વર્ષ 2022માં ચંદીગઢ નજીક રહેતી એક 56 વર્ષીય મહિલાને લિવર કેન્સર હતું. ડોક્ટરોએ તેને કિટ્રુડાના ડોઝ લેવાની સલાહ આપી. જો કે, તેમના માટે આ દવા ખૂબ મોંઘી હતી. આમ છતાં તેમણે ગમેતેમ કરીને નાણાંની વ્યવસ્થા કરીને સપ્ટેમ્બરથી ડિસેમ્બર 2022 વચ્ચે એક મેડિકલ સ્ટોરમાંથી કિટ્રુડાની 12 બોટલ ખરીદી અને આ માટે રૂ. ₹16 લાખનો ખર્ચ કર્યો. થોડા દિવસો બાદ તેમના પર દિલ્હી પોલીસનો ફોન આવ્યો ત્યારે તેમને ખબર પડી કે જે દવા તેમણે લીધી હતી એ નકલી હતી. તેમાં કિટ્રુડા નહીં, પરંતુ એન્ટિ ફંગલ દવા હતી.

ટેસ્લા અને Xના માલિક ઈલોન મસ્કે કોવિડ-19 રસીના બીજા ડોઝ વિશે ફરી એકવાર નિવેદન આપ્યું છે. મસ્કે એક્સ પર લખ્યું હતું કે, ‘કોવિડ રસીના બીજા ડોઝે મને લગભગ હોસ્પિટલ પહોંચાડી દીધો હતો. મને એવું લાગ્યું કે હું મરી રહ્યો છું.’ મસ્કે કોવિડ રસી બનાવતી જાણીતી કંપની ફાઈઝરના જ એક પૂર્વ અધિકારીને સમર્થન આપતા આ વાત કરી છે. આ વ્યક્તિએ દાવો કર્યો છે કે, કોવિડ રસીના કારણે એકલા જર્મનીમાં જ 60,000 મોત થયા હતા.

પાકિસ્તાનના ઈસ્લામાબાદમાં 21 કલાક સુધી યોજાયેલી બેઠક અનિર્ણાયક સાબિત થયા બાદ અમેરિકા અને ઈરાન વચ્ચે ફરી તણાવ વધી રહ્યો હોય તેવું લાગે છે. અમેરિકાના પ્રમુખ ડોનાલ્ડ ટ્રમ્પે આજથી (13મી એપ્રિલ) હોર્મુઝ સ્ટ્રેટના નાકાબંધીની જાહેરાત કરી છે. તેમની ધમકીનો ઈરાને પણ કડક જવાબ આપ્યો છે. આ દરમિયાન ચીને પણ હોર્મુઝ સ્ટ્રેટ અંગે મોટું નિવેદન આપતા કહ્યું કે, 'હોર્મુઝ અમારા માટે ખુલ્લુ છે. આ મામલે કોઈ દખલગીરી ના કરે.'

ઈરાન અને અમેરિકા વચ્ચે હાલ બે અઠવાડિયાનું યુદ્ધ વિરામ ચાલી રહ્યો છે. પાકિસ્તાનમાં બંને દેશો વચ્ચે થયેલી બેઠક કોઈ પરિણામ વગર પૂરી થઈ છે. છેલ્લા 40 દિવસથી ચાલી રહેલા આ યુદ્ધમાં અમેરિકા અને ઈરાન બંનેના સૈન્ય કાફલામાં મોટું નુકસાન થયું છે. આ પરિસ્થિતિ વચ્ચે કેનેડાએ અમેરિકાને મોટો આંચકો આપ્યો છે. કેનેડાના વડાપ્રધાન માર્ક કાર્નીએ સ્પષ્ટ કર્યું છે કે હવે કેનેડા તેના સંરક્ષણ બજેટનો 70 ટકા હિસ્સો અમેરિકન કંપનીઓને નહીં મોકલે. કેનેડાએ અમેરિકા પરની નિર્ભરતા ઘટાડવા માટે આર્થિક પ્રતિબંધ જેવો નિર્ણય લીધો છે.

રાતા સમુદ્ર અને હોર્મુઝમાં જહાજો પર થઈ રહેલા હુમલાઓએ વૈશ્વિક દરિયાઈ વેપાર માટે મોટું સંકટ ઊભું કર્યું છે. ઈરાને કડક ચેતવણી આપી છે કે જો તેની સરહદો અથવા હિતોને નુકસાન પહોંચાડવામાં આવશે, તો તે આ મહત્ત્વપૂર્ણ જળમાર્ગો પર નિયંત્રણ મેળવી શકે છે. એક તરફ અમેરિકા હોર્મુઝમાં નાકાબંધી કરવા જઈ રહ્યું છે, બીજી તરફ રાતા સમુદ્રમાં પણ જહાજો પર ખતરો મંડરાઈ રહ્યો છે. રવિવારે યુનાઈટેડ કિંગડમ મેરિટાઈમ ટ્રેડ ઓપરેશન્સ (UKMTO)ના અનુસાર, યમનના અલ હુદૈદા કિનારાથી અંદાજિત 54 નોટિકલ માઈલ દૂર એક જહાજને 10-12 લોકોના હથિયારબંધ સમૂહે ઘેરી લીધું.

આદિત્ય ધરની સ્પાય થ્રિલર 'ધુરંધર 2: ધ રિવેન્જ' બોક્સ ઓફિસ પર અટકવાનું નામ નથી લઈ રહી. રીલીઝના 25મા દિવસે પણ ફિલ્મે પોતાની પકડ મજબૂત રાખી છે. આ ફિલ્મે ભારતની પ્રથમ એવી ફિલ્મ ફ્રેન્ચાઈઝી બનવાનું બહુમાન મેળવ્યું છે જેણે બંને ભાગ મેળવીને વિશ્વભરમાં રૂ. 3,000 કરોડથી વધુનો બિઝનેસ કર્યો હોય. બાહુબલી ફ્રેન્ચાઈઝી (પાર્ટ 1 + 2): કુલ કમાણી અંદાજે રૂ. 2,400 કરોડની આસપાસ છે. KGF ફ્રેન્ચાઈઝી (પાર્ટ 1 + 2): કુલ કમાણી અંદાજે રૂ. 1,500 કરોડની આસપાસ છે. ભારતમાં 1000 કરોડ પાર કરનારી પ્રથમ હિન્દી ફિલ્મ બની ધુરંધર.

આંતરરાષ્ટ્રીય ઉર્જા બજારમાં ઉથલપાથલ છે. ક્રૂડ ઓઇલ અને ગેસના ભાવ અંગે રોકાણકારો અને ગ્રાહકો અનિશ્ચિત છે. US પ્રમુખ ડોનાલ્ડ ટ્રમ્પના નિવેદનથી બજારની ચિંતા વધી છે. USમાં ચૂંટણી પહેલાં ટ્રમ્પે ઊર્જા ક્ષેત્રે ભાવ વધઘટના સંકેત આપ્યા છે. હાલમાં ક્રૂડ ઓઇલ બજાર અનેક દબાણનો સામનો કરી રહ્યું છે.

પશ્ચિમ બંગાળ વિધાનસભા ચૂંટણી પહેલા સુપ્રીમ કોર્ટ SIR પર સુનાવણી કરશે. ચૂંટણી પંચે 9 એપ્રિલે બંગાળ માટે SIRની યાદી જાહેર કરી હતી, ત્યારબાદ 91 લાખ નામ હટાવવામાં આવ્યા. સુપ્રીમ કોર્ટ માલદા જિલ્લામાં SIR પ્રક્રિયા દરમિયાન સાત ન્યાયિક અધિકારીઓના ઘેરાવ સંબંધિત કેસની પણ સુનાવણી કરશે. TMC એ ચૂંટણી પંચ પર ખરાબ વર્તન કરવાનો આરોપ લગાવ્યો. SIRના બીજા તબક્કામાં 12 રાજ્યો-UTમાં 6.08 કરોડ લોકોના નામ કપાયા.

એશિયન બજારોમાં ઘટાડા વચ્ચે ભારતીય શેરબજાર નીચા સ્તરે ખુલ્યું, ટ્રમ્પની ધમકીથી બજારમાં ચિંતા વધી. Reliance Industries, HDFC અને ICICI બેંક જેવા શેરોમાં વેચાણ દબાણ આવ્યું, ક્રૂડ ઓઇલના ભાવ વધારાથી રૂપિયા પર અસર થઈ. સેન્સેક્સ 1518 પોઇન્ટના ઘટાડા સાથે અને નિફ્ટી 458.25 પોઇન્ટના ઘટાડા સાથે ખુલ્યો.

સુભાષચંદ્ર બોઝના પૌત્ર અને પૂર્વ BJP નેતા ચંદ્ર કુમાર બોઝ TMCમાં જોડાયા. તેમણે BJP પર ભાગલાવાદી રાજનીતિ કરવાનો આરોપ લગાવ્યો. ચંદ્ર બોઝ 2016માં BJPમાં જોડાયા હતા અને મમતા બેનર્જી સામે ચૂંટણી લડ્યા હતા, પરંતુ હારી ગયા. વડાપ્રધાન નરેન્દ્ર મોદી 'મારો બૂથ-સૌથી મજબૂત સંવાદ' કાર્યક્રમ દ્વારા તમિલનાડુના BJP કાર્યકર્તાઓ સાથે વર્ચ્યુઅલ સંવાદ કરશે.

આ નાકાબંધી ઈરાનના બંદરો અને તટીય વિસ્તારોમાં આવતા-જતા જહાજો સામે લાગુ થશે. CENTCOMએ કહ્યું કે રાષ્ટ્રપતિના આદેશથી ઈરાનના બંદરોમાં આવનારા જનાર તમામ ટ્રાફિક પર નાકાબંધી લાગુ થશે. હોર્મુઝ જળમાર્ગમાંથી ગેર-ઈરાની બંદરો તરફ જતા જહાજોને અવરોધ નહીં. અમેરિકા ટૂંક સમયમાં હોર્મુઝ જળમાર્ગમાંથી પસાર થતા જહાજોને રોકવાનું શરૂ કરશે અને ચીન અને ઈરાન બંને સામે કડક વલણ દાખવશે.

તેલંગાણાના નલગોંડામાં કોમટિરેડ્ડી પ્રતીક સરકારી સ્કૂલને AC કેમ્પસ, સ્માર્ટ ક્લાસ, લેબ, લાઇબ્રેરી અને AI આધારિત શિક્ષણથી સજ્જ કરવામાં આવી છે. બાળકોના વિકાસ પર ભાર, ધોરણ 2-3 માટે રમતગમત આધારિત શિક્ષણ, અને પર્યાવરણ માટે કિચન ગાર્ડન બનાવાયું છે. સ્વચ્છ શૌચાલય, શુદ્ધ પાણી, ડાઇનિંગ હોલ અને લિફ્ટ જેવી સુવિધાઓ મફત છે. મંત્રીએ 8 કરોડના ખર્ચે સ્કૂલનું પુનર્નિર્માણ કરાવ્યું. 105 સીટ માટે 3500 અરજીઓ આવી છે.

કર્ણાટક કોંગ્રેસના 30 ધારાસભ્યો કેબિનેટ ફેરબદલની માંગ સાથે દિલ્હી પહોંચ્યા. તેઓ પાર્ટી હાઈકમાન્ડને મળીને મંત્રીમંડળમાં ફેરબદલ અને નવા ચહેરાઓને તક આપવાની માંગ કરશે. પહેલા ચૂંટાયેલા 38 Congress MLAએ 5 મંત્રી પદની માંગ કરી છે. CM સહિત કુલ 34 મંત્રીઓની મંજૂરી છે જેમાં 2 પદ ખાલી છે. સિદ્ધારમૈયા કેબિનેટ ફેરબદલની તરફેણમાં છે, જ્યારે શિવકુમાર નેતૃત્વ પરિવર્તન પર નિર્ણય લેવા માંગે છે.

અમેરિકા-ઈરાન શાંતિ વાટાઘાટો નિષ્ફળ થતા, ટ્રમ્પ પ્રશાસને ઈરાની બંદરોની નાકેબંધીની જાહેરાત કરી. આના કારણે આંતરરાષ્ટ્રીય બજારમાં તેલની કિંમતોમાં મોટો ઉછાળો આવ્યો. સોમવારે Crude Oilના ભાવ 8% વધીને ફરી $100 પ્રતિ બેરલને પાર કરી ગયા, જેની અસર વૈશ્વિક અર્થતંત્ર પર પડી રહી છે.

વેસ્ટર્ન ડિસ્ટર્બન્સના કારણે ગરમીમાં રાહત બાદ, ઉત્તર, મધ્ય અને પશ્ચિમ ભારતમાં તાપમાન વધવાની શરૂઆત થઈ છે. રાજસ્થાન, મધ્ય પ્રદેશ સહિત અન્ય રાજ્યોમાં પારો 40°C સુધી પહોંચવાની શક્યતા છે. દિલ્હી સહિત ઉત્તર ભારતના કેટલાક વિસ્તારોમાં 40 kmphની ઝડપે ધૂળભરી આંધીનું એલર્ટ છે. જયારે જમ્મુ-કાશ્મીરમાં બરફવર્ષાની સંભાવના છે.

અમેરિકા-ઈરાનની શાંતિ વાટાઘાટો નિષ્ફળ, કૂટનીતિક રસ્તા બંધ થતાં ટ્રમ્પ પ્રશાસન દ્વારા સૈન્ય દબાણ વધારવાની રણનીતિ. ટ્રમ્પે સલાહકારો સાથે ચર્ચા કરી ઈરાન પર દબાણ વધારવાની વાત કરી. અમેરિકન સૈન્ય હાઈએલર્ટ પર, ઈરાનના વ્યૂહાત્મક ઠેકાણાઓ પર હવાઈ હુમલા થઈ શકે છે.

ભાવેણાની જેતલ ઝાલાએ હોટલો માટે SaaS સોફ્ટવેર બનાવ્યો, જે કાર્બન ઉત્સર્જન ટ્રેક કરે, યુટિલિટી ખર્ચ ઘટાડે અને વેસ્ટ મેનેજમેન્ટમાં મદદ કરે છે. સ્કોટલેન્ડમાં રેસ્ટોરન્ટ અનુભવના આધારે તેમણે ઈકોબેલન્સ પ્લેટફોર્મ વિકસાવ્યું. યુકેમાં આ સોફ્ટવેરથી યુટિલિટી બિલમાં 15% બચત અને વેસ્ટ ખર્ચમાં 25% ઘટાડો થયો છે. આ Software વીજળી, ગેસ, પાણીના બિલના ડેટાનું એકત્રીકરણ કરીને રિપોર્ટ તૈયાર કરે છે, બિનજરૂરી ખર્ચ ઘટાડે છે, નફો વધારે છે અને પર્યાવરણની જાળવણી માટે સૂચનો આપે છે.

૧૯૮૪માં RAWને માહિતી મળી કે પાકિસ્તાન સિયાચિન પર કબજો કરશે. ઇન્દિરા ગાંધીએ સેનાને અધિકાર આપ્યો. ત્યારબાદ ઓપરેશન મેઘદૂત શરૂ થયું, જેમાં ભારતીય સેનાએ ૩,૦૦૦ ચોરસ કિલોમીટરનો પ્રદેશ કબજે કર્યો. જેમાં સિયા લા અને બિલાફોંડ લા નો સમાવેશ થાય છે. ઓપરેશન દરમિયાન અમદાવાદના કેપ્ટન નિલેશ સોની શહીદ થયા.

ચીનમાં ગોલ્ડ ATMની માંગ વધી રહી છે, જ્યાં લોકો સોનું જમા કરાવીને તાત્કાલિક રૂપિયા મેળવી શકે છે. ATMમાં સોનાને 1200 ડિગ્રી સેલ્સિયસ તાપમાને પીગાળીને શુદ્ધતા ચકાસાય છે અને તે મુજબ ભાવ નક્કી થાય છે. ચીન ટેકનોલોજીમાં આગળ વધી રહ્યું છે, અને આ અનોખું ATM સોશિયલ મીડિયા પર વાયરલ થઈ રહ્યું છે.

ભારતમાં થયેલા એક અભ્યાસ મુજબ, યુવાનોમાં NCD થવાનું જોખમ વધી રહ્યું છે. દેશની લગભગ અડધી નોકરીધંધો કરતી વસ્તી pre-diabetic જણાય છે અને દસમાંથી આઠ લોકોનું વજન વધારે હોવાનું જણાય છે. 70 ટકા લોકોમાં Vitamin D ની ઉણપ પણ જોવા મળી છે. નિવારક આરોગ્ય સંભાળને વધુ અંગત બનાવવાની જરૂર છે. આ સર્વેમાં ૩૦ લાખ લોકોનું વિશ્લેષણ કરાયું હતું.

કૈલાસ માનસરોવરની યાત્રા મોંઘી થઈ હોવા છતાં શ્રદ્ધાળુઓનો ઉત્સાહ અકબંધ છે. Visa ખર્ચ, Airfare અને નેપાળી ટૂર ઓપરેટરોએ ભાવ વધારતા યાત્રા 20-25% મોંઘી થઈ. યાત્રાળુ દીઠ અંદાજે 50 હજારનો વધારો થયો છે. 15 મેથી 20 સપ્ટેમ્બર દરમિયાન આ યાત્રા યોજાશે જેમાં આશરે 25 હજાર લોકોએ Booking કરાવ્યું છે.

દેશના 166 મોટા જળાશયોમાં પાણીનું સ્તર ઝડપથી ઘટી રહ્યું છે. કેન્દ્રીય જળ આયોગના રિપોર્ટ મુજબ, સ્ટોરેજ ઘટીને 82 અબજ ઘન મીટર થયું છે. તાપી, ગંગા, નર્મદા, ગોદાવરી, કૃષ્ણા નદીઓના તટપ્રદેશો પણ સુકાઈ રહ્યા છે. આ રિપોર્ટ કાળઝાળ ગરમી વચ્ચે ચિંતાજનક છે.

યુગાન્ડાના આર્મી ચીફે તુર્કીયે પાસે 30 દિવસમાં એક અબજ ડોલર (ONE BILLION DOLLARS) અને દેશની સૌથી સુંદર મહિલા સાથે લગ્ન કરવાની માંગ કરી છે. જનરલ કાઈનેરુગાબાએ ધમકી આપી છે કે જો આ શરતો પૂરી નહીં થાય તો તુર્કીયે સાથેના રાજકીય સંબંધો તોડી નાખવામાં આવશે અને દૂતાવાસ બંધ કરી દેવામાં આવશે. આ માંગણીને કારણે વિવાદ ઉભો થયો છે.

ઈઝરાયલી સેનાએ દક્ષિણ લેબેનોનમાં ભીષણ હુમલાઓ કરીને તૈબેહ, નકૌરા અને દેર સેરિયન જેવા સરહદી ગામોને જમીનદોસ્ત કરી દીધા છે. સોશિયલ મીડિયા પર વાયરલ વીડિયો અને વિદેશી મીડિયા રિપોર્ટ્સ મુજબ, સેનાએ રહેણાંક મકાનોમાં વિસ્ફોટકો ગોઠવીને આખેઆખા ગામોને ધ્વસ્ત કરી દીધા છે. લેબેનોન મીડિયાએ પણ આ વિનાશની પુષ્ટિ કરી છે. સરહદ પાસે થયેલા આ મોટાપાયે વિસ્ફોટોને કારણે લેબેનોનમાં ભયાનક તબાહી સર્જાઈ છે અને માનવીય સંકટ વધુ ઘેરું બન્યું છે, જેનાથી સમગ્ર પ્રદેશમાં અફરાતફરીનો માહોલ છે.

ભારતે ચીનના એ પ્રયાસોને કડક તમાચો માર્યો છે, જેમાં તેણે અરુણાચલ પ્રદેશના કેટલાક સ્થળોના નામ બદલવાનો પ્રયત્ન કર્યો છે. ભારતીય વિદેશ મંત્રાલયે સત્તાવાર નિવેદન જાહેર કરી કહ્યું છે કે આ પ્રકારની હરકતો ભ્રામક અને નિરર્થક છે અને ભારત તેનો સંપૂર્ણપણે અસ્વીકાર કરે છે. મંત્રાલય મુજબ ચીન તરફથી લેવામાં આવેલું આ પગલું ખોટું અને પાયાવિહોણું છે. અરુણાચલ પ્રદેશ હંમેશાથી ભારતનો અભિન્ન અને અવિભાજ્ય હિસ્સો છે અને રહેશે.

પાકિસ્તાનમાં અમેરિકા અને ઈરાન વચ્ચેની ૨૦ કલાક લાંબી હાઈ-લેવલ બેઠક પરમાણુ મુદ્દે નિષ્ફળ રહેતા મધ્ય પૂર્વમાં યુદ્ધનું જોખમ વધ્યું છે. રાષ્ટ્રપતિ ટ્રમ્પે ઈરાનની જિદ બાદ અમેરિકી નેવીને ઈરાની સમુદ્રી સીમામાં નાકાબંધી કરવાના આદેશ આપ્યા છે. તેમણે ચેતવણી આપી છે કે હોર્મુઝ સ્ટ્રેટમાં અવરજવર કરતા જહાજો પર કડક નજર રખાશે અને ઈરાનને ગેરકાયદે ટોલ ચૂકવનાર દેશોને સુરક્ષિત રસ્તો મળશે નહીં. આ આદેશથી હોર્મુઝમાં ગમે ત્યારે ભીષણ સૈન્ય સંઘર્ષ અને વૈશ્વિક ઉર્જા સંકટ સર્જાવાની દહેશત છે.

અમેરિકા-ઈઝરાયેલ અને ઈરાન વચ્ચે યુદ્ધવિરામ થવા છતાં હજુ પણ વિશ્વના અનેક દેશો ક્રૂડ ઓઈલના સંકટનો સામનો કરી રહ્યા છે. જ્યારે ઈરાને હોર્મુઝ જળમાર્ગ બંધ કર્યો, યુદ્ધના કારણે ભારતના સૌથી મોટા સપ્લાયર કતરથી પણ સપ્લાય ચેન અટકી પડી ત્યારે ભારત પોતાના પ્લાન મુજબ ગેસ પુરવઠો વધારવામાં સફળ થયું છે, જેના કારણે વિશ્વમાં ગેસ સપ્લાય કરતી સૌથી મોટી કંપની શેલ પબ્લિક લિમિટેડ કંપની (Shell PLC) દેશની સૌથી મોટી ગેસ સપ્લાયર બની છે. મધ્ય-પૂર્વમાં તણાવ છતાં શેલે ભારતને અનેકઘણો પુરવઠો પુરો પાડ્યો છે.

ભાજપે ૧૬ થી ૧૮ એપ્રિલના ખાસ સંસદ સત્ર માટે તમામ સાંસદોને 'થ્રી-લાઇન વ્હિપ' જાહેર કરી ગૃહમાં ફરજિયાત હાજર રહેવા કડક આદેશ આપ્યો છે. આ સમયગાળા દરમિયાન કોઈ પણ સાંસદ કે મંત્રીને રજા આપવામાં આવશે નહીં. સૂત્રો મુજબ, આ ઐતિહાસિક સત્ર સરકારના અત્યંત મહત્વપૂર્ણ 'મહિલા અનામત સુધારા બિલ' પર ચર્ચા અને તેને પસાર કરવા માટે બોલાવવામાં આવ્યું છે, જેમાં દરેક સભ્યની સક્રિય હાજરી અનિવાર્ય ગણવામાં આવી છે.

ભારતીય સંગીતની દુનિયાના તેજસ્વી સિતારા અને કરોડો લોકોના પ્રિય ગાયિકા આશા ભોસલે હવે આપણી વચ્ચે રહ્યા નથી. મુંબઈની બ્રીચ કેન્ડી હોસ્પિટલમાં સારવાર દરમિયાન 92 વર્ષની વયે તેમનું નિધન થયું છે. શનિવારે રાત્રે તેમને કાર્ડિયાક અરેસ્ટ આવ્યા બાદ ગંભીર હાલતમાં હોસ્પિટલ ખસેડાયા હતા. તેમના પુત્ર આનંદ ભોસલેએ કહ્યું કે, મારા માતા આશા ભોસલેનું આજે નિધન થઈ ગયું છે. લોકો આવતીકાલ સવારે 11 વાગ્યે લોઅર પરેલ સ્થિત કાસા ગ્રાંડેમાં તેમને અંતિમ શ્રદ્ધાંજલિ આપી શકે છે. કાલે ચાર વાગ્યે શિવાજી પાર્કમાં અંતિમ સંસ્કાર કરવામાં આવશે.

આ સેન્ટરનો મુખ્ય ઉદ્દેશ્ય એ છે કે વર્ષોથી લુપ્ત થતી પ્રાચીન ચંબા EMBROIDERY કળાને ફરીથી જીવંત કરવામાં આવે. આ કાર્યક્રમ દ્વારા સ્થાનિક કલાકારોને તેમની કળા પ્રદર્શિત કરવાની તક મળશે અને આ કળાને ભવિષ્યની પેઢીઓ સુધી પહોંચાડવામાં મદદ મળશે.