પશ્ચિમ બંગાળના પૂર્વ મુખ્યમંત્રી મમતા બેનરજીને કોલકાતા હાઈકોર્ટમાં ચૂંટણી પછીની કથિત હિંસા સંબંધિત કેસમાં દલીલ કરતી વખતે 'ચોર-ચોર'ના નારા અને વિરોધનો સામનો કરવો પડ્યો. તેમણે કહ્યું કે બંગાળ 'બુલડોઝર સ્ટેટ' નથી અને કાયદાના દાયરામાં કાર્યવાહી થવી જોઈએ. TMCએ તેમને યોદ્ધા ગણાવ્યા, જ્યારે ભાજપે તેને રાજકીય નાટક કહ્યું.

દિલ્હી સરકાર દ્વારા પ્રદૂષણ ઘટાડવા 'મેરા ભારત મેરા યોગદાન' અભિયાન હેઠળ સરકારી કર્મચારીઓ માટે અઠવાડિયામાં 2 દિવસ Work From Home (WFH) લાગુ કરાયું છે. ઇમરજન્સી સેવાઓને મુક્તિ અપાઈ છે. મંત્રી-અધિકારી જાહેર પરિવહન વાપરશે, પેટ્રોલ ક્વોટામાં 20% ઘટાડો. ખર્ચ ઘટાડવા વિદેશ પ્રવાસ અને નવી ગાડીઓની ખરીદી પર રોક. યુનિવર્સિટી, કોલેજ, કોર્ટને ઓનલાઇન કામગીરી માટે અપીલ. AC 24-26 ડિગ્રી રહેશે, વીજળી બચાવવા સેન્સર સ્વિચ. જનતાને 'No Vehicle Day' ઉજવવા અને Fuel બચાવવા અપીલ.

BCCI એ શ્રીલંકામાં યોજાનારી ટ્રાઈ નેશન વનડે સીરિઝ માટે ઈન્ડિયા A ટીમની જાહેરાત કરી છે. તિલક વર્માને કેપ્ટન અને રિયાન પરાગને વાઈસ-કેપ્ટન બનાવવામાં આવ્યા છે. 15 વર્ષીય વૈભવ સૂર્યવંશી અને પ્રિયાંશ આર્યને પણ ટીમમાં સ્થાન મળ્યું છે. આ સિવાય આયુષ બદોની, નિશાંત સિંધુ, હર્ષ દુબે જેવા યુવા ખેલાડીઓનો પણ સમાવેશ કરાયો છે. બોલિંગ વિભાગમાં યશ ઠાકુર, યુદ્ધવીર સિંહ, અંશુલ કંબોજ અને અરશદ ખાનને તક આપવામાં આવી છે.

કેરલમના નવા મુખ્યમંત્રી તરીકે કોંગ્રેસ નેતા વી. ડી. સતીશનનું નામ જાહેર થયું છે. દિગ્ગજ નેતા કે. સી. વેણુગોપાલને આ પદ મળ્યું નથી. કોંગ્રેસ અધ્યક્ષ મલ્લિકાઅર્જુન ખડગે અને રાહુલ ગાંધીએ ટોચના નેતાઓ સાથે ચર્ચા બાદ આ નિર્ણય કર્યો છે. વી. ડી. સતીશન 2001 થી પરવૂર વિધાનસભા બેઠકનું પ્રતિનિધિત્વ કરી રહ્યા છે અને અગાઉ વિરોધ પક્ષના નેતા રહી ચૂક્યા છે. કેરલમ વિધાનસભા ચૂંટણીના પરિણામ 4 મેના રોજ જાહેર થયા હતા પણ 11 દિવસ બાદ કોંગ્રેસે મુખ્યમંત્રીના ઉમેદવારનું નામ જાહેર કર્યું છે.

ઓમાનના દરિયાકાંઠે ગુજરાતના કાર્ગો જહાજ 'MSV હાજી અલી' પર ડ્રોન/મિસાઇલ હુમલો થયો, જે બાદમાં ડૂબી ગયું. આ ઘટનાને ભારત સરકારે 'અસ્વીકાર્ય' ગણાવી છે. સદનસીબે, તમામ 14 ભારતીય ક્રૂ મેમ્બર્સ સુરક્ષિત છે, ઓમાન કોસ્ટ ગાર્ડના તાત્કાલિક બચાવ કાર્ય બદલ ભારત તેમનો આભાર માન્યો છે. મધ્ય પૂર્વમાં વધી રહેલા તણાવ વચ્ચે આ હુમલો આંતરરાષ્ટ્રીય દરિયાઈ માર્ગોની સુરક્ષા પર પ્રશ્નો ઊભા કરે છે.

તેલંગાણાના જગિત્યાલ જિલ્લામાં પરિવર્તનની એક પ્રેરણાદાયી ઘટના સામે આવી છે. 62 વર્ષીય પૂર્વ માઓવાદી કમાન્ડર થિપ્પીરી તિરુપતિ ઉર્ફે 'દેવજી'એ હિંસાનો માર્ગ છોડીને હવે શિક્ષણની રાહ પકડી છે. દાયકાઓ સુધી હાથમાં બંદૂક લઈને જંગલોમાં ફરનારા આ પૂર્વ નક્સલી નેતાએ બુધવારે ધોરણ-12 (ઇન્ટરમીડિયેટ)ની પૂરક પરીક્ષા આપી હતી. આશરે 44 વર્ષ સુધી અંડરગ્રાઉન્ડ રહ્યા બાદ અને હથિયાર હેઠા મૂક્યા પછી, તેમણે પોતાનો અધૂરો અભ્યાસ પૂર્ણ કરવાનો નિર્ણય લીધો છે, જે સમાજમાં મુખ્યધારામાં પરત ફરવા માંગતા લોકો માટે એક ઉત્તમ ઉદાહરણ પૂરું પાડે છે.

NEET પરીક્ષા પેપર લીક લઈને દેશભરમાં વિદ્યાર્થીઓમાં ભારે રોષની લાગણી ફેલાઈ છે. ત્યારે કેન્દ્રીય શિક્ષણમંત્રી ધર્મેન્દ્ર પ્રધાનની અમદાવાદની મુલાકાત દરમિયાન વિરોધના દ્રશ્યો જોવા મળ્યા હતા. NSUI દ્વારા વિરોધ પ્રદર્શનની ચીમકી મળતા કેન્દ્રીય શિક્ષણમંત્રીની આ મુલાકાતને ગુપ્ત રાખવામાં આવી હતી તેમ છતાં પણ મંત્રીના કાફલા સામે પ્રદર્શન કરવા કાર્યકરોની પહોંચ્યા હતા. જેમની પોલીસે દ્વારા અટકાયત કરવામાં આવી હતી. ગુજરાત સહિત દેશભરમાં કોંગ્રેસની NSUI પાંખ NEETની પરીક્ષાનું પેપર લીક થતાં કેન્દ્ર સરકાર અને શિક્ષણ મંત્રી સામે વિરોધ કરી રહી છે.

વડાપ્રધાન નરેન્દ્ર મોદીની ૧૫ મેના રોજ ખાડી રાષ્ટ્રની મુલાકાત દરમિયાન ભારત અને UAE, LPG અને વ્યૂહાત્મક પેટ્રોલિયમ અનામતના ક્ષેત્રોમાં સહયોગ વધારવા માટે બે મહત્વપૂર્ણ કરારો કરે તેવી અપેક્ષા છે, એમ સત્તાવાર સૂત્રોએ બુધવારે જણાવ્યું હતું. તેમણે જણાવ્યું હતું કે મોદીના UAE પ્રવાસનો મુખ્ય ઉદ્દેશ્ય ભારતની ઉર્જા સુરક્ષાને વધારવાનો રહેશે. યુરોપના પાંચ દિવસના ચાર દેશોના પ્રવાસ પર નીકળતા પહેલા વડાપ્રધાન લગભગ ચાર કલાક માટે ગલ્ફ રાષ્ટ્રમાં રહેશે. UAEએ વિશ્વના ટોચના તેલ નિકાસકારોના મુખ્ય જૂથ, ઓર્ગેનાઇઝેશન ઓફ ધ પેટ્રોલિયમ એક્સપોર્ટિંગ કન્ટ્રીઝ(OPEC) છોડવાની જાહેરાત કર્યાના થોડા દિવસો પછી આ મુલાકાત આવી છે.

વડોદરા મ્યુનિસિપલ કોર્પોરેશનના વોર્ડ નંબર 15ના કોંગ્રેસના કોર્પોરેટર આશિષ જોશીની અમદાવાદની રામોલ પોલીસે ધરપકડ કરી છે. સ્થાનિક સ્વરાજ્યની ચૂંટણી સમયના દારૂના એક જૂના કેસમાં સંખેડા પોલીસ મથકે નોંધાયેલા ગુના સંદર્ભે આ કાર્યવાહી કરવામાં આવી છે. આ ધરપકડને પગલે વડોદરા અને અમદાવાદના રાજકીય વર્તુળોમાં ભારે ગરમાવો જોવા મળી રહ્યો છે. આ ધરપકડ મામલે ગુજરાત પ્રદેશ કોંગ્રેસ સમિતિના મીડિયા કોર્ડીનેટર અને પ્રવક્તા હેમાંગ રાવલે ભાજપ સરકાર અને પોલીસ તંત્ર પર આકરા પ્રહારો કર્યા છે. તેમણે આ કાર્યવાહીને રાજકીય ષડયંત્ર ગણાવ્યું છે.

ભારત સરકાર મધ્ય પૂર્વમાંથી ગેસ પુરવઠો જાળવવા બે મોટા પ્રોજેક્ટ પર કામ કરી રહી છે. ભારત હવે ઓમાનથી સીધી દરિયાઈ પાઈપલાઈન બિછાવવાની તૈયારી કરી રહ્યું છે, જેને મિડલ ઈસ્ટ-ઈન્ડિયા ડીપ-વોટર પાઈપલાઈન નામ આપવામાં આવ્યું છે. અંદાજે 40,000 કરોડ રૂપિયાના ખર્ચે તૈયાર થનારો આ પ્રોજેક્ટ અરબ સાગરના તળિયે 2,000 કિલોમીટર લાંબો હશે. આ પાઈપલાઈન સમુદ્રમાં 3450 મીટરની ઊંડાઈએ સ્થાપિત કરવામાં આવશે. આ વિશ્વની સૌથી ઊંડી દરિયાઈ પાઈપલાઈન પૈકીની એક હશે. આ માધ્યમથી દરરોજ 31 મિલિયન સ્ટાન્ડર્ડ ક્યુબિક મીટર કુદરતી ગેસની સપ્લાય થઈ શકશે.

કર્ણાટક સરકારે ૨૦૨૨માં સ્કૂલો-કોલેજોમાં હિજાબ પર લગાવેલ પ્રતિબંધ પાછો ખેંચી લીધો છે. નવા આદેશ મુજબ, વિદ્યાર્થીઓને હિજાબ સાથે કલાવા, રુદ્રાક્ષ અને જનોઈ જેવા ધાર્મિક પ્રતીકો પહેરવાની પણ મંજૂરી આપવામાં આવી છે, જો તે શાળાનિયમોનું પાલન કરે. આ નિર્ણય મૂળ ૨૦૨૨ના તે આદેશને બદલી નાખે છે જેણે સમાનતા, એકતા અને જાહેર વ્યવસ્થાને અસર કરતા કપડાં પર પ્રતિબંધ મૂક્યો હતો. હિજાબ વિવાદ ૨૦૨૧ના અંતમાં શરૂ થયો હતો અને ત્યારબાદ અનેક કાયદાકીય પડકારો અને વિભાજિત સુપ્રીમ કોર્ટના ચુકાદા બાદ આ નિર્ણય લેવાયો છે.

સપા પ્રમુખ અખિલેશ યાદવના નાના ભાઈ પ્રતીક યાદવના લખનઉમાં અંતિમ સંસ્કાર થયા. 38 વર્ષની વયે કાર્ડિયાક અરેસ્ટથી તેમનું નિધન થયું. પોસ્ટમોર્ટમ રિપોર્ટમાં મૃત્યુનું કારણ કાર્ડિયાક અરેસ્ટ જણાયું, શરીર પર છ જૂની ઇજાઓ મળી. પ્રતીક, મુલાયમ સિંહ યાદવની બીજી પત્ની સાધના ગુપ્તાના પુત્ર હતા. પત્ની અપર્ણા યાદવ આસામથી પરત ફર્યા.

ગુજરાતમાં ૧,૧૪૧ વ્યાયામ શિક્ષકોની સીધી ભરતી માટે મુખ્યમંત્રીની લીલીઝંડી. SAT મેરીટના આધારે પસંદગી, પારદર્શક પ્રક્રિયા. વયમર્યાદામાં વધારો - સામાન્ય માટે ૩૮, અનામત માટે ૪૩, અને અનામત મહિલાઓ માટે ૪૮ વર્ષ. રમતગમત અને રોજગારીની તકો વધશે.

રાજ્યમાં 1,141 વ્યાયામ શિક્ષકોની સીધી ભરતી માટે CMની મંજૂરી. SAT પરીક્ષાના મેરીટ આધારે પસંદગી. શારીરિક શિક્ષણ મજબૂત બનાવવા અને રમતગમતને વેગ આપવા આયોજન. સ્નાતક સાથે C.P.Ed/B.P.Ed/D.P.Ed અને SAT (Physical Education) પાસ ફરજિયાત. 35 વર્ષ (3 વર્ષ છૂટ) મહત્તમ વયમર્યાદા. પ્રથમ 5 વર્ષ ફિક્સ પગાર, પછી નિયમિત.

બાંગ્લાદેશે પદ્મા (ગંગા) નદી પર વિશાળ ડેમ પ્રોજેક્ટને મંજૂરી આપી. આ પ્રોજેક્ટનો હેતુ ભારતના ફરક્કા બેરેજની અસરો ઘટાડવાનો છે. PM તારિક રહેમાનની અધ્યક્ષતા હેઠળ ECNEC એ પ્રથમ તબક્કાને મંજૂરી આપી. આ પ્રોજેક્ટ સંપૂર્ણપણે બાંગ્લાદેશ સરકારના ભંડોળથી નિર્મિત થશે, જે 34,497.25 કરોડ ટકાનો છે.

ઉત્તર પ્રદેશમાં ભયાનક વાવાઝોડા, ગાજવીજ અને કરા પડવાથી 74 લોકોના મોત થયા છે. 38 જિલ્લાઓમાં ‘યલો એલર્ટ’ જાહેર કરાયું છે. 100 કિમીની ઝડપે ફૂંકાયેલા પવનથી વૃક્ષો, થાંભલા ધરાશાયી થયા, વીજ પુરવઠો અને ટ્રાફિક ઠપ્પ થયો.

ગુજરાતમાં IAS અધિકારીઓની બદલી, કચ્છ કલેક્ટર આનંદ પટેલને ગાંધીનગર કમિશનર ઓફ સ્કૂલ્સ તરીકે નિમણૂંક. PM પોષણ, GCERT ના પણ હવાલા. ૧૪ માસના કાર્યકાળમાં મહેસૂલ, સુરક્ષા, લોકહિત કાર્યોમાં મોટી સિદ્ધિઓ. તળાવો, રમતગમતના મેદાનો, સરકારી કચેરીઓ માટે જમીન ફાળવણી.

કેન્દ્ર સરકાર દ્વારા દેશમાં ખાંડના ભાવ પર નિયંત્રણ મેળવવા અને સ્થાનિક પુરવઠો જાળવી રાખવા માટે ખાંડના નિકાસ પર પ્રતિબંધ મૂકવાનો મોટો નિર્ણય લેવામાં આવ્યો છે. ભારત સરકાર દ્વારા બુધવારે ખાંડના નિકાસ અંગે એક મહત્ત્વની જાહેરાત કરવામાં આવી છે. દેશમાં ખાંડના વધતા ભાવને અંકુશમાં લેવા અને સ્થાનિક બજારમાં પર્યાપ્ત માત્રામાં ખાંડ ઉપલબ્ધ રહે તે હેતુથી સરકારે ખાંડની નિકાસ પર તાત્કાલિક અસરથી પ્રતિબંધ મૂકી દીધો છે.

NEET પેપર લીક થતાં NSUI એ ભુજમાં કલેક્ટરને આવેદન આપ્યું. નિષ્પક્ષ તપાસ અને દોષિતો પર કડક પગલાંની માંગ કરી. મહેનતુ વિદ્યાર્થીઓના ભવિષ્ય સાથે ચેડાં થતાં શિક્ષણ પ્રણાલી પરથી વિશ્વાસ ઉઠી જશે. પરીક્ષા પ્રક્રિયા મજબૂત બનાવવાની પણ અપીલ.

ABVP એ કચ્છ યુનિવર્સિટીમાં MSW, MPA, LLM, IT જેવા સેલ્ફ ફાઇનાન્સ કોર્સની ફી ઘટાડવા, ચોથા વર્ષની ફરજિયાત અમલવારી અને પરીક્ષા પરિણામો તાત્કાલિક જાહેર કરવાની માંગ કરી. 10 દિવસમાં માંગણીઓ નહીં સંતોષાય તો ઉગ્ર આંદોલનની ચીમકી ઉચ્ચારી.

અમેરિકામાં OPT વિઝા કાર્યક્રમ હેઠળ 10,000 વિદેશી વિદ્યાર્થીઓ, જેમાં ભારતીયોનો પણ સમાવેશ થાય છે, શેલ કંપનીઓ દ્વારા મોટાપાયે છેતરપિંડીના આરોપસર તપાસ હેઠળ છે. અનેક વિદ્યાર્થીઓ એવી કંપનીઓ સાથે જોડાયેલા મળ્યા છે જ્યાં કોઈ કામગીરી ચાલતી નથી. કેટલીક કંપનીઓનું મેનેજમેન્ટ ભારતમાંથી થતું હોવાનું પણ સામે આવ્યું છે.

ભારતીય પરંપરામાં સોના-ચાંદીના ઘરેણાં સુરક્ષા માટે હોય છે. PM મોદીએ બિનજરૂરી ખરીદી ટાળવા અપીલ કરી, પણ વિરોધ પક્ષોએ આને નિષ્ફળતા ગણાવી. ભારતે સોનાની આયાત પર $72 બિલિયન ખર્ચ્યા, જે ચિંતાનો વિષય છે. ખાદ્ય તેલની આયાત પર પણ મોટો ખર્ચ થાય છે. PMની અપીલ આર્થિક પરિસ્થિતિ અને વિદેશી હૂંડિયામણ બચાવવા માટે મહત્વની છે.

સોના, ચાંદી તથા પ્લેટિનમ પર કસ્ટમ્સ ડયૂટી વધારવાના સરકારના નિર્ણયને પરિણામે વર્તમાન નાણાં વર્ષમાં દેશમાં સોનાની માગમાં ૧૦% જેટલો ઘટાડો જોવા મળવાની ધારણાં રાખવામાં આવે છે. વર્તમાન નાણાં વર્ષમાં જ્વેલરી માગમાં ૫-૭ ટકા જ્યારે એકંદર માગ ૧૦% જેટલી ઘટવાનો ઈન્ડિયા બુલિયન એન્ડ જ્વેલર્સ એસોસિએશન (ઈબજા)ના  મહામંત્રી સુરેન્દ્ર મહેતાએ જણાવ્યું હતું.સોનાચાંદીની વધી રહેલી આયાત પર અંકૂશ લાવીને આયાત બિલ ઘટાડવાના હેતુ સાથે સરકારે સોનાચાંદી પરની આયાત ડયૂટી ૬ ટકા પરથી વધારી ૧૫ ટકા કરી છે. 

મુંબઈ કરન્સી બજારમાં આજે રૂપિયા સામે ડોલરના ભાવમાં તેજી આગળ વધતાં રૂપિયામાં નવો કડાકો બોલાઈ ગયો હતો. સરકારે હુંડિયામણ બચાવવા સોના-ચાંદીની ઈમ્પોર્ટ ડયુટીમાં વૃદ્ધી કર્યાના સમાચાર છતાં મુંબઈ કરન્સી બજારમં આજે રૂપિયો વધવાના બદલે વધુ તૂટી જતાં બજારના જાણકારો આશ્ચર્ય બતાવી રહ્યા હતા. ડોલરના ભાવ રૂ.૯૫.૬૪ વાળા આજે સવારે રૂ.૯૫.૬૦ ખુલી નીચામાં ભાવ એક તબક્કે રૂ.૯૫.૫૧ થયા હતા.

માર્ચની સરખામણીએ એપ્રિલમાં વૈશ્વિક સ્તરે ભૌગોલિકરાજકીય તાણ હળવી થયા બાદ ભારતીય ઈક્વિટીસમાં જોવા મળેલા સુધારા છતાં મ્યુચ્યુઅલ ફન્ડોએ હાથમાં રોકડનું ઊંચુ પ્રમાણ જાળવી રાખવાનો વ્યૂહ અપનાવ્યો હતો. માર્ચમાં રૂપિયા ૧.૮૬ લાખ કરોડની સરખામણીએ એપ્રિલમાં ફન્ડ હાઉસો પાસે સંયુકત રીતે કેશ ઓન હેન્ડની માત્રા વધી રૂપિયા ૧.૯૯ લાખ કરોડ રહી હતી. એપ્રિલના અંતે ફન્ડોની એસેટ અન્ડર મેનેજમેન્ટ (એયુએમ) રૂપિયા ૮૧.૯૨ લાખ કરોડ સાથે વિક્રમી સપાટીએ રહી હતી.

તમિલનાડુમાં તાજેતરમાં થયેલી ચૂંટણીમાં મળેલ જીત પછી વિજય ફલોર ટેસ્ટમાં પણ પાસ થઇ ગયા છે. મુખ્યપ્રધાન વિજયે બુધવારે તમિલનાડુ વિધાનસભામાં વિશ્વાસ મત માટે પ્રસ્તાવ રજૂ કર્યો હતો. જેમાં ટીવીકે ગઠબંધનવાળી સરકારને ૧૪૪ ધારાસભ્યોનું સમર્થન પ્રાપ્ત થયું છે. ઉલ્લેખનીય છે કે ૨૩૪ સભ્યોવાળી વિધાનસભામાં વિજયની સરકારને ફલોર ટેસ્ટમાં પાસ થવા માટે ૧૧૮ સભ્યોની જરૂર હતી. ફલોર ટેસ્ટમાં વિધાનસભામાં હાઇ વોલ્ટેજ ડ્રામા જોવા મળ્યો હતો.

હેમચંદ્રાચાર્ય યુનિવર્સિટી, પાટણ 'માસ્ટર ઓફ પબ્લિક હેલ્થ' (MPH) બે વર્ષનો પોસ્ટ ગ્રેજ્યુએટ અભ્યાસક્રમ શરૂ કરશે. આ અભ્યાસક્રમ જાહેર આરોગ્ય ક્ષેત્રે નિષ્ણાતો તૈયાર કરશે, ખાસ કરીને મેડિકલ અને પેરામેડિકલ ગ્રેજ્યુએટ્સને અગ્રતા મળશે. આ કોર્સ વિદ્યાર્થીઓને હેલ્થ મેનેજમેન્ટમાં ઉચ્ચ હોદ્દાઓ માટે સક્ષમ બનાવશે, જે ઉજ્જવળ ભવિષ્ય માટે ઉત્તમ તક છે.

ઉગ્રવાદીઓએ બે વાહનો પર ગોળીઓ ચલાવી હતીચર્ચના સભ્યો ધાર્મિક સભામાં સામેલ થયા પછી પરત ફરી રહ્યાં હતાં ત્યારે કરાયેલો હુમલોઇમ્ફાલ: બુધવારે મણિપુરનાં કાંગપોકપી જિલ્લામાં ઉગ્રવાદી હુમલામાં ત્રણ લોકોના મોત થયા છે અને અન્ય ચાર ઘાયલ થયા છે તેમ પોલીસે એક નિવેદનમાં જણાવ્યું છે. તેમણે જણાવ્યું હતું કે આ ઘટના કોટઝિમ અને કોટલેન ગામોની વચ્ચે બની હતી. જ્યાં થાદો બેપટિસ્ટ એસોસિએશન (ટીબીએ)નાં સભ્યો એક ધાર્મિક સભામાં સામેલ થયા પછી ચુરાચાંદપુરથી પરત ફરી રહ્યાં હતાં.

ધોરણ 12 પછી હેમચંદ્રાચાર્ય યુનિવર્સિટીમાં GCAS પોર્ટલ દ્વારા પ્રવેશ પ્રકિયા શરૂ. આ વર્ષે કોલેજ અને કોર્સ પસંદગીનો ક્રમ ફરજીયાત છે, જેના આધારે મેરિટથી પ્રવેશ ફાળવાશે. AI agent નો સમાવેશ કરી પ્રક્રિયા સરળ બનાવવામાં આવી છે. દરેક કોલેજમાં નિશુલ્ક હેલ્પ સેન્ટર શરૂ. ઓનલાઈન ફોર્મ ભરી ડોક્યુમેન્ટ વેરિફિકેશન માટે રૂબરૂ જવું પડશે.

NEET પરીક્ષાનું પેપર લીક થતાં પરીક્ષા રદ કરવી પડી હતી. કેન્દ્ર સરકારે મામલો CBIને સોંપ્યો, જેમણે પાંચ આરોપીઓની જયપુર, ગુરુગ્રામ, નાસિકમાંથી ધરપકડ કરી છે. CBI દેશભરમાં તપાસ કરી રહી છે, અનેક સ્થળે દરોડા પાડી mobile, laptop જપ્ત કર્યા છે. મેડિકલ સંગઠન પરીક્ષા વ્યવસ્થામાં સુધારા માટે સુપ્રીમ પહોંચ્યું.