નેપાળના વડાપ્રધાન બાલેન શાહે તેમના અગાઉના વિવાદાસ્પદ નિવેદન પર સ્પષ્ટતા કરતાં કહ્યું છે કે, નેપાળ-ભારત સરહદ વિવાદ ઉકેલવામાં યુનાઇટેડ કિંગડમની કોઈ મધ્યસ્થતા તેઓ ઈચ્છતા નથી. ચિતવન જિલ્લામાં યોજાયેલા કાર્યક્રમમાં તેમણે જણાવ્યું કે, કાલાપાની અને લિપુલેખ પર નેપાળ પાસે મજબૂત પુરાવા છે અને તેઓ પડોશી દેશ સાથે સીધી, પુરાવા આધારિત વાતચીત દ્વારા જ આ પ્રશ્નો ઉકેલવા માંગે છે. અગાઉ તેમણે બ્રિટિશ સરકારનો પણ ઉલ્લેખ કર્યો હતો, જેના કારણે વિવાદ સર્જાયો હતો. ભારતના વિદેશ મંત્રાલયે પણ સ્પષ્ટ કર્યું છે કે સરહદ વિવાદ ઉકેલવામાં કોઈ ત્રીજા પક્ષની ભૂમિકા નથી, અને આ મામલો દ્વિપક્ષીય વાતચીતથી જ ઉકેલાશે.