વાઇબ્રન્ટ ગુજરાત ગ્લોબલ સમિટ 2027ને સફળ બનાવવા ગુજરાત સરકાર હવે દેશના મોટા ઉદ્યોગગૃહો સુધી પહોંચ વધારી રહી છે. 3 સપ્ટેમ્બરે મુંબઈના તાજ મહલ પેલેસ ખાતે યોજાનારા આ ખાસ રોડ-શોમાં મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવી દેશના અગ્રણી ઉદ્યોગપતિઓ સાથે સંવાદ કરશે. ગુજરાત સરકાર માટે આ રોડ-શો આગામી સમિટ પહેલા નવા રોકાણ, ઉદ્યોગોના વિસ્તરણ અને વ્યૂહાત્મક ભાગીદારી માટે મહત્વનો છે. મુખ્યમંત્રી ભૂપેન્દ્ર પટેલ રિલાયન્સ, ટાટા, મહિન્દ્રા ગ્રુપ સહિત અનેક મોટી કંપનીઓના પ્રતિનિધિઓ સાથે એડવાન્સ્ડ મેન્યુફેક્ચરિંગ, ગ્રીન એનર્જી, આઇટી જેવા ક્ષેત્રો પર ચર્ચા કરશે.