સુરતનો હીરા ઉદ્યોગ, જે ગુજરાતનો ગ્રોથ એન્જિન છે, બે વર્ષથી મંદીનો સામનો કરી રહ્યો છે, પરંતુ હાલમાં લાસ વેગાસમાં યોજાયેલું ધ JCK એક્ઝિબિશન ઉદ્યોગ માટે નવા આશાની કિરણ લઈને આવ્યું છે. અમેરિકા અને ચીનમાં જ્વેલરીની વધતી માંગ સુરતના હીરા ઉદ્યોગને ફરીથી તેજી આપવા માટે સહાયરૂપ બનશે. સુરતના ડાયમંડ ઉદ્યોગપતિઓને દિવાળીના પહેલા માર્કેટમાં સ્થિરતા અને તેજી આવવાની આશા છે. આ એક્ઝિબિશનને કારણે હીરા અને જ્વેલરીના ઓર્ડર્સમાં તેજી આવવાની શક્યતા છે, જે ઉદ્યોગ માટે સારા સમાચાર પુરવાર થઇ શકે છે.