લોકસભાના વિશેષ સત્રમાં મહિલા અનામત બંધારણીય સુધારા બિલ બે તૃતિયાંશ બહુમતીના અભાવે પસાર થઈ શક્યું નથી. ૧૭ એપ્રિલના રોજ થયેલા મતદાનમાં ૫૨૮ સભ્યો પૈકી ૨૯૮ સભ્યોએ બિલની તરફેણમાં અને ૨૩૦ સભ્યોએ વિરોધમાં મતદાન કર્યું હતું. જરૂરી બહુમતી ન મળતા સ્પીકર ઓમ બિરલાએ બિલના પરાજયની જાહેરાત કરી ગૃહને શનિવાર સુધી સ્થગિત કર્યું હતું. આ ઐતિહાસિક બિલ નિષ્ફળ જતા ભાજપે હવે આ મુદ્દે દેશભરમાં ઉગ્ર પ્રદર્શન કરવાની જાહેરાત કરી છે, જેનાથી રાજકીય ગરમાવો વધ્યો છે.

ઇઝરાયલે ભારત સામે એક એવો ગુપ્ત દસ્તાવેજ રજૂ કર્યો છે, જેનાથી પાકિસ્તાનમાં બેઠેલા આતંકના આકાઓની ઊંઘ હરામ થઈ ગઈ છે. ઇઝરાયલના વિદેશ મંત્રી ગિદોન સાર દ્વારા સોંપવામાં આવેલી આ ખાનગી માહિતીમાં દાવો કરાયો છે કે, ગાઝામાં લડતું હમાસ વાસ્તવમાં પાકિસ્તાનના હાફિઝ સઈદના સંગઠન લશ્કર-એ-તોઇબા પાસેથી ટ્રેનિંગ અને ફંડિંગ મેળવી રહ્યું છે. ઇઝરાયલના દાવા મુજબ, જેને દુનિયા માત્ર ગાઝાના લડવૈયા સમજી રહી છે, તેના તાર સીધા પાકિસ્તાન સાથે જોડાયેલા છે. ઇઝરાયલી વિદેશ મંત્રીએ ભારતીય નેતાઓ સાથેની વાતચીતમાં ભારપૂર્વક જણાવ્યું કે, હમાસ અને લશ્કર-એ-તૈયબા એક જ સિક્કાની બીજી બાજુ છે.

સંસદના વિશેષ સત્રના બીજા દિવસે રાજકીય ગરમાવો જોવા મળી રહ્યો છે. જનતા દળ (યુનાઇટેડ)ના વરિષ્ઠ નેતા અને રાષ્ટ્રપતિએ નિમેલા સાંસદ હરિવંશ સિંહ સતત ત્રીજી વખત રાજ્યસભાના ઉપાધ્યક્ષ તરીકે બિનહરીફ ચૂંટાઈ આવ્યા છે. આ ઐતિહાસિક પળે વડાપ્રધાન નરેન્દ્ર મોદીએ તેમને અભિનંદન પાઠવ્યા હતા. બીજી તરફ, લોકસભામાં આજે મહિલા અનામત બિલ પર નિર્ણાયક મતદાન થવાનું છે. વિરોધ પક્ષ દ્વારા આ પદ માટે કોઈ ઉમેદવાર ઊભો રાખવામાં ન આવતા તેમની બિનહરીફ વરણી નિશ્ચિત થઈ ગઈ હતી.

સ્થાનિક સ્વરાજની ચૂંટણી પહેલા સુરતમાં રાજકીય માહોલ ગરમાયો છે, જેમાં AAP અને ભાજપ આક્ષેપ-પ્રતિઆક્ષેપો કરી રહ્યા છે. મનોજ સોરઠીયાએ કુમાર કાનાણી પર પ્રહાર કરતા જણાવ્યું કે ભાજપના નેતાઓ ભાન ભૂલ્યા છે અને ગાળો પર ઉતરી આવ્યા છે. તેમણે એવો આક્ષેપ કર્યો છે કે AAPની ગ્રાન્ટના કામો ભાજપ પોતાની પત્રિકામાં છપાવે છે. જો ભાજપ 'ભૂપત વાળી' કરશે, તો જનતા 'વિસાવદર વાળી' કરશે.

સુરેન્દ્રનગર મનપા ચૂંટણીમાં વોર્ડ 13ના ઉમેદવારોએ મતદારોને આકર્ષવા અનોખી રીત અપનાવી. ઉમેદવારોએ કેસરિયા રંગથી કાર રંગાવી, જેના પર પોતાના ફોટા, ધારાસભ્ય, પક્ષ પ્રમુખ અને પક્ષનું ચિહ્ન લગાવ્યા. કુસુમબેન સોલંકી, રૈયાબેન કટોડિયા, ઈશ્વરભાઈ ખાંદલા અને પ્રવીણભાઈ પરમારના ફોટા કાર પર છે. આ પ્રચાર શહેરીજનોમાં આકર્ષણનું કેન્દ્ર બન્યો છે અને મતદારોનું ધ્યાન ખેંચી રહ્યું છે.

મુખ્યમંત્રી ભુપેન્દ્રભાઈ પટેલ સ્થાનિક સ્વરાજ્યની ચૂંટણીના પ્રચાર માટે હિંમતનગરની મુલાકાત લેશે, જેના પગલે સવારથી જ વ્યાપક પોલીસ બંદોબસ્ત ગોઠવી દેવામાં આવ્યો છે. બપોરે ૩ વાગ્યા પછી કાર્યક્રમ શરૂ થશે જેમાં મહેતાપુરા ખાતે ભાજપના વોર્ડ કાર્યાલયનું ઉદ્ઘાટન, નરનારાયણ સ્વામિનારાયણ મંદિરની મુલાકાત અને અગ્રણીઓ સાથે બેઠક કરશે. ત્યારબાદ 'વિકાસ સંકલ્પ સભા' અને પ્રાંતિજના સોનાસણ ચાર રસ્તા પાસે 'વિજય સંકલ્પ સભા'ને સંબોધશે. તમામ તૈયારીઓ પૂર્ણ.

મહેસાણા શહેરમાં BJP દ્વારા ચૂંટણી કાર્યાલયો કાર્યરત કરાયા. વોર્ડ નંબર 1, 3, 4 અને 5માં વોર્ડ ઓફિસના ઉદ્ઘાટન થયા, જેમાં કાર્યકરોમાં ઉત્સાહ જોવા મળ્યો. અમૂલ ફેડરેશનના ચેરમેન અશોક ચૌધરી સહિતના આગેવાનો ઉપસ્થિત રહ્યા. નેતાઓએ જન-જન સુધી સરકારની યોજનાઓ પહોંચાડવા આહવાન કર્યું અને BJPની ભવ્ય વિજયની આશા વ્યક્ત કરી.

નવસારીમાં ભાજપ કાર્યાલયના ઉદ્ઘાટનમાં ભુરાલાલ શાહે પૂર્વ ધારાસભ્ય પિયુષ દેસાઈને ભાષણ દરમિયાન MOBILE માં શેરબજાર જોતા ટકોર કરી. પિયુષ દેસાઈ સ્ટોક MARKET ના ટ્રેડર છે. ભુરાલાલ શાહે રમૂજમાં કહ્યું કે હું પક્ષની વાતો કરું છું અને તેઓ સેન્સેક્સ જુએ છે! આ વિડીયો SOCIAL MEDIA માં વાયરલ થયો છે.

ગુજરાત સ્થાનિક સ્વરાજ્યની ચૂંટણીમાં ફોર્મ ખેંચાયા બાદ 393 સંસ્થાઓ માટે ચિત્ર સ્પષ્ટ થયું, જેમાં 10005માંથી 9297 બેઠકો માટે 25679 ઉમેદવારો છે. રાજ્ય ચૂંટણી આયોગે 707 બેઠકો બિનહરીફ જાહેર કરી, જેમાં નગરપાલિકાની બેઠકો પર ભાજપના 365, કોંગ્રેસના 12 અને 3 અપક્ષ બિનહરીફ થયા, આમ ભાજપના 692 જેટલા ઉમેદવારો બિનહરીફ જાહેર થયા છે. 26 એપ્રિલે મતદાન થશે, જેમાં મતદારોને બુથ સુધી લઈ જવા એ પડકાર છે. આ ચૂંટણીમાં ભાજપના 9296, કોંગ્રેસના 8443 અને AAPના 5261 ઉમેદવારો મેદાનમાં છે.

પાકિસ્તાનના વડા પ્રધાન શાહબાઝ શરીફની કતાર મુલાકાત ચર્ચામાં છે, પરંતુ કોઈ રાજદ્વારી સિદ્ધિથી નહીં, પણ એક VIRAL વીડિયોથી. જેમાં તેઓ વિમાનની અંદરથી સલામી આપતા દેખાય છે. કતારના હવાઈ ક્ષેત્રમાં એસ્કોર્ટ દરમિયાન શરીફે પાયલટ્સને સલામી આપી. આ વીડિયો સોશિયલ મીડિયા પર ટ્રોલ થયો, લોકોએ જમીન પર ઉતરવાની ધીરજ ન રાખી હોવાની મજાક ઉડાવી. જો કે આવા હાવભાવ આંતરરાષ્ટ્રીય સંબંધોમાં સામાન્ય છે. તેમની મુલાકાત આર્થિક રોકાણ અને સંબંધો મજબૂત કરવા માટે છે.

અમદાવાદના અસારવા વોર્ડમાં ભાજપના નેતાઓ મત માંગવા ગયા તો સ્થાનિકો ભડક્યા. લોકોએ કહ્યું કે તકલીફમાં આવ્યા નહીં અને અત્યારે લશ્કર લઈને નીકળી પડ્યા છો, તમને શરમ આવવી જોઈએ. ગટરના ગંદા પાણીથી લોકો ત્રસ્ત છે, પણ કોર્પોરેટરે મદદ કરી ન હતી. BJP કાર્યકરોને સોસાયટીમાં ઘૂસવા દીધા નહિ અને 'BJP ભગાવો' ના નારા લાગ્યા. આ ઘટનાનો VIDEO viral થયો છે.

મહિલા અનામત અને સીમાંકન બિલ પર લોકસભામાં ચર્ચા, સરકારે મહિલાઓને 33% અનામત આપતો મહિલા અનામત અધિનિયમ, 2023 લાગુ કર્યો. કાયદા મંત્રાલયે નોટિફિકેશન જાહેર કર્યું. અમિત શાહ આજે જવાબ આપશે અને સાંજે 4 વાગ્યે મતદાન થશે. સ્પીકરે 15 કલાકનો સમય નક્કી કર્યો, વિપક્ષે વિરોધ કર્યો અને PM એ ભેદભાવ નહિ થાય તેવી ખાતરી આપી.

સુરેન્દ્રનગર મનપા ચૂંટણીના ધમધમાટ વચ્ચે, ભાજપે વોર્ડ નંબર 10માં કાર્યાલય ખોલ્યું. આ પ્રસંગે Jagdish Makwana, શહેર પ્રમુખ Devang Raval અને વોર્ડ નંબર 10ના ઉમેદવારો તથા કાર્યકરો ઉપસ્થિત રહ્યા. આગેવાનોએ ભાજપના ઉમેદવારોને જંગી બહુમતીથી વિજયી બનાવવા અપીલ કરી. ભાજપની વિકાસની રાજનીતિને દરેક ઘર સુધી પહોંચાડવામાં આવશે. વધુમાં, મનપા વિસ્તારના દરેક વોર્ડમાં ત્રણ કાર્યાલય ખોલવાની જાહેરાત કરવામાં આવી, જે ચૂંટણી પ્રચારને વેગ આપશે.

ગુજરાતમાં સ્થાનિક સ્વરાજ્યની ચૂંટણીમાં DyCM હર્ષ સંઘવીએ નારી શક્તિ વંદન અધિનિયમને ઐતિહાસિક ગણાવ્યું. તેમણે પ્રશ્ન કર્યો કે રાહુલ ગાંધીની બહેન કે અખિલેશ યાદવની પત્ની સાંસદ બની શકે તો સામાન્ય દીકરી કેમ નહીં? કોંગ્રેસે આ બિલનો વિરોધ કર્યો એ બદલ તેમણે કોંગ્રેસને શરમ આવવી જોઈએ તેમ જણાવ્યું. ભાજપનો 720 સીટો પર સીધો વિજય થયો છે.

પાકિસ્તાનના ખૈબર પખ્તુનખ્વાના હરિપુર જિલ્લામાં ગેસ પાઈપલાઈનમાં ભયાનક વિસ્ફોટ થયો, જેમાં આઠ લોકો મૃત્યુ પામ્યા. 'ગ્રાન્ડ ટ્રંક રોડ' નજીક એક કારખાના પાસે બનેલી ઘટનામાં વિસ્ફોટ બાદ આગ ફાટી નીકળી, નજીકના મકાનને નુકસાન થયું. રેસ્ક્યુ 1122 એ આઠ લોકોના મોતની પુષ્ટિ કરી, જ્યારે અન્ય ગંભીર રીતે દાઝી ગયા. દમ ઘૂંટાવાથી મોટાભાગના લોકોના મોત થયાનું અનુમાન છે.

સુરત મ્યુનિસિપલ ચૂંટણીમાં વોર્ડ-18માં કોંગ્રેસ ઉમેદવારે ફોર્મ પાછું ખેંચતા રાજકીય ભૂકંપ સર્જાયો. દીકરીને રડતી જોઈ માતાએ સંજય રામાનંદી પર પૈસા માટે વેચાઈ જવાનો આરોપ લગાવ્યો. માતાએ કહ્યું, "મારી પોરી પૈસાની લુચ્ચી નથી, એ ઇજ્જતવાળી છે, ભગવાન એનું નઈ રાખે". આ ઘટનાથી કોંગ્રેસ કાર્યકરોમાં આક્રોશ ફેલાયો છે. આ બનાવના વિડીયો સોશિયલ મીડિયા પર વાયરલ થયા છે.

અમેરિકાએ ઈરાની બંદરોની નાકેબંધીનો પ્લાન બનાવ્યો છે. જનરલ ડેન કેને સૈન્ય ગતિવિધિઓની માહિતી આપી. 10,000થી વધુ સૈનિકો નાકેબંધીમાં છે. US સેના જહાજોને ચેતવણી આપી રહી છે, કાર્યવાહી કરી શકે છે. 13 જહાજોએ રસ્તો બદલ્યો. નાકેબંધી તોડનાર જહાજ પર કબજો પણ કરી શકાય છે. US નૌસૈનિક શક્તિનો ઓછો હિસ્સો વપરાય છે. US સેના ઈરાનની દરિયાઈ પહોંચને મર્યાદિત કરવા માંગે છે.

Russia-Ukraine War ના 4 વર્ષ પછી, પુતિને બ્રિટન, જર્મની, પોલેન્ડ સહિત 11 દેશોને સૈન્ય કાર્યવાહીની ધમકી આપી છે. રશિયાની હિટલિસ્ટમાં સામેલ મુખ્ય દેશોમાં બ્રિટનનું લંડન, લીસેસ્ટર, રીડિંગ અને સફોલ્ક જેવા શહેરોમાં આવેલા ડ્રોન સેન્ટર્સ છે. આ ઉપરાંત યુરોપિયન દેશોમાં જર્મની, પોલેન્ડ, સ્પેન, ઇટાલી, નેધરલેન્ડ, ડેનમાર્ક, લાતવિયા, લિથુઆનિયા અને ચેક રિપબ્લિકનો પણ સમાવેશ થાય છે. જ્યારે મુસ્લિમ દેશ તુર્કિયેમાં પણ રશિયાનો દાવો છે કે અહીં યુક્રેન માટે ડ્રોનના સ્પેરપાર્ટ્સ બને છે.

પાટણ નગરપાલિકાની ચૂંટણી પહેલા કોંગ્રેસ કાર્યાલયના ઉદ્ઘાટનમાં, ધારાસભ્ય કિરીટ પટેલે BJP શાસન પર દેવું વધારવાનો આક્ષેપ કર્યો. તેમના અનુસાર, નગરપાલિકાનું દેવું ₹32 કરોડ સુધી પહોંચી ગયું છે અને વેરા બમણા કરાયા છે. તેમણે સ્વચ્છતા અને ટ્રાફિક સમસ્યાઓનો ઉલ્લેખ કરીને BJP સરકારની ટીકા કરી. તેમણે કોંગ્રેસ સત્તામાં આવશે તો વેરામાં વધારો નહીં કરવાની અને શહેરના વિકાસ પર ધ્યાન કેન્દ્રિત કરવાની વાત કરી. વધુમાં, તેમણે કોંગ્રેસના ઉમેદવારોને વિજયી બનાવવા અપીલ કરી.

ગુજરાત કોંગ્રેસે સ્થાનિક સ્વરાજ્યની ચૂંટણી માટે 40 સ્ટાર પ્રચારકો જાહેર કર્યા, જેમાં કેટલાક 'લંગડા ઘોડા' જેવા નેતાઓનો દબદબો છે. પોતાના ગઢ ન સાચવી શક્યા તેવા ભરતસિંહ સોલંકી, શક્તિસિંહ ગોહિલ, જગદીશ ઠાકોર જેવા નેતાઓને મહત્વ મળ્યું છે. કોંગ્રેસના ધારાસભ્યોની સંખ્યા માંડ 12 થઈ ગઈ છે, છતાં તેઓને જવાબદારી સોંપાઈ છે. કેટલાક નેતાઓ પોતાના ગઢમાં જ 'fail' થયા છે. જેમાં ગેનીબેન ઠાકોર જેવા સાંસદો પણ સામેલ છે.

ઇઝરાયેલ અને લેબનોન વચ્ચે સીઝફાયર જાહેર થયું છે. સીઝફાયર પહેલાં, IDFને લેબનાનના બિંત જબેલમાં શાળામાંથી હથિયારો મળ્યા, જેમાં કલાશ્નિકોવ રાઈફલ્સ અને ગ્રેનેડનો સમાવેશ થાય છે. IDFએ હિઝબુલ્લાહના 70 આતંકવાદી ઠેકાણાઓ પણ નષ્ટ કર્યા. નેતન્યાહુએ બિંત જબેલને હિઝબુલ્લાહનો ગઢ ગણાવ્યો. ટ્રમ્પે ઇઝરાયેલ અને લેબનોન વચ્ચે 10 દિવસના સીઝફાયરની જાહેરાત કરી.

ગૃહમંત્રી અમિત શાહે લોકસભામાં બેઠકો 543 થી 850 કેવી રીતે થશે તે સમજાવ્યું. સીમાંકનથી ઉત્તરી રાજ્યોને ફાયદો અને દક્ષિણી રાજ્યો પાછળ રહી જશે તેવા વિપક્ષના આરોપોને તેમણે નકારી કાઢ્યા. Shahએ જણાવ્યું કે દક્ષિણના પાંચ રાજ્યોની બેઠકો 129 થી 195 થશે. Tamil Naduને 20 બેઠકોનો ફાયદો થશે. સીમાંકન આયોગનો કાયદો હાલના કાયદા પર આધારિત છે, તેમાં કોઈ ફેરફાર નથી.

મહેસાણાના કડીમાં ભાજપના ઉમેદવાર મયંક પટેલના સમર્થનમાં નીતિન પટેલે કોંગ્રેસ પર આકરા પ્રહારો કર્યા. તેમણે કોંગ્રેસના અસ્તિત્વ પર સવાલ ઉઠાવ્યા અને ભૂપેન્દ્ર પટેલના 'યોગી મોડેલ'ની વાત કરી. નીતિન પટેલે કોંગ્રેસની સાડી અને પૈસાની રાજનીતિ સામે ચેતવણી આપી તેમજ ભાજપના શાસનમાં કડીમાં થયેલા વિકાસની વાત કરી. તેમણે મતદારોને યોગ્ય ઉમેદવાર પસંદ કરવા માટે અપીલ કરી અને કોંગ્રેસને રમણભમણ ગણાવી ભાજપને જ વિકલ્પ ગણાવ્યો.

અમેરિકી રાષ્ટ્રપતિ ટ્રમ્પે PM નરેન્દ્ર મોદી સાથેની વાતચીતમાં મિત્ર ગણાવ્યા અને કહ્યું, "અમે બધા તમને ખૂબ પ્રેમ કરીએ છીએ". બંને નેતાઓએ દ્વિપક્ષીય સંબંધો, પશ્ચિમ એશિયાની સ્થિતિ અને હોર્મુઝ જળમાર્ગને ખુલ્લો રાખવા પર ચર્ચા કરી. ટ્રમ્પે ઈરાન સાથે યુદ્ધવિરામની જાહેરાત કરી અને શાંતિ વાટાઘાટોના પ્રયાસો ચાલુ હોવાનું જણાવ્યું.

મહિલા અનામત અધિનિયમ-2023 સંસદમાં લાગુ, મહિલાઓને 33 ટકા આરક્ષણ મળશે. પરંતુ, આ કાયદો તાત્કાલિક અમલમાં આવશે નહીં. આગામી જનગણના અને પરિસીમન પ્રક્રિયા બાદ જ મહિલાઓ માટે આરક્ષણ લાગુ થશે. સંસદે ‘નારી શક્તિ વંદન અધિનિયમ’ પાસ કર્યો છે. લોકસભા અને રાજ્ય વિધાનસભાઓમાં એક-તૃતીયાંશ બેઠકો અનામત રહેશે. PM મોદીએ આ મુદ્દાને રાજકીય રીતે ન તોળવા અપીલ કરી છે. હાલમાં લોકસભામાં જે ત્રણ બિલ પર ચર્ચા ચાલી રહી છે, તેમનો હેતુ આ અનામતને 2029થી અમલમાં મૂકવાનો છે.

અમેરિકા-ઇઝરાયેલ-ઇરાન યુદ્ધથી ક્રૂડ ઓઇલ કટોકટીને પગલે પેટ્રોલ-ડીઝલના ભાવ વધ્યા છે. ફિલિપાઇન્સમાં Dieselના ભાવમાં 172% નો વધારો, મ્યાંમારમાં ભાવ ડબલ થયા. ભારતમાં ચૂંટણી પછી Petrol-Dieselના ભાવમાં વધારો થવાની આશંકા છે. બ્રેન્ટ ક્રૂડના ભાવ 71 ડોલરથી વધીને 111 ડોલર પ્રતિ બેરલ થયા.

USAએ ઈરાન સાથે શાંતિ મંત્રણા નિષ્ફળ જતા હોર્મુઝની ખાડી પર નાકાબંધી કરી. ટ્રમ્પે ઈરાનના બંદરો પરથી આવતા જહાજોને રોકવાની ધમકી આપતા ચીન અને ભારત પર દબાણ વધ્યું. ટ્રમ્પ અને જિનપિંગની આગામી બેઠક અસ્થિર બની શકે છે. ઈરાને યુદ્ધ વિરામ માટે USAની શરતો ન માનતા હોર્મુઝની ખાડીની નાકાબંધી જાહેર કરાઈ.

પાટણ નગરપાલિકાની ચૂંટણીમાં અજય બ્રહ્મભટ્ટે વિરોધીઓ પર આકરા પ્રહારો કર્યા. તેમણે કોંગ્રેસને 'ઘુવડ', 'ચામાચીડિયા' અને 'આંધળી ચાડકણ' કહી, કારણ કે તેમને રાજ્યનો વિકાસ દેખાતો નથી. તેમણે કાર્યકરોને શિસ્ત પાઠ ભણાવ્યો અને વિકાસમાં રોડાં નાખનારાઓને 'અસુરો' ગણાવ્યા, જ્યારે સમર્થકોને 'વિકાસના ભક્તો' કહ્યા. જો પેનલ જીતશે નહીં, તો હોદ્દો નહીં મળે અને અપક્ષને મદદ કરનાર માટે પાર્ટીના દરવાજા બંધ રહેશે.

પૂર્વ નાયબ મુખ્યમંત્રી નીતિન પટેલે કડીની સભામાં જણાવ્યું કે વેવાઈની જેમ ઉમેદવાર જોઈને મત આપજો. કોંગ્રેસની 'નો ગેરંટી' સામે ભાજપની 'ફૂલ ગેરંટી' છે. સ્થાનિક સ્વરાજ્યની ચૂંટણીમાં 10 હજાર બેઠકો માટે રાજકીય ગરમાવો છે, 39,349 ફોર્મમાંથી 11 હજાર રદ થયા, 694 બિનહરીફ, અને 25,568 ઉમેદવારો મેદાનમાં છે.

Donald Trump એ મિડિલ ઈસ્ટ સંઘર્ષ સમાપ્ત કરવા દાવો કર્યો: ઈરાન યુરેનિયમ જથ્થો અમેરિકાને સોંપશે. છેલ્લા છ અઠવાડિયાથી ચાલી રહેલા સૈન્ય સંઘર્ષને કાયમી ધોરણે રોકવામાં મદદરૂપ થઈ શકે છે. જો ઈરાન સાથેની આગામી રાઉન્ડની વાતચીત સફળ રહેશે, તો તેઓ પોતે ઈસ્લામાબાદ જઈ શકે છે.