આંતરરાષ્ટ્રીય ઉર્જા બજારમાં ઉથલપાથલ છે. ક્રૂડ ઓઇલ અને ગેસના ભાવ અંગે રોકાણકારો અને ગ્રાહકો અનિશ્ચિત છે. US પ્રમુખ ડોનાલ્ડ ટ્રમ્પના નિવેદનથી બજારની ચિંતા વધી છે. USમાં ચૂંટણી પહેલાં ટ્રમ્પે ઊર્જા ક્ષેત્રે ભાવ વધઘટના સંકેત આપ્યા છે. હાલમાં ક્રૂડ ઓઇલ બજાર અનેક દબાણનો સામનો કરી રહ્યું છે.

પશ્ચિમ બંગાળ વિધાનસભા ચૂંટણી પહેલા સુપ્રીમ કોર્ટ SIR પર સુનાવણી કરશે. ચૂંટણી પંચે 9 એપ્રિલે બંગાળ માટે SIRની યાદી જાહેર કરી હતી, ત્યારબાદ 91 લાખ નામ હટાવવામાં આવ્યા. સુપ્રીમ કોર્ટ માલદા જિલ્લામાં SIR પ્રક્રિયા દરમિયાન સાત ન્યાયિક અધિકારીઓના ઘેરાવ સંબંધિત કેસની પણ સુનાવણી કરશે. TMC એ ચૂંટણી પંચ પર ખરાબ વર્તન કરવાનો આરોપ લગાવ્યો. SIRના બીજા તબક્કામાં 12 રાજ્યો-UTમાં 6.08 કરોડ લોકોના નામ કપાયા.

એશિયન બજારોમાં ઘટાડા વચ્ચે ભારતીય શેરબજાર નીચા સ્તરે ખુલ્યું, ટ્રમ્પની ધમકીથી બજારમાં ચિંતા વધી. Reliance Industries, HDFC અને ICICI બેંક જેવા શેરોમાં વેચાણ દબાણ આવ્યું, ક્રૂડ ઓઇલના ભાવ વધારાથી રૂપિયા પર અસર થઈ. સેન્સેક્સ 1518 પોઇન્ટના ઘટાડા સાથે અને નિફ્ટી 458.25 પોઇન્ટના ઘટાડા સાથે ખુલ્યો.

સુભાષચંદ્ર બોઝના પૌત્ર અને પૂર્વ BJP નેતા ચંદ્ર કુમાર બોઝ TMCમાં જોડાયા. તેમણે BJP પર ભાગલાવાદી રાજનીતિ કરવાનો આરોપ લગાવ્યો. ચંદ્ર બોઝ 2016માં BJPમાં જોડાયા હતા અને મમતા બેનર્જી સામે ચૂંટણી લડ્યા હતા, પરંતુ હારી ગયા. વડાપ્રધાન નરેન્દ્ર મોદી 'મારો બૂથ-સૌથી મજબૂત સંવાદ' કાર્યક્રમ દ્વારા તમિલનાડુના BJP કાર્યકર્તાઓ સાથે વર્ચ્યુઅલ સંવાદ કરશે.

તેલંગાણાના નલગોંડામાં કોમટિરેડ્ડી પ્રતીક સરકારી સ્કૂલને AC કેમ્પસ, સ્માર્ટ ક્લાસ, લેબ, લાઇબ્રેરી અને AI આધારિત શિક્ષણથી સજ્જ કરવામાં આવી છે. બાળકોના વિકાસ પર ભાર, ધોરણ 2-3 માટે રમતગમત આધારિત શિક્ષણ, અને પર્યાવરણ માટે કિચન ગાર્ડન બનાવાયું છે. સ્વચ્છ શૌચાલય, શુદ્ધ પાણી, ડાઇનિંગ હોલ અને લિફ્ટ જેવી સુવિધાઓ મફત છે. મંત્રીએ 8 કરોડના ખર્ચે સ્કૂલનું પુનર્નિર્માણ કરાવ્યું. 105 સીટ માટે 3500 અરજીઓ આવી છે.

કર્ણાટક કોંગ્રેસના 30 ધારાસભ્યો કેબિનેટ ફેરબદલની માંગ સાથે દિલ્હી પહોંચ્યા. તેઓ પાર્ટી હાઈકમાન્ડને મળીને મંત્રીમંડળમાં ફેરબદલ અને નવા ચહેરાઓને તક આપવાની માંગ કરશે. પહેલા ચૂંટાયેલા 38 Congress MLAએ 5 મંત્રી પદની માંગ કરી છે. CM સહિત કુલ 34 મંત્રીઓની મંજૂરી છે જેમાં 2 પદ ખાલી છે. સિદ્ધારમૈયા કેબિનેટ ફેરબદલની તરફેણમાં છે, જ્યારે શિવકુમાર નેતૃત્વ પરિવર્તન પર નિર્ણય લેવા માંગે છે.

ગુજરાતમાં ગરમી વધતા, આગામી 48 કલાકમાં તાપમાનમાં 2-3 ડિગ્રીનો વધારો થશે અને કચ્છમાં હિટવેવની ચેતવણી છે. સૌરાષ્ટ્ર અને કચ્છમાં તાપમાન 41 ડિગ્રીથી ઉપર પહોંચ્યું છે. રાજકોટમાં 41.7 ડિગ્રી તાપમાન નોંધાયું છે. હવામાન વિભાગના જણાવ્યા અનુસાર આગામી સાત દિવસ સુધી વાતાવરણ સૂકું રહેશે. કચ્છમાં બે દિવસ હિટવેવની આગાહી. દરિયાકાંઠાના વિસ્તારોમાં હોટ એન્ડ હ્યુમિડ સ્થિતિ રહેશે.

ભાવેણાની જેતલ ઝાલાએ હોટલો માટે SaaS સોફ્ટવેર બનાવ્યો, જે કાર્બન ઉત્સર્જન ટ્રેક કરે, યુટિલિટી ખર્ચ ઘટાડે અને વેસ્ટ મેનેજમેન્ટમાં મદદ કરે છે. સ્કોટલેન્ડમાં રેસ્ટોરન્ટ અનુભવના આધારે તેમણે ઈકોબેલન્સ પ્લેટફોર્મ વિકસાવ્યું. યુકેમાં આ સોફ્ટવેરથી યુટિલિટી બિલમાં 15% બચત અને વેસ્ટ ખર્ચમાં 25% ઘટાડો થયો છે. આ Software વીજળી, ગેસ, પાણીના બિલના ડેટાનું એકત્રીકરણ કરીને રિપોર્ટ તૈયાર કરે છે, બિનજરૂરી ખર્ચ ઘટાડે છે, નફો વધારે છે અને પર્યાવરણની જાળવણી માટે સૂચનો આપે છે.

રાજકોટમાં ભીષણ ગરમી અને HEATWAVEની આગાહી છતાં તંત્રની તૈયારી અપૂરતી. હોસ્પિટલમાં દવાઓનો જથ્થો, પણ HEATSTROKE અટકાવવા કોઈ આયોજન નહીં. ટ્રાફિક સિગ્નલ પર છાંયડાની વ્યવસ્થા ગાયબ, પાણીના પરબ પણ દેખાતા નથી. તંત્ર HEATSTROKEની ઘટનાની રાહ જોઈ રહ્યું છે.

૧૯૮૪માં RAWને માહિતી મળી કે પાકિસ્તાન સિયાચિન પર કબજો કરશે. ઇન્દિરા ગાંધીએ સેનાને અધિકાર આપ્યો. ત્યારબાદ ઓપરેશન મેઘદૂત શરૂ થયું, જેમાં ભારતીય સેનાએ ૩,૦૦૦ ચોરસ કિલોમીટરનો પ્રદેશ કબજે કર્યો. જેમાં સિયા લા અને બિલાફોંડ લા નો સમાવેશ થાય છે. ઓપરેશન દરમિયાન અમદાવાદના કેપ્ટન નિલેશ સોની શહીદ થયા.

ભારતમાં થયેલા એક અભ્યાસ મુજબ, યુવાનોમાં NCD થવાનું જોખમ વધી રહ્યું છે. દેશની લગભગ અડધી નોકરીધંધો કરતી વસ્તી pre-diabetic જણાય છે અને દસમાંથી આઠ લોકોનું વજન વધારે હોવાનું જણાય છે. 70 ટકા લોકોમાં Vitamin D ની ઉણપ પણ જોવા મળી છે. નિવારક આરોગ્ય સંભાળને વધુ અંગત બનાવવાની જરૂર છે. આ સર્વેમાં ૩૦ લાખ લોકોનું વિશ્લેષણ કરાયું હતું.

કૈલાસ માનસરોવરની યાત્રા મોંઘી થઈ હોવા છતાં શ્રદ્ધાળુઓનો ઉત્સાહ અકબંધ છે. Visa ખર્ચ, Airfare અને નેપાળી ટૂર ઓપરેટરોએ ભાવ વધારતા યાત્રા 20-25% મોંઘી થઈ. યાત્રાળુ દીઠ અંદાજે 50 હજારનો વધારો થયો છે. 15 મેથી 20 સપ્ટેમ્બર દરમિયાન આ યાત્રા યોજાશે જેમાં આશરે 25 હજાર લોકોએ Booking કરાવ્યું છે.

દેશના 166 મોટા જળાશયોમાં પાણીનું સ્તર ઝડપથી ઘટી રહ્યું છે. કેન્દ્રીય જળ આયોગના રિપોર્ટ મુજબ, સ્ટોરેજ ઘટીને 82 અબજ ઘન મીટર થયું છે. તાપી, ગંગા, નર્મદા, ગોદાવરી, કૃષ્ણા નદીઓના તટપ્રદેશો પણ સુકાઈ રહ્યા છે. આ રિપોર્ટ કાળઝાળ ગરમી વચ્ચે ચિંતાજનક છે.

ભારતે ચીનના એ પ્રયાસોને કડક તમાચો માર્યો છે, જેમાં તેણે અરુણાચલ પ્રદેશના કેટલાક સ્થળોના નામ બદલવાનો પ્રયત્ન કર્યો છે. ભારતીય વિદેશ મંત્રાલયે સત્તાવાર નિવેદન જાહેર કરી કહ્યું છે કે આ પ્રકારની હરકતો ભ્રામક અને નિરર્થક છે અને ભારત તેનો સંપૂર્ણપણે અસ્વીકાર કરે છે. મંત્રાલય મુજબ ચીન તરફથી લેવામાં આવેલું આ પગલું ખોટું અને પાયાવિહોણું છે. અરુણાચલ પ્રદેશ હંમેશાથી ભારતનો અભિન્ન અને અવિભાજ્ય હિસ્સો છે અને રહેશે.

અમેરિકા-ઈઝરાયેલ અને ઈરાન વચ્ચે યુદ્ધવિરામ થવા છતાં હજુ પણ વિશ્વના અનેક દેશો ક્રૂડ ઓઈલના સંકટનો સામનો કરી રહ્યા છે. જ્યારે ઈરાને હોર્મુઝ જળમાર્ગ બંધ કર્યો, યુદ્ધના કારણે ભારતના સૌથી મોટા સપ્લાયર કતરથી પણ સપ્લાય ચેન અટકી પડી ત્યારે ભારત પોતાના પ્લાન મુજબ ગેસ પુરવઠો વધારવામાં સફળ થયું છે, જેના કારણે વિશ્વમાં ગેસ સપ્લાય કરતી સૌથી મોટી કંપની શેલ પબ્લિક લિમિટેડ કંપની (Shell PLC) દેશની સૌથી મોટી ગેસ સપ્લાયર બની છે. મધ્ય-પૂર્વમાં તણાવ છતાં શેલે ભારતને અનેકઘણો પુરવઠો પુરો પાડ્યો છે.

ભાજપે ૧૬ થી ૧૮ એપ્રિલના ખાસ સંસદ સત્ર માટે તમામ સાંસદોને 'થ્રી-લાઇન વ્હિપ' જાહેર કરી ગૃહમાં ફરજિયાત હાજર રહેવા કડક આદેશ આપ્યો છે. આ સમયગાળા દરમિયાન કોઈ પણ સાંસદ કે મંત્રીને રજા આપવામાં આવશે નહીં. સૂત્રો મુજબ, આ ઐતિહાસિક સત્ર સરકારના અત્યંત મહત્વપૂર્ણ 'મહિલા અનામત સુધારા બિલ' પર ચર્ચા અને તેને પસાર કરવા માટે બોલાવવામાં આવ્યું છે, જેમાં દરેક સભ્યની સક્રિય હાજરી અનિવાર્ય ગણવામાં આવી છે.

ભારતીય સંગીતની દુનિયાના તેજસ્વી સિતારા અને કરોડો લોકોના પ્રિય ગાયિકા આશા ભોસલે હવે આપણી વચ્ચે રહ્યા નથી. મુંબઈની બ્રીચ કેન્ડી હોસ્પિટલમાં સારવાર દરમિયાન 92 વર્ષની વયે તેમનું નિધન થયું છે. શનિવારે રાત્રે તેમને કાર્ડિયાક અરેસ્ટ આવ્યા બાદ ગંભીર હાલતમાં હોસ્પિટલ ખસેડાયા હતા. તેમના પુત્ર આનંદ ભોસલેએ કહ્યું કે, મારા માતા આશા ભોસલેનું આજે નિધન થઈ ગયું છે. લોકો આવતીકાલ સવારે 11 વાગ્યે લોઅર પરેલ સ્થિત કાસા ગ્રાંડેમાં તેમને અંતિમ શ્રદ્ધાંજલિ આપી શકે છે. કાલે ચાર વાગ્યે શિવાજી પાર્કમાં અંતિમ સંસ્કાર કરવામાં આવશે.

આ સેન્ટરનો મુખ્ય ઉદ્દેશ્ય એ છે કે વર્ષોથી લુપ્ત થતી પ્રાચીન ચંબા EMBROIDERY કળાને ફરીથી જીવંત કરવામાં આવે. આ કાર્યક્રમ દ્વારા સ્થાનિક કલાકારોને તેમની કળા પ્રદર્શિત કરવાની તક મળશે અને આ કળાને ભવિષ્યની પેઢીઓ સુધી પહોંચાડવામાં મદદ મળશે.

PM મોદી સિલીગુડીમાં સભા સંબોધશે, જેમાં દાર્જિલિંગ અને જલપાઈગુડીની બેઠકો માટે મત માંગશે. પહેલાં તેમણે બંગાળમાં ત્રણ રેલીઓ કરી અને રોડ શો કર્યો. ચૂંટણી પંચ મુજબ, પ્રથમ તબક્કામાં 3.6 કરોડ લોકો વોટ આપશે. રાહુલ ગાંધી તમિલનાડુમાં CM સ્ટાલિન સાથે ચૂંટણી પ્રચાર કરશે અને પિતા રાજીવ ગાંધીને શ્રદ્ધાંજલિ આપશે. દાર્જિલિંગમાં BJP મજબૂત અને જલપાઈગુડીમાં TMC સાથે મુકાબલો છે. PM એ TMC પર નિશાન સાધ્યું.

ચૂંટણી પંચ (ECI) અને IAS અધિકારીઓ વચ્ચે SIR અભિયાનને લઈને વિવાદ. મુખ્ય ચૂંટણી કમિશનર અને IAS-Anurag-Yadav વચ્ચે બોલાચાલી. મતદાર યાદીમાંથી લાખો નામ કપાયા, મામલો સુપ્રીમ કોર્ટમાં. 'બબાલ' અને માથાકૂટથી રાજકીય ગરમાવો.

RSS પ્રમુખ મોહન ભાગવતે જણાવ્યું કે હેડગેવારે દેશને આઝાદ કરાવવા અને હિન્દુઓમાં એકતા માટે RSSની સ્થાપના કરી. તેમના મત મુજબ સમાજમાં એકતાનો અભાવ જ ગુલામીનું કારણ હતું. હેડગેવારે બ્રિટિશ શાસનનો અંત લાવવા માટે પ્રયત્નો કર્યા. ભાગવતે તેલંગાણામાં શ્રી કેશવ સ્ફૂર્તિ મંદિરના ઉદ્ઘાટન પછી આ વાત કહી. RSS કોઈને કંટ્રોલ કરતું નથી.

દેશમાં ગરમી વધી રહી છે, ઉત્તર-પશ્ચિમ ભારતમાં તાપમાન 6-8 ડિગ્રી વધવાની શક્યતા છે. મનાલીમાં બરફવર્ષા અને તાપમાન -7 ડિગ્રી નોંધાયું. ઉત્તર પ્રદેશમાં લખનઉમાં તાપમાન 40 ડિગ્રી સેલ્સિયસથી ઉપર જઈ શકે છે. દિલ્હીમાં મહત્તમ તાપમાન 34.7 ડિગ્રી સેલ્સિયસ નોંધાયું. મધ્ય પ્રદેશમાં 15 એપ્રિલે ગરમી વધશે. રાજસ્થાનમાં વેસ્ટર્ન ડિસ્ટર્બન્સની અસરથી તાપમાન ઘટ્યું છે, પરંતુ રવિવાર પછી વધશે. જમ્મુના અખનૂરમાં વાવાઝોડું આવ્યું. 13 અને 14 એપ્રિલના રોજ ઉત્તર અને મધ્ય ભારતમાં તાપમાન વધશે.

જમ્મુ-કાશ્મીરમાં ભૂકંપની તીવ્રતા ઓછી હોવાથી મોટી જાનહાનિ થઈ નથી. National Center for Seismology અનુસાર, સવારે 4:22 વાગ્યે 4.6ની તીવ્રતાનો ભૂકંપ આવ્યો. કટરાથી 92 કિમી દૂર કેન્દ્ર હતું. અગાઉ અખનૂરમાં ટોર્નેડોથી લોકો આશ્ચર્યચકિત થયા હતા. શનિવારે જમ્મુના અખનૂરમાં ટોર્નેડો આવતા લોકો ગભરાયા, જે 10 મિનિટ સુધી રહ્યો. સ્થાનિક પોલીસે નુકસાન ન થયું જણાવ્યું. લોકોએ ધૂળનો વંટોળ જોયો.

Strait of Hormuzથી ભારત માટે સારા સમાચાર, બીજું LPG ટેન્કર ‘જગ વિક્રમ’ સુરક્ષિત પસાર થયું. શનિવારે કુલ 16 જહાજોએ માર્ગ પાર કર્યો, જે વૈશ્વિક બજાર માટે હકારાત્મક સંકેત છે. કેન્દ્રીય મંત્રી સર્બાનંદ સોનોવાલે જણાવ્યું કે ભારતીય જહાજ 'જગ વિક્રમ', જેમાં 24 ક્રૂ મેમ્બર્સ છે, તે પર્શિયન ગલ્ફ ક્ષેત્રમાંથી સફળતાપૂર્વક બહાર નીકળી ગયું.

ગુજરાતમાં માવઠાનો રાઉન્ડ પૂરો થતા ગરમી વધશે. હવામાન વિભાગે તાપમાન ઊંચુ જવાની આગાહી કરી છે. વેસ્ટર્ન ડિસ્ટર્બન્સની અસર ઘટતાં ગરમી વધશે. આગામી 6 દિવસ ગરમ પવનો ફૂંકાશે અને તાપમાનમાં એકથી ત્રણ ડિગ્રીનો વધારો થશે. Rajkot સૌથી ગરમ શહેર છે, અને અન્ય શહેરોમાં પણ 40 ડિગ્રી સુધી તાપમાન પહોંચ્યું. ઉત્તર ભારતમાં પણ ગરમી વધશે.

વાણિજ્ય મંત્રાલય નિકાસ અને આયાત વલણોનું નિરીક્ષણ કરવા સાપ્તાહિક દેખરેખ પદ્ધતિ સ્થાપિત કરશે. વૈશ્વિક તણાવને કારણે સપ્લાય ચેઇન વિક્ષેપો અને લોજિસ્ટિકલ અવરોધો ઉદ્યોગને અસર કરી શકે છે. નિકાસકારોએ પેકેજિંગ સામગ્રીના વધતા ખર્ચ અને આંતરરાષ્ટ્રીય જહાજની હિલચાલમાં વિક્ષેપો અંગે ચર્ચા કરી હતી. વર્તમાન વૈશ્વિક વિકાસ PETROCHEMICAL સામગ્રીની ઉપલબ્ધતા અને ભાવને અસર કરી શકે છે.

નવી દિલ્હીમા સંસદ પરિસરમાં વડાપ્રધાન નરેન્દ્ર મોદી અને રાહુલ ગાંધી વચ્ચે પ્રથમવાર આત્મીયતા જોવા મળી. મોદી કારમાંથી બહાર નીકળી રાહુલ ગાંધી સાથે ઉષ્માભરી વાતચીત કરી. રાહુલ ગાંધીએ પણ ઉમળકાપૂર્વક વડાપ્રધાન સાથે વાત કરી. ભાજપ અને કોંગ્રેસના નેતાઓ વચ્ચે કડવાસ જોવા મળે છે, પરંતુ આ મુલાકાત સૌહાર્દપૂર્ણ રહી.

રિઝર્વ બેંકે નોન-બેંકિંગ ફાઈનાન્સિયલ કંપનીઓ (NBFCs)ને ઉચ્ચ સ્તરમાં વર્ગીકૃત કરવા માટે માળખામાં સુધારાનો પ્રસ્તાવ મૂક્યો છે. વર્ગીકરણ માટે કદ-આધારિત માપદંડો સૂચવવામાં આવ્યા છે. ₹1 લાખ કરોડથી વધુની સંપત્તિ ધરાવતી NBFCsને નવીનતમ ઓડિટેડ બેલેન્સ શીટના આધારે ઉચ્ચ સ્તરની એન્ટિટી તરીકે વર્ગીકૃત કરાશે. જાહેર ક્ષેત્રની NBFCs પણ આ મર્યાદા ઓળંગે તો તે ઉચ્ચ સ્તરમાં સમાવેશ થશે.

એક વર્ષથી આપણે મોબાઇલ નંબર બદલ્યા વિના, મોબાઇલ કંપની બદલી શકીએ છીએ. એવી જ રીતે હવે ખાતા નંબર બદલ્યા વગર બેંક બદલી શકાય એવી શક્યતા પર વિચારણા ચાલી રહી છે. આ બાબતે સરકાર ટૂંક સમયમાં નિર્ણય લઇ શકે છે, જેનાથી ગ્રાહકોને વધુ સરળતા રહેશે.

અમેરિકા-ઈઝરાયેલના યુદ્વે વિરામ લેતા શેર બજારોમાં હાશકારો થયો. છેલ્લા ત્રણ સપ્તાહથી બજારે પોઝિટીવ બંધ આપ્યો છે. યુદ્વ વિરામના પોઝિટીવ ડેવલપમેન્ટને ધ્યાનમાં લઈ સુધારાની ચાલ આગળ વધવાની અપેક્ષા છે. નિફટી સ્પોટ 24444 ઉપર બંધ થવાના સંજોગોમાં 24888 અને સેન્સેક્સ 78777 ઉપર બંધ થવાના સંજોગોમાં 80222 જોવાઈ શકે છે.