PM નરેન્દ્ર મોદી અને ડોનાલ્ડ ટ્રમ્પ વચ્ચે આજે(14 એપ્રિલ) ટેલિફોનિક વાતચીત થઈ છે. આશરે 40 મિનિટ સુધી ચાલેલી આ લાંબી ચર્ચામાં બંને નેતાઓ વચ્ચે વૈશ્વિક મુદ્દાઓ અને દ્વિપક્ષીય સંબંધો પર ઊંડાણપૂર્વક મંથન કરવામાં આવ્યું હતું. PM મોદી અને ટ્રમ્પ વચ્ચે આ વાતચીત એવા સમયે થઈ છે જ્યારે ટ્રમ્પે હોર્મુઝને સંપૂર્ણ રીતે બંધ કરવાનું એલાન કર્યું છે. PM મોદીએ ટ્રમ્પ સાથે થયેલી વાતચીતની માહિતી આપતા કહ્યું કે, આ વાતચીત દરમિયાન દ્વિપક્ષીય સહયોગમાં થયેલી મહત્ત્વપૂર્ણ પ્રગતિની સમીક્ષા કરાઈ. આ સિવાય બંને વચ્ચે મિડલ ઈસ્ટની સ્થિતિ પર પણ ચર્ચા થઈ.

પાકિસ્તાનના બલૂચિસ્તાનમાં સક્રિય બળવાખોર સંગઠન ‘બલૂચ લિબરેશન આર્મી (BLA)’એ ફરી પાકિસ્તાન સરકારની ચિંતા વધારી દીધી છે. બીએલએ બલૂચિસ્તાનને સ્વતંત્ર દેશ બનાવવા માંગે છે, જેના કારણે તેના લડવૈયાઓ અને પાકિસ્તાની સૈનિકો વચ્ચે અવારનવાર અથડામણો થતી રહે છે. અત્યાર સુધી BLAએ મોટાભાગે જમીની કાર્યવાહી કરી છે, જોકે હવે બીએલએ પોતાનું નૌકાદળ બનાવી દરિયામાં ખળભળાટ મચાવ્યો છે. તેણે ગ્વાદર વિસ્તારમાં પાકિસ્તાની જહાજ પર હુમલો કરી, ત્રણ સૈનિકોને મોતને ઘાટ ઉતારી પોતાનું પ્રથમ દરિયાઈ ઓપરેશન પાર પાડ્યું છે.

કેન્દ્ર સરકાર દ્વારા ભારતીય સંસદના નીચલા ગૃહ એટલે કે લોકસભાની સભ્ય સંખ્યામાં ધરખમ વધારો કરવાની દરખાસ્ત મૂકવામાં આવી છે. મળતી માહિતી અનુસાર, સરકારે સાંસદો સાથે 'બંધારણ (131મો સુધારો) બિલ, 2026' શેર કર્યું છે. આ બિલમાં લોકસભાની કુલ બેઠકોની મર્યાદા વધારીને 850 કરવાની જોગવાઈ કરવામાં આવી છે. આ બિલ આગામી વસતી ગણતરીના આધારે લોકસભા બેઠકોની સંખ્યા વધારીને વધુમાં વધુ 850 કરવા, મતવિસ્તારોના પુનઃનિર્ધારણ અને મહિલા અનામતના અસરકારક અમલીકરણ માટે વૈધાનિક માર્ગ મોકળો થશે.

બિહારના રાજકારણને લઈને મોટા સમાચાર સામે આવ્યા છે. બિહારના સૌથી લાંબા સમય સુધી મુખ્યમંત્રી રહેલા નીતિશ કુમારે મુખ્યમંત્રી પદેથી રાજીનામું આપી દીધું છે. નીતિશ કુમારના રાજીનામા બાદ ભાજપના નેતૃત્વવાળી સરકાર માટે રસ્તો ખુલ્લી ગયો છે. એવું કહેવામાં આવી રહ્યું છે કે હવે બિહારની સત્તા સમ્રાટ ચૌધરીના હાથમાં સોંપવામાં આવશે. એટલે કે સમ્રાટ ચૌધરી બિહારના નવા મુખ્યમંત્રી બનશે. 'સુશાસન બાબુ' તરીકે જાણીતા નીતિશ કુમારે બિહારના મુખ્યમંત્રી પદેથી રાજીનામું આપ્યું છે. હવે તેઓ રાજ્યસભાના સભ્ય તરીકે શપથ લેશે અને કેન્દ્રીય રાજકારણમાં સક્રિય ભૂમિકા ભજવશે.

ઉત્તર ભારતની કનેક્ટિવિટીમાં એક નવો અધ્યાય જોડાવા જઈ રહ્યો છે. PM નરેન્દ્ર મોદી મંગળવારે 213 કિલોમીટર લાંબા દિલ્હી-દેહરાદૂન આર્થિક કોરિડોરનું ઉદ્ઘાટન કરશે. ₹12,000 કરોડના ખર્ચે બનેલો આ છ-લેનનો એક્સપ્રેસ-વે દિલ્હી, ઉત્તર પ્રદેશ અને ઉત્તરાખંડને એકબીજાની વધુ નજીક લાવશે. ઉદ્ઘાટન પૂર્વે વડાપ્રધાન ધાર્મિક અને પર્યાવરણીય મુલાકાત પણ લેશે. વન્યજીવ કોરિડોર નિરીક્ષણ પણ તેઓ કરશે. વડાપ્રધાન સહારનપુર (UP) ખાતે એશિયાના સૌથી લાંબા વન્યજીવ એલિવેટેડ કોરિડોરની સમીક્ષા કરશે.

પશ્ચિમ એશિયામાં વધતા તણાવ વચ્ચે ઉર્જા સુરક્ષા સુનિશ્ચિત કરવા ભારતે ફરી રશિયા પાસેથી સસ્તું ક્રૂડ મેળવવાની રણનીતિ તેજ કરી છે. માર્ચ ૨૦૨૬માં રશિયા પાસેથી ક્રૂડની આયાત પ્રતિદિન ૧.૯૮ મિલિયન બેરલ સુધી પહોંચી છે, જે જૂન ૨૦૨૩ પછીનો સૌથી મોટો ઉછાળો છે. જોકે, એપ્રિલમાં આ આયાત ઘટીને ૧.૫૭ મિલિયન બેરલ થઈ છે, જેનું મુખ્ય કારણ માંગમાં ઘટાડો નહીં પરંતુ નાયરા એનર્જીની રિફાઇનરીમાં ચાલી રહેલું ટેકનિકલ મેન્ટેનન્સ શટડાઉન છે. ભારત સરકાર હાલ વૈશ્વિક અસ્થિરતા વચ્ચે રશિયન તેલ દ્વારા દેશની જરૂરિયાતો પૂરી કરવા પર ધ્યાન કેન્દ્રિત કરી રહી છે.

પોપ લિયો XIV એ રાષ્ટ્રપતિ Trump ની ટિપ્પણી પર પ્રતિક્રિયા આપતા કહ્યું કે તેમને વ્હાઇટ હાઉસનો 'કોઈ ડર' નથી. પોપે ઈરાન વિરુદ્ધ અમેરિકા-ઈઝરાયેલ યુદ્ધ રોકવા અપીલ કરી. Trump એ પોપને ગુનાખોરીના મામલે નબળા અને વિદેશ નીતિ માટે અત્યંત ખરાબ ગણાવ્યા. પોપ લિયોએ સુદાનનું ગૃહયુદ્ધ, રશિયા-યુક્રેન યુદ્ધ અને લેબનોનમાં ઈઝરાયેલ-હિઝબુલ્લાહ વચ્ચેની લડાઈ અંગે ચિંતા વ્યક્ત કરી છે.

પ્રધાનમંત્રી નરેન્દ્ર મોદીએ તમિલ નવા વર્ષ પુથાંડુ નિમિત્તે શુભેચ્છાઓ પાઠવી. PM મોદીએ દેશના વિકાસ અને અન્ય મહત્વપૂર્ણ મુદ્દાઓ પર નેતાઓ સાથે વાતચીત કરી હતી. આ શુભ અવસરે દેશવાસીઓને શુભેચ્છા આપવામાં આવી અને દેશની પ્રગતિ માટે પ્રાર્થના કરવામાં આવી.

ડોનાલ્ડ ટ્રમ્પે પોપના ઈરાન નીતિ પરના નિવેદનોને ખોટા ઠેરવ્યા અને માફી માંગવાનો ઈન્કાર કર્યો. ટ્રમ્પે પોપને રાજકારણથી દૂર રહી ધાર્મિક કાર્યો પર ધ્યાન આપવાનું કહ્યું. પોપ લિયોની નિમણૂંક માટે Trumpએ દાવો કર્યો અને ગુનાખોરીમાં પોપના વલણને નબળું ગણાવ્યું. પોપે Trump સાથે દલીલોમાં પડવાનો ઈન્કાર કર્યો.

ગીર સોમનાથમાં ભાજપના "વિજય વિશ્વાસ" કાર્યક્રમમાં મહિલા ઉમેદવારોની ગેરહાજરી ચર્ચામાં રહી. Ticket મહિલાને, પણ ખુરશી પર પતિઓ બિરાજમાન હતા. સાંસદ અને ધારાસભ્યએ ટકોર કરી કે બહેનોને ઘરની બહાર કાઢજો. આ ઘટના 'સરપંચ પતિ' જેવી પ્રથાઓ યથાવત્ હોવાનું દર્શાવે છે અને મહિલા સશક્તિકરણ પર સવાલ ઉઠાવે છે. Women empowerment આંકડામાં છે પણ વાસ્તવિકતા જુદી છે.

વડાપ્રધાન નરેન્દ્ર મોદી 14મી એપ્રિલે 28મી વખત ઉત્તરાખંડની મુલાકાતે જશે. તેઓ દિલ્હી-દેહરાદૂન EXPRESSWAY અને અન્ય પ્રોજેક્ટ્સનું ઉદ્ઘાટન કરશે, જે કનેક્ટિવિટી અને વિકાસને પ્રોત્સાહન આપશે. તેઓ સહારનપુરમાં વાઇલ્ડલાઇફ કોરિડોરનું નિરીક્ષણ કરશે અને દહેરાદૂનના દાટ કાલી મંદિરમાં દર્શન કરશે. તેઓ રોડ શો કરશે અને ત્યારબાદ દિલ્હી-દેહરાદૂન ECONOMIC કોરિડોરનું ઉદ્ઘાટન કરશે. ટિહરીમાં 1000 મેગાવોટના પંપ સ્ટોરેજ પ્લાન્ટનું લોકાર્પણ કરવામાં આવશે. દિલ્હી-દેહરાદૂનની મુસાફરી 6 કલાકથી ઘટીને 2.5 કલાકની થશે.

Hormuz Strait પર ઈરાનના કબજા બાદ, ટ્રમ્પે જહાજોને બ્લોક કરવાની જાહેરાત કરી. ચીનના અધિકારીએ અમેરિકાને ચેતવણી આપી કે ઈરાન સાથેના સંબંધોમાં દખલ ન કરે. એડમિરલ ડોંગ જૂનની ચેતવણી નાકાબંધી શરૂ થતા જ આવી. ચીન માટે હોર્મુઝ મહત્વપૂર્ણ છે, કારણ કે તે તેલ અને LNG જરૂરિયાતો પૂરી પાડે છે. ચીને યુદ્ધવિરામનું સમર્થન કર્યું છે.

ગુજરાતમાં સ્થાનિક સ્વરાજ્યની ચૂંટણીમાં ભાજપે 300થી વધુ બેઠકો બિનહરીફ જીતી. કોંગ્રેસ દ્વારા ઉમેદવારોની તડજોડ ટાળવા રાજકોટ, સુરતમાં ફોર્મ માન્ય રહ્યા એવા ઉમેદવારોને ગુપ્ત સ્થળે ખસેડાયા. Surat મહાનગર પાલિકાની ચૂંટણીમાં કોંગ્રેસે 40 જેટલા ઉમેદવારોને શહેરથી દૂર રાખ્યા. Rajkot મહાપાલિકામાં BJP દ્વારા ઉમેદવારોના ખરીદ-વેંચાણને અટકાવવા કોંગ્રેસની વ્યુહરચના. બુધવારે ફોર્મ પરત ખેંચવાનો છેલ્લો દિવસ.

નવસારી જિલ્લાની ગણદેવી નગરપાલિકાની ચૂંટણીમાં પક્ષનો મેન્ડેટ નહીં હોવાનાં કારણે કોંગ્રેસનાં તમામ 20 ઉમેદવારી ફોર્મ રદ થયા હતા. જ્યારે એક અપક્ષનું ફોર્મ રદ થતાં ભાજપ કુલ 24 પૈકી 21 બેઠકો પર બિનહરીફ થઈ છે. આમ કોંગ્રેસે ગણદેવી નગર પાલિકા ગુમાવી દીધી છે. હવે મેદાનમાં 3 ઉમેદવારો છે. સંભવત: ફોર્મ ખેંચવાનાં દિવસે આ ત્રણ સીટ પણ બિન હરીફ કરવાની તૈયારી ભાજપે કરી લીધી છે.

હોર્મુઝની ખાડીમાં તણાવ વચ્ચે ઈરાને ભારતીય જહાજો પાસેથી કોઈ 'ટોલ ટેક્સ' નહીં વસૂલવાનો નિર્ણય કર્યો છે. ઈરાને ભારતને પોતાનો વિશ્વસનીય સાથી ગણાવીને મુશ્કેલ સમયમાં સુરક્ષિત રસ્તો આપવાની ખાતરી આપી છે. ઈરાનના રાજદૂતે જણાવ્યું કે ભારત સરકારને પૂછી શકો છો કે શું અમે અત્યાર સુધી કોઈ રકમ વસૂલી છે?

સુરત મ્યુનિસિપલ કોર્પોરેશનની ચૂંટણી પહેલા AAPમાં આંતરિક અસંતોષ સામે આવ્યો. ઉમેદવારોની પસંદગીને કારણે કાર્યકરોમાં રોષ છે. ખાસ કરીને વિવાદાસ્પદ ચહેરાઓને ટિકિટ આપવા મુદ્દે નારાજગી છે. શહેર મહિલા મોરચાના 9 હોદ્દેદારોએ રાજીનામા આપ્યા, પૈસા લઇને ટિકિટ આપવાનો આક્ષેપ કરાયો. શહેર મહિલા પ્રમુખ નીતા પટેલે આક્રોશ ઠાલવતા જણાવ્યું કે, પાર્ટીમાં મહિલાઓ સાથે અન્યાય થયો છે, અને પૈસાદાર લોકોને ટિકિટો વેચાઈ છે.

કેજરીવાલે લિકર પોલિસી કેસમાં જસ્ટિસ શર્મા પર ગંભીર સવાલો ઉઠાવ્યા. જસ્ટિસ શર્મા RSS સાથે જોડાયેલ વકીલોની સંસ્થાના કાર્યક્રમોમાં હાજર રહ્યા હોવાનો કેજરીવાલનો આરોપ છે. કેજરીવાલ ભાજપ-RSS ની વિચારધારાના વિરોધી હોવાથી તેમને નિષ્પક્ષ ન્યાય મળશે કે કેમ તે બાબતે શંકા છે. લોકશાહીમાં ધારણા મહત્વની હોય છે અને આવી હાજરીથી આરોપીના મનમાં ડર પેદા થાય છે.

દાહોદના ધાનપુર તાલુકામાં એક ઉમેદવારે BJP, કોંગ્રેસ અને AAP એમ ત્રણ પક્ષમાંથી ફોર્મ ભર્યા, અને અંતે BJPમાં જોડાયા. ભાજપે આ કાર્યકરને પક્ષમાં લાવવા પ્રયાસો કર્યા હતા. અરવલ્લીના ધનસુરામાં AAPના ઉમેદવારનું ફોર્મ રદ થતા, AAPને ચૂંટણી પહેલાં જ હાર મળી.

US-Iran Tension વચ્ચે ટ્રમ્પે 'ઓપરેશન બ્લોકેડ' શરૂ કર્યું. અમેરિકી નૌકાદળના 15થી વધુ જહાજો હોર્મુઝની ખાડીમાં તૈનાત છે. F-35B જેવા ફાઈટર જેટ્સ ઈરાની ગતિવિધિઓ પર નજર રાખશે. અમેરિકન સેન્ટ્રલ કમાન્ડ મુજબ, USS ત્રિપોલી (LHA 7) ને હવાઈ હુમલા અને નાકાબંધી માટે અરબ સાગરમાં તૈનાત કરાયું છે.

અમેરિકા-ઈરાન યુદ્ધ અટકાવવા ગયેલા પાકિસ્તાનની મધ્યસ્થી નિષ્ફળ રહી, ડોનાલ્ડ ટ્રમ્પની ધમકીથી સ્થિતિ વણસી. પરિણામે, પાકિસ્તાનનું શેરબજાર ખુલતા જ ધબાય નમ: થઈ ગયું. ઈરાનના બંદરો પર નાકાબંદીના ઓર્ડર બાદ KSE-100 INDEX સોમવારે સત્રના પ્રારંભમાં જ 6000 પોઈન્ટથી વધુ તૂટી ગયો. પાકિસ્તાનના સ્ટોક એક્સચેન્જમાં ભારે વોલેટિલિટી જોવા મળી.

અમેરિકા-ઈરાન વચ્ચે યુદ્ધવિરામ મંત્રણા નિષ્ફળ થતા ઈરાને ભારત તરફ નજર ફેરવી. એમ્બેસેડર સૈયદ રઝા મોસીએબ મોતલાઘએ શાંતિ સ્થાપવામાં ભારતની રચનાત્મક ભૂમિકાને વખાણી. ભારતે ચીન અને રશિયા સાથે મળી વૈશ્વિક શાંતિને પ્રાથમિકતા આપી છે. અમેરિકાના યુદ્ધોન્માદને રોકવા ભારત, રશિયા, અને ચીનની ભૂમિકા અગત્યની. આ દેશોએ અમેરિકાના હુમલાને સમર્થન આપ્યું નથી.

ચીન મિત્રતાના દાવા કરે છે અને ભારતીય પ્રદેશો પર કબજો જમાવે છે. સરકારે ડિપ્લોમેટિક વિરોધથી વિશેષ કશું નથી કરી શકતી. ચીને એક જ વર્ષમાં ત્રણ નવા પ્રદેશો બનાવ્યા, જેની જાણ ભારતીય એજન્સીઓને મોડેથી થઈ. આ જિલ્લો તાજિકિસ્તાન અને PoKને અલગ કરે છે, જેને ચીને સુરક્ષાના નામે વિકસાવ્યો છે.

બિહારમાં નવા CMની જાહેરાત થશે, નીતિશ કુમાર રાજીનામું આપશે. તેઓ રાજ્યસભા સાંસદ બનશે. JDU અને BJP ધારાસભ્ય દળની બેઠક થશે. નીતિશ રાજ્યપાલને રાજીનામું સોંપશે. NDA ધારાસભ્ય દળની બેઠકમાં નવા CM પર મહોર લાગશે. BJPએ શિવરાજ સિંહ ચૌહાણને નિરીક્ષક બનાવ્યા. નવા CMનો શપથ ગ્રહણ સમારોહ થશે. PM મોદી હાજર રહેશે.

પશ્ચિમ બંગાળ ચૂંટણી પહેલાં ED દ્વારા I-PAC ડિરેક્ટર વિનેશ ચંદેલની ધરપકડ કોલસા કૌભાંડ કેસમાં થઈ. TMC એ આ કાર્યવાહીને રાજકીય કિન્નાખોરી ગણાવી, ડરનો માહોલ ઊભો કરવાનો આરોપ લગાવ્યો. ED એ દિલ્હી અને બેંગલુરુમાં પણ દરોડા પાડ્યા હતા. TMC એ કહ્યું કે BJP એજન્સીઓનો ઉપયોગ કરી રહી છે. I-PAC ચૂંટણી રણનીતિ બનાવે છે.

કચ્છ જિલ્લા પંચાયતની 38 બેઠકોનું ચિત્ર સ્પષ્ટ થયું છે. 159 ફોર્મમાંથી 50 રદ થતા 109 ઉમેદવારો મેદાનમાં છે. એક પણ બેઠક બિનહરીફ જાહેર થઇ નથી. જિલ્લાની 29-રતનાલ, 34-સુમરાસર શેખ અને 37-વાયોર એમ 3 બેઠકો પર સૌથી વધુ 5-5 ઉમેદવારો ચૂંટણી લડી રહ્યા છે. 9 તાલુકા પંચાયતોની 186 બેઠકો માટે 499 ઉમેદવારો મેદાનમાં છે અને 196 ફોર્મ રદ થયા છે. 15 એપ્રિલ સુધી ફોર્મ પરત ખેંચી શકાય છે.

ભુજ પાલિકાની ચૂંટણીમાં ૧૩૩ ફોર્મ ભરાયા, ચકાસણી બાદ ૧૦૯ ઉમેદવારો મેદાનમાં. FORM પાછું ખેંચવાની છેલ્લી તારીખ ૧૫ એપ્રિલ છે. ભાજપ, કોંગ્રેસ, AAP અને AIMIM સહિત અપક્ષ ઉમેદવારો પણ લડશે. Ward નંબર ૧માં સૌથી વધુ ૧૫, જ્યારે ૧૧માં ૫ ઉમેદવારો છે. Ward નંબર ૫ના ભાજપના ઉમેદવાર સામે રાજપૂત સમાજનો વિરોધ. Ward નંબર ૪ના જૈન ઉમેદવારની માન્યતા અંગે કોંગ્રેસ દ્વારા વાંધો રજૂ કરાયો હતો.

ગુજરાતમાં મહાનગરપાલિકા, જિલ્લા-તાલુકા પંચાયત અને નગરપાલિકાની ચૂંટણીઓથી રાજકીય માહોલ ગરમાયો છે. AMCમાં 427 ફોર્મ રદ્દ થતા હવે 1123 ઉમેદવારો છે. વડોદરા અને સુરતમાં કોંગ્રેસના ફોર્મ રદ્દ થતા પક્ષને ફટકો પડ્યો. 15 એપ્રિલ સુધી તોડજોડની નીતિ ચાલશે.સુરત-રાજકોટમાં કોંગ્રેસે 'મિશન અજ્ઞાત' શરૂ કર્યું.

ગુજરાતમાં કોંગ્રેસને પોતાના જ લોકો દગો દેતા લાચાર બની છે. ઉમેદવારો ફોર્મ ભરતી વખતે કોંગ્રેસમાં હોય છે, પરંતુ અંતિમ ઘડીએ ભાજપમાં જોડાઈ જાય છે. દાહોદથી અમદાવાદ સુધી આવું ચાલી રહ્યું છે. કોંગ્રેસે પક્ષાંતર ધારાને ફોર્મની પ્રક્રિયા સાથે જોડવાની માંગ કરી છે. ઉમેદવારો દગાખોરી કરે છે અને પોલીસ ધમકાવે છે તેવા આરોપોથી કોંગ્રેસ ચિંતિત છે. આવા ઉમેદવારોને જનતા જાકારો આપશે. Congress ને આવા બનાવો ચિંતાજનક લાગે છે.

NSUIએ યુનિવર્સિટીમાં ABVPના કાર્યક્રમમાં બોલીવુડ સોન્ગ પર ડાન્સ મુદ્દે ફરિયાદની માંગ કરી. NSUIએ આક્ષેપ કર્યો કે અન્ય સંગઠને આવું કર્યું હોત તો પોલીસ ફરિયાદ થઈ હોત. NSUIના ગુજરાત સેક્રેટરીએ ABVP પર આકરા પ્રહારો કર્યા અને યુનિવર્સિટીના કેમ્પસમાં આવા પ્રદર્શનો માટે મંજૂરી આપવામાં આવી હતી કે કેમ તે અંગે સવાલ ઉઠાવ્યા હતા. વાઇરલ વિડીયો પછી વિદ્યાર્થીનીએ માફી માંગી હતી.

26 એપ્રિલે કોર્પોરેશન, જિ.પંચાયત, નગર પાલિકા, તાલુકા પંચાયતની ચૂંટણી યોજાશે. હવામાન વિભાગની આગાહી મુજબ તાપમાન 42 ડિગ્રી રહેવાની શક્યતા છે. શાળાઓમાં વેકેશન હોવાથી મતદાન પર અસર થઈ શકે છે. ગરમીના કારણે રસ્તાઓ સૂમસામ થયા છે અને રાજકીય પક્ષો વહેલી સવારે વધુ મતદાન માટે પ્રયાસ કરશે. રજા અને વેકેશન હોવાથી મતદાન ઓછું થઈ શકે છે.