રાણપુર શહેરમાં એક મહિનાની અંદર ચોરીના બનાવો વધવા લાગ્યા છે. ગત રાત્રિએ મેઘાણીનગર વિસ્તારમાં ત્રણ મકાનનાં તાળાં તોડીને સોના-ચાંદી સહિત રોકડ રકમની ચોરી થવા પામી છે. રહેવાસી ગીતિયાબેનના મકાનમાંથી સોના-ચાંદી સહિત ₹1,56,000 જેટલા મુદ્દામાલની ચોરી થઈ છે. ખાસ કરીને ખુશીદાબેનના મકાનમાંથી 6000 રૂપિયા રોકડ અને સોનાના આભૂષણની ચોરી થઈ છે. શેરી નં.3માં અબ્બાસભાઈના ઘરમાં તાળાં તોડી સામાન વેરવિખેર કર્યો હતો, પરંતુ ચોરી ના થવાની જાણ મળી હતી. સીસીટીવી ફૂટેજમાં ત્રણ અજાણ્યા શખસો બાઈક લઈને આવતાં દેખાયાં. પોલીસને જાણ થતા તપાસ હાથ ધરી છે.