નસવાડી આરોગ્ય કચેરીમાં CHO અને MPHW ની સમીક્ષા બેઠક યોજાઈ. જિલ્લાના EMO, MO-TC અને THO ની અધ્યક્ષતામાં જાહેર આરોગ્ય કાર્યક્રમોની ચર્ચા થઈ. વર્તમાન ઋતુને ધ્યાનમાં રાખી ચાંદીપુરા, મેલેરિયા, ડેન્ગ્યુ, ચિકનગુનિયા નિયંત્રણ કામગીરીનું મૂલ્યાંકન કરાયું. ગામોમાં તાવના કેસોની નોંધણી, સર્વે, લાર્વા નિયંત્રણ, સ્વચ્છતા અને જનજાગૃતિ પર ભાર મુકાયો. ક્ષયરોગ (ટીબી) નિયંત્રણ અને ટીબી મુક્ત ભારત અભિયાનના લક્ષ્યાંકો પૂર્ણ કરવા સૂચનો અપાયા. આરોગ્ય કેન્દ્રોની કામગીરી, માતા-બાળ આરોગ્ય, રસીકરણ, અસંક્રમિત રોગો, આરોગ્ય સર્વે અને સરકારી યોજનાઓના અમલીકરણ અંગે માર્ગદર્શન અપાયું.