ગુજરાતના 11 જિલ્લાઓમાં લગભગ 35000 ચોરસ કિલોમીટરના વિસ્તારમાં સિંહોની વસ્તીની 16 મી ગણતરી પૂર્ણ થઇ છે. આ કામગીરીમાં 3200થી વધુ અધિકારી, સ્વયંસેવકો અને સરપંચો સામેલ રહ્યા. સિંહોની ઓળખ માટે પગલાંનાં નિશાન અને શરીરના ચિન્હોનો ઉપયોગ થતો હતો, જ્યારે હવે જીપીએસ ટ્રેકીંગ, જીઆઇએસ મેપીંગ અને કેમેરા દ્વારા ફોટા પાડીને વન વિભાગની એપ પર અપલોડ કરવામાં આવે છે. આ સાથે સરપંચો અને ત્રીજા પક્ષના સ્વયંસેવકોની સહાયથી આધુનિક સાધનો દ્વારા સિંહોની ગણતરી મોનીટરિંગ કરી શકાય છે.