ભારતના ગોલ્ડન બોય Neeraj Chopra એ Ostrava Golden Spike 2025માં શાનદાર પ્રદર્શન કરીને ગોલ્ડ મેડલ જીત્યો હતો. પેરિસ ડાયમંડ લીગ જીત્યાના માત્ર ચાર દિવસ પછી, નીરજે 24 જૂને યોજાયેલી આ સ્પર્ધામાં 85.29 મીટર દૂર ભાલો ફેંકીને એક નવો સીમાચિહ્ન હાંસલ કર્યો. આ સ્પર્ધા વર્લ્ડ એથ્લેટિક્સ સબકોન્ટિનેન્ટલ ટૂરની ગોલ્ડ લેવલ ટુર્નામેન્ટ હતી, જેમાં 9 ખેલાડીઓએ ભાગ લીધો હતો. ખાસ વાત તો એ છે કે નીરજે પહેલીવાર આ સ્પર્ધામાં ભાગ લીધો અને સીધો ખિતાબ જીત્યો.