતનાટ્યમ
ગણેશ ઉત્સવ ઉપવાસ: ભૂલથી પણ ન ખાશો આ વસ્તુઓ
ગણેશ ઉત્સવના ઉપવાસ દરમિયાન, ધાર્મિક માન્યતાઓ અનુસાર ખાન-પાનની શુદ્ધતા જાળવવી ખૂબ જ મહત્વપૂર્ણ છે. અજાણતાં ખોટી વસ્તુઓ ખાવાથી પૂજાનું ફળ મળતું નથી. આ સમયગાળામાં લસણ, ડુંગળી, માંસ, દારૂ અને કોઈપણ નશાથી દૂર રહેવું જોઈએ. ઉપવાસ કરનાર અને ઘરના સભ્યોએ પણ સાત્વિક આહાર લેવો જોઈએ. તામસિક ભોજન મનમાં અશાંતિ લાવી શકે છે. તેથી, માત્ર શુદ્ધ અને તાજું સાત્વિક ભોજન જ લેવું જોઈએ. સફેદ મીઠાને બદલે સિંધવ મીઠું વાપરવું. ઘઉં, ચોખા, દાળ, મેંદાનું સેવન ટાળવું. પ્રસાદમાં તુલસીનો ઉપયોગ ન કરવો અને વાસી ભોજન પણ ન લેવું.