અમદાવાદ જિલ્લાના ધંધુકા પંથકમાં યુવકની હત્યાના મામલે ભારે રોષ જોવા મળી રહ્યો છે, ત્યારે આજે (21મી એપ્રિલ) વહીવટી તંત્ર દ્વારા આરોપીઓ અને અસામાજિક તત્ત્વો સામે લાલ આંખ કરવામાં આવી છે. પોલીસના ચુસ્ત બંદોબસ્ત વચ્ચે ધંધુકાના ખાટકી વાડ વિસ્તારમાં આરોપીઓના ગેરકાયદે બાંધકામો પર બુલડોઝર ફેરવી દેવામાં આવ્યું છે. ગત શનિવારે (18મી એપ્રિલ) ધર્મેશ ગમારા નામના યુવકની હત્યા બાદ પંથકમાં તણાવભરી સ્થિતિ સર્જાઈ હતી. તંત્રએ આજે વહેલી સવારથી જ ખાટકી વાડ વિસ્તારમાં ઓપરેશન શરૂ કર્યું હતું. જેમાં ચારથી વધુ ગેરકાયદે મકાનો તોડી પાડવામાં આવ્યા છે.

દેશના અનેક રાજ્યોમાં પારો ૪૪°C ને પાર પહોંચતા કાળઝાળ ગરમી અને 'વૉર્મ નાઇટ્સ'નો પ્રકોપ શરૂ થયો છે. ઉત્તર પ્રદેશનું પ્રયાગરાજ સૌથી ગરમ રહ્યું છે, જ્યારે મહારાષ્ટ્ર અને છત્તીસગઢના કેટલાક જિલ્લાઓમાં બપોરે ટ્રાફિક સિગ્નલો બંધ રાખવાનો નિર્ણય લેવાયો છે. ગરમીને કારણે યુપી અને ઝારખંડમાં શાળાઓના સમય બદલાયા છે અને ઓડિશામાં રજા જાહેર કરાઈ છે. હવામાન વિભાગે રાત્રિ દરમિયાન પણ લૂ ફૂંકાવાની ચેતવણી આપી છે, જેની સીધી અસર લોકોના સ્વાસ્થ્ય પર પડી રહી છે.

ભાવનગર પોલીસ 26મી એપ્રિલે યોજાનારી ચૂંટણી દરમિયાન કાયદો અને વ્યવસ્થા જાળવવા માટે એક્શન મોડમાં છે. 4921 લોકો સામે અટકાયતી પગલાં લેવાયા છે અને પાંચને પાસા હેઠળ ધકેલાયા છે. 23 સંવેદનશીલ વિસ્તારોમાં પોલીસ બાજ નજર રાખશે. ચૂંટણીમાં ખલેલ ન પહોંચે માટે કડક કામગીરી શરૂ કરી છે. ભાવનગર પોર્ટ મરીન દ્વારા 12 નોટીકલ માઇલમાં બોટ દ્વારા પેટ્રોલીંગ કરાઈ રહ્યું છે.

RBIએ રૂપિયાની અસ્થિરતાને રોકવા ઓફશોર NON-DELIVERABLE FORWARDS MARKET (NDF)માં ફોરેક્સ ડીલરો પરના નિયંત્રણો હટાવ્યા. રિઝર્વ બેંકના ગવર્નર સંજય મલ્હોત્રાએ જણાવ્યું હતું કે આ નિયંત્રણો કાયમ માટે રહેશે નહીં. અધિકૃત ડીલરો હવે રૂપિયા સાથે જોડાયેલા NON-DELIVERABLE DERIVATIVE CONTRACTS ની ઓફર નિવાસી કે બિન-નિવાસી વપરાશકર્તાઓ માટે પ્રતિબંધિત કરવાની જરૂર રહેશે નહીં. તેઓ વપરાશકર્તાને રૂપિયા સાથે સંકળાયેલા કોઈપણ વિદેશી ચલણ DERIVATIVE CONTRACTને ફરીથી બુક કરવાની પણ મંજૂરી આપી શકે છે.

ધંધૂકા હત્યા કેસમાં આજે આરોપીઓના ગેરકાયદે કબજા પર બુલડોઝર કાર્યવાહી થશે, પોલીસે બે આરોપીઓની ધરપકડ કરી છે. બે દિવસના રિમાન્ડ મંજૂર કરાયા છે. ધર્મેશ ગમારા હત્યા કેસમાં મહત્વપૂર્ણ પ્રગતિ નોંધાઈ છે. કોર્ટે 2 દિવસના રિમાન્ડ મંજૂર કર્યા છે. પોલીસ દ્વારા વધુ પૂછપરછ કરી ઘટનાની સંપૂર્ણ વિગતો બહાર લાવવા પ્રયાસ કરવામાં આવશે. હાલ પોલીસ આ મામલે વધુ તપાસ હાથ ધરી રહી છે.

મુંબઈ મહાપાલિકાના ઘનકચરા વ્યવસ્થાપન વિભાગે ઝૂંપડપટ્ટી વિસ્તારના સાર્વજનિક શૌચાલયોની સફાઈ માટે 2 કરોડના ખર્ચે પાંચ નવા આધુનિક વાહનો ખરીદવાનો નિર્ણય લીધો છે. જૂના વાહનોની આઠ વર્ષની મર્યાદા પૂર્ણ થતા ટૂંક સમયમાં નવા વાહનો કાફલામાં સામેલ થશે, જેનાથી સ્વચ્છતા અભિયાન વધુ કાર્યક્ષમ બનશે. જોકે, મુંબઈના વિશાળ વિસ્તારને જોતા માત્ર પાંચ વાહનો અપૂરતા હોવાથી, દરેક વહીવટી વોર્ડ દીઠ એક અલગ વાહન ફાળવવાની માંગ પણ ઉઠી છે, જેથી ગંદકીની સમસ્યાનો કાયમી ઉકેલ લાવી શકાય.

મુંબઈના નરિમાન પોઈન્ટથી વિરાર-પાલઘર સુધીના પ્રવાસને ઝડપી બનાવવા રાજ્ય સરકારે ૫૫.૧૨ કિલોમીટર લાંબા 'ઉત્તન-વિરાર સીલિન્ક' પ્રોજેક્ટને મંજૂરી આપી છે. આ ૮ લેનનો સીલિન્ક અટલ સેતુથી પણ લાંબો હશે, જેના માટે મે ૨૦૨૬થી ટેન્ડર પ્રક્રિયા શરૂ થશે. અંદાજે ₹૫૮,૭૫૪ કરોડના ખર્ચે બનનારા આ રોડથી ૯૦ મિનિટની મુસાફરી માત્ર ૩૦-૪૦ મિનિટમાં પૂર્ણ થશે. જોકે, આ પ્રોજેક્ટના કારણે ૧૦૦ હેક્ટર મેન્ગ્રોવ્ઝને અસર થશે. આ સીલિન્ક વેસ્ટર્ન એક્સપ્રેસ હાઈવે પરના ટ્રાફિકનું ભારણ ઘટાડવામાં મહત્વની ભૂમિકા ભજવશે.

સુરતમાં ગેસની અછતથી મહારાષ્ટ્રમાં ચિંતા, રોહિણી ખડસેની સરકારને ચેતવણી. મધ્ય-પૂર્વ યુદ્ધથી LPG સંકટ, સુરતમાં ઉદ્યોગો બંધ થતા મજૂરો બેકાર. હજારો કામદારો વતન પાછા ફર્યા, સ્ટેશન પર અરાજકતા. મુંબઈ-પુણેમાં પણ સુરત જેવી સ્થિતિની આશંકા, સરકારે તાત્કાલિક પગલાં લેવા જોઈએ.

ભારતીય કંપનીઓએ વિદેશથી માલ ખરીદવા માટે તેમની ચુકવણી વ્યૂહરચના બદલી છે. તેઓ હવે ચીનના ચલણ, યુઆનને યુએસ ડોલર કરતાં વધુ પ્રાથમિકતા આપી રહ્યા છે. તાજેતરમાં, ભારતીય કંપનીઓએ ઈરાનથી તેલ ખરીદી માટે પણ યુઆનમાં ચૂકવણી કરી હતી. હવે, ચીનથી આયાત માટે ચૂકવણી પણ યુઆનમાં કરવામાં આવી રહી છે. હકીકતમાં, ભારતીય રૂપિયો યુએસ ડોલર સામે રેકોર્ડ નીચા સ્તરે પહોંચી ગયો છે.

દેશમાં ડીજીટલ એરેસ્ટના ઠગાઈના કિસ્સાઓ વધી રહ્યા છે, જેમાં નિવૃત્ત બેંક અધિકારીઓ અને શિક્ષકો ભોગ બની રહ્યા છે. મીડિયામાં સમાચાર આવતા હોવા છતાં અને કાયદામાં જોગવાઈ ન હોવા છતાં લોકો છેતરાઈ રહ્યા છે. સુપ્રીમ કોર્ટે આ બાબતે ચિંતા વ્યક્ત કરી છે, CJI સૂર્યકાંતે પરિસ્થિતિને ચિંતાજનક ગણાવી. Digital Arrest ના ઘણા કિસ્સાઓ સામે આવ્યા છે.

ગત વર્ષે ટ્રમ્પ દ્વારા લાગુ કરાયેલ ટેરિફ પરત કરવાની કામગીરી શરૂ, કાયદાકીય જટિલતાથી વિલંબ થઈ શકે છે. 20 ફેબ્રુઆરી, 2025થી ટ્રમ્પ તંત્ર દ્વારા નવા ટેરિફ લાગુ કરાયા હતા, જેની સામે અમેરિકન કોર્ટમાં અરજી થઈ હતી. સુપ્રીમ કોર્ટમાં ટ્રમ્પ સરકાર વિરુદ્ધ નિર્ણય લેવાયો, અને ટેરિફ ગેરકાયદે ઠેરવી પરત કરવાનો આદેશ અપાયો. આયાતકારો માટે ઓટોમેટેડ કોમર્શિયલ એન્વાર્નમેન્ટ પ્લેટફોર્મ શરૂ કરાયું છે, જેનાથી ક્લેઈમ ફાઈલિંગ સરળ બનશે.

રાજકોટ ચેમ્બર ઓફ કોમર્સ ખાતે MSME નિકાસકારો માટે સેમિનાર યોજાયો, જેમાં વૈશ્વિક પડકારો વચ્ચે સુરક્ષિત વેપાર અને સરકારી યોજનાઓના લાભો વિશે માર્ગદર્શન અપાયું. ‘વોર રિસ્ક સરચાર્જ’માં 50% રિમ્બર્સમેન્ટની જાહેરાત કરવામાં આવી. ECGC અને DGFT દ્વારા નિકાસકારોને રાહત યોજનાઓ અને વીમા કવચની માહિતી આપવામાં આવી. નિકાસકારોને કોમર્શિયલ અને પોલિટિકલ રિસ્ક સામે રક્ષણ મેળવવા ECGCની સેવાઓનો લાભ લેવા જણાવ્યું.

કેપેક્સ અને ઈન્ફ્રાસ્ટ્રક્ચરની માંગને લીધે 2026ના પ્રથમ છ મહિનામાં ઔદ્યોગિક ધિરાણ વૃદ્ધિ 13% રહેવાનો અંદાજ છે. બેંકોના જણાવ્યા અનુસાર, FICCI અને ઈન્ડિયન બેંક્સ એસોસિએશનના સર્વે મુજબ જાન્યુઆરીથી જૂન 2026 દરમિયાન ઔદ્યોગિક ધિરાણમાં 9 થી 13% નો વધારો થઈ શકે છે, જે સ્થિર રહેશે. મૂડી ખર્ચમાં વધારો અને માંગને કારણે વિકાસ થશે.

તમિલનાડુ વિધાનસભા ચૂંટણી પૂર્વે ચૂંટણી પંચે ₹૧,૨૦૦ કરોડથી વધુની રોકડ, સોનું અને નશીલા પદાર્થો જપ્ત કરી મોટી કાર્યવાહી કરી છે. બીજી તરફ, ૧૮ એપ્રિલે વડાપ્રધાન મોદીના મહિલા અનામત બિલ અંગેના સંબોધનને લઈને નવો વિવાદ સર્જાયો છે. ૭૦૦થી વધુ પૂર્વ અમલદારો અને નાગરિકોએ ચૂંટણી પંચને પત્ર લખીને આ પ્રસારણને આચારસંહિતાનો ભંગ ગણાવ્યો છે. ફરિયાદ મુજબ, સરકારી પ્લેટફોર્મનો ઉપયોગ પક્ષપાતી પ્રચાર સમાન છે, તેથી અન્ય પક્ષોને પણ સમાન સમય આપવાની માગણી કરવામાં આવી છે.

સુરત ક્રાઈમ બ્રાન્ચે આપના હવાલા કાંડમાં આકાશ મિશ્રાને પૂછપરછ માટે બોલાવ્યો હતો. તેના છેલ્લા 6 મહિનાના કોલ ડિટેલ્સ, વોટ્સએપ ચેટ અને કોલની તપાસ ચાલુ છે. પોલીસને શંકા છે કે દિલ્હીથી આવેલા રૂપિયા ચૂંટણી પ્રચાર માટે હતા. આ કેસમાં ઇન્કમ ટેક્સ વિભાગની ટીમ પણ સામેલ થશે. આ પોલિટિકલ હવાલા કાંડનો માસ્ટરમાઇન્ડ દિલ્હીનો હિમાંશુ પાહુજા હોવાનું કહેવાય છે, જે પનીર વેપારી તરીકે ઓળખ આપતો હતો.

ગ્લેમર છોડી ભારતીય સેનામાં લેફ્ટનન્ટ બનેલી કશિશ મેથવાણીએ 'મિસ ઇન્ટરનેશનલ ઇન્ડિયા'ના તાજને બદલે દેશસેવાને પ્રાધાન્ય આપી નવી પેઢી માટે ઉદાહરણ પૂરું પાડ્યું છે. બીજી તરફ, મહારાષ્ટ્રના બેલા ગામની મહિલા સરપંચ શારદા ગાયધનેએ વૃક્ષારોપણ અને સૌર ઉર્જા દ્વારા ગામને દેશનું પ્રથમ 'નેટ-ઝીરો કાર્બન વિલેજ' બનાવ્યું છે. આ ઉપરાંત, અંધ સ્વિમર ઈશ્વરી પાંડેએ પાલ્ક સ્ટ્રેઈટ પાર કરી ઇતિહાસ રચ્યો છે, જ્યારે આંધ્રપ્રદેશની શ્રીલક્ષ્મીએ મહાકાય બળદોને પ્રેમથી વશ કરી પશુપાલન અને સાહસિક રમત ક્ષેત્રે સ્ત્રીશક્તિનો પરચો આપ્યો છે.

ભાસ્કર સવાણીએ FBI દ્વારા તેમની સાથે થયેલ વર્તનની વાત કરી. 2018માં તેમની ડેન્ટલ ઑફિસ પર દરોડા, ડોક્યુમેન્ટ્સ જપ્ત કર્યા, તથા રેકેટિંગનો આરોપ લગાવ્યો. તેઓ ગુજરાતી હોવાથી હેરાન કરાયા અને પગમાં GPS ટ્રેકર લગાવાયું. H1B વિઝા ફ્રોડ, હેલ્થકેર ફ્રોડ તથા અન્ય આરોપો લાગ્યા. રૂમ પાર્ટનર સાથેના વિવાદો અને ખોટા આક્ષેપો, તેમજ તુલસી ગબાર્ડને સપોર્ટ કરવાથી પોલિટિકલ ટાર્ગેટિંગ થયું હોવાનું સવાણી માને છે. ગુજરાતીઓમાં એકતાના અભાવે મુશ્કેલી વધી હોવાનું જણાવ્યું.

મિડલ ઇસ્ટમાં યુદ્ધ જેવી સ્થિતિને લીધે ઉર્જા સંકટ ઊભું થયું છે, ભારતમાં LPG માટે કાગારોળ મચી ગઈ હતી. સરકારે સૌર ઊર્જા, CNG, PNG જેવી વ્યવસ્થા ગોઠવી. પશ્ચિમ એશિયામાં તંગદીલી પછી સરકારે જીવાષ્મી ઈંધણનો વિકલ્પ શોધવાની જરૂર છે. EV વાહનોનું ચલણ વધ્યું છે, પણ આ બદલાવ પીડાદાયક છે, છતાં તે જરૂરી છે.

પાલનપુરમાં Hanuman Sheri વિસ્તારમાં માયાબેન પંચાલ નામની વૃદ્ધા તાળું મારેલા મકાનમાંથી મળી આવતા ચકચાર. તેઓ એકલા રહેતા હતા, દુર્ગંધ આવતા પોલીસે તપાસ કરી. પોલીસે અર્ધનગ્ન હાલતમાં લાશ પોસ્ટમોર્ટમ માટે મોકલી, અમોત ગુનો નોંધી તપાસ શરૂ કરી. લોકોના ટોળા એકત્ર થયા અને પોલીસે તપાસના ચક્રો ગતિમાન કર્યા છે.

સિદ્ધપુરમાં વકીલના બંધ મકાનમાં ચોરી થઈ. Tસ્કરોએ રોકડ અને દાગીના મળી કુલ રૂ. 1.90 લાખની ચોરી કરી. Yash Dave એ Police સ્ટેશનમાં FIR નોંધાવી. તેમના પિતા હેમંતકુમાર મકાન બંધ કરી સૂઈ ગયા હતા. સવારે દરવાજો તૂટેલો જોઈ ચોરીની જાણ થઈ. Police તપાસ ચાલુ.

મદ્રાસ હાઇકોર્ટે શિક્ષણના વેપારીકરણ પર ટિપ્પણી કરી, શિક્ષણને પવિત્ર મનાતું હવે માત્ર BUSINESS ગણાવ્યો. ગરીબોને ભાગ્યે જ ન્યાય મળે છે. સ્કૂલ સામે HOSPITAL હોવા છતાં વિદ્યાર્થિનીને દાખલ ના કરાઇ, કેમ્પસમાં મોત થતા હાઇકોર્ટ નારાજ થઈ. દેવી સરસ્વતી શિક્ષણનું પ્રતિક પણ શિક્ષણ વેપાર બની ગયું છે.

રાજસ્થાનના પચપાદ્રામાં હિન્દુસ્તાન પેટ્રોલિયમની રિફાઇનરીમાં આગ લાગી. વડાપ્રધાન નરેન્દ્ર મોદી આ રિફાઇનરીનું ઉદ્ઘાટન કરવાના હતા, પરંતુ આગના કારણે કાર્યક્રમ રદ કરાયો. આ દેશની પહેલી ગ્રીનફીલ્ડ રિફાઇનરી છે. હિન્દુસ્તાન પેટ્રોલિયમ દ્વારા 79450 કરોડના રોકાણથી બનેલી આ રિફાઇનરીમાં આગના કારણોની તપાસના આદેશ અપાયા. આગ લાગતા કાળા ધૂમાડા આકાશમાં ફેલાયા.

જમ્મુ-કાશ્મીરના ઉધમપુરમાં બસ પર્વત પરથી નીચે પડતા 21 લોકોના મોત થયા અને 29 ઘાયલ થયા. ખાનગી બસમાં 50 યાત્રીઓ સવાર હતા. વળાંક પર ડ્રાઇવરે નિયંત્રણ ગુમાવતા અકસ્માત સર્જાયો. PMએ મૃતકોના પરિવારોને રૂ. 2 લાખની સહાય જાહેર કરી. બસ નીચે પડતા પહેલા એક રિક્ષાને કચડી નાખી હતી.

ચૂંટણીપંચે મમતા બેનરજીની ભવાનીપુર સહિત બંગાળની 55 બેઠકોને ખર્ચના સંદર્ભમાં સંવેદનશીલ જાહેર કરી. આ બેઠકો પર ઉમેદવારોની ખર્ચમર્યાદાથી વધુ ખર્ચ થઈ શકે છે. આ ખર્ચ પર દેખરેખ રાખવા માટે ચૂંટણીપંચે 100 નિરીક્ષકોની નિમણૂક કરી છે. પશ્ચિમ બંગાળમાં ગેરકાયદેસર રોકડ, દારૂ, મફતમાં વહેંચાતી વસ્તુઓ અને માદક પદાર્થોની હેરાફેરી વધી છે. પાંચ રાજ્યોમાં સૌથી વધુ નિરીક્ષકો બંગાળમાં નીમાયા છે.

દક્ષિણ કોરિયાના પ્રમુખ લી જે મ્યુંગના ભારતના પ્રવાસ દરમિયાન, વડાપ્રધાન મોદી સાથેની મુલાકાતમાં 2030 સુધીમાં ભારત અને કોરિયા વચ્ચેનો કારોબાર 50 Billion Dollar સુધી લઈ જવાનો લક્ષ્યાંક નક્કી કરાયો છે. બંને દેશો ક્રિટિકલ ટેક્નોલોજી અને સપ્લાય ચેઈનમાં સહયોગ વધારશે, ભારતમાં કોરીયન ઇન્ડસ્ટ્રીયલ ટાઉનશિપની સ્થાપના કરાશે તેમજ AI, સેમીકંડક્ટર અને ITમાં ભાગીદારી કરશે. હાલમાં આ કારોબાર 27 Billion Dollarનો છે.

PM નરેન્દ્ર મોદીએ આજે (20 એપ્રિલ) નવી દિલ્હીમાં દક્ષિણ કોરિયાના પ્રમુખ લી જે મ્યુંગ સાથે દ્વિપક્ષીય બેઠક યોજીને ભારત-દક્ષિણ કોરિયા વચ્ચે અત્યાધુનિક ટૅક્નોલૉજીથી લઈને કે-પોપમાં નવા યુગની શરૂઆત કરી છે. આ ઉપરાંત બંને દેશો વચ્ચે દ્વિપક્ષીય વેપાર વધારવાની પણ જાહેરાત કરવામાં આવી છે. બંને દેશના નેતાઓ વચ્ચે MOU કરાયા છે. આ ઉપરાંત વેપાર, સંસ્કૃતિ અને ટૅક્નોલૉજી ક્ષેત્રે ભાગીદારી વધારવા પર પણ ભાર અપાયો છે. દ્વિપક્ષીય બેઠક બાદ વડાપ્રધાન મોદી અને દ. કોરિયાના પ્રમુખ મ્યુંગે સંબોધન પણ કર્યું હતું.

અમદાવાદ જિલ્લાના ધંધુકા પંથકમાં ગત શનિવારે (18 એપ્રિલ) ધર્મેશ ગમારા નામના યુવકની કરપીણ હત્યા થઈ હતી. આ મામલે તાત્કાલિક મુખ્ય બે આરોપી રિઝવાન અને સમીરની ધરપકડ કરાઈ હતી. ત્યારબાદ હવે આજે(20 એપ્રિલ) પોલીસ દ્વારા આરોપીઓને કોર્ટમાં રજૂ કરવામાં આવ્યા હતા. આ મામલો સંવેદનશીલ હોવાથી અને શહેરમાં તણાવભરી સ્થિતિને જોતા કોર્ટ પરિસરમાં ચુસ્ત પોલીસ બંદોબસ્ત ગોઠવી દેવામાં આવ્યો હતો. કોઈ અનિચ્છનીય બનાવ ન બને તે માટે પોલીસ પ્રશાસન દ્વારા કડક સુરક્ષા વ્યવસ્થા હેઠળ આરોપીઓની સુનાવણી હાથ ધરવામાં આવી હતી.

રાજસ્થાનના બાલોતરા જિલ્લામાં આવેલી દેશની સૌથી મોટી તેલ રિફાઇનરી, પચપદરામાં આજે મોટી દુર્ઘટના સર્જાઈ છે. PM નરેન્દ્ર મોદી આવતીકાલે એટલે કે 21 એપ્રિલે આ રિફાઇનરીનું ઉદ્ઘાટન કરવાના છે, તેના બરાબર એક દિવસ પહેલા જ રિફાઇનરીના એક યુનિટમાં અચાનક ભીષણ આગ ફાટી નીકળી છે. સુરક્ષાના ભાગરૂપે તાત્કાલિક અસરચક્ર ગતિમાન કરવામાં આવ્યું છે. હાલમાં આ આગ કયા કારણોસર લાગી છે તેનું સત્તાવાર કારણ બહાર આવ્યું નથી. ઉદ્ઘાટન પહેલા જ બનેલી આ ઘટનાને પગલે સુરક્ષા એજન્સીઓ પણ સતર્ક થઈ ગઈ છે.

પશ્ચિમ બંગાળ વિધાનસભા ચૂંટણી 2026ને લઈને પરપ્રાંતમાં રહેતા બંગાળી મતદારોમાં ભારે ઉત્સાહ અને સાથે જ એક પ્રકારનો ડર પણ જોવા મળી રહ્યો છે. દિલ્હી, મુંબઈ, કેરળ, ચેન્નાઈ અને સુરત જેવા મોટા શહેરોમાંથી હજારોની સંખ્યામાં લોકો પોતાના વતન પરત ફરી રહ્યા છે. ખાસ કરીને માલદા અને મુર્શિદાબાદ જેવા મુસ્લિમ બહુમતી ધરાવતા જિલ્લાઓમાં જનારાઓની સંખ્યા ઘણી મોટી છે. રેલવે સ્ટેશનો પર મુસાફરોની ભારે ભીડને કારણે સ્થિતિ પરપ્રાંતિયોના પલાયન જેવી જોવા મળી રહી છે. રેલવે દ્વારા વિશેષ ટ્રેનો દોડાવવામાં આવી રહી છે હોવા છતાં સ્ટેશનો ખચાખચ ભરેલા જોવા મળે છે.

દક્ષિણ કોરિયાના પ્રમુખ લી જે-મ્યુન્ગે ભારત અને દક્ષિણ કોરિયા વચ્ચેના વ્યૂહાત્મક સંબંધોને વધુ મજબૂત કરવા પર ભાર મૂક્યો છે. એક ખાનગી અખબારને આપેલા ઈન્ટરવ્યૂમાં તેમણે જણાવ્યું હતું કે, હોર્મુઝ સ્ટ્રેટ જેવા મહત્ત્વના દરિયાઈ માર્ગોની સુરક્ષા સુનિશ્ચિત કરવા માટે બંને દેશોએ સાથે મળીને કામ કરવું અત્યંત જરૂરી છે. તેમણે ચિંતા વ્યક્ત કરી હતી કે અમેરિકા અને ઈરાન વચ્ચેના લાંબા સમયના વિવાદને કારણે જો આ શિપિંગ રૂટ બંધ થાય, તો વિશ્વભરમાં તેલની કિંમતો વધી શકે છે અને વૈશ્વિક સપ્લાય ચેઈન ખોરવાઈ શકે છે.