ઓડિશાના પુરીમાં જગન્નાથ રથયાત્રા દરમિયાન ગુંડીચા મંદિર પાસે રવિવારે સવારે નાસભાગ થતા ત્રણ ભક્તોના મોત થયા અને ૬ લોકો ઘાયલ થયા. મૃતકોની ઓળખ બસંતી સાહુ (36), પ્રેમ કાંતિ મોહંતી (78) અને પ્રભાતી દાસ તરીકે થઇ છે. એમ્બ્યુલન્સ હાજર ન હોવાથી લોકોએ જાતે જ ઘાયલોને હોસ્પિટલ પહોંચાડ્યા હતા. રથ જોવા માટે મોટી ભીડ એકઠી થઈ હતી. ભગવાન બલભદ્ર અને સુભદ્રાના રથો શ્રદ્ધાબલી પહોંચી ગયા બાદ Jagannath નો રથ ગુંડીચા મંદિર પહોંચ્યો હતો. શુક્રવારે પણ ભીડના દબાણને કારણે ૬૨૫ ભક્તોની તબિયત લથડી હતી, જેમાંથી ૭૦ હોસ્પિટલમાં દાખલ થયા હતા.