દેશની પ્રથમ મુંબઈ-અમદાવાદ બુલેટ ટ્રેનના પ્રારંભની આતુરતા વચ્ચે, તેના ભાડા અંગે ઉત્સુકતા વધી રહી છે. પ્રથમ તબક્કો સુરત-બીલીમોરા વચ્ચે આગામી વર્ષે શરૂ થશે. રેલવે મંત્રાલય અને NHSRCL દ્વારા ભાડા માળખા પર કામગીરી ચાલી રહી છે. ઇકોનોમી ક્લાસનું ભાડું લગભગ 3000 રૂપિયા અને બિઝનેસ ક્લાસનું 4000-4500 રૂપિયા આસપાસ રહેવાની શક્યતા છે. જોકે, પ્રોજેક્ટ ખર્ચ વધારા સાથે ભાવ 6000-7000 રૂપિયા સુધી પહોંચી શકે છે. NHSRCLના DPR મુજબ, ભાડું દુરંતો એક્સપ્રેસના ફર્સ્ટ-ક્લાસ AC કરતાં દોઢ ગણું, એટલે કે અંદાજે 3300 રૂપિયા પ્રસ્તાવિત છે. અમદાવાદ-મુંબઈ ફ્લાઇટ ટિકિટ કરતાં આર્થિક રીતે પરવડે તેવી સાબિત થશે.